Lajmet

Sa do të kushtojë ceremonia e kurorëzimit të mbretit Charles III?

Shifrat janë marramendëse.

Published

3 years ago

on

Prej muajsh ka nisur puna për ceremoninë madhështore të kurorëzimit të mbretit Charles III, që do të mbahet më 6 maj në Westminster. Edhe pse mbreti Charles ka deklaruar se dëshiron të thjeshtojë kurorëzimin sa më shumë që të jetë e mundur, për të reduktuar shpenzimet mbretërore, shifrat janë marramendëse.

Ceremonia në Westminster, siguria për krerët e shteteve, dekorimet, koncerti. Lista është e pafundme dhe kostot të tepruara. Kjo ngjarje ka shikueshmëri botërore dhe përveç shpenzimeve, sjell edhe të ardhura të konsiderueshme për vendin.

“Këtë vit monarkia do të kushtojë 850 milionë paund të të ardhurave të PBB-së, që do të mungojnë në buxhet për shkak të festës, bank holiday, plus 100 milionë paund për të organizuar ceremoninë në Westminster Abbey dhe gjithë fundjavën e Kurorëzimit, si dhe buxhetin e Komitetit të Orbit të Artë që merret me festimet. Pra në total do të kushtojë 950 milion paund”, shpjegon CEO i Brand Finance, David Haigh për Raportin e ri Financiar të Windsor.

Me pak fjalë, kurorëzimi do të ndihet në aspektin ekonomik dhe kjo do të çojë në kritika nga ata që besojnë se monarkia është bërë shumë e shtrenjtë, veçanërisht në këto vite krize, faturash të shtrenjta dhe qirave të larta.

Megjithatë, duhet të merret parasysh ana tjetër e medaljes, që janë përfitimet nga ceremonia e kurorëzimit.

“Mbi gjysmë miliard paund , 665 milionë për të qenë të saktë, është ajo që kurorëzimi i mbretit Charles III më 6 maj do t’i sjellë ekonomisë së Britanisë së Madhe. Në vitet normale, kontributi i Ëindsors në monarki, është pak më shumë se 100 milion paund në vit, por si rezultat i ceremonive të kurorëzimit me një spot të madh promovues në Mbretërinë e Bashkuar, do të jetë shumë më tepër këtë vit”, shpjegon Haigh.

Fitimet do të kompensojnë humbjet për shkak të ditës së pushimit për fundjavën e gjatë të kurorëzimit dhe kostot e ceremonisë. Megjithatë problemet nuk mbarojnë me kaq. Siç thekson Haigh, çështja e shpenzimeve do të jetë vendimtare për mbretërimin e Charles III, i cili do të duhet ta çojë monarkinë drejt një menaxhimi financiar më modern.

Related Topics:
Continue Reading

Lajmet

Katër raste të dhunës në familje brenda 24 orëve

Published

2 minutes ago

on

July 22, 2026

By

Gjatë 24 orëve të fundit në Kosovë janë regjistruar katër raste të dhunës në familje në disa rajone të vendit.

Në Prishtinë, policia ka arrestuar një burrë nën dyshimin se ka sulmuar fizikisht një grua, e cila ka marrë tretman mjekësor, ndërsa i dyshuari është dërguar në mbajtje me vendim të prokurorit.

Ndërkaq, në Gjilan ka ndodhur një përleshje fizike mes katër personave — tre burrave dhe një gruaje shtetase të huaj — ku si pasojë e rrahjes tre nga të përfshirët kanë pësuar lëndime trupore.

Në një tjetër rast në Deçan, një burrë ka ushtruar dhunë fizike ndaj një gruaje, ndërsa gjatë kontrollit policia i ka gjetur dhe konfiskuar një armë automatike AK-47 me një karikator. Ndërkohë në Gjakovë është raportuar për dhunë psikike mes dy burrave, ku pas intervistimit palët janë liruar në procedurë të rregullt.

Përveç këtyre, incidente të ngjashme janë shënuar edhe në Prizren, ku një burrë është ndaluar pasi ka ushtruar presion e kërcënime ndaj anëtarëve të familjes, si dhe në Ferizaj, ku policia ka ndërhyrë pas një mosmarrëveshjeje verbale që ka kaluar në sulm fizik mes dy vëllezërve, me ç’rast të dyshuarit janë intervistuar nga organet e rendit. /E.A/

Continue Reading

Lajmet

Nisi edicioni i pestë i “Prizren Fest”: Java që e shndërron Prizrenin në skenë gjigante teatri

Published

53 minutes ago

on

July 22, 2026

By

Në Prizren ka nisur zyrtarisht edicioni i pestë i Festivalit Ndërkombëtar të Teatrit në Hapësirë të Hapur, Prizren Fest, i cili nga data 21 deri më 27 korrik do të shndërrojë qytetin në një skenë gjigante artit. Programi i sivjetmë sjell një gërshetim shfaqjesh teatrale, performancash street-art, koncertesh, stand-up komedi dhe punëtori artistike me pjesëmarrjen e trupave nga 10 shtete të botës, përfshirë me vendet si Italia, Franca, Brazili, Spanja e Kanada.

Mbrëmja hapëse u mbajt në Shtëpinë e Kulturës “Xhemajli Berisha”, ku morën pjesë figura të larta shtetërore e lokale, si dhe artdashës të shumtë. Perdeja e festivalit u ngrit me performancën sllovene “Borderless Body”.

Pikat kryesore të programit sipas ditëve:

  • 22 Korrik: Shfaqja “Darkness Picnic” (Itali) në Parkun e Universitetit (18:30) dhe “Souvenirs” (Francë) te Teatri i Lumit (21:30).

  • 23 Korrik: Performanca “Mission Roosevelt” (Francë) te Shatërvani (20:00) dhe drama “Lysistrata” (Turqi) në hapësirën e ITP-së (21:30).

  • 24 Korrik: Drama “Babai” (Maqedoni e Veriut) në teatrin “Bekim Fehmiu” (20:00) dhe koncerti i “Zanat Vocal Ensemble” te Lidhja e Prizrenit (22:00).

  • 25 Korrik: Shfaqja eksperimentale “A Scream in the Dark” (Brazil) në ambientet e Burgut të Qytetit (20:30) dhe “Pylli” (Kosovë) te teatri i qytetit (21:30).

  • 26 Korrik: Bashkëprodhimi francezo-shqiptar “Mall / Longing” te Katedralja Katolike (20:30), Stand-up komedi te Abi Çarshia (21:00) dhe “Última Planta” (Spanjë) te Lidhja e Prizrenit (21:30).

  • 27 Korrik: Mbyllja me performancën “The Body Symphonic” (Kanada-Holandë) te Këndi i Sinan Pashës (21:00)

Aktivitete shtesë & qasja: Më 23 dhe 24 korrik do të mbahet edhe masterklasa e aktrimit “The Guhelli Technique – Emotional Core Acting”. Organizatorët njoftojnë se të gjitha shfaqjet dhe aktivitetet janë plotësisht falas për të gjithë publikun. /E.A/

Foto: RTKlive

Continue Reading

Lajmet

IHMK paralajmëron stuhi, breshër dhe rrezik nga përmbytjet e rrufetë

Published

1 hour ago

on

July 22, 2026

By

Instituti Hidrometeorologjik i Kosovës (IHMK) ka lëshuar një paralajmërim meteorologjik të nivelit portokalli për ditën e sotme, pasi i gjithë territori i vendit pritet të përfshihet nga stuhi lokale me bubullima, reshje intensive shiu, breshër dhe erëra të forta.

Për shkak të shkarkimeve të fuqishme atmosferike, IHMK-ja ngre alarm për rrezik të lartë nga goditjet e rrufesë, të cilat mund të sjellin pasoja për njerëzit e kafshët, dëmtime në rrjetin elektrik e të telekomunikacionit, si dhe vatrat e zjarrit. Gjithashtu, reshjet e dendura mund të shkaktojnë përmbytje të shpejta lokale, ndërsa breshëri dhe era e fortë rrezikojnë të dëmtojnë kulturat bujqësore, automjetet dhe pronat.

Në kuadër të kësaj situatë, institucionet u bëjnë thirrje qytetarëve të shmangin daljet në ambiente të hapura, të mos strehohen nën pemë apo pranë shtyllave elektrike, si dhe të tregojnë kujdes të shtuar gjatë ngasjes së makinave për shkak të rrugëve të rrëshqitshme dhe pamjes së kufizuar. Paralajmërimi mbetet në fuqi deri në mesnatë. /E.A/

Continue Reading

Lajmet

Kryesuesi i KPK-së, Arian Gashi, takoi zëvendëspërfaqësuesin e OKB-së, Milbert Domgjon Shin

Published

16 hours ago

on

July 21, 2026

By

Kryesuesi i Këshillit Prokurorial të Kosovës (KPK), Arian Gashi, i shoqëruar nga anëtarët e Këshillit, ka pritut sot në takim Zëvendëspërfaqësuesin Special të Sekretarit të Përgjithshëm të OKB-së, Milbert Domgjon Shin, bashkë me përfaqësues të tjerë të Zyrës së UNMIK-ut.

Përgjatë takimit u diskutua për zhvillimet e fundit në sistemin prokurorial, forcimin e sundimit të ligjit, si dhe për vazhdimin e bashkëpunimit ndërinstitucional me partnerët ndërkombëtarë.

Gjatë bashkëbisedimit, Kryesuesi Gashi e njoftoi delegacionin e UNMIK-ut me përbërjen e re të Këshillit Prokurorial, si dhe me përfundimin e procesit të zgjedhjes së Kryeprokurorit të ri të Shtetit, duke nënvizuar rëndësinë e funksionalizimit të plotë të institucioneve të drejtësisë.

Përveç kësaj, Gashi theksoi përkushtimin e KPK-së për garantimin e një sistemi gjithëpërfshirës përmes përfaqësimit të drejtë të të gjitha komuniteteve, me ç’rast bëri të ditur se së shpejti do të shpallet konkursi për pranimin e prokurorëve të rinj.

Kryesuesi i KPK-së shprehu mirënjohjen për mbështetjen e vazhdueshme të UNMIK-ut ndër vite dhe ritheksoi se institucioni që ai drejton do të vazhdojë punën për fuqizimin e sundimit të ligjit përmes profesionalizmit, integritetit dhe llogaridhënies.

Nga ana e tij, Zëvendëspërfaqësuesi Special i OKB-së, Milbert Domgjon Shin, vlerësoi punën e Këshillit Prokurorial dhe rolin e tij në garantimin e një sistemi të pavarur e efikas. Ai shprehu besimin se përmes përgjegjësisë institucionale do të vazhdohet me hapat që forcojnë besimin e qytetarëve te drejtësia.

Në përmbyllje të takimit, përfaqësuesit e UNMIK-ut konfirmuan gatishmërinë për të vazhduar mbështetjen ndaj KPK-së në avancimin e reformave dhe fuqizimin e mëtejshëm të sundimit të ligjit në Kosovë. /E.A/

Continue Reading

Të kërkuara