Sport

​Sadiku synon olimpiadën e Parisit, por pa mbështetjen e merituar të shtetit

Ajo thekson se përtej këtyre sukseseve, kishte pritje më të mëdha nga vetja e saj.

Publikuar

Për boksieren kosovare, Donjeta Sadiku, 2023-ta ishte vit mjaft i suksesshëm duke u shpallur kështu kampione e Ballkanit në konkurrencën e saj, e po ashtu u rendit edhe si e pesta në Lojërat Evropiane. Ajo thekson se përtej këtyre sukseseve, kishte pritje më të mëdha nga vetja e saj.

“2023 për mua ka qenë një vit i suksesshëm, e pesta në Lojërat Evropiane, e para në Ballkan dhe shumë fitore të tjera në garat ndërkombëtare. Mirëpo vitin 2023 nuk e kam parashikuar dhe nuk e kam pritur kështu siç ka shkuar, mirëpo ka qenë një mësim shumë i madh për mua edhe jam shumë e kënaqur me gjërat ashtu siç kanë rrjedhur sepse gjatë këtij viti, kam mësuar shumë për veten time dhe për boksin”, tha Sadiku.

Ajo pranon se kishte synuar që kualifikimin për në Lojërat Olimpike Parisi 2024, ta siguronte gjatë vitit 2023, por kjo nuk ndodhi.

“Të them të drejtën unë kam pritur që do ta arrijë kualifikimin në Lojërat Evropiane, të cilat janë mbajtur në muajin qershor në Poloni, mirëpo nganjëherë nuk na shkon ashtu siç mendojmë, mirëpo nga ato lojëra kam mësuar shumë për veten time sa i përket boksit, kështu që jam e kënaqur ashtu siç kanë shkuar gjërat”, shtoi Sadiku.

Sadiku shprehet e habitur se si edhe pas këtyre sukseseve nuk ka marrë mbështetjen e duhur nga ana e shtetit.

“Pasi që jam shpallur kampione e Ballkani nuk është se kam marrë ndonjë mbështetje nga vendi ynë, mirëpo që unë jam e kënaqur nga vetja sepse kam arritur që të shpallem edhe si boksierja më e mirë e Ballkanit. Kështu që për mua është një rezultat shumë i mirë dhe që më shtyn të punoj edhe më shumë”, u shpreh boksierja kosovare.

Vitin 2024, kampionia ballkanike e sheh si vit të realizimit të ëndrrës së saj të madhe, që të ngrisë flamurin e Kosovës në Paris duke fituar medalje atje.

“Viti 2024 më pret me shumë gara, kam para vetes shumë sfida. Të them të drejtën vitit 2024 është viti në të cilin më jepet mundësia për ta realizuar një ëndërr të cilën e kam pasur gjatë gjithë jetës sime dhe është qëllimi im kryesor në boks, në karrierën time. Kështu që përgatitjet janë duke shkuar shumë mirë më trajneren time Marjola Sallauka edhe të gjitha gjërat varen prej nesh. Ne do të japim maksimumin tonë që të kemi paraqitje sa më të mirë në Paris edhe pse jo të ngrisim flamurin e Kosovës në Paris”, theksoi Sadiku.

Për t’i realizuar objektivat e saj, Donjeta po stërvitet fuqishëm, por për fat të keq në kushte tejet të vështira dhe për këtë situatë ajo shprehet krejtësisht e zhgënjyer.

“Pas dy medaljeve që i kam siguruar në vitin 2022, botërorin dhe evropianin, unë kam pritur që do ta kem një mbështetje pak më ndryshe dhe një trajtim pak më ndryshe se që e kam pasur më herët, por kjo gjë nuk ka ndodhur. Mirëpo, unë kam thënë që unë nuk dorëzohem asnjëherë, salla normalisht që nuk i plotëson kushtet e duhura, sidomos për një sportiste e cila synon të marrë pjesë në Lojërat Olimpike Parisi 2024, mirëpo unë dhe trajnerja ime nuk do të dorëzohemi asnjëherë. Thash që ajo çfarë varet nga ne do ta japim maksimumin tonë që të jemi formën më të duhur edhe ta përfaqësojmë vendin tonë Kosovën ashtu siç duhet. Kështu që unë po vazhdoj në këto kushte të ushtroj dhe të mos ndalem”, tha Sadiku.

Besim të madh te puna e Sadikut ka edhe vetë trajnerja e saj, Marjola Sallauka. Ajo shprehet e bindur se me punën që po bëhet, do të arrihet edhe norma për kualifikim në Lojërat Olimpike.

“Po punojmë fort për garat e ardhshme, çfarë ka shkuar…ka shkuar edhe po punojmë edhe më fort për kualifikuese e ardhshme…Ne synojmë që të kualifikohemi dhe besoj shumë në Donjetën, në punë tonë që po e realizojmë, në përkushtimin e saj edhe po besoj shumë që do të kualifikohemi”, tha Sallauka.

Garat për ta fituar normën që siguron pjesëmarrjen në Lojërat Olimpikë Parisi 2024, Donjeta Sadiku do t’i nisë në muajin shkurt.

Sport

Vjen oferta e parë për sulmuesin e Bolognas, Joshua Zirkzee

Së fundi sipas mediumeve italiane bëhet e ditur se një nga klubet e që ka filluar negocimin për futbollistin e Bolognas është Arsenali.

Publikuar

nga

Joshua Zirkzee po kalon një sezon të jashtëzakonshëm këtë vit në Serie A te Bologna. Sulmuesi holandez është një nga futbollistët kryesorë të skuadrës së Thiago Motta-s me 12 gola të shënuara dhe gjashtë asistime të dhuruara në 34 paraqitje deri më tani në të gjitha kompeticionet. Kjo ka bërë që ish-futbollisti i Bayernit të Munich-ut t’ua tërheq vëmendjen disa klubeve të mëdha evropiane.

Së fundi sipas mediumeve italiane bëhet e ditur se një nga klubet e që ka filluar negocimin për futbollistin e Bolognas është Arsenali, të cilët njëkohësisht janë në bisedime me agjentin e lojtarit, Kia Joorabchian, ku edhe është gati t’i ofrojë yllit të Bolognas një pagë me vlerë gjashtë milionë euro në vit, por pa harruar se duhet të përballet me konkurrencen e Interit, Milanit, Aston Villas dhe Manchester United, të cilët poashtu po e ndjekin me interes të lartë lojtarin.

Për Arsenalin 22-vjeçari tanimë është bërë prioritet sa i përket përforcimeve për sezonin e ardhshëm dhe pritet t’i dërgojë një ofertë Bolognas në javët në vijim./UBTNews/

Vazhdo të lexosh

Sport

Sot pritet të mësohen finalistët e Kupës së Kosovës

Sot pritet të zhvillohen ndeshjet e kthimit të fazës së gjysmëfinales së Kupës së Kosovës, ku dhe do të mësohet çifti i finales së kësaj gare.

Publikuar

nga

Sot pritet të zhvillohen ndeshjet e kthimit të fazës së gjysmëfinales së Kupës së Kosovës, ku dhe do të mësohet çifti i finales së kësaj gare. Sot pritet të zhvillohen ndeshjet e kthimit të fazës së gjysmëfinales së Kupës së Kosovës, ku dhe do të mësohet çifti i finales së kësaj gare.

Të dy ndeshjet e sotme do të zhvillohen me fillim nga ora 15:00. Drita e pret Prishtinën në shtëpi në stadiumin ndihmës te rrethi në Gjilan.

Ndërkaq stadiumi i qytetit në Suharekë do të jetë sot nikoqir i përballjes mes dy skuadrave të këtij qytetit, Ballkanit dhe Suharekës.

Në ndeshjet e para të mbajtura, Prishtina barazoi si vendase me Dritën 0:0, kurse Ballkani e mposhti Suharekën me rezultat minimal 1:0.

Vazhdo të lexosh

Sport

Probleme për Chelsean, Pochettino njofton për një mungesë të rëndësishme ndaj Arsenali

Skuadra e Mauricio Pochettinos pritet nga Arsenali në “Emirates Stadium”, ku edhe do të synojë fitoren në derbin londinez.

Publikuar

nga

Sonte (e marte) me fillim nga ora 20:00, Chelsea rikthehet të luajë në Premier League pas eliminimit në gjysmëfinalen e FA Cup nga Manchester City.

Skuadra e Mauricio Pochettinos pritet nga Arsenali në “Emirates Stadium”, ku edhe do të synojë fitoren në derbin londinez. Ndeshje kjo e cila nuk do të jetë aspak e lehtë, e aq më tepër kur vetë trajneri njoftoi se në përballjen e sotme do të mungojë një nga futbollistët më të rëndësishëm që ka në skuadër, Cole Palmer.

Në konferencë për shtyp, tekniku argjentinas u shpreh se sulmuesi është i sëmurë dhe nuk ka qenë bashk me skuadrën në stërvitjen e fundit, ndaj me shumë mundësi nuk do të jetë i gatshëm për ndeshjen me Arsenalin.

21-vjeçari ka impresionuar këtë sezon me Chelsean, ku në 27 paraqitje në Premier League ka shënuar 20 gola dhe ka dhuruar nëntë asistime./UBTNews/

Vazhdo të lexosh

Sport

Skuadra e Bundesligës futet në garë për shërbimet e Albion Rrahmanit

23-vjeçari po kalon një edicion të shkëlqyeshëm në kampionatin rumun, ku ka arritur të shënoj 16 gola dhe të dhuroj katër asistime në 21 ndeshje të luajtura në të gjitha garat deri më tani.

Publikuar

nga

Skuadra gjermane, Werder Bremen po e ndjek me shumë interes sulmuesin kosovar, Albion Rrahmani, i cili aktualisht luan te Rapid Burcuresti në Rumani.

23-vjeçari po kalon një edicion të shkëlqyeshëm në kampionatin rumun, ku ka arritur të shënoj 16 gola dhe të dhuroj katër asistime në 21 ndeshje të luajtura në të gjitha garat deri më tani.

Një gjë e tillë thuhet edhe nga mediumi gjerman “Liga Insider”, ku theksojnë se skuadra e Werder-it ka tanimë në listë emrin e kandidatit për të mbuluar repartin e sulmit.

Skautët e dërguar nga klubi gjerman ishin prezent nga afër për ta parë në ndeshjen e fundit ish-sulmuesin e Ballkanit, ku edhe arriti të shënojë dhe asistojë një herë. Megjithatë, bisedimet mes dy klubeve ende nuk kanë filluar.

Në anën tjetër, Werder Bremen do të përballet me konkurrencën e Slavia Prague që poashtu duket se janë të interesuar për të nënshkruar me Rrahmanin dhe madje ka dorëzuar një ofertë zyrtare, e cila u refuzua.

Çmimi i reprezentuesit kosovar në tregun e transferimeve arrin në shifrën e 2.3 milionë eurove./UBTNews/

Vazhdo të lexosh

Të kërkuara