Lajmet

SBAShK-u e dorëzon në Ministri Draft-Kontratën e re të arsimit

Published

5 months ago

October 2, 2024

UBTNews

Edhe pse kryetari i Sindikatës së Bashkuar të Arsimit Shkencës dhe Teknologjisë (SBAShK) ka dorëzuar sot Draft Kontratën e re Kolektive të Arsimit, në arkivin e MASHTi-t, Rrahman Jashari nuk u prit nga ministrja e arsimit, Arbërie Nagavci.

Jashari, ka theksuar se është e katërta herë që i dërgon shkresa Nagavcit, por ajo në njëfarë forme, po i anashkalon takimet me SBAShK-un, duke thënë se “ka shumë takime brenda dhe jashtë vendit”.

Sipas tij si arsye e këtij “inati” të saj me SBAShK-un është që nga greva e mbajtur në vitin 2022.

“Sot në arkivin e MASHTi-t, ne dorëzuam draft kontratën e re kolektive të arsimit të Kosovës. Kontratë e cila përfshinë sistemin arsimorë që nga çerdhja deri në universitet. Kemi përgatitë draftin nga komisionet gjetës. I kemi bërë katër shkresa zonjës Nagavci dhe kabinetit të saj që në një ceremoni çoftë edhe modeste solemne, po ia dorëzojmë me një ekzemplarë tek tekstet e kontratës, përgjigjet kanë qenë vazhdimisht na jepni një kohë sepse, Nagavci paska shumë angazhime brenda dhe jashtë Kosovës, që ne kur e themi në gjuhën tonë, “nuk deshi të na takojë që nga greva e këndej”, e as sot për ta dorëzuar një ekzemplarë të kontratës”, ka thënë Jashari.

Duke shpresuar që ky inat të kalojë, Jashari shton se kjo është në dorë të ministres Nagavci dhe nëse ajo thotë se ndonjë nenë nuk është i qëlluar, atëherë komisioni do ta heq një nen të tillë.

“Uroj që ky inat e ky qëndrim kundër sindikatave dhe kundër SBAShK-ut t’i tejkalojë Nagavci dhe bashkë ta formojë pjesën tjetër të komisionit… Kontrata që e dorëzuam sot nuk ka dallime të mëdha, janë ruajtur të gjitha benefitet që i ka pasur kontrata e kaluar, ngase edhe sipas konventave ndërkombëtare dhe ato gjëra që fitojnë njëherë nuk bën të mohohen, së paku jo nga ne, por kemi bërë edhe ndonjë shtesë eventuale dhe gjithë kjo kontratë, ky draft, e ka mundësinë, e ka misioni i Nagavcit ta debatojë, diskutojë, të ulet me komisionin tonë dhe nëse ata na bindin se ndonjë nen nuk është i qëlluar, normal që komisioni do të konsultohet me bazën dhe do ta heq një nen të tillë”, ka shtuar ai.

Sipas Jasharit, sjellja e ministres, nuk është e duhura sepse kjo kontratë është obligative edhe nga ana e MASHTi-t.

Kjo kontratë, parasheh rregulla strikte që duhet të përmbahen nga punëtorët dhe punëdhënësit.

Sipas tij, pa këtë kontratë secili mund të sillet sipas “tekave” të tyre dhe në këtë mënyrë arsimi del jashtë “binarëve”

“Nëse Nagavci, del haptas dhe thotë “jo” kësaj kontrate, atëherë, i mbetet anëtarësisë sonë, cilido që është vendimi dhe zëri i anëtarësisë sonë, si në të kaluarën dhe tani do ta realizojmë, por nuk është mirë në këtë kohë të fillojë viti shkollor, ne nuk bëmë grevë edhe pse kishim kërkesa të parealizuara dhe nuk është mirë që Nagavci të sillet kështu sidomos ndaj kontratës e cila është obligim nga një anë e MASHTi-t dhe SBAShK-ut. Parasheh edhe rregulla strikte që duhet të përmbahen edhe punëtorët edhe punëdhënësit. Pa këtë kontratë, secili mund të sillet sipas tekave, e pastaj arsimi na del jashtë binarëve dhe shumë më keq sesa kur kemi kontratë”, ka theksuar Jashari.

Sipas ligjit të punës, kontratat e sektorëve duhet çdo tre vite të ri- negociohen e të nënshkruhen.

Related Topics:Ministria e Arsimit SBASHK

Up Next

Izraeli shpall ‘non grata’ Sekretarin e Përgjithshëm të OKB

Don't Miss

Bislimi konfirmon takimin me Sarrazin: Për CEFTA-n s’ka asgjë konkrete

Bota

Ish-udhëheqësi i Hezbollah do të varroset të dielën

Published

1 day ago

February 21, 2025

UBT NEWS

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Lajmet

Arrestohet ish-kryetarja e Nishit, Dragana Sotirovski

Published

1 day ago

February 21, 2025

UBT NEWS

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Lajmet

KQZ: Votat me kusht dhe ato nga Diaspora numërohen javën e ardhshme

Published

1 day ago

February 21, 2025

UBTNews

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

2 days ago

February 21, 2025

UBTNews

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.