Lajmet

Sali Berisha: Termi Shqipëri e madhe është fabrikacion serb

Published

5 years ago

on

Sali Berisha foli mbi bashkimin e Shqipërisë me Kosovën, ku tha se për të ideali i bashkimit të këtyre dy shteteve është i përjetshëm, mirëpo ai është i parimit se bashkimi politik duhet të bëhet vetëm me bashkërendimin me partnerët që ndihmuan në pavarësinë e Kosovës.

“Ideali i bashkimit kombëtar të shqiptarëve është i përjetshëm sepse ai copëzim që është bërë është bazuar në racizëm etnik, fetar dhe në parimet më çnjerëzore. A munden shqiptarët sot të marrin veprime për bashkim kombëtar pa bashkërendimin e atyre që janë aksionerë në lirinë dhe pavarësinë e Kosovës? Unë jam njeri i parimit të partneritetit dhe një hap të tillë nuk do e ndërmerrja”, u shpreh ish kryeministri.

Mirëpo Berisha shtoi se Shqipëria dhe Kosova munden që tani të zbatojnë procedura të cilat do e bënin kufirin Shqipëri – Kosovë të papërfillshëm.

“Por, ka shumë procedura që të dy qeveritë të mund të ndërmarrin dhe të bëjnë që kufiri midis Shqipërisë dhe Kosovës të jetë i parëndësishëm”, tha Berisha.

Për konceptin e Shqipërisë së madhe, Berisha tha se është term i krijuar nga Serbia, për të mbuluar për përpjekjet e tyre për Serbinë e madhe.

“Termi Shqipëri e madhe është fabrikacion serb. Në periudhën e krizës lindore kur u krijua çështja shqiptare ata e mohonin kombin, mohonin edhe termin Shqipëri po nuk flisnin kurrë për Shqipëri të madhe. Askush nuk e mohonte se territoret shqiptare ishin ndarë në 4 vilajete sipas dëshirës së saj që këta të mos mund të krijonin një njësi autonome. Shqipëria e madhe është një fabrikacion i Beogradit për të mbuluar përpjekjet e tyre për Serbinë e madhe”, u shpreh Berisha.

Related Topics:
Continue Reading

Lajmet

Tre persona arrestohen në Gjakovë, u gjenden dy thika dhe sprej OC

Published

8 minutes ago

on

September 21, 2026

By

Në Gjakovë, më 20 shtator 2026, rreth orës 17:35, janë arrestuar tre persona, meshkuj kosovarë.

Gjatë kontrollit tek të dyshuarit, Policia ka gjetur dhe konfiskuar dy thika dhe një sprej OC.

Pas intervistimit, me vendim të prokurorit, të dyshuarit janë liruar dhe rasti do të procedohet në procedurë të rregullt./A.K/

Continue Reading

Lajmet

Shtetasi turk arrestohet në Prizren, i gjendet 4.31 gramë marihuanë

Published

11 minutes ago

on

September 21, 2026

By

Në rrugën “Ekrem Rexha” në Prizren, më 20 shtator 2026, rreth orës 22:17, është arrestuar një shtetas i Turqisë nën dyshimin për posedim të paautorizuar të narkotikëve.

Gjatë kontrollit në banesën e tij, policia ka gjetur dhe konfiskuar një qese me substancë të dyshuar narkotike të llojit marihuanë, me peshë 4.31 gramë.

Me vendim të prokurorit, pas intervistimit, i dyshuari është liruar dhe rasti do të procedohet në procedurë të rregullt./A.K/

Continue Reading

Lajmet

Përleshje me armë dhe të lënduar në Prishtinë, arrestohen tre persona

Published

11 minutes ago

on

September 21, 2026

By

Sipas raportit 24-orësh të Policisë, ngjarja po hetosh për veprat penale “Lëndim i rëndë trupor”, “Sulm”, si dhe “Mbajtje në pronësi, kontroll ose posedim të paautorizuar të armëve”.

Si pasojë e përleshjes, dy nga të dyshuarit kanë pësuar lëndime trupore dhe janë dërguar me urgjencë për tretman mjekësor në Qendrën Klinike Universitare të Kosovës (QKUK).

Me vendim të prokurorit të shtetit, pas intervistimit, njëri nga të dyshuarit është dërguar në mbajtje, ndërsa dy të tjerët janë liruar dhe rasti ndaj tyre do të zhvillohet në procedurë të rregullt. Policia po vazhdon hetimet për zbardhjen e plotë të rrethanave të këtij incidenti. /E.A/

Continue Reading

Lajmet

Tri raste të dhunës në familje në Pejë dhe Klinë, tre persona të arrestuar

Published

14 minutes ago

on

September 21, 2026

By

Policia ka raportuar për tri raste të dhunës në familje të regjistruara në Pejë dhe Klinë gjatë datave 19 dhe 20 shtator.

Në Pejë, më 19 shtator, është arrestuar një grua kosovare, e cila dyshohet se ka sulmuar fizikisht një grua tjetër kosovare. Viktima ka pranuar tretman mjekësor. Me vendim të prokurorit, e dyshuara është liruar dhe rasti vazhdon në procedurë të rregullt.

Një rast tjetër është raportuar në Klinë më 20 shtator, rreth orës 12:00. Një burrë kosovar është arrestuar nën dyshimin se, pas një mosmarrëveshjeje, ka sulmuar fizikisht një grua, shtetase të huaj. Viktima ka pranuar tretman mjekësor. Me vendim të prokurorit, i dyshuari është liruar dhe rasti vazhdon në procedurë të rregullt.

Po më 20 shtator, rreth orës 18:10, në Pejë është raportuar edhe një rast tjetër. Një grua kosovare dyshohet se ka tentuar të sulmojë një grua tjetër dhe, gjatë përpjekjes për ta larguar, ka sulmuar fizikisht një burrë kosovar.

Viktima mashkull ka refuzuar tretmanin mjekësor. Me vendim të prokurorit, pas intervistimit, e dyshuara është liruar dhe rasti vazhdon në procedurë të rregullt./A.K/

Continue Reading

Të kërkuara