Shëndeti

Sa i dëmshëm është përdorimi i vazhdueshëm i dezinfektantëve?

Përdorimi i vazhdueshëm i tij mund të shkaktojë disa dëme.

Published

on

Në fillim të pandemisë, dëgjonim shpesh se një nga mënyrat për tu mbrojtur nga virusi ishte edhe përdorimi i dezinfektuesëve.

Ambientet e banimit dhe ambientet publike, iu nënshtruan një faze të gjatë dezinfektimi.

Por, sa i dëmshëm është përdorimi i vazhdueshëm i dezinfektantëve?

Dhe a ndikon në shëndetin tonë higjena e tepërt? AgroWeb.org duke u bazuar në këshillat e ekspertëve botërorë të shëndetit, ju fton ta zbuloni më poshtë.

Mund të irritojë lëkurën tuaj

Mahboobeh Mahdavinia, profesor i asociuar për alergjitë dhe imunologjinë në Universitetin Rush, raporton se numri i pacientëve me lëkurë të irrituar është dyfishuar që nga fillimi i pandemisë.

Dermatiti i kontaktit shfaqet me skuqje dhe inflamacion, ndërsa ekzema shkakton tharje të lëkurës, luspa dhe kruarje.

“Këto mund të jenë reaksione alergjike ndaj dezinfektimit të shpeshtë dhe përdorimit të pastruesve të duarve.”, vazhdon ai.

Mund të dëmtojë sistemin imunitar

Duket kontradiktore, por një mjedis tepër i pastër mund ta bëjë më të vështirë për trupin tuaj të luftojë infeksionet.

Pastrimi i tepërt do të shkatërrojë bakteret e mira dhe ato të këqija.

Bakteret “e mira” luajnë një rol vendimtar në parandalimin e infeksioneve dhe të qënurit i shëndetshëm.

Për të rriturit, efektet janë kalimtare dhe bakteret e mira do të fillojnë të rriten përsëri brenda disa orësh nga përdorimi i dezinfektuesit. Por për fëmijët e vegjël, efekti mund të jetë afatgjatë.

Mund t’i shkaktojnë fëmijëve dhe kafshëve shtëpiake probleme në gojë

Fëmijët e vegjël shpesh vendosin duart dhe sendet e tjera në gojë. Po ashtu qentë dhe macet kanë tendencë të lëpijnë sipërfaqet.

Nëse disa nga kimikatet toksike të përdorura në produktet dezinfektuese gëlltiten aksidentalisht, kjo mund të krijojë shqetësime si të përziera, diarre dhe të vjella.

Përveç se të pastroni më rrallë, qëndroni tek produktet dezinfektuese me alkool izopropil.

Alkooli shkatërrohet me shpejtësi nga trupi, kështu që nuk është aq i rrezikshëm sa disa përbërësit e tjerë kimik, të pastrimit.

Mund të shkaktojë probleme me frymëmarrjen

Njerëzit më të rrezikuar janë ata me sëmundje pulmonare ose të frymëmarrjes si astma.

Mund të shkaktojë gulçim tek njerëzit me astmë, mosfunksionim të akordit vokal ose hiperosmi, një ndjesi të shtuar të nuhatjes.

Përdorni më mirë peceta sesa shishe me spërkatje, hapni dritaret dhe dyert. Gjithashtu mbani doreza ose lani duart mirë pas pastrimit me dezinfektues.

Pra, sa e keqe është me të vërtetë të përdorësh dezinfektues gjatë gjithë kohës?

Marrja e masave shtesë të pastrimit gjatë pandemisë është e pranueshme. Por në kohë normale, këto dezinfektues nuk duhet të përdoren rregullisht në shtëpinë tuaj, përveç se në banjë. Gjithashtu, pastroni kuzhinën çdo ditë, për të eleminuar patogjenët që vijnë nga ushqimi.

Megjithatë ekspertët mbështesin më tepër ajrimin dhe filtrimin e ajrit, në ambientet e mbyllura sesa dezinfektimin e çdo sipërfaqeje./AgroWeb.org

Continue Reading

Shëndeti

Sporti ndihmon edhe në përmirësimin e shikimit

Published

on

Sporti është një ndër aktivitetet më të vlefshme, si për t’u mbajtur në formë, por dhe për të parandaluar plakjen. Nga aktiviteti përfiton i gjithë organizim, duke përfshirë organe si zemra, aparati kardiovaskular dhe respirator, muskujt dhe artikulacionet.

Por, sipas një studimi të udhëhequr nga dy kërkues italianë të universitetit të Pizës, ka marrë nën shqyrtim ndikimin e sportit në sistemin viziv, duke analizuar fenomenin e rivalitetit biokular, ose thënë ndryshe, performancën e sinjaleve të ndryshme që vijnë përmes të dy syve.

“Kemi testuar efektet e fashimit të njërit nga sytë, për dy orë tek 20 persona të rritur në kushte të ndryshme. Një pjesë e njerëzve që morën pjesë në eksperiment qëndronin ulur për të dyja orët e fashimit, ndërsa të tjerët ishin vendosur në një pistë-biçikletë”, tregojnë studiuesit.

Shkenctarët vunë re se përgjigja e sistemi viziv tek njerëzit që ishin duke bërë aktivitet fizik, ishte më e mirë se tek ata që qëndronin ulur.

Rezualtatet e këtij studimi të botuara në revistën “Current Biology”, ka rëndësi të madhe për kërkimet klinike në lidhje me patologji të përhapura dhe të pashërueshme të syve, një ndër to i njohur si “syri dembel”.

Continue Reading

Shëndeti

Vetitë e shkëlqyera të karafilit në mjekësinë natyrale

Published

on

Këtë erëz e quajmë karafil , por është ndryshe nga karafili që kultivojmë në saksi. Emri shkencor është Eugenia Caryphyllata dhe e ka origjinën nga Indonezia. Sot kultivohen në gjithë zonën tropikale.

Kokrrat e karafilit përmbajnë flavonoide, e përbërje të dobishme mes të cilave eugenol, substancë me fuqi analgjezike e kësaj erëze.

Në Mesjetë quhej një ilaç për gjithë të këqijat.

Benefitet e karafilit

Edhe nëse nuk besoni në mrekulli, benefitet shëndetësore të kokrrave të karafilit janë konfirmuar edhe nga shkenca moderne.

Anti-inflamator – Kokrrat e karafilit lehtësojnë inflamacionin në gojë, mishrat e dhëmbëve, afte, herpes, stomatit dhe dhimbjet e fytit. Në këto raste duhen mbajtur në gojë si karamele, duhen përdorur si çaj ose si gargarë me disa pika vaj.

Tretës – Të marra në formën e çajit, kokrrat e karafilit njihen për vetitë tretëse. Ndihmojnë në punën e stomakut dhe largojnë gazrat e tepërta inestinale.

Kundra erës së keqe së gojës – Nëse keni një takim të rëndësishëm përtypni një karafil. Është shumë efikas edhe në rastet kur keni ngrënë hudhër.

Antioksidant – Një tjetër benefit është se kokrrat e karafilit janë 80 herë më antioksidante se një mollë. Kështu që konsumi i këtyre kokrrave ndihmon në luftën kundra plakjes së qelizave.

Dhimbje dhëmbësh –  Vaji esencial i karafilit është një ilaç i shkëlqyer natyral për të trajtuar dhimbjen e dhëmbëve. Mjafton të vendosni një kokërr karafil pranë vendit ku keni dhimbje dhe të prisni disa minuta, shkruan living.al.

Dhimbje koke – Përtypja e disa kokrrave karafila ose çaji është mënyrë e shkëlqyer për të lehtësuar dhimbjen e kokës e për të parandaluar lodhjen mendore.

Afrodiziak – Kokrrat e karafilit janë konfirmuar për fuqitë e tyre afrodiziake. Gjithashtu i japin fuqi afrodiziake çdo pjate me të cilën shërbehen.

Antimikrobik – Çaji i kësaj erëze përdoret për të luftuar mykun e lëkurës, shpesh së bashku me trumzën dhe korianderin.

Për të konservuar ushqimin – Kokrrat e karafilit pengojnë procesin e oksidimit të lipideve duke bërë që ushqimet të ruhen më gjatë.

Të vjella – Kokrrat e karafilit përdoren edhe kundër të vjellave, problemeve në tretje dhe shqetësimeve intestinale.

Si përgatitet çaji i karafilit?

Përbërësit:

3-4 kokrra karafil

1 gotë ujë

Përgatitja:

Mbushni një çajnik me ujë. Shtoni kokrrat e karafilit e vendoseni të ziejë. Mbuloni me kapak e fikni zjarrin. E lëmë për 10 minuta derisa çaji të jetë i vakët.

Continue Reading

Shëndeti

Studimi: Pijet me sheqer ndikojnë në shëndetin mendor

Published

on

Një raport nga Shkolla e Shëndetit Publik në Harvard ka ngritur shqetësime lidhur me konsumin e pijeve me përmbajtje të lartë sheqeri – si pijet e gazuara, lëngjet industriale të frutave dhe pijet energjike.

Personat që konsumojnë këto produkte shpesh, shfaqin më shumë simptoma të depresionit dhe ankthit, veçanërisht adoleshentët dhe të rinjtë deri 30 vjeç.

Sheqeri i tepërt ndikon në balancën e neurotransmetuesve në tru dhe në nivelet e energjisë, duke shkaktuar luhatje të humorit dhe probleme emocionale. Specialistët rekomandojnë zëvendësimin e këtyre pijeve me ujë, çajra bimorë apo smoothie natyralë, si mënyrë për të ruajtur jo vetëm formën fizike, por edhe mirëqenien mendore.

Studiuesit po ashtu paralajmërojnë se konsumimi i sheqerit në nivele të larta mund të krijojë cikël varësie ku sa më shumë të konsumoni, aq më shumë trupi dhe truri kërkojnë.

Kjo çon në luhatje të shpeshta të nivelit të sheqerit në gjak, çka ndikon negativisht në stabilitetin emocional.

Shumë vende diskutojnë vendosjen e taksave shtesë për pijet me sheqer, për të frenuar konsumin dhe rritur ndërgjegjësimin për pasojat që ato sjellin.

Siç duket, shëndeti mendor nuk varet vetëm nga mendimet, por edhe nga ajo që vendosim në gotë.

Continue Reading

Shëndeti

Shëndeti i dhëmbëve mund të ndikohet nga problemet e zemrës

Published

on

Studimet kanë zbuluar një lidhje të befasishme mes shëndetit të dhëmbëve dhe shëndetit të zemrës.

Studiuesit sugjerojnë se personat që vuajnë nga probleme të shëndetit oral, si gingiviti (inflamacion i mishrave të dhëmbëve) ose humbja e dhëmbëve, mund të kenë rrezik më të lartë për të zhvilluar sëmundje të zemrës.

Ky zbulim ka nxitur një rishikim të rëndësishëm të lidhjes ndërmjet shëndetit oral dhe atij kardiovaskular.

Infeksioni në mishrat e dhëmbëve mund të çojë në përgjigje inflamatorie të trupit, që ndikon negativisht në enët e gjakut dhe të rrisë rrezikun për zhvillimin e sëmundjeve të zemrës.

Një nga teoritë që shpjegon këtë është se bakteret që shkaktojnë infeksione në gojë mund të kalojnë në qarkullimin e gjakut, duke shkaktuar inflamacion në trup, përfshirë edhe në arterie.

Ky inflamacion mund të kontribuojë në ngushtimin e enëve të gjakut, duke e bërë zemrën më të mundshme për të zhvilluar sëmundje të tilla si ateroskleroza, gjendje që ndikon në furnizimin me gjak të trupit. Kjo e bën të rëndësishme kujdesin e rregullt për shëndetin oral si masë parandalimi për problemet kardiovaskulare.

Sudimi ka nxitur kërkesa për mbikëqyrje më të ngushtë të shëndetit oral dhe kardiovaskular në pacientët që kanë histori të problemeve të dhëmbëve. Specialistët sugjerojnë se  kontrolli i rregullt i dhëmbëve dhe higjiena e mirë orale mund të ndihmojnë në parandalimin e këtyre komplikacioneve dhe në përmirësimin e shëndetit të përgjithshëm.

Rregulli i thjeshtë i pastrimit të dhëmbëve dy herë në ditë, përdorimi i perit dentar e vizitat e rregullta te dentisti kanë ndikim të madh në uljen e rrezikut për zhvillimin e sëmundjeve të zemrës dhe në ruajtjen e shëndetit të përgjithshëm.

Continue Reading

Të kërkuara