Sport

Scholes: Pogba do të bëj budallallëqe edhe në moshën 35 vjeçare

“Ai nuk ishte i mirë, ishte jo i fokusuar”, tha Scholes.

Published

5 years ago

on

Ish-mesfushori i Manchester United Paul Scholes ka thënë që Paul Pogba do të vazhdojë me budallallëqe edhe në moshën 35 vjeçare, pas paraqitjes së tij jo të mirë mbrëmë kundër Atalantas.

Pogba u rikthye në formacionin bazë në ndeshjen e mbrëmshme në Ligën e Kampionëve, pasi që mungoi në fitoren 3:0 të “Djajve të Kuq” kundër Tottenham në vikend për shkak të kartonit të kuq, përcjell KosovaPress.

Sidoqoftë, mesfushori francez u zëvendësua pas 69’ minutave lojë, duke liruar vend për Nemanja Matic, pasi që paraqitja e tij nuk ishte edhe aq e mirë.

Pogba humbi topin gjithsej 13 herë në mesfushën e United, dhe pavarësisht që është asistuesi më i mirë në Premier Ligë me gjithsej shtatë asistime, legjenda e Manchester United Paul Scholes nuk është i kënaqur me paraqitjet e tij.

“Ai nuk ishte i mirë, ishte jo i fokusuar. Nuk mendoj që duhet ta vëmë në pyetje karakterin e skuadrës, por mungonte kualiteti. Ne e njohim Pogban, kemi qenë me të. Atij gjithmonë i nevojitet dikush që t’i flasë. Atij i nevojitet dikush që ai e respekton. Atij i nevojiten lojtarë me eksperiencë përkrah”, tha Scholes për “BT Sport”.

“Sa vjeç është, 28,29? Ai me të vërtetë është një lojtarë me përvojë, por ai është një nga ata lojtarët që edhe në moshën 35 vjeçare do të jetë i njëjti. Ai do të vazhdojë me budallallëqe, duke mbajtur lojtarët, duke treguar se sa i fortë që është, duke treguar lëvizjet e tij dhe tani njerëzit janë të vetëdijshëm për këtë. Ata i shohin këto gjëra gjithmonë”, shtoi ish-mesfushori i United.

Këtë sezon, Paul Pogba në 13 paraqitje në të gjitha garat për Manchester United ka regjistruar shtatë asistime dhe asnjë gol mbi emrin e tij.

Related Topics:
Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

2 days ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Sport

Anglia triumfon ndaj Kroacisë dhe mban hapin me Spanjën

Published

3 days ago

on

November 13, 2026

By

Anglia ka regjistruar një fitore të rëndësishme me rezultat 2-1 kundër Kroacisë, në një ndeshje të mbushur me emocione dhe ndërhyrje të sistemit VAR.

Anglezët kaluan të parët në epërsi në minutën e 24-të me anë të Morgan Rogers.

Kroacia u kundërpërgjigj në pjesën e dytë, duke barazuar shifrat në 1-1 në minutën e 59-të përmes Petar Sucic.

Megjithatë, Anglia fitoi një penallti pas rishikimit me VAR, të cilën kapiteni Harry Kane e shndërroi në gol në minutën e 64-t për 2-1. Në fund, anglezëve iu anulua edhe një gol i James Garner për pozicion jashtë loje.

Pas kësaj fitoreje, Anglia renditet në vendin e dytë të Grupit 3 me 12 pikë, duke ndjekur nga afër lideren Spanja. /E.A/

Continue Reading

Lajmet

Spanja mposht Çekinë dhe mbetet e pamposhtur në krye të grupit

Published

3 days ago

on

November 13, 2026

By

Spanja ka vazhduar rrugëtimin e shkëlqyer në Ligën e Kombeve, duke shënuar fitore minimale 1-0 ndaj Republikës së Çekisë në kuadër të Grupit 3 të Ligës A.

Kampionia e Evropës kaloi në epërsi në minutën e 39-të përmes Alex Baenës, i cili realizoi një gol të saktë. S

panja rrezikoi sërish me Fabian Ruiz, ndërsa një gol i Yeremy Pinos në fillim të pjesës së dytë u anulua nga VAR-i për pozicion jashtë loje. Çekët e patën edhe më të vështirë nga minuta e 72-të, kur Ladislav Krejci u ndëshkua me karton të kuq pas rishikimit të një ndërhyrjeje në sistemin VAR.

Me këtë triumf, Spanja forcon pozitat në vendin e parë të grupit me 15 pikë të tubuara, pa pësuar asnjë humbje deri më tani. /E.A/

Continue Reading

Lajmet

Italia përmbys Francën 3-1 dhe merr kreun e grupit

Published

3 days ago

on

November 13, 2026

By

Kombëtarja e Italisë ka regjistruar fitoren e tretë radhazi, duke mposhtur Francën me rezultat 3-1 pas një përmbysjeje dhe duke u ngjitur në vendin e parë të grupit me 10 pikë, aq sa kanë edhe “Gjelat”.

Ndeshja nisi më mirë për francezët, të cilët kaluan në epërsi në minutën e 10-të me golin e Michael Olise, i cili përfitoi nga një gabim i portierit Gianluigi Donnarumma. Megjithatë, skuadra e drejtuar nga Roberto Mancini reagoi shpejt dhe barazoi shifrat në minutën e 26-të përmes Francesco Pio Espositos, pas asistimit nga Nicolo Cambiaghi.

Në pjesën e dytë, italianët shpërdoruan një rast të artë për të kaluar në epërsi, pasi Sebastiano Esposito humbi penalltinë në minutën e 60-të. Por vetëm tri minuta më vonë, Davide Frattesi realizoi për 2-1 pas një asistimi të Federico Dimarcos.

Fitoren e Italisë e vulosi sërish Francesco Pio Esposito në minutën e 75-të, duke u treguar i saktë nga pika e bardhë pas një penalltie të shkaktuar nga Dayot Upamecano, për rezultatin përfundimtar 3-1. /E.A/

Continue Reading

Të kërkuara