Lajmet

Saraçini: Izet Gjinovci arriti që ta ndërkombëtarizojë hendbollin kosovar

Published

on

Është mbajtur mbledhja komemorative me rastin e ndarjes nga jeta të sekaretarit të Federatës së Hendobollit, Izet Gjinovci. Me këtë rast drejtues të kësaj federate vlerësuan lartë kontributin e Gjinovcit dhënë për sportin në Kosovë. Ndërsa, nga Minisria e Kulturës vlerësuan se Gjinovci ishte frymëzim dhe shtyllë kyçe në hendboll.

Presidenti i Federatës së Hendobollit, Eugen Saraçini duke kujtuar punën e përbashkët me Gjinovcin, theksoi se tashmë i ndjeri ka dhënë kontribut të veçantë për federatën.

Ai theksoi se Izet Gjinovci arriti që ta ndërkombëtarizoi hendbollin kosovar.

“Nuk e kam pas asnjëherë parasysh se do të jem në kësi lloj situate që do te flasim në shenjë kujtimi të Izetit. Ka qenë e këndshme të punosh me Izetin. Na lehtësoj momentet e vështira, sepse jeta e tij ishte përplot me të reja e suporte. Çdo pikë loti që na shkon është edhe pikë gëzimi që kemi pasur një njeri aq të mirë si Izeti”, ka thënë ai.

Po ashtu, zëvendësministrja e ministrisë së Kulturës, Rinisë dhe Sportit, Daulina Osmani theksoi se Izet Gjinovci ishte frymëzim dhe shtyllë kyç në hendboll.

“Izeti përveç që ishte një punëtorë sportiv e jashtëzakonshëm, ishte frymëzim dhe shtyllë kyçe në hendboll. Ka qenë kënaqësi të kemi një bashkëpunëtorë të tillë”, ka shtuar ajo.

Bashkëshortja e të ndjerit, Izet Gjinovci, Valbona Gjinovci me lotë në sy falënderoi të gjithë për pjesëmarrjen në mbledhjen komemorative. Ajo theksoi se “unë nuk isha dashuria madhe e tij, sepse zemra e madhe e Gjinovcit rrehte për hendbollin.

“Ju falënderoj të gjithëve për pjesëmarrjen. Është e kotë fjala të flas për bashkëshortin. Nuk e kam privilegjin, sepse ju e njohët aq mirë e deshët aq shumë. Folët aq shumë për të, por një re e zezë këtë muajin e fundit iu afrua sa që e morri dhe e dërgoi lartë në qiell. Unë nuk isha dashuria madhe e tij, sepse zemra e tij e madhe rrehte për hendbollin”, është shprehur ajo.

Ndryshe, Izet Gjinovci ka kontribuuar në zhvillimin e hovshëm të ekipeve hendbollistike kombëtare, me dy kualifikime historike në Botëror dhe arritjen në nivele gjithnjë e më të larta me Kombëtaret A.

Izet Gjinovci ndërroi jetë të hënën paradite. Ai ka mbajtur postin e sekretarit të përgjithshëm të FHK-së nga viti 2002 e deri në frymën e fundit. I ndjeri, gjithë jetën ia ka kushtuar hendbollit.

Varrimi i Izet Gjinovcit bëhet të martën nga ora 17:00 në varrezat e fshatit Makërmal në Komunën e Skënderajt./UBTNews/

Lajmet

Plakolm pas takimit me Osmanin: Qeverisja e mirë e bashkëpunimi janë kruciale për të ardhmen e Kosovës në BE

Published

on

By

Ministrja e shtetit austriak për Evropën, Claudia Plakolm, po qëndron për një vizitë në Kosovë, ku edhe është takuar me presidenten e Kosovës, Vjosa Osmanin.

Plakolm në profilin e saj zyrtar ka shkruar se kanë biseduar për stabilitetin, qeverisjen e mirë dhe bashkëpunimin rajonal.

Për politikanen austriake të gjitha këto janë të rëndësishme për të ardhmen e Kosovës në Evropë.

Kënaqësi të takoj Presidenten Vjosa Osmani në Kosovë. Diskutuam rëndësinë e stabilitetit, qeverisjes së mirë dhe bashkëpunimit rajonal. Të gjitha janë thelbësore për të ardhmen e Kosovës në Evropë”, ka shkruar ajo./D.B/EO

Continue Reading

Lajmet nga UBT

Profesoresha e UBT-së, Dr. Blertë Zylfiu – Latifi publikon punim shkencor në revistën ndërkombëtare Journal of Stomatology

Published

on

Profesoresha e Fakultetit të Stomatologjisë në UBT, Dr. Blertë Zylfiu – Latifi, ka publikuar punimin shkencor me titull “Kosovar Dentists’ Knowledge on Oral Cancer” në revistën ndërkombëtare Journal of Stomatology (Poloni). Artikulli është botuar në vëllimin 78, numrin 3 të vitit 2025 dhe është i qasshëm në format Open Access përmes DOI.

Ky studim ka për qëllim të vlerësojë nivelin e njohurive të dentistëve kosovarë për kancerin oral, duke u fokusuar në njohuritë diagnostike, faktorët e rrezikut dhe aftësitë për identifikimin e lezioneve të hershme. Hulumtimi është zhvilluar me 147 dentistë të përfshirë në programet e specializimit në Qendrën Klinike Stomatologjike Universitare të Kosovës (QKSUK), dhe ka arritur një përgjigje prej 93.19% nga pjesëmarrësit.

Rezultatet tregojnë se dentistët specializantë në Kosovë kanë një nivel mesatarisht të kënaqshëm të njohurive mbi diagnostikimin e kancerit oral, ndërsa vërehet nevoja për arsimim të vazhdueshëm dhe trajnime profesionale në këtë fushë. Studimi thekson rëndësinë e edukimit të dentistëve në parandalimin dhe zbulimin e hershëm të kancerit oral, si pjesë e përpjekjeve për të përmirësuar kujdesin shëndetësor oral në vend.

Punimi është realizuar në bashkëpunim me Dr. Olsa Alku – Latifi, ndërsa është miratuar nga Oda e Stomatologëve të Kosovës (Ref. Nr. 12, 25.05.2021) në përputhje me Deklaratën e Helsinkit.

Ky publikim përbën një tjetër arritje të rëndësishme për UBT-në, duke dëshmuar angazhimin e stafit akademik në kërkimet shkencore me ndikim ndërkombëtar dhe në përmirësimin e praktikave klinike në stomatologji.

Continue Reading

Lajmet

60 aksidente e mbi 2 mijë gjoba trafiku për 24 orë në Kosovë

Published

on

By

60 aksidente kanë ndodhur në 24 orët e fundit në vendin tonë, ku 19 prej tyre janë me të lënduar dhe 41 me dëme materiale.

Sipas statistikave të përgjithshme të policisë, gjatë kësaj periudhe janë shqiptuar mbi 2 mijë gjoba trafiku.

Në 24 orëshin e fundit gjithashtu janë arrestuar nëntë persona dhe një është dërguar në mbajtje./D.B/EO

Continue Reading

Lajmet

Zbardhen detajet e vrasjes të gjyqtarit: Detektori e sinjalizoi prezencën e metaleve, roja qëndroi në karrige

Published

on

By

Policia në Tiranë ka dhënë detajet për vrasjen e gjyqtarit Astrit Kalaja në moshën 60 vjeçare në Tiranë. Aty tregohet se si i dyshuari kaloi nëpër detektor me armë, dhe roja qëndronte ulur në karrigen e tij. Gjithçka thuhet të jetë vërtetuar nga pamjet e kamerave.

Në orën 13:42, në ambientet e sallës së pritjes për publikun të Gjykatës janë futur dhe kanë kaluar nga pajisja skaner (detektor), njëri pas tjetrit, shtetasit E. Sh. dhe G. Sh. Në ekranin e detektorit është sinjalizuar prezenca e metaleve duke ndezur dritat e kuqe, por shtetasi B. K., me detyrë punonjës sigurie pranë Gjykatës së Apelit Tiranë, ka qëndruar i ulur në karrige dhe nuk ka kryer asnjë veprim për kontrollin fizik të këtyre shtetasve apo regjistrimin e tyre në librin e protokollit, ku duhet të evidentohen të gjithë personat që hyjnë dhe dalin nga ambientet e Gjykatës”, thuhet mes tjerash./D.B/EO

 

 

Continue Reading

Të kërkuara