Aktorja e njohur, Dakota Johnson, ka folur hapur për lidhjen e saj “të çuditshme” me yllin e muzikës, Madonna, të cilën e përshkruan si “energji pranë së cilës ia vlen të jesh”.

“Është miqësi e çuditshme, por e veçantë. Madonna ka një energji që tërheq, dhe është një energji që ia vlen ta ndiej pranë vetes”, ka thënë Johnson.

35-vjeçarja, vajza e aktorëve Don Johnson dhe Melanie Griffith, ka treguar se ka takuar për herë të parë Madonnan kur ajo ka punuar me njerkun e Johnsonit, artistin, Antonio Banderas, në filmin “Evita” në 1996.

“E kam dashur gjithmonë. Kemi qenë shoqe të çuditshme për një kohë. E takova kur isha shumë e re, sepse ajo bëri një film me njerkun tim. Më pas e njoha më mirë sepse punuam pak bashkë për një projekt tjetër, gjithmonë kemi qenë rrotull njëra-tjetrës”, tha ajo për ENews.

Aktorja e “The Materialists” e ka përshkruar Madonnan si “energji” dhe ka thënë se ende i duket sureal fakti që e njeh.

“Është një energji pranë së cilës ia vlen të jesh, por është e bukur, e çmendur, është e mrekullueshme që ajo dëshiron të flasë me mua”, ka shtuar Johnson.

Ajo foli edhe për miqësinë e saj me kolegen nga “Splitsville”, Adria Arjona, me të cilën u njohën dhe e vazhduan miqësinë gjatë xhirimeve të komedisë së re.

“Na e duam shumë njëra-tjetrën. Kur je në xhirime, lidheni me njëri-tjetrin. Shkuam në ndeshje hokeji dhe pastaj pimë shumë tekila”, pati thënë Johnson.

Ylli, e cila është producente filmash, u shpreh e kënaqur edhe me rolin që ka pasur prapa skenës, pasi kjo punë ia ka bërë të mundur që të krijojë ambient të mirë të punës për të gjithë ekipin.

“Nëse nuk ka bashkëpunim të shëndetshëm, nëse nuk është kombinim i mirë, nuk e bëjmë. Nuk mund të humb kohë në skena toksike, apo në situata që nuk janë të këndshme, të frytshme a të shëndetshme. Një nga avantazhet e prodhimit është se mund të bashkojë njerëz të mrekullueshëm dhe të krijojë diçka”, pati thënë ajo për Variety.

Aktorja ka shtuar se nuk ka asnjë dëshirë të punojë me dikë që është i keq, i përçmueshëm ose i pasjellshëm.

“Nuk dua të përballem me njerëz që nuk janë të gatshëm të bashkëpunojnë. Të gjithë dimë tashmë çfarë është ambienti toksik i punës. Ne jemi artistë, kështu që ka hapësirë për personalitete të gjera dhe po punojmë me emocione”, ka përfunduar Johnson.

Artistja shqiptare me famë botërore, Bebe Rexha, ka njoftuar se sonte do të publikohet projekti i saj më i ri muzikor, një bashkëpunim me DJ-në e njohur belg, Netsky.

Kënga mban titullin “Light That Leads Me” dhe pritet të sjellë një tjetër dimension në repertorin e saj muzikor.

Përmes një videoje të publikuar në InstaStory, ku shfaqet pa filtra dhe pa makijazh, Bebe u tregua e sinqertë me fansat e saj, duke ndarë disa detaje rreth këtij projekti dhe situatës aktuale të albumit të saj të ardhshëm BR4 (Bebe Rexha 4).

“Shumë njerëz më kanë pyetur për albumin tim BR4, dhe e vërteta është që nuk është gati ende. Jam duke punuar shumë fort për të, por ndërkohë kam një këngë që do të publikohet sonte. Është bashkëpunimi im me Netsky, një producent dhe DJ i jashtëzakonshëm. Kënga titullohet Light That Leads Me dhe shpresoj që ta pëlqeni”, tha Bebe në videon e saj.

Ky bashkëpunim vjen në një moment kur pritshmëritë për albumin e ri të Rexhës janë mjaft të larta, duke qenë se çdo projekt i saj i mëparshëm është pritur me shumë sukses global.

Publikimi i “Light That Leads Me” shihet si një dhuratë e veçantë për fansat që mezi presin kapitullin e ardhshëm të karrierës së saj.

Aktori i “Nip/Tuck”, Dylan Walsh, 61 vjeç dhe familja e tij përjetuan një aksident automobilistik të frikshëm këtë fundjavë në Rumson, New Jersey.

Sipas TMZ, automjeti, një Ford Explorer 2022, u përplas me dy shtylla elektrike, duke shkaktuar dëme të konsiderueshme në pjesën e përparme të makinës.

Makina fillimisht po lëvizte në drejtim të veriut rreth orës 5 të pasdites përpara se të devijonte papritur në korsinë jugore dhe të godiste shtyllën e parë, tha Departamenti i Policisë së Rumson. Makina vazhdoi të lëvizte dhe përfundimisht u përplas në një shtyllë tjetër të shërbimeve.

Dy nga pesë pasagjerët u transportuan në Riverview Medical Center për shkak të dhimbjeve, ndërsa aktualisht nuk është bërë e qartë se kush ishte duke drejtuar veturën. Për fat të mirë, të gjithë janë jashtë rrezikut dhe janë rikuperuar, sipas një deklarate për Page Six.

Familja shprehu mirënjohje për reagimin e shpejtë të policisë, zjarrfikësve dhe stafit mjekësor.

Ky aksident ndodh më pak se një muaj pas vdekjes së ish-bashkëshortit të tij në “Nip/Tuck”, Julian McMahon, i cili ndërroi jetë pas një beteje me kancer në moshën 56-vjeçare.