

Teknologji
S25 arrin 3 milionë shitje në Korenë e Jugut, dy muaj më shpejt se paraardhësi
Published
2 hours agoon
By
UBT NewsSamsung ka njoftuar se seria Galaxy S25 ka kaluar shifrën prej 3 milionë njësive të shitura në Korenë e Jugut brenda vetëm gjashtë muajve nga lansimi në shkurt.
Kjo e bën S25 serinë më të shitur deri tani, duke arritur këtë rekord dy muaj më herët se paraardhësi, Galaxy S24.
Një ndër faktorët kryesorë të suksesit është plani “AI Subscription Club”, që përfshin edhe një garanci blerjeje deri në 50% të çmimit pas një viti.
Samsung theksoi se ky plan ka tërhequr shumë përdorues të rinj. Kompania bëri të ditur se edhe modelet e palosshme Z Fold7 dhe Z Flip7 po performojnë më mirë se paraardhësit e tyre. Megjithatë, për këto të fundit nuk janë dhënë shifra të sakta shitjesh.
Teknologji
Meta do t’i ndalojë reklamat politike në BE nga tetori
Published
1 hour agoon
August 5, 2025By
UBT News
Meta Platforms do t’i japë fund reklamave politike, zgjedhore dhe sociale në platformën e saj në BE që nga fillimi i tetorit, raportoi Reuters.
Siç ka bërë të ditur kompania amerikane e rrjeteve sociale, ky ndalim do të bëhet si pasojë e pasigurisë ligjore për shkak të rregullave të reja të BE-së mbi reklamat politike.
Legjislacioni i Bashkimit Evropian, i quajtur rregullorja për Transparencën dhe Synimin e Reklamimit Politik dhe i cili do të zbatohet nga 10 tetori, u nxit nga shqetësimet në lidhje me dezinformimin dhe ndërhyrjen e huaj në zgjedhje në të gjithë bllokun me 27 vende.
Ligji kërkon që kompanitë e mëdha të teknologjisë të etiketojnë reklamat politike në platforma, kush pagoi për to dhe sa, si dhe cilat zgjedhje po synohen, përndryshe rrezikojnë gjoba deri në 6% të të ardhurave të tyre vjetore. Meta tha se rregullat e BE-së në fund të fundit do t’i dëmtonin evropianët.
Facebooku dhe Instagrami që janë në kuadër të Metas po hetohen aktualisht nga Komisioni Evropian për shkak të dyshimeve për dështimin e tyre për të luftuar dezinformimin dhe reklamat mashtruese në prag të zgjedhjeve të Parlamentit Evropian të vitit 2024.
Teknologji
Italia nis hetimet për futjen e inteligjencës artificiale në WhatsApp
Published
7 hours agoon
August 5, 2025By
UBT News
Një zëdhënës i Autoritetit italian të Antitrustit në Milano tha bashkë me policinë financiare italiane janë kontrolluar zyrat e biznesit të filialit italian Meta. Hetimi po bëhet në bashkëpunim me autoritetet përkatëse të Bashkimit Europian.
Akuza nga Milano është: Ofruesi i Whatsapp-it, Meta, ka instaluar chatbot-in me IA pa marrë miratimin e përdoruesve. Përmes lidhjes së aplikacionit të inteligjencës artificiale “Meta AI” me Whatsapp-in koncerni i SHBA-së i orienton klientët në drejtim të ofertave të veta, kritikon Autoriteti italian i Antitrustit.
Kjo mund të pengojë konkurrencën, përdoruesit janë të detyruar të instalojnë dy aplikacione të IA në aparat, në rast se nuk duan ta përdorin “Meta AI”.
Sipërmarrja, së cilës i përkasin Facebook dhe Instagrami, në të kundërt thekson dobinë e ndërlidhjes së aplikacioneve. “Aksesi falas në funksionet tona të IA-së u jep miliona italianëve mundësinë të përdorin IA në një vend, që e njohin, tek i cili kanë besim dhe e kuptojnë.”
Nëse akuzat nga Italia kundër Meta-s konfirmohen, kjo do të ishte goditje ekonomike për Facebook. Në rast shkeljeje të rregullave europiane të konkurrencës kërcënojnë gjoba me deri në dhjetë për qind të xhiros vjetore mbarëbotërore.
Ditët e fundit ndërmjet BE-së dhe Meta-s ka pasur edhe një përplasje për një temë tjetër. Koncerni amë Facebook njoftoi, se nga tetori nuk do të lejojë më në platformat e veta njoftime dhe reklama politike në Bashkimin Europian. Arsyeja është se rregullorja e BE-së “nuk mund të zbatohet në praktikë”.
Një zëdhënës i sipërmarrjes u ankua, se udhëzimet e BE-së krijojnë “pasiguri ligjore”. Zuckerberg është kritik ndaj rregullave të BE-së. Në fillim të vitit ai e akuzoi Brukselin për “censurë”.
Teknologji
Toyota prezanton automjetin e parë elektrik
Published
8 hours agoon
August 5, 2025By
UBT News
Duket se është shkruar një kapitull i ri në marrëdhënien komplekse të Toyotës me automjetet elektrike. Gjiganti japonez, ndonëse ngadalë, po e pranon të ardhmen elektrike, gjë që tregohet me prezantimin e modelit krejt të ri C-HR+, krahas modelit ekzistues bZ4X.
Sipas një raporti nga Nikkei Asia, Toyota planifikon të rrisë ndjeshëm prodhimin e automjeteve elektrike në Evropë deri më 2028. Fabrika e kompanisë në Çeki pritet të shndërrohet në një qendër kryesore prodhimi, me një objektiv ambicioz prej 100 mijë automjetesh elektrike në vit.
Ky hap është pjesë e një strategjie të Toyotës që përfshin ofrimin e 14 modeleve të automjeteve elektrike në Evropë deri më 2026, duke përfshirë versionet elektrike të ardhshme të modeleve C-HR+ dhe Urban Cruiser, si dhe një version të përditësuar të modelit bZ crossover, shkruan Carscoops.
Vendimi për të lokalizuar prodhimin është në përputhje me objektivat afatgjata të qëndrueshmërisë dhe ndalimin e ardhshëm të shitjes së automjeteve të reja me motorë me djegie të brendshme në Bashkimin Evropian nga 2035. Pavarësisht një rënie të lehtë të shitjeve së fundmi, automjetet elektrike ende përbëjnë një pjesë të konsiderueshme prej 15.4 për qind të shitjeve të reja të makinave në kontinentin e vjetër.
Për krahasim, në Japoni, kjo për qindje është vetëm 2, gjë që e bën tregun evropian shumë më të rëndësishëm për strategjinë elektrike të kompanisë.
Toyota, si shumë prodhues tradicionalë, po ndjen presion nga konkurrentët kinezë si BYD, Jaecoo dhe Xpeng, të cilët kanë 5.1 për qind të pjesës së tregut në Evropë. Edhe pse Toyota ka qenë e kujdesshme, plani i ri tregon një ndryshim brenda industrisë.
Shumë do ta quajnë këtë si hap për t’iu përgjigjur kërkesës në rritje për opsione elektrike në Evropë, por edhe për t’iu përshtatur kuadrit të rreptë rregullator.
Nuk duhet pritur një ndryshim i plotë i strategjisë. Kompania mbetet e kujdesshme për shkak të sfidave praktike si pesha e baterive dhe kufizimet në autonomi. Në vend të një kthese të plotë, Toyota ka gjasë të vazhdojë të integrojë zgjidhje të avancuara hibride dhe teknologji për zgjatjen e autonomisë, për të ruajtur praktikën dhe tërheqjen – veçanërisht për automjetet më të mëdha.
Teknologji
Zbulohen specifikimet më të rëndësishme të Samsung Galaxy S25 FE
Published
9 hours agoon
August 5, 2025By
UBT News
Pas një sërë thashethemesh që kanë qarkulluar kohët e fundit, është shfaqur një listë e specifikimeve më të rëndësishme të telefonit inteligjent Samsung Galaxy S25 FE që do të dalë së shpejti.
Telefonti inteligjent do të fuqizohet nga procesori Exynos 2400, i cili është përmirësim i vogël në krahasim me Exynos 2400e në modelin e mëparshëm.
Ai shoqërohet me 8 GB RAM dhe 128 ose 256 GB memorie të brendshme. S25 FE vjen me një ekran AMOLED me rezolucion prej 1,080×2,340 pikselësh dhe shpejtësi rifreskimi prej 120 Hz, i cili mbrohet nga Gorilla Glass Victus.
Në pjesën e pasme është kamera kryesore 50 MP (f/1.8) me stabilizim optik të imazhit, kamerë ultra e gjerë 50 MP (f/2.2) dhe një kamerë telefoto 8 MP (f/2.4) me zmadhim optik 3x dhe stabilizim optik të imazhit, ndërsa pjesa e përparme ka një kamerë selfie 12 MP (f/2.2).
Pajisja fuqizohet nga një bateri 4,500 mAh me mbështetje për karikim me tel 45W e pa tel 15W. Dimensionet janë 161.3×76.6×7.4 mm, peshon 190 gramë.
Do të jetë rezistent ndaj ujit dhe pluhurit sipas standardit IP68 dhe do të përdorë Android 16 me ndërfaqen e përdoruesit One UI 8.
Krahasuar me paraardhësin, S25 FE ka kamerë selfie me rezolucion më të lartë, karikim me tel më të shpejtë e bateri më të vogël, pasi S24 FE fuqizohet nga një bateri 4,700 mAh. Sipas informacionit nga Samsung, Galaxy S25 FE prezantohet më herët se modeli i mëparshëm, i cili mbërriti në fund të shtatorit 2024.

Kriza në Barcelonë, përplasje e hapur mes klubit dhe Ter Stegen

United paraqet megaofertë për sulmuesin slloven

Meta do t’i ndalojë reklamat politike në BE nga tetori

Pesë suplemente që nuk kombinohen mirë me kafenë

Galliani drejt rikthimit te Milani, zbulohet roli i tij

Osmani tërheq kërkesën e saj në Kushtetuese: Gjyqtari Llaban paraqet rrezik për sigurinë kombëtare

S25 arrin 3 milionë shitje në Korenë e Jugut, dy muaj më shpejt se paraardhësi

Rikthimi i Shawn Mendes në skenë që nga 2022, për herë të parë përpara një publiku kosovar

Gjatë verës ju bien më shumë flokë? Ja pse ndodh dhe si ta ndalni
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit