Sport

Sauditët shfaqin interes për ta marrë nën pronësi klubin e njohur francez

Sauditët muaj më parë kishin shfaqur interes për Olimpique Marseille, mirëpo tani fokusi do të kthehet nga bardhekuqtë.

Published

on

Monaco së fundmi ka dalë në shitje nga pronarët rusë, të cilët aktualisht zotërojnë 65% e klubit, pasi 35% tjetër i përket familjes mbretërore të Principatës. Sauditët muaj më parë kishin shfaqur interes për Olimpique Marseille, mirëpo tani fokusi do të kthehet nga bardhekuqtë.

“Klubi është në shitje prej disa javësh, ka diçka të rëndë që do të ndodhë pas tij dhe nga burime të besueshme, nga ana e familjes së Princit dhe klubit, ka pasur afrime me sauditët, takime dhe shkëmbime mes tyre nga princat sauditë dhe princi Albert”, thuhet në mediumin spanjoll, RMC.

Sipas informacioneve, princi saudit ka qenë ai që ka mbajtur kontakte me Monaco-n, duke investuar edhe në prona të familjes mbretërore.

“Monaco është pak e veçantë, sepse janë 35% që i përkasin familjes së Principatës. Pra, ata automatikisht gjithashtu kanë fuqi. Por nëse do të vinin sauditët, do të investonin shumë dhe do të donin pak më shumë se 65% të aksioneve. Kjo është vështirësia për të arritur një marrëveshje”, shtohet në raportin e RMC-së./UBTNews/

Sport

Opsioni i vetëm i Barcelonës për të nënshkruar me Williamsin

Published

on

Klubi Athletic ka qenë i vendosur: nëse FC Barcelona dëshiron të sigurojë shërbimet e Nico Williams këtë verë, duhet të paguajë plotësisht shumën prej 62 milionë eurosh të përcaktuar në klauzolën e tij të lirimit, të indeksuar sipas inflacionit.

Nuk ka hapësirë për negociata apo marrëveshje kreative pagese. Klubi nga Bilbao nuk do të shqyrtojë asnjë marrëveshje apo afat, madje edhe nëse përfshin një shumë më të lartë. Vetëm pagesa e menjëhershme dhe e plotë do të çlironte anësorin, pasi ai është nën kontratë deri në vitin 2027.

Entiteti rojiblanco e konsideron këtë qëndrim të panegociueshëm. Çdo përpjekje nga Barça për të kërkuar një dalje të negociuar apo të shtyrë është e destinuar të dështojë. Rrethi i ngushtë i lojtarit e kupton se kërkimi i një ndërhyrjeje tek bordi i Athletic shkakton tensione të panevojshme. Siç raporton “Marca”, klubi bask mbetet i palëkundur në politikën e tij për të mos negociuar me asnjë ekip që përpiqet të marrë lojtarët kyç në mënyrë të tërthortë.

Nico duket i qartë për të ardhmen: ai dëshiron të veshë fanellën blaugrana dhe të bëhet pjesë e projektit të ri që do të udhëheqë rihapjen e “Camp Nou”.

Ai i ka injoruar propozimet për rinovim nga Athletic, pavarësisht se klubi është i gatshëm ta bëjë atë lojtarin më të paguar të skuadrës. Heshtja e tij tregon një dëshirë të fortë për të ndryshuar ambient.

Kjo situatë sjell ndër mend precedentin e vitit 2018, kur Manchester City pagoi klauzolën e lirimit të Aymeric Laporte. Athletic, besnik ndaj filozofisë së tij, reagoi duke forcuar skuadrën me Iñigo Martínez përmes të njëjtit mekanizëm.

Nëse Barcelona dëshiron të finalizojë këtë marrëveshje, nuk ka zgjidhje tjetër përveçse të ndjekë të njëjtën rrugë. Nuk ekziston asnjë alternativë tjetër.

Continue Reading

Sport

Nuk ishte vetëm çështje parash, Daku kthehet në stërvitje me ekipin e tij Rubin në 20 korrik

Published

on

Trajneri i tij parashikon që ai mund të vlejë 25 milionë euro. Mirlind Daku duhet thjesht që të punojë për të rregulluar shënjestrën, dhe pastaj do të kthehej në një nga sulmuesit më të vlefshëm të Europës.

Tekniku i Rubinit, Rahimov është i lumtur që transferimi i parashikuar i yllit kuqezi tek Zeniti nuk ndodhi, dhe që futbollisti do të bashkohet me ekipin në 20 korrik në nisje të fazës përgatitore. Nga Shën Peterburgu, flet presidenti I këshillit të drejtorëve të Zenitit, Aleksandr Medvedev, vjen sqarimi se dështimi për të marrë Dakun nuk ndodhi vetëm për shkak të mosmarrëveshjeve financiare.

“Pati edhe çështje të tjera, jo vetëm të aspektit financiar”, citohet të ketë thënë Medvedev. Më herët, një media ruse shkroi edhe për probleme politike, pra sesi do të pritej ardhja e tij nga tifozët.

Klubi nga Tatarstani besohet se do të nisë bisedimet për rinovimin e kontratës së shqiptarit, akord që përfundon verën e ardhshme, ai fiton vetëm 700 000 euro në muaj, ndërsa tek Zeniti kërkoi të paktën 3 milionë.

Të shohim se çfarë do të ndodhë, ndërsa kohë për transferim ka plot, dhe dëshira e lojtarit është që të luajë në Europën Perëndimore. Trajneri Rahimov ndërkaq komentoi se është e vështirë të gjesh një sulmues si Daku, me shtatlartësi 1.92 metra, që vrapon shpejt dhe e kontrollon topin.

Continue Reading

Sport

Aksident me motor për Vlade Divacin, legjenda e basketbollit shtrohet në spital në Mal të Zi

Published

on

Vlade Divac është përfshirë në një aksident me motoçikletë në Mal të Zi.

Sipas medias lokale “pobjeda.me”, legjenda e basketbollit evropian dhe botëror ka pasur një aksident me motoçikletën e tij në bregdetin e Malit të Zi.

Ai ra nga motoçikleta e tij pranë Lusticas dhe për shkak të lëndimeve që pësoi gjatë rënies, u desh të dërgohej në një spital aty pranë.

 

Continue Reading

Sport

Nora Gjakova, zyrtarisht anëtare e Komisionit të Sportistëve të IJF!

Published

on

By

Nora Gjakova, krenaria e sportit kosovar, ka shkruar edhe një kapitull të ri në historinë e saj të jashtëzakonshme – këtë herë jo me medalje të arta, por me përfaqësim dhe ndikim ndërkombëtar, raporton KosovaPress.

Kampione Olimpike, medaliste botërore dhe evropiane, Nora është tashmë zyrtarisht anëtare e Komisionit të Sportistëve të Federatës Ndërkombëtare të Xhudos (IJF) – një trupë elitare që formëson të ardhmen e këtij sporti në rang global.

IJF ka vlerësuar jo vetëm sukseset e saj sportive, por edhe urtësinë, përkushtimin dhe ndikimin që ajo ka brenda dhe jashtë tatamit. Roli i saj i ri është thelbësor: të jetë zëri i xhudistëve nga e gjithë bota, të shtyjë për politika të drejta dhe të kontribuojë në zhvillimin e xhudos me vizion e integritet.

Ky është një hap historik edhe për Kosovën – për herë të parë një sportiste nga vendi ynë bëhet pjesë e vendimmarrjes në një organizatë kaq të madhe ndërkombëtare.

Continue Reading

Të kërkuara