Lajmet

Samsungu me tre ekrane vjen në fund të vitit, çmimi astronomik

Published

1 year ago

on

Pas viteve me prototipe që kanë tërhequr vëmendjen në panaire teknologjike, Samsungu është gati të lansojë telefonin me tre ekrane të palosshme deri në fund të vitit 2025.

Shumëkush priste që pajisja të prezantohej gjatë ngjarjes “Unpacked” në New York këtë javë, por ajo nuk u përmend. Megjithatë, në një konferencë për media pas prezantimit të telefonave të rinj me ekran të palosshëm, Roh Tae-moon, drejtuesi i divizionit të pajisjeve konsumatore në Samsung, konfirmoi se kompania po punon intensivisht në këtë pajisje të re.

“Jemi duke punuar intensivisht për telefonin me tre ekrane të palosshme me synimin që ta lansojmë deri në fund të vitit. Jemi të përqendruar në funksionalitetin dhe përvojën e përdoruesit. Ende nuk kemi vendosur një emër përfundimtar”, ka thënë ai për “The Korea Times”.

Samsungu nuk ka dhënë më shumë detaje, por një rrjedhje e fundit e një animacioni softuerik nga versioni i ri One UI 8 ka ofruar pamjen e parë të mundshme të pajisjes, që shumë po e quajnë “Galaxy G Fold”.

Bëhet fjalë për një telefon me tre ekrane të lidhura që mund të funksionojnë në mënyrë të pavarur ose të kombinohen në një sipërfaqe të vetme të madhe, të ngjashme me një tablet që futet në xhep. Ekspertët mendojnë se ky është hap logjik nga Samsungu përballë konkurrencës së Huaweit, që tashmë ka prezantuar modelin e vet me tre ekrane – Mate XT Ultimate Design.

Ashtu si Huawei, edhe telefoni i Samsungut pritet të ketë çmim të lartë fillestar, rreth 3 mijë dollarë. Kompania synon që në të ardhmen të ulë çmimin nën 2 mijë dollarë, me shpresën që telefonët me tri ekrane të bëhen standardi i ri.

Related Topics:
Continue Reading

Lajmet

Prishtinë: Arrestohet i dyshuari për lëndim të rëndë trupor

Published

15 minutes ago

on

August 19, 2026

By

Një person ka pësuar lëndime të rënda trupore si pasojë e një sulmi fizik që ka ndodhur në rrugën “Nikolla Tesla” në Prishtinë.

Sipas raportit 24-orësh të Policisë së Kosovës, incidenti ka ndodhur pas një mosmarrëveshjeje mes dy personave, me ç’rast i dyshuari e ka sulmuar viktimën duke i shkaktuar lëndime të rënda në kokë.

Viktima është dërguar menjëherë për trajtim të nevojshëm mjekësor në Qendrën Klinike Universitare të Kosovës (QKUK).

Ndërkaq, i dyshuari është arrestuar nga policia dhe, me vendim të prokurorit të shtetit, është dërguar në mbajtje.

Continue Reading

Lajmet

Tre të mitur arrestohen në Pejë pas përleshjes, një person dyshohet se u ther me thikë

Published

15 minutes ago

on

August 19, 2026

By

Sipas raportit të Policisë së Kosovës, tre të mitur meshkuj janë arrestuar në Pejë pas një përleshjeje, gjatë së cilës një person dyshohet se është therur me thikë.

Rasti ka ndodhur më 18 gusht, rreth orës 09:40, në rrugën “Agim Qela”. Sipas Policisë, gjatë përleshjes, njëri nga viktimat ka pësuar lëndime nga therja me thikë, ndërsa një person tjetër ka marrë lëndime të lehta trupore.

Të dy viktimat janë dërguar për tretman mjekësor.

Gjatë intervenimit, nga të dyshuarit janë konfiskuar një thikë dhe një pistoletë me gaz.

Pas intervistimit, me vendim të prokurorit, të tre të dyshuarit janë dërguar në mbajtje./A.K/

Continue Reading

Lajmet

Tentoi të grabiste një market në Prishtinë, nxori mjetin e mprehtë ndaj punëtores

Published

17 minutes ago

on

August 19, 2026

By

Sipas raportit të Policisë së Kosovës, një shtetas i Algjerisë është arrestuar në Prishtinë nën dyshimin për vjedhje grabitqare në një market.

Rasti ka ndodhur më 18 gusht, rreth orës 19:15. Sipas Policisë, i dyshuari gjatë incidentit ka nxjerrë një mjet të mprehtë para punëtores së marketit, por është ndaluar dhe arrestuar nga një zyrtar policor.

Gjatë kontrollit, nga i dyshuari është sekuestruar një mjet i mprehtë metalik dhe dy telefona celularë, ndërsa njëri prej telefonave dyshohet se rezulton të jetë i vjedhur.

Pas intervistimit, me vendim të prokurorit, i dyshuari është dërguar në mbajtje./A.K/

Continue Reading

Lajmet

Katër raste të dhunës në familje në Gllogoc, Fushë Kosovë, Leposaviq e Mitrovicë

Published

21 minutes ago

on

August 19, 2026

By

Sipas raportit të Policisë së Kosovës, katër raste të dhunës në familje janë raportuar më 18 gusht në Gllogoc, Fushë Kosovë, Leposaviq dhe Mitrovicë të Jugut.

Në Gllogoc, sipas Policisë, një grua dyshohet se është sulmuar fizikisht nga bashkëshorti i saj. Viktima ka pranuar tretman mjekësor, ndërsa pas inicimit të rastit, ajo së bashku me fëmijët është dërguar në strehimore. I dyshuari është liruar në procedurë të rregullt.

Në Fushë Kosovë, Policia ka raportuar se një grua dyshohet se në vazhdimësi ka përjetuar dhunë fizike dhe psikike nga bashkëshorti i saj. I dyshuari është arrestuar dhe, me vendim të prokurorit, është dërguar në mbajtje.

Në fshatin Belucë të Leposaviqit, sipas raportit policor, një person dyshohet se ka shfaqur sjellje agresive dhe ka demoluar disa gjësende në shtëpi. Policia ka bërë të ditur se dyshohet se ai ka probleme të shëndetit mendor dhe është dërguar për trajtim në Spitalin e Mitrovicës. Rasti është iniciuar në konsultim me prokurorin.

Ndërsa në Mitrovicë të Jugut, Policia ka raportuar se një grua dyshohet se është sulmuar fizikisht nga djali i saj. I dyshuari është arrestuar dhe, me vendim të prokurorit, është dërguar në mbajtje./A.K/

Continue Reading

Të kërkuara