Shëndet

Salsiçet kanë proteina por mos e teproni

Vitamina B12: 41% të dozës së rekomanduar ditore

Published

4 years ago

on

Salsiçet janë ndër produktet që konsumohen masivisht nga tryeza e shtëpisë tek fast food-et dhe restorantet. Ndonëse ka shqetësime serioze për përbërësit e këtij ushqimi të përpunuar, në rastet kur ky produkt është i bërë siç duhet mund të jetë një burim i mirë proteine.

Duke qenë se salsicet janë me përmbajtje mishi, nëse ai është i përzgjedhur siç duhet, një prej tyre ofron jo vetëm proteinë por edhe disa vitamina:

• Vitamina B12:41% të dozës së rekomanduar ditore
• Vitamina B1 (Thiamin):39% të dozës së rekomanduar ditore
• Seleniumi:30% të dozës së rekomanduar ditore
• Vitamina B3 (Niacina): 20% të dozës së rekomanduar ditore
• Zinku:16% të dozës së rekomanduar ditore
• Kolina:11% të dozës së rekomanduar ditore
• Fosfori: 10% të dozës së rekomanduar ditore
• Hekuri:6% të dozës së rekomanduar ditore
• Kaliumi:5% të dozës së rekomanduar ditore
• Vitamina D:4% të dozës së rekomanduar ditore

Një salsiçe ofron përafërsisht 20.5 gramë yndyrna, 3.2 gramë karbohidrate dhe 14. 3 gramë proteinë. Pavarësisht përmbajtjes së lartë të proteinës , ky produkt mbetet i përpunuar sepse në të ka shumë substanca shtesë që rrisin rreziqet ndaj shëndetit. Nëse i hani me kursim, salsiçet mund të jetë mirëbërëse, por sidoqoftë, mbetet mish i kuq dhe ai bashkë me mishrat e përpunuara nuk rekomandohen nga ekspertët. Sipas tyre, mishi i kuq dhe ai i përpunuar kanë një lidhje të drejtpërdrejtë me shfaqjen e sëmundjeve të zemrëz, diabetit apo edhe vdekjes së parakohshme.

Burime Të Tjera Të Rëndësishme Të Proteinës
Ekspertët, thonë se njeriu mund të ketë vakte të pasura me proteinë, sepse ushqimet që përmbajnë atë janë të larmishme. Për shembull, fasulet dhe legumet në përgjithësi janë ndjeshëm të pasura me proteina. Djathi dhe qumështi si dhe mishi pa dhjamë i shpendëve dhe shtazëve janë burime të konsiderueshme të proteinës.

Bajamet
Bajamet janë plot shije por edhe të pasur me ushqyes. Një sasi prej 30 gramë bajame ofron 6 gramë proteinë, 3.5 gramë fibër dhe 14 gramë yndyrna të shëndetshme. Këto ushqyes do ju mbajnë të ngopur dhe do të ruajnë peshën tuaj trupore.

Kosi i Shtëpisë
Njerëzit që duan t’i përmbahen aktivitetit të tyre fizik pavarësisht moshës, duhet të përqendrojnë energjitë e tyre tek ruajtja e shëndetit të kockave. Një filxhan kos ofron 22 gramë proteinë dhe 20 përqind të dozës së rekomanduar ditore për kalçium. Ky mineral është i domosdoshëm për shëndetin e kockave dhe ul rrezikun e osteoporozës.

Vezët e Ziera
Një vezë e zier shumë ofron 6 gramë proteinë. Veza ofron edhe kolinë, një ushqyes i rëndësishëm për shëndetin e zemrës.

Peshku Ton
Një racion me peshk ton që serviret në kanaçe ofron 11 gramë proteinë dhe vetëm 50 kalori. Ky racion ofron gjithashtu 20 përqind të dozës së nevojshme ditore për fosfor. Fosfori bashkëpunon me proteinën për të ruajtur masën muskulare tek të rriturit gjatë çdo moshe./AgroWeb

Related Topics:
Continue Reading

Shëndet

Sekreti i çokollatës së zezë për një trup më të ri

Published

10 hours ago

on

December 11, 2025

By

Një studim i ri ka gjetur një lidhje mes teobrominës, një përbërësi natyral i çokollatës së zezë, dhe ngadalësimit të plakjes biologjike.

Studiuesit analizuan mbi 1,600 persona në Britani dhe Gjermani dhe vunë re se ata me nivele më të larta teobromine kishin një moshë biologjike më të ulët se mosha reale.

Mosha biologjike mat gjendjen reale të trupit duke u bazuar në qelizat, indet dhe organet, dhe lidhet me faktorë si stili i jetesës, mjedisi dhe gjenetika.

Studiuesit përdorën ndryshimet në ADN dhe gjatësinë e telomereve për këtë matje.

Ekspertët theksojnë se nevojiten më shumë studime për të kuptuar ndikimin e teobrominës dhe paralajmërojnë që sheqeri dhe yndyra në çokollatë mund të ulin përfitimet.

Shija e çokollatës mund të shijohet në sasi të vogla dhe rrallë. /A.Z/UBT News/

Continue Reading

Shëndet

Varianti K: Mutacioni më infektues që po përhapet shpejt në botë

Published

2 days ago

on

December 10, 2025

By

Virusi i gripit AH3N2 ka pësuar mutacion dhe transmetueshmëria e tij është më e lartë.

Varianti K i këtij virusi ka rritur numrin e të shtruarve në spitale në vende të tjera të botës.

Në Shqipëri nuk ka vend për panik, thonë ekspertët, pasi ky virus ka qarkulluar në vendin tonë edhe më parë, dhe edhe pse ka një ndryshim, mbetet brenda të njëjtës familje.

Viruset e gripit pësojnë ndryshime për variantin e ri K nuk duhet të ketë panik, dhe pse nuk është në përbërjen e vaksinës për 2025–2026.

Vaksina na mbron gjithsesi duke rritur imunitetin. Në vende të ndryshme, varianti K i AH3N2 ka rritur numrin e të shtruarve në spitale dhe të atyre që rendin për t’u vaksinuar. /A.Z/UBT News/

Continue Reading

Shëndet

Kombinimet e rrezikshme të suplementeve! Çfarë nuk duhet marrë kurrë bashkë?

Published

2 days ago

on

December 10, 2025

By

Përdorimi i pakontrolluar i suplementeve mund të sjellë më shumë dëm sesa përfitim, paralajmërojnë mjekët.

Ata theksojnë se suplementet duhet të merren vetëm kur vërtetohet mungesa e një vitamine apo minerali dhe nën këshillim profesional.

Kombinimet e gabuara mund të zvogëlojnë efektin e njëri-tjetrit ose të shkaktojnë mungesa të rëndësishme ushqyese.

P.sh., konsumimi i kafesë me suplemente hekuri ul ndjeshëm përthithjen. Dr. Karan Rajan shpjegon se edhe marrja e sasive të mëdha të kalciumit ndikon negativisht në përthithjen e hekurit. Po ashtu, disa kombinime të suplementeve mund të shkaktojnë komplikime.

Kombinimet që duhet shmangur:

Kalcium dhe hekur – Nuk rekomandohet të merren njëkohësisht; duhet një interval prej së paku dy orësh. Hekuri përthithet më mirë me vitaminë C, ndërsa kalciumi nuk duhet marrë me ushqime të pasura me hekur.

Zink dhe kalcium – Konkurojnë për përthithje në zorrë, ndaj duhet të merren të ndara me të paktën dy orë diferencë.

Zink dhe hekur – Dozat e larta të hekurit (mbi 25 mg) ulin përthithjen e zinkut. Zinku duhet marrë pas disa orësh.

Çaji jeshil dhe hekuri – Ulin përthithjen e hekurit. Konsumimi i tepruar i çajit jeshil mund të çojë në mungesë hekuri.

Vitamina C dhe vitamina B12 – Vitamina C në doza të larta zvogëlon përthithjen e B12. Duhet të merren të ndara me disa orë.

Zink dhe magnez – Zinku në doza të larta pengon përthithjen e magnezit, prandaj rekomandohet marrja në kohë të ndryshme të ditës.

Mjekët këshillojnë që suplementet të përdoren me kujdes dhe vetëm kur janë të nevojshme, për të shmangur probleme shëndetësore të panevojshme. /A.Z/UBT News/

 

Continue Reading

Shëndet

Uleni temperaturën pa ilaçe, këshilla të thjeshta dhe efektive

Published

2 days ago

on

December 9, 2025

By

Virozat e ndryshme shkaktojnë temperaturë të lartë trupore, e cila mund të shkaktojë lodhje dhe ndjesi jo komode.

Ekzistojnë disa mënyra për të ulur temperaturën pa përdorur ilaçe, por është e rëndësishme të mbani mend se nëse zgjat për disa ditë, duhet të konsultoheni me mjekun.

Kjo sepse trupi mund të jetë duke luftuar ndonjë infeksion më serioz.

Ja dy metoda të thjeshta dhe efektive që mund t’ju ndihmojnë:

1. Patate:

Merrni një patate dhe pritini në rrathë të hollë. Vendosini rrathët brenda çorapeve dhe vishni, duke i mbajtur derisa të ndjeni se temperatura ka rënë. Patatja ndihmon në ftohjen e trupit në mënyrë natyrale. Kujdes: mos e mbani shumë gjatë, pasi mund të ulë temperaturën në nivele të tepërta.

2. Dush me ujë të vakët:

Kur keni temperaturë, dush me ujë të vakët ndihmon në uljen e saj. Mos përdorni ujë të ftohtë, sepse kjo shkakton të dridhura dhe të përkeqësojë gjendjen tuaj. Një dush i vakët ndihmon trupin të freskohet pa stres dhe rrit komoditetin gjatë shërimit.

Përveç këtyre, është e rëndësishme të qëndroni të hidratuar, të pushoni, të hani ushqime të lehta.

Kujdesi natyral dhe pushimi janë çelësi për rikuperim më të shpejtë. /A.Z/UBT News/

Continue Reading

Të kërkuara