Sport

S’do të ketë vaksinim të detyruar për futbollistët që marrin pjesë në Evropian

Lojtarët e Kombëtares së Anglisë nuk janë vaksinuar.

Published

5 years ago

on

Rasti i Busqets i cili rezultoi pozitiv ndaj testiti Covid-19 ka shkaktuar panik dhe tani ka lindur debati në lidhje me vaksinim e futbollistëve që do të marrin pjesë ne euro 2020. Çdo kombëtare pjesëmarrëse në europian i është lënë me dëshirë nëse duan të vaksinohen apo jo.

Lojtarët e Kombëtares së Anglisë nuk janë vaksinuar. Trajneri i “tre luanëve” Gareth Southgate pak kohë më parë i kërkoi autoriteteve që të vaksinonin futbollistët për shkak se janë të rrezikuar nga udhëtimet e shumta që bëjnë, por kërkesa e tij nuk u mor parasysh pasi qeveria britanike vazhdoji planin e saj duke vaksinuar kategoritë më të rrezikuara dhe jo duke privilegjuar futbollistët.

Sidoqoftë sipas asaj që raportojnë mediat në Britani duket se lojtarët tashmë edhe pse e kanë mundësinë të vaksinohen e kanë refuzuar një gjë të tillë, pasi nuk dëshirojnë që ky plan i qeverisë pra të anashkalohet duke i dhënë atyre një mundësi të tillë.

Belgjika ndërkohë ka marr vaksinën Johnson e Johnson. Të gjithë lojtarët dhe pjesëtarët e stafit janë vaksinuar prej duke marrë dozën e parë më 31 maj dhe 2 qershor.

Në radhët e Zvicrës i vetmi që i ka marr të dy dozat është trajneri i helvetëve Vladimir Petkoviç, ndërkohë pjesa tjetër e ka vetë në dorë nëse do të dëshirojë të vaksinohet ose jo.

Kombëtarja polake është një skuadër ku të gjithë lojtarët së bashku me stafin janë vaksinuar, ndërkohë përfaqësuesja austriake nuk e ka bërë një gjë të tillë, pasi stafi mjekësore i ekipit nuk ja kë këshilluar një gjë të tillë me argumentin se ndoshta për shkak të efekteve lojtarët nuk do të kenë mundësi të ndjekin stërvitjen.

Holanda ndërkohë një pjesë është vaksinuar ndërsa disa të tjerë nuk kanë preferuar të marrin dozat. Dorë të lirë është lënë edhe tek Franca, teksa trajneri i tyre Didier Deschamps nuk i ka detyruar lojtarët por i ka këshilluar se marrja e vaksinës është diçka e mirë.

Related Topics:
Continue Reading

Sport

Dy superndeshje të Botërorit luhen në orët e para të mëngjesit sipas kohës së Kosovës

Published

15 hours ago

on

July 2, 2026

By

Faza e eliminimit direkt në Kupën e Botës 2026 vazhdon me dy përballje interesante, që zhvillohen në orët e para të mëngjesit të së enjtes sipas kohës së Kosovës.

Vëmendja kryesore do të jetë te dueli mes Portugalisë dhe Kroacisë, që nis në orën 01:00. Të dyja përfaqësueset synojnë një vend në fazën e ardhshme të garës, në një ndeshje që pritet të jetë ndër më të fortat e këtij raundi.

Më pas, nga ora 05:00, Zvicra përballet me Algjerinë në një tjetër sfidë me eliminim direkt, ku humbësi i jep fund rrugëtimit në Botërorin 2026.

Fituesit e këtyre dy përballjeve do të vazhdojnë garën drejt fazës së ardhshme të Kupës së Botës.

D.L

Continue Reading

Sport

Kane me dy gola dërgon Anglinë në 1/8 e finales, tani e pret Meksika

Published

23 hours ago

on

July 2, 2026

By

Harry Kane ishte vendimtar në fitoren 2:1 të Anglisë ndaj Kongos, duke realizuar të dy golat që i siguruan “Tre Luanëve” kualifikimin në 1/8 e finales të Kupës së Botës.

Ndeshja e fazës së 1/16 së finales u zhvillua të mërkurën mbrëma në Atlanta. Anglia u befasua që në minutën e shtatë, kur Brian Cipenga kaloi Kongon në epërsi.

Skuadra angleze dominoi lojën dhe krijoi raste të shumta gjatë gjithë takimit, por goli i barazimit erdhi vetëm në minutën e 75-të. Kane realizoi me kokë nga afërsia, pas një asistimi të Anthony Gordonit.

Vetëm pak minuta më vonë, Gordoni asistoi sërish, ndërsa kapiteni anglez shënoi një gol të bukur me goditje të fuqishme për rezultatin përfundimtar 2:1.

Sulmuesi i Bayern Munichut vazhdon të jetë në formë të shkëlqyer në këtë Botëror. Ai tani numëron pesë gola në edicionin e vitit 2026 dhe gjithsej 13 gola në karrierë në Kupën e Botës.

Në 1/8 e finales, Anglia do të përballet me Meksikën më 5 korrik, në kërkim të një vendi në çerekfinale.

D.L

Continue Reading

Sport

Tielemans hero i Belgjikës, përmbys Senegalin në vazhdime dhe siguron kualifikimin

Published

23 hours ago

on

July 2, 2026

By

Youri Tielemans ishte heroi i Belgjikës, duke realizuar dy gola, përfshirë atë vendimtar nga penalltia në minutën e 125-të, për fitoren dramatike 3:2 ndaj Senegalit pas vazhdimeve dhe kualifikimin në çerekfinale të Kupës së Botës.

Ndeshja, e zhvilluar në Seattle, nisi të mërkurën mbrëma dhe përfundoi pas mesnate. Senegali ishte shumë pranë kualifikimit, pasi krijoi epërsi prej 2:0 falë golave të Habib Diarras në minutën e 25-të dhe Ismaila Sarrit në minutën e 51-të.

Belgjika nisi rikthimin në minutën e 86-të, kur zëvendësuesi Romelu Lukaku ngushtoi shifrat. Vetëm tri minuta më vonë, Tielemans realizoi golin e barazimit për 2:2, duke e dërguar ndeshjen në vazhdime.

Në 30 minutat shtesë nuk pati shumë raste, derisa në minutën e 122-të Tielemans u ndal në mënyrë të palejuar brenda zonës. Gjyqtari fillimisht lejoi lojën të vazhdonte, por pas rishikimit të situatës në VAR akordoi penallti për Belgjikën.

Vetë Tielemans mori përgjegjësinë për ekzekutimin dhe u tregua i saktë në minutën e 125-të, duke vulosur përmbysjen spektakolare dhe kualifikimin e Belgjikës.

D.L

Continue Reading

Sport

SHBA-ja mposht Bosnjë-Hercegovinën dhe avancon tutje 

Published

23 hours ago

on

July 2, 2026

By

Folarin Balogun realizoi një gol, por u përjashtua me karton të kuq në minutën e 64-t, ndërsa Shtetet e Bashkuara të Amerikës mposhtën Bosnjë-Hercegovinën me rezultat 2:0, duke siguruar kualifikimin në 1/8 e finales të Kupës së Botës.

Ndeshja e fazës së 1/16 së finales u zhvillua të enjten në Kaliforni, ndërsa në Kosovë u ndoq në orët e para të mëngjesit. Balogun realizoi golin e tij të tretë në këtë Botëror pak para përfundimit të pjesës së parë. Megjithatë, ai u ndëshkua me karton të kuq në minutën e 64-t, pasi gjyqtari rishikoi incidentin përmes sistemit VAR.

Edhe pse mbetën me një lojtar më pak në fushë, amerikanët arritën të vulosin fitoren. Malik Tillman realizoi golin e dytë në minutën e 82-të, duke shënuar nga një goditje dënimi.

Kjo është fitorja e parë e Shteteve të Bashkuara të Amerikës në fazën me eliminim direkt të Kupës së Botës që nga viti 2002.

Në 1/8 e finales, skuadra e drejtuar nga Mauricio Pochettino do të përballet me Belgjikën të hënën në Seattle.

D.L

Continue Reading

Të kërkuara