Lajmet

Sali Berisha dorëzon padinë kundër Antony Blinken

Padia e Berishës vjen pasi Departamenti amerikan i Shtetit, i ka ndaluar hyrjen në territorin amerikan.

Published

4 years ago

on

Ish-kryeministri i Shqipërisë, Sali Berisha ka dorëzuar në Gjykatën Korreksionale të Parisit padinë për shpifje ndaj Sekretarit amerikan të Shtetit, Antony Blinken.

“Kjo padi në gjykatë për shpifje bazohet në precedentë të mëparshme të ngjashme dhe në parimin universal se shpifja nuk ka imunitet sepse ajo nuk hyn në funksione zyrtare dhe për rrjedhojë imuniteti në rastin e shpifjes nuk mund të përdoret si mburojë”, tha të enjten Berisha në një konferencë për media.

Padia e Berishës vjen pasi Departamenti amerikan i Shtetit, i ka ndaluar hyrjen në territorin amerikan atij dhe anëtarëve të familjes së tij të ngushtë, për shkak të përfshirjes së tij në korrupsion të gjerë.

Në deklaratën e Sekretarit amerikan të Shtetit, Antony Blinken, thuhej se Berisha, në cilësinë e tij zyrtare, në veçanti si kryeministër i Shqipërisë, ishte i përfshirë në veprime korruptive, të tilla si shpërdorim i fondeve publike dhe ndërhyrje në proceset publike.

Në anën tjetër, Sali Berisha sot tha se vendimi i SHBA-së për ta shpallur person “non grata” është politik dhe pa baza, duke përsëritur se ndaj tij nuk është publikuar asnjë fakt, pavarësisht kërkesës së bërë tre muaj më parë.

“Kurrë se kisha menduar se do detyrohesha të ngreh padi ndaj një sekretari të SHBA-së, të një vendi që e adhuroj kaq shumë”, tha ish-kryetari i Partisë Demokratike (PD).

Ai u shpreh se kjo padi ndaj Blinken “është padi për dinjitetin njerëzor” dhe kundër “diktatit të barit” – duke iu referuar deklaratave të disa ditëve më parë të ambasadores amerikane në Shqipëri, Yuri Kim, e cila kërkoi nga kryetari i Partisë Demokratike, Lulzim Basha që kjo parti të distancohet nga Sali Berisha.

Ambasadorja Kim kishte marrë motiv sloganet e ish-diktatorit shqiptar, Enver Hoxha “bar do të hamë e armikut nuk do t’ia zgjasim dorën”, ku si armik e kishte identifikuar imperializmin amerikan dhe kërkoi nga PD-ja të marrë veprime të përgjegjshme për të ardhmen e Shqipërisë.

Berisha tha se pa marrë parasysh kërkesave të ambasadores amerikane, ai do të jetë deputet në parlament.

“Irritimi i saj ishte për daljen time në një televizion të Kosovës ku shpreha rezervat e mia ndaj Matthew Palmer për shkak se ai ka qenë promotor i projektit për ndryshimin e kufijve të Kosovës dhe unë kam qenë një nga kundërshtarët e flaktë të atij projekti”, tha ish-kryeministri Berisha.

Berisha ndër tjerash bëri të ditur se në takimin e zhvilluar në selinë e Partisë Demokratike mes Kim dhe Lulzim Bashës, kryetari i partisë i ka kërkuar ambasadores transparencë mbi akuzat, por që “nuk ka marrë përgjigje pozitive”.

Sipas Departamentit amerikan të Shtetit, ish-kryeministri shqiptar, ka përdorur pushtetin e tij për përfitime dhe për të pasuruar aleatët e tij politikë dhe anëtarët e familjes së tij.

Rrjedhimisht, u është ndaluar hyrja në SHBA, Berishës, bashkëshortes së tij, Liri Berisha, djalit të tij, Shkelzen Berisha dhe vajzës, Argita Berisha Malltezi.

“Këta individë nuk janë të përshtatshëm për të udhëtuar në Shtetet e Bashkuara”, thuhet në deklaratën e SHBA-së

Shtetet e Bashkuara e arsyetojnë vendimin me faktin se, i njëjti është në vazhdën e riafirmimit të përkrahjes së SHBA-së, për reformat kryesore politike dhe institucionet demokratike të Shqipërisë.

Berisha i ka mohuar të gjitha akuzat dhe ka kërkuar që të publikohen fakte.

Related Topics:
Continue Reading

Lajmet

Robert Rrahmani, “Ylli i Javës” në Superligë

Published

5 hours ago

on

September 22, 2025

By

Robert Rrahmani është zgjedhur futbollisti më i mirë i javës nga Federata e Futbollit të Kosovës.

Ai e bëri një paraqitje fantastike në fundjavë për ta ndihmuar Gjilanin që ta regjistrojë një fitore të rëndësishme ndaj Ferizajt në udhëtim me rezultat 1:0.

Ishte pikërisht goli i Rrahmanit ai që e vendosi fituesin e këtij dueli dhe me meritë atij i takon çmimi “Ylli i Javës”.

Pasi mori këtë çmim, Rrahmani u shpreh i lumtur që u vlerësua si lojtari më i mirë i javës.

“Për ndeshjen kundër Ferizajt jemi përgatitur shumë mirë dhe qëllimi ynë ka qenë vetëm fitorja dhe marrja e 3 pikëve. Nuk kemi pasur si synim as lojën e bukur, as të dalim nga detyrat tona. Trajneri na e ka bërë të qartë që duhet të luftojmë vetëm për tri pikë. Për Gjilanin, angazhimi dhe shpërblimi janë trofetë gjithsesi, sepse kemi një fond shumë të mirë lojtarësh dhe konkurrenca është e madhe dhe e shëndoshë. Nuk kemi më hapësirë për gabime”.

Ai gjithashtu falënderoi Federatën e Futbollit të Kosovës për çmimin.

“E falënderoj FFK-në për çmimin e dhënë dhe këtë çmim ia dedikoj bashkëlojtarëve për angazhimin dhe mundin e treguar, sepse edhe ata janë pjesë e këtij çmimi.”, tha ai për faqen zyrtare të FFK-së./S.K/EO/

Continue Reading

Aktualitet

Nga 23 deri më 25 tetor: UBT organizon Konferencën e Parë për Mjekësinë Sportive

Published

6 hours ago

on

September 22, 2025

By

UBT do të organizojë për herë të parë Konferencën Ndërkombëtare për Mjekësinë Sportive (IC-SM 2025), e cila do të mbahet nga 23 – 25 tetor 2025 në Parkun Shkencor, Inovativ dhe Teknologjik të UBT-së, në Lipjan. 

IC-SM 2025 është një konferencë ndërkombëtare ku pritet të marrin pjesë studiues të njohur, akademikë, doktorantë, profesionistë dhe ekspertë të fushës së mjekësisë sportive dhe shëndetit publik. Ajo do të shërbejë si një urë bashkëpunimi midis komunitetit akademik, institucioneve ndërkombëtare dhe organizatave sportive për të avancuar kërkimet dhe praktikat moderne në këtë disiplinë gjithnjë e më të rëndësishme.

Temat kryesore të konferencës

Konferenca do të mbulojë një gamë të gjerë temash, ndër to:

  • Mjekësia klinike sportive dhe rehabilitimi
  • Menaxhimi i sëmundjeve kronike dhe popullatat e veçanta
  • Aspektet neurologjike dhe psikologjike të sportit
  • Shëndeti publik, ushqyerja dhe farmacologjia
  • Teknologjia, etika dhe trendet e së ardhmes
  • Konsideratat kardiovaskulare dhe biomekanike

Pjesëmarrës eminentë

Konferenca do të mbledhë në Prishtinë personalitete botërore të fushës së mjekësisë sportive, si:

  • Prof. Dr. Fabio Pigozzi – President i Federatës Ndërkombëtare të Mjekësisë Sportive (FIMS) dhe lider global në shëndetin olimpik
  • Prof. Dr. Norbert Bachl – Nënkryetar i FIMS, specialist në fiziologjinë e ushtrimeve dhe mjekësinë sportive, Universiteti i Vjenës
  • Annika Hangleiter – Menaxhere projektesh në Wearables Technologies AG, ligjëruese në Universitetin e Aplikuar të Mynihut
  • Prof. Dr. Gobert von Skrbensky – Specialist i ortopedisë dhe traumatologjisë, Austri

Mbështetja institucionale

Konferenca organizohet nga UBT në bashkëpunim me:

  • Shoqatën e Mjekësisë Sportive dhe Ushtrimeve të Kosovës (KASEM)
  • Federatën Ndërkombëtare të Mjekësisë Sportive (FIMS)
  • Komitetin Olimpik të Kosovës
  • Rrjetin Universitar të Ballkanit Perëndimor SHAPE Project – Sport, Health, and the People

Afatet e rëndësishme

Afati për dorëzimin e abstrakteve: 10 tetor 2025

Njoftimi i pranimit: 17 tetor 2025

Afati i regjistrimit të hershëm: 17 tetor 2025

Afati i regjistrimit të vonuar: 20 tetor 2025

Afati i dorëzimit të punimeve të plota: 14 nëntor 2025

IC-SM 2025 shënon një hap të madh për Kosovën dhe rajonin, duke e vendosur UBT-në dhe Prishtinën si një qendër të rëndësishme shkencore dhe sportive në nivel ndërkombëtar.

Continue Reading

Lajmet

Muriqi realizon gol në ndeshjen Mallorca-Atletico Madrid

Published

6 hours ago

on

September 22, 2025

By

Sulmuesi kosovar, Vedat Muriqi, u konsiderua hero i Mallorcës pasi e shpëtoi nga humbja nga Atletico Madridi.

Mallorca dhe Atletico Madridi ndanë pikët pas barazimit prej 1-1, ku fillimisht mysafirët kaluan në epërsi me anë të Gallagher i cili realizoi për 0-1 në minutën e 79-të.

Por, festa e madrilenëve u prish vetëm gjashtë minuta më vonë pasi Muriqi realizoi gol të bukur me kokë për ta vënë sërish baraspeshën në fushë.

Me golin e sotëm, Muriqi arrin në shifrën prej katër golave të shënuara në pesë xhirot e para të La Ligës, e që aktualisht është golashënuesi i dytë më i mirë në La Liga, pasi mbi të është vetëm ylli Kylian Mbappe me pesë gola.

Mallorca gjendet në pozitën e 19-të me vetëm dy pikë, me pesë gola të shënuara në total, ku katër prej tyre janë të Muriqit, teksa Atletico Madridi gjendet në pozitën e 12-të me gjashtë pikë./S.K/KP/

Continue Reading

Lajmet

​Trepça e nis sot rrugëtimin evropian në basketboll

Published

7 hours ago

on

September 22, 2025

By

KB Trepça sonte do të përballet me kampionin e Holandës, Heroes Den Bosch, në çerekfinale të kualifikimeve për Ligën e Kampionëve në Basketboll.

Kualifikimet po mbahen në Samokov të Bullgarisë, ku ‘Xehetarët’ do të kenë përkrahjen e shumë mitrovicasve.

Nëse kampionët e Kosovës kalojnë këtë pengesë, atëherë në gjysmëfinale do të përballen me fituesin e ndeshjes Bakken Bears (Danimarkë) dhe BC Kutaisi 2010 (Gjeorgji).

Për të qenë pjesë e grupeve në Ligën e Kampionëve për herë të parë, ‘Xehetarët’ duhet të fitojnë tri ndeshje. Nëse nuk arrijnë të fitojnë, atëherë do të garojnë në grupet e FIBA Europe Cup, sikur edicionin e kaluar.

Sfida sonte zhvillohet nga ora 20:00./S.K/KP/

Continue Reading

Të kërkuara