Pavarësisht se është një nga yjet më të mëdhenj të Hollivudit, George Clooney ka vendosur që të rrisë fëmijët e tij binjakë, Alexander dhe Ella, larg shkëlqimit të Los Angeles-it.

Aktori 64-vjeçar dhe gruaja e tij, avokatja Amal Clooney, e cila ka mirëpritur binjakët më 2017, kanë zgjedhur të jetojnë në një fermë në Francë, duke i ofruar fëmijëve një jetë më të qetë dhe larg vëmendjes së mediave.

Në një intervistë për Esquire, Clooney shpjegoi arsyen e këtij vendimi: “Rritja e fëmijëve tanë në Los Angeles, në kulturën e Hollywood-it, ishte diçka që më shqetësonte. Ndjeva se ata nuk do të kishin një shans të drejtë në jetë.”

Aktori shtoi se kultura franceze është më e qetë e nuk ka të njëjtin fokus mbi famën si në SHBA.

“Nuk dua që fëmijët e mi të krahasohen me fëmijët e njerëzve të tjerë të famshëm”, tha ai.

Clooney ka qëndruar larg mediave sociale, duke shprehur shqetësimin për ndikimin që mund të kenë tek ata kur të krijojnë llogaritë e tyre.

“Rreziqet janë të mëdha e pasojat zgjasi gjatë. Unë shqetësohem për fëmijët. I mbajmë larg internetit sa më shumë që të mundemi,” tha ai.

Ehe pse familja jeton jetë luksoze me pasuri rreth 550 milionë dollarë, Clooney përpiqet të ruajë normalitetin në jetën e përditshme.

“I çoj fëmijët e mi në shkollë çdo mëngjes. Jetoj një jetë normale – përveç kësaj,” tha aktori për Daily Mail. /A.Z/UBT News/

Bruno Mars u lind më 8 tetor 1985 në një familje artistësh në Honolulu, SHBA. Babai i tij ishte perkusionist dhe nëna këngëtare dhe kërcimtare.

Që në moshë të vogël, u ekspozua ndaj muzikës dhe performancave, duke interpretuar në grupin familjar që në moshën katër vjeç.

Pas përfundimit të shkollës së mesme, ai u transferua në Los Angeles për të ndjekur një karrierë muzikore, si kompozitor dhe producent për artistë të tjerë. Para se të bëhej këngëtar, Bruno bashkëpunoi me: Flo Rida, Travie McCoy dhe K’naan, duke shkruar dhe prodhuar hite si:

“Right Round” (Flo Rida ft. Ke$ha)

“Billionaire” (Travie McCoy ft. Bruno Mars)

“Wavin’ Flag” (K’naan)

Debuti i tij solo erdhi me EP-në It’s Better If You Don’t Understand dhe albumin “Doo-Wops & Hooligans” (2010), që përfshinte hitet:

“Just the Way You Are”

“Grenade”

“The Lazy Song”

Këto këngë e bënë atë një yll global dhe i sollën çmime të shumta Grammy.

Suksesi ndërkombëtar

Në 2012, Mars publikoi albumin “Unorthodox Jukebox”, me këngë si:

“Locked Out of Heaven”

“When I Was Your Man”

“Treasure”

Ky album e konsolidoi si një nga artistët më të kompletuar të dekadës. Ai ka performuar në Super Bowl Halftime Show në 2014 dhe 2016, duke qenë pjesë e një nga ngjarjet më të ndjekura televizive në SHBA.

Epoka “24K Magic” dhe Silk Sonic

Në vitin 2016, Bruno publikoi “24K Magic”, një sukses ndërkombëtar që përfshinte këngë si:

“24K Magic”

“That’s What I Like”

“Versace on the Floor”

Ky projekt i solli 7 Grammy, përfshirë “Albumin e Vitit”. Në vitin 2021, ai formoi duon Silk Sonic me Anderson .Paak. Albumi An Evening with Silk Sonic përfshiu superhitin “Leave the Door Open”, që fitoi çmime të shumta Grammy.

Bruno Mars njihet për energjinë e tij në skenë, vokalin e fuqishëm dhe kombinimin e zhanreve të ndryshme si pop, funk, soul dhe R&B, dhe sot mbush 40 vite jetë.

Ai është një nga artistët më të suksesshëm të viteve 2010-2020, me miliona albume të shitura dhe një numër të madh çmimesh ndërkombëtare. /A.Z/UBT News/

Prej vitesh është përfolur mundësia që Taylor Swift të performojë në skenën madhështore të Super Bowl-it — një nga ngjarjet më të ndjekura televizive në SHBA.

Megjithatë, këtë vit, këngëtarja ka konfirmuar se nuk do të jetë pjesë e spektaklit, pavarësisht se lidhja e saj me yllin e futbollit amerikan, Travis Kelce, e bënte skenarin të dukej ideal për një moment historik.

Gjatë një interviste në “The Tonight Show” më 6 tetor, Taylor tregoi se kompania Roc Nation, e themeluar nga Jay-Z, ka kontaktuar disa herë ekipin e saj për të diskutuar mundësinë e një performance në Super Bowl.

Ajo pranoi se Jay-Z ka qenë korrekt e mbështetës, por vendimi për të mos marrë pjesë këtë vit lidhet me angazhimin e partnerit të saj në sezonin e futbollit amerikan.

“Jam e dashuruar me një djalë që luan një sport shumë të rrezikshëm,” – tha ajo me humor. “Nuk mund të mendoj për koreografi dhe prova skenike ndërkohë që ai përballet me rrezikun çdo javë. Dua të jem e përqendruar në të dhe në ndeshjet e tij.”

Megjithatë, Taylor nuk e përjashtoi mundësinë që në të ardhmen të ngjitet në skenë, ndoshta pasi Travis të mbyllë karrierën e tij sportive.

Kështu, ajo la të hapur derën për një performancë që fansat do ta konsideronin si një nga momentet më të mëdha në historinë e spektaklit. /A.Z/UBT News/

Denise Richards ka dëshmuar në gjykatë kundër ish-bashkëshortit të saj, Aaron Phypers, gjatë një seance dëgjimore që lidhej me urdhrin e përkohshëm të mbrojtjes që ajo kishte kërkuar ndaj tij.

Gjatë dëshmisë, ajo foli për abuzimin e dyshuar gjatë martesës, duke deklaruar me lot në sy se Phypers shpesh e kishte kërcënuar me jetë.

“Ai më thoshte se do të më hidhte nga dritarja ose nga ballkoni i hotelit. Ai gati sa nuk më vrau,” tha ajo.

Richards shpjegoi rrethanat që çuan në ndarje, duke treguar se gjithçka kishte nisur pasi i kërkoi Phypers të largohej nga shtëpia.

“Ai u zemërua, ishte i paqëndrueshëm. Sapo isha shëruar nga një lifting i fytyrës e kisha ende qepje pas veshëve. Ai më kapi për krahësh, më bërtiti dhe më ofendoi, duke më quajtur ‘mashtruese dhe gënjeshtare’,” dëshmoi aktorja.

Sipas Richards, situata u keqësua ditën pas incidentit, kur Phypers dhe babai i tij hynë në dhomën ku ajo po flinte dhe e kërcënuan se do të publikonin foto nudo të saj.

Ajo pretendon se Phypers e goditi, ndonëse ai e ka mohuar akuzën. Ajo rrëfeu disa episode tjera të dhunshme, duke thënë se ish-bashkëshorti e kishte goditur në fytyrë dhe në kokë, si dhe e kishte kërcënuar me vrasje.

Aktorja shtoi se Phypers e kishte akuzuar për tradhti, pasi pretendonte se kishte gjetur mesazhe në telefonin e saj që tregonin për një lidhje jashtëmartesore diçka që ai nuk e pranoi. /A.Z/UBT News/