

Lifestyle
Sa e rrezikshme është të mos e ndërroni kurrë jastëkun tuaj?
Published
4 years agoon
By
UBT newsNuk është sekret që një jastëk i rehatshëm është një element i rëndësishëm për një gjumë të mirë.
Por, ajo që mund të mos dini është se sa shpesh supozohet të investoni në një të ri. Sipas ekspertëve të shëndetit, ju duhet të zëvendësoni jastëkun tuaj çdo një deri në dy vjet.
AgroWeb.org në këtë artikull ju njeh me këshillat e ekspertëve në lidhje me rëndësinë që ka kujdesi për jastëkët në lidhje me shëndetin tuaj.
Ju mund të mos bëni një gjumë të rehatshëm
Një jastëk i shtypur mund ofrojnë më pak mbështetje në qafë, e cila mund të çojë në dhimbje të qafës, shpatullave dhe pjesës së sipërme të shpinës.
Fjetja në një jastëk të sheshtë, gjithashtu mund të pengojë frymëmarrjen.
Për shumicën e njerëzve me një septum të devijuar, ngritja e kokës ndihmon në kullimin e hundës, thonë mjekët.
Nëse jastëku juaj është mjaft i sheshtë, hunda juaj mund të bllokohet edhe më shumë, duke shkaktuar vështirësi në frymëmarrje dhe gërhitje.
Mjekët këshillojnë të mos flini në të njëjtën anë çdo natë dhe të rrotulloni jastëkun në mënyrë që ta shfrytëzoni më mirë atë.
Mund të keni shpërthime të akneve
Jastëkët mbledhin qelizat e vdekura dhe vajrat e lëkurës, së bashku me të gjitha produktet që ju zakonisht i vendosni në lëkurë dhe flokë.
Plus, djersa dhe pështyma që lëshoni kur flini, mund të absorbohen nga jastëku juaj.
Kombinimi i vajrave, qelizave të vdekura të lëkurës, pështymës dhe djersës janë një terren shumëzimi për bakteret.
Kjo mund të shkaktojë probleme të lëkurës, si bllokimi i poreve, pikat e bardha dhe madje edhe cistet.
Prandaj këshillohet të ndërroni dhe të lani sa më shpesh këllëfët e jastëkut dhe t’i lani më shpesh edhe vetë jastëkët.
Gjithashtu mjekët sugjerojnë të lani fytyrën dhe të kapni flokët. Kjo mund të ruajnë edhe pastërtinë e jastëkut tuaj për më gjatë.
Ju mund të zhvilloni alergji
Pluhuri është një nga shkaqet e zakonshme të alegjisë.
Dhe ai ndodhet praktikisht kudo në shtëpinë tuaj, por veçanërisht në dyshekë dhe jastëkë.
Jastëkët e vjetër gjithashtu mund të mbajnë shumë baktere, kërpudha dhe myk.
Kur është koha për të ndërruar jashtëkun?
Kur ka filluar të formojë gunga.
Kur vëreni se nuk ju mjafton më një jastëk, por keni nevojë për dy.
Kur mbulesa e tij është shumë e pisët.
Kur tentoni ta palosni dhe ai qëndron në atë mënyrë.
Sa e rrezikshme është të përdorësh të njëjtën jastëk përgjithmonë?
Në të vërtetë nuk është edhe aq e rrezikshme për sa kohë që nuk po përjetoni pasoja negative.
Nëse ndjeni se nuk keni shqetësime me shëndetin dhe po bëni një gjumë të mirë, atëherë jeni mirë, thonë specialistët e shëndetit.
Por nëse zgjoheni të lodhur dhe ndieni dhimbje, atëherë mund t’ju duhet të ndërroni jastëkun./AgroWeb.org
Lifestyle
Kundër plakjes: Çfarë ofron joga e fytyrës dhe pse konsiderohet një eliksir i rinisë?
Published
2 days agoon
June 27, 2025By
UBT News
Joga e fytyrës është një metodë natyrale, si edhe efektive kundër plakjes për fytyrën e qafën.
Metoda e jogës është masë efektive parandaluese. Sa më herët ta fillojmë, aq më pak ka gjasa të shohim shenja plakjeje dhe tensioni në fytyrën e qafën tonë.
“Kjo ndodh sepse përmes ushtrimeve fillojmë të bëhemi të vetëdijshëm dhe të kontrollojmë shprehjet tona të fytyrës”, shpjegon ekspertja Areti Kafantari.
Ashtu si në trup, edhe në fytyrën tonë, kur bëjmë lëvizje në mënyrën e duhur shmangim dëmtimet, dhe në rastin e fytyrës, dëmtimi do të thotë rrudha.
Nëse shihni shenjat e para të plakjes, keni vija ose edhe rrudha, teknikat dhe ushtrimet e jogës së fytyrës do t’ju japin zgjidhje natyrale, brenda 6-8 javësh.
Si funksionon joga e fytyrës?
Ushtrime: Ndërsa 57 muskujt e fytyrës dhe qafës forcohen, lëkura mbi to bëhet më e fortë, më elastike dhe rrudhat zvogëlohen. Dhe lajmi i mirë është se, për shkak se muskujt janë shumë më të vegjël dhe më të hollë në krahasim me trupin, ato janë më të lehta për t’u ushtruar.
Masazh: Teknikat e masazhit rrisin qarkullimin e gjakut, aktivizojnë limfën, rrisin prodhimin e kolagjenit dhe elastinës dhe largojnë toksinat. Kjo zvogëlon ënjtjen dhe zbehjen, duke lënë një pamje rinore dhe të shëndetshme.
Akupresura: Një metodë e lashtë që bëhet duke aplikuar presion në pika specifike në fytyrë dhe qafë, duke rritur rrjedhën e energjisë në fytyrë, duke zvogëluar tensionin dhe duke dhënë shkëlqim.
Relaksimi: Duke mësuar se si të relaksojmë tensionin e fytyrës, ne shmangim linjat e theksuara të shprehjes dhe rrudhat.
Mirëqenia: Ndjenja e mirëqenies që ndiejmë kur i kushtojmë kohë vetes reflektohet edhe në fytyrën tonë.
Lifestyle
Kujdes nga vapa! Këto janë temperaturat për sot
Published
2 days agoon
June 27, 2025By
UBT News
Sot mbi vendin tonë parashihet të mbajë mot me diell.
Sipas IHMK-së, temperaturat minimale do të lëvizin nga 16 deri në 20 gradë Celsius, kurse maksimalja e ditës arrin deri në 35 gradë Celsius.
Edhe fundjava do të jetë e nxehtë me temperatura nga 23 deri në 32 gradë Celsius.
Lifestyle
Si ndikon ambienti ynë në qetësinë e mendjes dhe fuqinë e shpirtit?
Published
3 days agoon
June 26, 2025By
UBT News
Hapësira që të rrethon: Sekreti i padukshëm i shëndetit mendor
Në një botë ku stresi, ritmet e shpejta dhe mbingarkesa ndjesore janë pjesë e përditshmërisë, hapësirat ku jetojmë nuk janë thjesht sfond — ato janë forca aktive që ndikojnë në shëndetin tonë emocional dhe mendor
Interieri i vëmendshëm është një qasje që vendos në qendër mirëqenien, duke krijuar ambiente që qetësojnë mendjen, ushqejnë shpirtin dhe mbështesin jetesën e ndërgjegjshme.
1. Ndriçimi natyral: Drita që ushqen jetën
Ndriçimi natyral rrit nivelet e energjisë, përmirëson humorin dhe ndihmon në rregullimin e ritmeve të brendshme biologjike. Hapësirat e pajisura me dritare të mëdha, materiale që pasqyrojnë dritën dhe organizim të hapur ndihmojnë që ambienti të ndihet më i freskët, më pozitiv dhe më i gjallë.
Përdorni perde të lehta dhe organizoni mobilet në mënyrë që të lejoni sa më shumë dritë të natyrshme të hyjë në shtëpi.
2. Elementet bimore: Lidhja e gjallë me natyrën
Bimët në ambient nuk janë vetëm dekorative: ato pastrojnë ajrin, rrisin nivelin e oksigjenit dhe reduktojnë stresin.
Edhe një sasi e vogël bimësie në hapësirat e brendshme përmirëson përqendrimin dhe ndihmon në krijimin e një atmosfere më të butë dhe më të përqafueshme.
Zgjidhni bimë të lehta për t’u mirëmbajtur si pothos, sansevieria ose ficusi — dhe krijoni një “kënd jeshil” në shtëpinë tuaj.
3. Materialet organike: Tekstura që prekin ndjesitë tona
Druri natyral, gurët, liri, pambuku organik dhe qeramika e punuar me dorë krijojnë një lidhje të drejtpërdrejtë me natyrën dhe ushqejnë ndjesinë e autenticitetit. Materialet organike, përmes ngjyrave të buta dhe strukturave të papërsosura, sjellin një ndjesi qetësuese dhe një estetikë më të ngrohtë dhe më tokësore.
Përdorni tekstile natyrore për perde, tapete dhe çarçafë; zëvendësoni sipërfaqet sintetike me ato prej druri ose guri.
4. Rendi dhe boshësia funksionale: Hapësirë për mendje të qetë
Një ambient i mbingarkuar vizualisht ngarkon mendjen. Minimalizmi i ndërgjegjshëm nuk do të thotë boshësi ekstreme, por hapësirë për frymëmarrje dhe rrjedhshmëri emocionale.
Çdo objekt duhet të ketë një funksion ose një kuptim të vërtetë për ju, shkruan Class.
Praktikoni një rishikim sezonal të hapësirave, duke larguar sendet që nuk ju shërbejnë më ose nuk ju sjellin gëzim.
Interieri i vëmendshëm është më shumë se stil dizajni: është mënyrë jetese. Një shtëpi e krijuar me kujdes, e ndriçuar nga drita natyrore, e gjallëruar nga bimët dhe e mbështjellë nga materiale organike, është një strehë për mendjen dhe shpirtin.
Në një botë që kërkon gjithmonë më shumë, shtëpia bëhet vendi që na ndihmon të ndalemi, të qetësohemi të rigjejmë veten.
Lifestyle
Si ta rrisni vetëbesimin? Këto janë disa teknika efektive
Published
5 days agoon
June 24, 2025By
UBT News
Vetëbesimi është një nga shtyllat kryesore të marrëdhënieve të suksesshme dhe mirëqenies emocionale.
Kur ndiehemi të sigurt në vetvete, kemi më shumë guxim të ndërveprojmë me të tjerët dhe të krijojmë lidhje cilësore.
Një nga bazat për këtë është inteligjenca emocionale, e cila na ndihmon të njohim dhe menaxhojmë ndjenjat tona dhe ato të të tjerëve në situata sociale.
Njohja dhe mikpritja e ndjenjave tona janë hapa të rëndësishëm për të kapërcyer ankthin social. Ushtrime si frymëmarrja e vetëreflektimi ndihmojnë në uljen e stresit para ose gjatë situatave shoqërore.
Në të njëjtën kohë, zhvillimi i aftësive komunikuese si dëgjimi aktiv dhe përdorimi i gjuhës së trupit krijojnë një atmosferë të ngrohtë dhe të pranueshme.
Lidhjet sociale cilësore janë çelësi i një jete sociale. Krijimi i rrjeteve që bazohen në respekt e mbështetje reciproke ndihmon në ndërtimin e besimit dhe ndjenjës së përkatësisë. Në epokën dixhitale, përdorimi i rrjeteve e si LinkedIn e Instagram shërben si mjet efektiv për të zgjeruar lidhjet në mënyrë autentike.
Përballja me situata të vështira si kritika apo konflikte kërkon gatishmëri dhe menaxhim emocional.
Të mësuarit të reagosh në mënyrë konstruktive dhe të ruash qetësinë e brendshme janë aftësi që zhvillohen me kohë dhe praktikë.

KQZ hap periudhën për ndërrimin e Qendrës së Votimit për zgjedhjet lokale

Serbët festojnë Vidovdanin mes masave të shtuara të Policisë së Kosovës

Kievi: Rusia ka grumbulluar 110,000 trupa pranë qytetit strategjik ukrainas

40 zjarre shpërthejnë në Greqi

PDK me kërkesë të qartë, zhbllokimi i Kuvendit sipas Kushtetueses
Trump flet sërish për Kosovën e Serbinë: Ishin gati për luftë të madhe, unë e ndala
Kriza politike, sot takimi i liderëve

Irani konfirmon vrasjen e një shkencëtari tjetër bërthamor në sulmet ajrore izraelite

Gjykata refuzon të shtyjë gjykimin kundër Netanyahut
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT4 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT organizon debat rreth zgjerimit të BE-së dhe ruajtjes së vlerave evropiane