Lajmet

Sahatqija: Po presim programin qeverisës, LDK do ta rikthejë votën

Published

on

Qeveria e Kosovës në krye me Albin Kurtin ende nuk e ka bërë të ditur programin qeverisës përçka po kritikohet edhe nga opozita. Pa u kritikuar nuk kaloi as paraqitja e ministres së Punëve të Jashtme dhe Diasporë, Donika Gërvalla.

Kritika adreson edhe anëtarja e kryesisë së Lidhjes Demokratike të Kosovës (LDK), njëherit edhe ish-konsulle në New York, Teuta Sahatqija. Sahatqija në një intervistë për KosovaPress tha se marrëveshja e Washingtonit më 4 shtator të vitit të kaluar riaktualizoi Kosovën në skenën botërore.

Ndërkaq ajo u shpreh se qeveria Kurti duhet të synojë anëtarësimin e Kosovës në Këshillin e Evropës, Interpol, UNESCO dhe anëtarësime tjera.

Sa i përket programit qeverisës të Qeverisë Kurti II, Sahatqija thotë se LDK është në pritje dhe më pas do të fillojnë të tregojnë opozitarizmin. Ajo gjatë intervistës foli edhe për rikthimin e LDK-së në zgjedhjet lokale.

“LDK ka pas prononcim përmes kryetarit të saj Lumir Abvdixhiku i cili në prononcimin e tij ka thënë se kjo qeveri ende nuk ka filluar të funksionoj dhe gati një muaj që ka kaluar dhe ne ende nuk kemi program qeverisës dhe nuk kemi prononcim prej kryeministrit për asnjërën prej çështjeve dhe mendoj që kjo nisje me kaq neglizhencë është një tregues i mirë i qeverisjes. Por sa i përket kësaj, ne si parti, LDK është në pritje, do t’i japim më shumë kohë qeverisë që të fillojë të tregoj dhe opozitarizimin tonë atëherë do ta fuqizojmë edhe më tepër”, tha Sahatqija në një intervistë dhënë për KosovaPress.

Një “këshillë” tjetër e saj ishte edhe se në Këshill të Sigurimit, Kosova të mos përfaqësohet nga ministra të Jashtëm.

“Kosova diskutohet krahas me krizat ndërkombëtare të nivelit më të lartë dhe Rusia e shfrytëzon rastin që Kosovës t’i mvesh krimin, korrupsionin, islamizmin, dhunën ndaj minoriteteve dhe çka tjetër mos. Gjithashtu edhe Serbia është duke e përdorur këtë Këshill të Sigurimit si një platformë për urrejtje, për ngrite nacionalizmit. Ajo çka dalloi kësaj here është se ministrja e Punëve të Jashtme Gërvalla në fakt në vend se ta mbroj Kosovën dhe të jetë zëri i Kosovës ajo në disa pika ishte në akordancë të plotë me diskursin e Rusisë, ajo e quajti Kosovën si vend të krimit të organizuar dhe korrupsionit, pastaj tentoi të vendos një lidhje emocionale me Serbinë duke akuzuar Gjermaninë e cila në luftën e dytë botërore e ka bombarduar Serbinë. Mendoj që këto dyja dhe disa çështje tjera, disa mosreagime të ministres në keqpërdorimin e kësaj platforme ishin çështje që e dalluan këtë paraqitje të Kosovës prej paraqitjeve të tjera”, tha ajo.

Mirëpo ajo tha se Gërvalla bëri mirë që foli për dhunën gjatë luftës dhe për babanë e saj. Sahatqija sugjeron që në mbledhjen e Këshillit të Sigurimit, Kosova duhet ta dërgoj zyrtarin më të ulët për të përçuar mesazh se këto seanca nuk i duhen Kosovës dhe nuk e pasqyrojnë atë.

Gjatë intervistës dhënë për KosovaPress, Sahatiqija derisa tha se marrëveshja e Washingtonit e riaktuailizoi Kosovën në skenën botërore, theksoi se Ministria e Punëve të Jashtme dhe Qeveria e Kosovës të kenë planin e gatshme për të synuar anëtarësimet.

“Marrëveshja e Washingtonit ishte marrëveshja që e riaktualizoi Kosovën në skenën botërore. Përkundrazi për disa vite më herët Kosova ka pas rënë në listën e prioriteteve botërore dhe mendoj që kjo marrëveshje e Washingtonit dhe administrata e Trump e tollovitën, ngritën këtë amullinë dhe ngritën Kosovën në prioritetet. Dhe shtatori nuk duhet të na presin që t’ia fillojmë por duhet që deri në shtator Ministria e Punëve të Jashtme dhe Qeveria e Kosovës të kenë planin e gatshëm për të synuar anëtarësimet dhe të kenë votat e nevojshme për të realizuar këtë”, tha ajo për KosovaPress.

Sahtqija foli edhe për ndryshimet në Lidhjen Demokratike të Kosovës (LDK), ku është shprehur se kryetari i kësaj partie, Lumir Abdixhiku ka marrë përgjegjësi që ta rikthejë LDK-në aty ku e ka vendin.

“Kryesia, kryetari i ri e ka marrë një votë të madhe prej anëtarësisë duke i dhënë atij privilegjin e të qenit kryetar dhe njëkohësisht edhe një përgjegjësi të madhe të rikthimit të LDK-së aty ku e ka vendin, në krye të votave që të jetë një parti. Që të rikthehet njësi një parti më e fuqishme në Kosovë. Kryetari Abdixhiku e ka marrë me shumë seriozitet, kryesia që tash e kemi është një kryesi ku ka një prurje të madhe të të rinjve ka atë që jam shumë krenare, 10 gra janë në kryesinë e re dhe janë njerëz shumë energjik e që e përcjellin e energjinë që e ka sjellë kryetari Abdixhiku dhe mendoj që këto që i nismë janë vetëm fillimi i një reforme gjithëpërfshirëse. Ne kemi nisur me procesin e anëtarësimit të formimit të databazës së anëtarëve të LDK-së, të shtrirjes së reformave prej qendrës dhe nëpër degë të tjera dhe për përgatitjet për zgjedhjet lokale dhe për zgjedhjet e ardhshme të LDK-së që do të vijnë pas dy vitesh”, tha ajo.

Ajo beson që në zgjedhjet lokale do ta rikthejnë votën e LDK-së.

“LDK në Gjakovë ka pas mbi 60 përqind të votuesit por duhet ta kemi parasysh edhe ndryshimin e skemës së brendshme politike në Kosovë, zhvillimeve të ndryshme, arritjen e pavarësisë dhe të tjera. E gjithë kjo në fakt është përkthyer në votë dhe është përkthyer në kërkesë, mesazh të votuesit të LDK për reformë dhe ne dëgjuam votuesin tonë dhe vet zgjedhja e kryetarit me një numër kaq të madh tregoi atë përshtatjen me kërkesën të cilinë votuesi e LDK-së e bëri. Ajo çka u bë në qendër ajo do të vazhdoj edhe në secilën degë që përmes së mesazhit që votuesi na dha, përmes rifreskimit të degëve, përmes futjeve të metodave dhe politikave moderne për afrimin e të rinjve mendoj që LDK do të ketë sukses. Zgjedhjet lokale në vjeshtën e sivjetme do të jenë edhe një letër lakmusi, një indikator se si do të përkthehet kjo reformë në zgjedhjet lokale. Unë fuqishme besoj që zgjedhjet lokale nuk do të jenë ashtu siç ishin zgjedhjet parlamentare që LDK do të rikthejë votën dhe e gjithë punën që kemi duke e bërë në qendër dhe degë do të përkthehet në një votë më të madhe për LDK-në”, tha ajo.

Ajo tregoi edhe si do të veprohet me kandidatët për kryetarë të komunave nga kjo parti.

“Pas analizave që do ta bëjnë grupet e përcaktuara do ta kemi një pasqyrë më të qartë, por gjatë diskutimeve në kryesi e kemi lënë të hapur që personat që sjellin vota dhe që janë më të pranuar nga elektorati jonë dhe nga qytetarët dhe këto zgjedhje do të jen ë zgjedhje me një mendje më të hapur dhe besoj që do të rezultojnë me ngritje të votës për LDK-në. LDK do të punojë në secilën komunë për të fituar ndërsa vetë qytetari do të jetë ai që do të tregoj se në cilat komuna do të fitoj LDK”, tha ajo. 

Lajmet

​OpenAI mposht Grok-in e Elon Musk në turneun e shahut me AI

Published

on

OpenAI, krijuesi i ChatGPT, ka mundur Grok-in e Elon Musk-ut në finalen e një turneu për të shpallur lojtarin më të mirë të shahut me inteligjencë artificiale (AI).

Historikisht, kompanitë teknologjike shpesh kanë përdorur shahun për të vlerësuar përparimin dhe aftësitë e një kompjuteri, me makinat moderne të shahut që janë praktikisht të pamposhtura edhe nga lojtarët më të mirë njerëzorë, raporton BBC.

Por kjo garë nuk përfshinte kompjuterë të dizajnuar posaçërisht për shah ai u zhvillua mes programeve të AI që janë krijuar për përdorim të përditshëm.

Modeli o3 i OpenAI doli fitues pa humbje në turne dhe mundi në finale modelin Grok 4 të xAI, duke shtuar tensionin në rivalitetin në vazhdim mes dy kompanive. Musk dhe Sam Altman, të dy bashkëthemelues të OpenAI, pretendojnë se modelet e tyre të fundit janë më të zgjuarat në botë.

Modeli Gemini i Google mori vendin e tretë në turne, pasi mundi një model tjetër të OpenAI.

Megjithatë, këto AI, edhe pse të talentuara në shumë detyra të përditshme, janë ende duke u përmirësuar në shah – me Grok që bëri disa gabime gjatë ndeshjeve të fundit, përfshirë humbjen e herë pas hershme të mbretëreshës së tij.

“Derisa arriti në gjysmëfinale, dukej sikur asgjë nuk do ta ndalë Grok 4 drejt fitimit të ngjarjes”, tha Pedro Pinhata, një gazetar i Chess.com, në mbulimin e tij.

“Pavarësisht disa momenteve të dobësisë, AI e X dukej larg më e fortë si lojtar shahu… Por iluzioni u shemb në ditën e fundit të turneut”.

Ai tha se loja “e pakonceptueshme” dhe “gabimet” e Grok i mundësuan o3 që të merrte një sërë fitoreve të bindshme.

“Grok bëri shumë gabime në këto ndeshje, por OpenAI jo”, tha mjeshtri i madh i shahut Hikaru Nakamura gjatë transmetimit të tij live në finalen.

Para finales së të enjtes, Musk kishte thënë në një postim në X se suksesi paraprak i xAI-së në turne ishte një “efekt anësor” dhe se ata “nuk kanë shpenzuar pothuajse aspak përpjekje për shah”.

Continue Reading

Aktualitet

Vendimi i gjykatës: Popoviq dëbohet nga Kosova

Published

on

By

Igor Popoviq është shpallur fajtor dhe është dënuar nga Gjykata Themelore në Prishtinë me gjobë prej 3 mijë eurosh dhe me masën plotësuese të dëbimit nga territori i Kosovës për një periudhë dyvjeçare, pas arritjes së marrëveshjes për pranimin e fajësisë me Prokurorinë Speciale të Republikës së Kosovës.

Sipas aktakuzës së ngritur më 4 gusht 2025 nga PSRK-ja , Igor Popoviq, ndihmësdrejtor në të ashtuquajturën Zyrë për Kosovën në Qeverinë e Serbisë, me dashje dhe me qëllim ka nxitur dhe përhapur publikisht urrejtje dhe mos durim midis grupeve etnike.

Në atë mënyrë që i njëjti me datën 18 korrik 2025, rreth orës 12:00 në Rahovec ka mbajtur një fjalim publik me të cilin i është drejtuar një mase të gjerë të qytetarëve, ku mes tjerash ka përdorur gjuhë me përmbajtje nxitëse dhe urrejtëse.

Kryetari i trupit gjykues, gjyqtari Kujtim Krasniqi, tha se i akuzuari Igor Popoviq, me është shpallur fajtor për veprën penale “nxitja e përçarjes dhe mosdurimit” nga neni 141, paragrafi 1 i Kodit Penal të Republikës së Kosovës.

Sipas tij, gjykata, në përputhje me dispozitat penale dhe procedurale, e ka dënuar Popoviqin me 6 muaj burgim, dënim i cili, me pëlqimin e të akuzuarit, zëvendësohet me gjobë në shumën prej 3 mijë eurosh.

Krasniqi tha se gjykata ka shqiptuar edhe dënim plotësues, dëbimin e Popoviqit nga territori i Republikës së Kosovës dhe ndalimin e hyrjes së tij për një periudhë prej dy vitesh.

I akuzuari Igor Popoviq me shënime personale si në shkresë të lëndës është fajtor për veprën penale nxitja e përqarjes dhe mos durimit nga neni 141, paragrafi 1 i kodit penal të Republikës së Kosovës. Andaj gjykata konform dispozitave penale dhe procedurale të njëjtin e gjykon me dënim me burgim me kohëzgjatje prej 6 muajve, i cili dënim me pëlqimin e të akuzuarit zëvendësohet me dënim me gjobë në shumën prej 3 mijë eurove… Koha e kaluar në masën e paraburgimet nga data 18.07.2025 deri më datën 08.08.2025 i llogaritet në dënimin me burgim të shqiptuar. Po ashtu, Gjykata i shqipton edhe dënim plotësues. Urdhërohet dëbimi i të pandehurit Igor Popoviq nga territori i Republikës së Kosovës dhe i ndalohet hyrja për dy vite”, tha Krasniqi.

Mëngjesin e sotëm, më 8 gusht, Prokuroria Speciale i propozoi gjykatës që ndaj Popoviqit të shqiptohet i njëjtit dënim, sipas marrëveshjes, për veprën penale për të cilën akuzohet, gjashtë muaj burgim, i cili të zëvendësohet me gjobë në shumën prej 3 mijë eurosh.

Sot, prokurorja e rastit, Fikrije Krasniqi-Zejnullahu i propozoi gjykatës që ndaj Popoviqit të shqiptohet edhe dënimi plotësues – dëbimi nga territori i Kosovës për një afat prej dy vitesh, për çka palët janë pajtuar.

Avokati i Popoviq, Millosh Delliviq tha se i qëndrojnë mbrapa marrëveshjes së arritur me Prokurorinë Speciale.

Kujtojmë se arrestimi i Popoviq ndodhi pas mbajtjes së një fjalimi në Hoçë të Madhe të Rahovecit, ku ai u shpreh kundër Ushtrisë Çlirimtare të Kosovës.

Prokuroria vlerësoi se përmes këtyre deklaratave, Popoviq ka ndikuar negativisht në marrëdhëniet ndërmjet komuniteteve, duke nxitur mosbesim dhe tensione ndëretnike, dhe duke rrezikuar bashkëjetesën në shoqërinë kosovare.

Continue Reading

Aktualitet

​Qeveria në detyrë merr këto vendime në mbledhjen e radhës

Published

on

By

Qeveria në detyrë e Kosovës ka mbajtur sot mbledhje elektronike në të cilën ka marrë disa vendime.

Kabineti qeveritar në detyrë ka miratuar vendimin për shqyrtim të mëtejmë të kërkesës me vetiniciativë për shpronësim për interes publik të pronave të paluajtshme të cilat janë të nevojshme për realizimin e Projektit Infrastrukturor për Interes Publik- Ndërtimi i Urës mbi lumin Ibër që lidh Mitrovicën e veriut dhe Mitrovicën e jugut.

Po ashtu, janë caktuar zonat e shërbimit për ofruesit e shërbimeve të ujit në Kosovë, si dhe është miratuar ndryshimin e Statutit të Kompanisë Rajonale të Ujësjellësit “Mitrovica” sipas vendimit të bordit të drejtorëve.

Continue Reading

Aktualitet

​Kurti takoi ambasadorët e QUINT-it dhe shefin e Zyrës së BE-së në Kosovë

Published

on

Kryeministri në detyrë Albin Kurti ka pritur në takim ambasadorët dhe përfaqësuesit diplomatikë të shteteve të QUINT-it dhe shefin e Zyrës së Bashkimit Evropian në Kosovë.

Aty u diskutua mbi rrugën e integrimit të vendit tonë në BE, mos konstituimin e Kuvendit dhe arrestimet e qytetarëve të Kosovës nga Serbia.

Kurti informoi ambasadorët dhe përfaqësuesit diplomatikë për performancën ekonomike të vendit dhe rezultatet e politikave të qeverisë përgjatë pjesës së parë të këtij viti.

Ai tha se qarkullimi i bizneseve për gjashtë muajt e parë të vitit ka arritur vlerën 10.7 miliardë euro, duke shënuar një rritje 10.3%. Shpenzimet kapitale të qeverisë gjatë këtyre gjashtë muajve të parë janë 24% më të larta sesa në gjysmën e parë 2024.

Në çerekun e parë 2025, ekonomia është rritur për 3.61% të Bruto Produktit Vendor, tha ai.

Kurti ka folur edhe mbi numrin e bizneseve të reja të regjistruara këtë vit, si dhe veçoi të dhënat e fundit nga skema e punësimit “Qeveria për Familjet”, anëtarësimin e Kosovës në Regjistrin Evropian për Cilësi të Arsimit të Lartë dhe në Aleancën Evropiane për Praktikën Profesionale.

Continue Reading

Të kërkuara