Lajmet

Sa dhe pse duhet që bizneset të kenë transparencë me punonjësit?

Published

4 years ago

August 17, 2021

UBT news

Janë disa pyetje që bëhen për transaprencën në vendin e punës. Sa informacione i ndani me punonjësit për të nxitur transparencë në biznes? Çdo pronar i biznesit dhe secili menaxher vendos se sa informacion dëshirojë që ta tregojë gjatë një dite. A dëshiron që t’i bësh punonjësit ta dinë që të hyrat e kompanisë po ndryshojnë? Po në lidhje me riorganizimin ose zvogëlimin e brendshëm?

Është e rëndësishme që të ndaleni dhe t’i shikoni pasojat e të gjitha veprimeve. Nganjëherë konfidencialiteti është i nevojshëm, por mbajtja e disa gjërave sekrete mund t’i përballin punëdhënësit me probleme ligjore.

Prandaj, merrni parasysh këto katër arsye pse do t’ju duhej që ta konsideroni rritjen e transparencës në biznesin tuaj!

Transparenca e pagës i ndalon diskrepancat

Fshehja e pagës nuk është vetëm politikë e kompanisë, por edhe çështje kulturore. Punonjësit nuk i tregojnë njëri tjetrit për pagën e tyre, por as njerëzve jashtë kompanisë. Të gjithë në kompani kujdesen që të mos lënë kopje të pagës së tyre në ndonjërin cep të zyrës, sepse kjo do të ngjallte pakënaqësi të punonjësit e tjerë.

Por, pavarësisht kësaj, transparenca e pagës mund ta mbrojë biznesin nga çështjet ligjore. Nëse të gjithë e dinë pagën e dikujt tjetër, ata do ta krahasojnë pagën e tyre dhe ata do të jenë të njohur që paga e tyre ka dallim. Por në qoftëse dy kolegë bëjnë të njëjtën punë dhe kanë të njëjtin titull, por ndonjëri prej tyre e kupton që paguhet më pak, atëherë kompania do të ketë probleme.

Punonjës besnikë dhe të informuar

Kur të ardhurat janë të larta, kompania zakonisht feston, madje edhe mund të ofrojë shpërblimet si bonuset. Kur të ardhurat janë të ulëta, punonjësit mund të mos jenë të vetëdijshëm për këtë. Kjo është diçka e keqe, sepse do të thotë që dështimet do të vijnë.

Këshillë:Kur punonjësit janë të njoftuar se çfarë po ndodhë me kompaninë, ata mund të marrin vendime më të mira.

Kjo mund të shihet si rrezik, mirëpo punonjësit nuk do të mund t’i zgjidhin problemet e tyre, nëse nuk e dinë se me çfarë po përballet kompania.

Transparenca i ndalon keqpërdorimet

Keqpërdorimet mund të vijnë nga disa punonjës të cilët arrijnë t’i ndajnë një shumë të vogël të parave nga kompania pa u vërejtur. Kështu që, për ta parandaluar këtë, nëse më shumë se një person e dijë se çfarë po ndodhë, është më e vështirë për një person që të bëjë keqpërdorime.

Transparenca i ndalon humbjen tragjike të të dhënave

Biznesi juaj mbase nuk e ka nivelin e sekretit sikur të Coca Cola-s për formulën e pijes, por a janë sistemet tuaja transparente?

Çfarë ndodhë në qoftëse personi përgjegjës për marketingun vendos që të largohet nga puna, por me urrejtje dhe zhurmë? A janë të gjitha planet e marketingut edhe në laptopin e tij dhe ka vetëm ai qasje?

Ky nuk mund të përdoret si argument për të vendosur fjalëkalim, por nuk duhet që as konkurrentët të kenë qasje në gjithë atë plan. Por nuk duhet as që ta mbani aq sekret sa nëse atij personi i ndodhë diçka i gjithë plani të zhduket. /Akademi Pune

Lajmet

Ditë e natë në terren, forcat e NATO-s dërgojnë mesazh stabiliteti

Published

1 hour ago

December 16, 2025

UBTnews

Ushtarët gjermanë të caktuar në Komandën Rajonale-Lindje (RC-E) të misionit të KFOR-it, të udhëhequr nga NATO, po vazhdojnë patrullimet e tyre të rregullta ditën dhe natën në disa komuna brenda zonës së përgjegjësisë.

Sipas njoftimit, këto patrullime sigurojnë një prani të dukshme dhe qetësuese në terren, rrisin ndërgjegjësimin situativ dhe kontribuojnë drejtpërdrejt në ruajtjen e stabilitetit rajonal. Patrullat janë pjesë thelbësore e misionit të vazhdueshëm të KFOR-it për të garantuar një mjedis të sigurt dhe të qëndrueshëm për të gjithë qytetarët që jetojnë në Kosovë.

KFOR-i thekson se vazhdon zbatimin e mandatit të tij, të bazuar në Rezolutën 1244 të Këshillit të Sigurimit të Kombeve të Bashkuara të vitit 1999, me qëllim sigurimin e një ambienti të qetë dhe të sigurt, si dhe garantimin e lirisë së lëvizjes për të gjithë, në çdo kohë.

Po ashtu, KFOR-i vepron në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre përkatëse si reagues të sigurisë, duke synuar ruajtjen e paqes dhe stabilitetit në vend.

Lajmet

Nesër samiti mes BE-së dhe Ballkanit Perëndimor, Rama niset drejt Brukselit

Published

1 hour ago

December 16, 2025

UBTnews

Kryeministri Edi Rama është nisur pasditen e kësaj të marte drejt Brukselit. Rama nesër do të marrë pjesë në samitin mes BE dhe vendeve te Ballkanit Perëndimor.

Takimi pritet të përqëndrohet në gjetjet më të fundit të paketës së zgjerimit 2025. Gjatë takimit do të dikutohet edhe Plani i Rritjes për Ballkanin Perëndimor prej 6 miliard eurosh.

Ndërkaq, nga Kosova europianët i çuan ftesë presidentes Vjosa Osmani, e cila ka konfirmuar se do të marrë pjesë në këtë samit.

Lajmet

Spiropali në Greqi, rihapet dialogu për kufirin detar

Published

1 hour ago

December 16, 2025

UBTnews

Ministrja e Jashtme e Shqipërisë, Elisa Spiropali nisi sot një vizitë dyditore në Greqi me ftesë të homologut grek, George Gerapetritis. Vizita e Ministres Spiropali nisi në Presidencën greke, ku u prit nga Presidenti Konstantinos Tasoulas.

Gjatë takimit Spiropali theksoi se “Shqipëria beson fort se nën udhëheqjen greke të Presidencës së BE, Ballkani Perëndimor do të mbetet në krye të agjendës europiane”.

Më pas Spiropali zhvilloi një takim dypalësh me homologun e saj Gerapetritis, të fokusuar në forcimin e marrëdhënieve ndërmjet Shqipërisë dhe Greqisë. Në konferencën për shtyp, Spiropali tha se Greqia duhet të heqë ligjin e luftës, duke theksuar se dy vendet janë pjesë e NATO-s.

“Duke qenë partnerë në NATO, të lidhur nga një Traktat Miqësie dhe me perspektivë të përbashkët europiane, Shqipëria mbështet përfundimin sa më parë të çdo reference ligjore atavike nga Lufta e dytë Botërore, me pasoja në marrëdhëniet aktuale, e cila nuk pasqyron realitetin e marrëdhënieve tona si aleatë dhe si miq”, tha Spiropali.

Ministrja theksoi se Shqipëria është e hapur për dialog për çështjen e detit dhe shtoi se duan të vijojnë negociatat për njohjen e pensioneve.

“Shqipëria mbetet po ashtu e përkushtuar për zgjidhjen e çështjeve të lidhura me kufirin (përfshirë edhe delimitimin e hapësirave detare) në përputhje me të drejtën ndërkombëtare dhe parimet e marrëdhënieve të fqinjësisë së mirë, ku palët janë plotësisht të hapura për dialog konstruktiv. Ne do të vijojmë të udhëhiqemi nga vlerat thelbësore të BE-së, nga respekti për normat e të drejtës ndërkombëtare për zgjidhjen paqësore të mosmarrëveshjeve dhe promovimin e stabilitetit në rajon”, shtoi ajo.

Mëngjesin e së mërkurës, në orën 09.00, Spiropali do të takohet me Ministrin e Mbrojtjes, Niko Dendias. Në orën 09.45, Spiropali do të takohet me përfaqësues të bizneseve dhe sipërmarrjeve që operojnë mes Shqipërisë dhe Greqisë, për potencialin e bashkëpunimit ekonomik mes dy vendeve.

Lajmet

Dyshohet abuzim i të miturit në Ferizaj përmes rrjeteve sociale

Published

3 hours ago

December 16, 2025

UBTnews

Policia e Kosovës ka nisur hetimet lidhur me një rast të dyshuar të abuzimit ndaj një të mituri, i cili dyshohet se është kontaktuar përmes rrjeteve sociale.

Zëdhënësi i Policisë për rajonin e Prishtinës, Agron Borovci, bëri të ditur se rasti është raportuar më 15 dhjetor 2025, rreth orës 11:00, në stacionin policor të Fushë Kosovës.

Sipas policisë, ngjarja dyshohet të ketë ndodhur në territorin e Ferizajt. Me autorizim të Prokurorit të Shtetit, është iniciuar hetim për veprën penale “Dhunimi”, ndërsa policia, në bashkëpunim me institucionet relevante, po punon intensivisht për identifikimin e të dyshuarit dhe sqarimin e plotë të rastit, duke garantuar konfidencialitetin dhe mbrojtjen e viktimës.

“Më datë 15.12.2025, rreth orës 11:00, policia e stacionit policor në Fushë Kosovë, ka pranuar informacionin lidhur me një rast të dyshuar të abuzimit ndaj një të mituri. Dyshimet e ngritura sugjerojnë se i mituri është kontaktuar përmes rrjeteve sociale dhe se ngjarja dyshohet të ketë ndodhur diku në territorin e Ferizajt. Specialist të policisë për hetimin e rasteve të tilla, në bashkëpunim me institucionet relevante, janë duke ndërmarrë të gjitha veprimet e nevojshme për zbardhjen e plotë të rastit. Me autorizim të Prokurorit të Shtetit, gjithnjë duke garantuar konfidencialitetin dhe mbrojtjen e viktimës, policia ka iniciuar një hetim në drejtim të veprës penale “Dhunimi”, përderisa po punohet intensivisht në identifikimin e të dyshuarit dhe përcaktimin e vendndodhjes së tij.”