Sport

Salah i gatshëm të largohet nga Liverpooli dhe t’i bashkohet një gjiganti tjetër në Premier Ligë

Salah ka qenë në bisedimet me Liverpoolin për më shumë se 12 muaj.

Published

on

Mohamed Salah mund të bëjë një transferim të papritur te njëri nga rivalët e Liverpoolit, pasi thuhet se dëshiron të qëndrojë në Premier Ligë edhe nëse nuk mund të bie dakord për një marrëveshje të re me “Të Kuqtë”.

Salah ka treguar se do të jetë pjesë e skuadrës së Jurgen Klopp edhe në sezonin e ardhshëm, por e ardhmja e sulmuesit egjiptian përtej kësaj date është e pasigurt.

Sipas “The Athletic”, 29-vjeçari do të preferonte të qëndronte në Premier Ligë sesa të largohej jashtë shtetit kur të skadojë kontrata e tij në “Anfield”, kështu duke alarmuar rivalët e Liverpoolit.

Salah ka qenë në bisedimet me Liverpoolin për më shumë se 12 muaj për të rinovuar kontratën e tij aktuale, por ende nuk ka nënshkruar ndonjë marrëveshje të re.

Po ashtu, siç raporton “Athletic”, nuk ka pasur bisedime ballë për ballë mes Salah dhe Liverpoolit në gjashtë muajt e fundit.

Hera e fundit që është diskutuar kontrata e tij e re, kishte pasur probleme me atë se çfarë Salah kërkonte dhe me atë se çfarë klubi ofronte, edhe pse numrat nuk janë publikuar.

Që prej transferimit nga Roma te Liverpooli, Mohamed Salah ka arritur të bëjë 254 paraqitje në të gjitha garat, duke regjistruar plot 156 gola dhe 63 asistime mbi emrin e tij.

Sport

Një sport i gjashtë do të shtohet për Lojërat Olimpike të vitit 2028

Published

on

Continue Reading

Sport

Kosova U21 arrin fitore ndaj Moldavisë

Published

on

Kombëtarja U21 e Kosovës ka shënuar fitore në ndeshjen e dytë miqësore në kuadër të grumbullimit në Antalya të Turqisë.

Pas humbjes (1:2) kundër Turqisë, djelmoshat e drejtuar nga Afrim Tovërlani kanë triumfuar ndaj Moldavisë, në ndeshjen e zhvilluar në Belek, me rezultat 2:1.

“Dardanët” U21 e dominuan lojën plotësisht nga fillimi dhe arritën të kalojnë në epërsi qysh në minutën e 7-të, me golin e Medin Gashit.

Edhe pse Kosova vazhdoi të kontrollojë lojën dhe pati disa raste të tjera për të shënuar, goli i dytë nuk erdhi.

Ndërkohë, moldavët arritën t’i barazojnë shifrat posa nisi pjesa e dytë.

Megjithatë, ky gol nuk i zmbrapsi djemtë dardanë, të cilët  arritën që të rikthehen shpejtë dhe të shënojnë golin e fitores përmes zëvendësuesit Kevin Krasniqi, në minutën e 65-të.

Përzgjedhësi Afrim Tovërlani e vlerësoi paraqitjen e ekipit si shumë të mirë, derisa i përgëzoi djemtë për angazhimin dhe fitoren e realizuar.

“Një paraqitje mjaft e mirë dhe një angazhim maksimal, edhe pse në këtë grumbullim kemi pasur shumë ndryshime. Krejt mesfusha është e ndryshme prej grumbullimit të muajit nëntor. Besoj se edhe me Turqinë kemi pasur paraqitje shumë të mirë, mirëpo ata janë shumë më të fortë se sa Moldavia. I përgëzoj djemtë për këtë angazhim dhe për këtë fitore, e cila sigurisht se do të na shërbejë që të kemi vazhdimësi më të mirë, por edhe djemtë do të fitojnë vetëbesim”, ka theksuar Tovërlani pas ndeshjes për faqen zyrare të FFK-së.

Continue Reading

Sport

Premier Liga refuzon kërkesën e Liverpulit dhe Evertonit

Published

on

Liverpuli dhe Evertoni kanë bërë një përpjekje të vonuar për të spostuar datën e derbit të Mersejsajdit, që do të zhvillohet në javën e ardhshme. Të dy klubet kërkuan që ndeshja, e cila është planifikuar për të mërkurën, 2 prill, të luhej një ditë më herët, përkatësisht të martën, 1 prill.

Kjo kërkesë kishte për qëllim të shmangte një ngarkesë më të madhe në kalendarin e ndeshjeve, duke pasur parasysh që Arsenali do të luajë përballë Fulhamit të martën mbrëma, përpara se të përballet me Evertonin të shtunën në mesditë. Të dyja skuadrat e Liverpulit menduan se do të ishte më e përshtatshme të luheshin një ditë më herët për t’i dhënë Arsenalit më shumë kohë për t’u rikuperuar dhe përgatitur për ndeshjen ndaj Evertonit.

Megjithatë, kërkesa e tyre është refuzuar nga Premier Liga, e cila ka vendosur që derbi i Mersejsajdit do të zhvillohet në datën origjinale, 2 prill./UBTNews/

Continue Reading

Lajmet

​Kërkohet bashkëpunim më i thellë Kosovë-Shqipëri në fushën e sportit

Published

on

Në një konferencë të parë sportive të organizuar nga Federata Shqiptare e Basketbollit, Federata e Basketbollit të Kosovës dhe Fakulteti i Edukimit Fizik dhe Sportit, u diskutua për mundësitë dhe rolin e bashkëpunimit më të thellë ndërmjet Kosovës dhe Shqipërisë në fushën e sportit. Temë kryesore ishte zgjerimi i bashkëpunimit, sidomos në basketboll, dhe përpjekjet për shtrirjen e këtij modeli edhe në sporte të tjera.

Një hap i parë i rëndësishëm është krijimi i Ligës Unike të Basketbollit ndërmjet dy vendeve, e cila është parë si një mundësi shumë e mirë për forcimin e lidhjeve sportive. Kryetari i Federatës Shqiptare të Basketbollit, Avni Ponari, theksoi se, megjithëse kishte kundërshtime fillestare, Liga Unike ka arritur të bëhet një ngjarje e rëndësishme, e njohur edhe nga FIBA.

“Përpjekjet tona kishin hasur në vështirësi, por ia dolëm ta realizonim. Pas gjithë pengesave, Liga Unike u bë pjesë e kalendarit të FIBA-s dhe ka sjellë shumë mundësi për zhvillimin e sportit të basketbollit në Shqipëri dhe Kosovë,” tha Ponari, duke përmendur rëndësinë e një ligje të miratuar nga Qeveria e Kosovës për mbështetje të basketbollit.

Kryetari i Komunës së Prishtinës, Përparim Rama, vuri në dukje bashkëpunimin e ngushtë ndërmjet Prishtinës dhe Tiranës në fushën e sportit, duke shtuar se ky bashkëpunim mund të forcohet edhe më tej. Rama theksoi se janë bërë hapa të rëndësishëm për promovimin e sportit, përfshirë edhe mbështetje për klubet dhe marketingun nëpërmjet bashkëpunimit me bizneset.

Arben Fetahu, kryetar i Federatës së Basketbollit të Kosovës, theksoi rëndësinë e mbështetjes financiare për të realizuar organizime të përbashkëta ndërmjet dy vendeve. Ai kërkoi më shumë mbështetje nga sektori publik dhe sponsorët për të mundësuar zhvillimin e sporteve ekipore.

Nga ana e tij, presidenti i Komitetit Olimpik të Kosovës, Ismet Krasniqi, garantoj mbështetje të vazhdueshme për federatat sportive, duke theksuar se Komiteti Olimpik është i gatshëm të përkrahë të gjitha iniciativat që promovojnë vlerat dhe sportin shqiptar.

Në kuadër të këtij bashkëpunimi, më 26 dhe 27 mars në Prishtinë do të zhvillohet Final 4 i Ligës Unike të Basketbollit, një ngjarje e rëndësishme për forcimin e lidhjeve sportive ndërmjet Kosovës dhe Shqipërisë.

Continue Reading

Të kërkuara