Lajmet

Rusia zgjat për tre muaj paraburgimin për gazetarin amerikan

Ai u ndalua në muajin mars teksa ishte duke raportuar nga Rusia.

Published

2 years ago

on

Në një seancë të mbajtur me dyer të mbyllura, një gjykatë në Rusi ka vendosur të zgjasë paraburgimin e Evan Gershkovich, një gazetar i Wall Street Journal me tre muaj të tjerë.

Ky zhvillim nxjerr në pah natyrën e fshehtë që rrethon çështjen kundër Gershkovich, i cili është korrespondenti i parë amerikan që mbahet në Rusi për akuza për spiunazh që nga epoka e Luftës së Ftohtë.

Gershkovich, një shtetas amerikan 31-vjeçar, u ndalua në muajin mars teksa ishte duke raportuar nga Rusia.

Pavarësisht akuzave për spiunazh, si Gershkovich, punëdhënësi i tij, ashtu edhe qeveria amerikane i kanë hedhur poshtë akuzat. Gjykata tani ka urdhëruar që ai të qëndrojë në paraburgim deri më 30 gusht.

Seanca dëgjimore e së martës nuk u njoftua paraprakisht dhe e gjithë çështja është mbajtur në fshehtësi.

Autoritetet ruse nuk kanë dhënë detaje se çfarë provash kanë mbledhur për të mbështetur akuzat për spiunazh.

Agjencia shtetërore e lajmeve në Rusi, Tass, tha se seanca u mbyll sepse gazetari akuzohet për posedim të “materialeve sekrete”. Wall Street Journal raportoi të martën mbrëma se prindërit e Gershkovich, emigrantë sovjetikë që jetonin në Nju Xhersi, vizituan Moskën dhe panë djalin e tyre gjatë seancës së dëgjimore.

“Nuk di si ta përshkruaj këtë lumturi dhe këtë trishtim në të njëjtën kohë”, tha nëna e reporterit, Ella Milman. Ajo tha se Gershkovich dukej i relaksuar dhe në gjendje të mirë, dhe se ata komunikonin përmes buzëqeshjeve.

Departamenti Amerikan i Shtetit tha se të paktën një zyrtar i ambasadës amerikane mori pjesë në seancën dëgjimore.

Qeveria e SHBA më herët ka thënë se Gershkovich ishte arrestuar gabimisht dhe kërkoi lirimin e tij të menjëhershëm. Ai po mbahet në burgun Lefortovo të Moskës.

Zyrtarët e ambasadës amerikane u lejuan të vizitojnë Gershkovich një herë në burg që nga arrestimi i tij në Yekaterinburg më 29 mars, por autoritetet ruse kanë mohuar dy kërkesa të tjera të fundit për ta takuar atë.

Zëdhënësi i Departamentit të Shtetit, Matthew Miller, u tha gazetarëve në Uashington:“Ne i bëjmë thirrje edhe një herë Rusisë që të përmbushë detyrimin e saj për t’i ofruar atij akses konsullor”.

Ai shtoi se akuzat kundër Gershkovich janë të pabaza “dhe ne vazhdojmë të bëjmë thirrje për lirimin e menjëhershëm të tij “.

Analistët thonë se Moska mund të përdorë amerikanët e burgosur për “pazar politik” gjatë rritjes së tensioneve SHBA-Rusi për shkak të luftës të Kremlinit në Ukrainë.

Në një deklaratë pas seancës dëgjimore të së martës, Wall Street Journal tha: “Ndërsa prisnim se nuk do të kishte asnjë ndryshim në ndalimin e gabuar të Evan, ne jemi thellësisht të zhgënjyer. Akuzat janë dukshëm të rreme dhe ne vazhdojmë të kërkojmë lirimin e tij të menjëhershëm”./REL

Related Topics:
Continue Reading

Bota

Sërish lëkundje të forta tërmeti në Greqi, ja ku ishte epiqendra

Published

17 minutes ago

on

January 22, 2025

By

Një tërmet i fuqishëm me magnitudë 5.1 ballë ka tronditur ishullin e Lesvos në Greqi, duke shkaktuar panik tek banorët. Epiqendra e tërmetit ishte 8 km nga Mithymna, dhe lëkundjet janë ndjerë në të gjithë ishullin, ku shumë banorë janë frikësuar dhe janë dalë në rrugë për siguri. Tërmeti kishte një thellësi fokale prej 14.6 km dhe është ndjerë gjithashtu në ishujt fqinjë, përfshirë Kion.

Sipas dëshmive të banorëve, lëkundjet kanë pasur një kohëzgjatje të gjatë, duke shkaktuar frikë dhe duke sjellë rënie të objekteve dhe pajisjeve në shtëpitë e tyre. Deri tani nuk ka raporte për të lënduar apo dëme materiale, por autoritetet lokale janë në gatishmëri për të monitoruar situatën, veçanërisht në fshatrat e ishullit.

Profesori Efthimios Lekkas, ekspert i gjeologjisë, ka theksuar se është ende herët për të dhënë një konkluzion për shkakun e lëkundjeve të fuqishme./UBTNews/

Continue Reading

Bota

Shpërthim në një minierë në Poloni, plagosen 16 punëtorë

Published

27 minutes ago

on

January 22, 2025

By

Një shpërthim ka ndodhur në një minierë në Poloni, duke plagosur 16 punëtorë. Ngjarja ka ndodhur mesditën e së mërkurës në rajonin Katowice të Polonisë jugore. Të plagosurit kanë pësuar kryesisht djegie dhe lëndime në krahë dhe këmbë. Situata është ndjekur nga autoritetet lokale, të cilat po merren me hetimin e shkakut të shpërthimit./UBTNews/

Continue Reading

Bota

Emmanuel Macron u bën thirrje vullnetarëve të rinj për të ‘përforcuar’ ushtrinë franceze

Published

36 minutes ago

on

January 22, 2025

By

Presidenti francez Emmanuel Macron ka bërë thirrje për mobilizimin e vullnetarëve të rinj për të forcuar ushtrinë franceze, gjatë një fjalimi në Komandën e Mbështetjes Dixhitale dhe Kibernetike të Ushtrisë në Francën perëndimore. Ai kërkoi nga qeveria dhe forcat e armatosura të zhvillojnë propozime për të mobilizuar më shumë vullnetarë të rinj, duke i trajnuar dhe i integruar ata në ushtri kur është e nevojshme.

Macron theksoi se ky proces nuk ka për qëllim rikthimin e shërbimit të detyrueshëm ushtarak, por synon të angazhojë të rinjtë që janë të gatshëm të kontribuojnë për forcimin e ushtrisë. Ky program ishte një nga premtimet e fushatës së tij presidenciale në vitin 2017 dhe pas kritikave, ai u realizua në vitin 2019 me formën e Shërbimit Kombëtar Universel (SNU), i cili synon të ofrojë mundësi rinore për të mësuar dhe kontribuar në ushtri.

Megjithatë, programi ka hasur në kritika lidhur me koston e tij dhe efikasitetin, duke çuar në një reduktim të buxhetit për SNU-në nga Senati francez. Ndërkohë, Franca ka një objektiv ambicioz për të arritur 210,000 ushtarakë aktivë dhe 80,000 rezervistë deri në vitin 2030./UBTNews/

Continue Reading

Bota

Trump: Nëse Elon Musk do të blejë TikTok-un e mirëpres këtë vendim pozitiv

Published

46 minutes ago

on

January 22, 2025

By

Presidenti i SHBA-së, Donald Trump, ka shprehur mbështetje për idenë që miliarderi i teknologjisë, Elon Musk, të blejë aplikacionin TikTok. Gjatë një deklarate në Shtëpinë e Bardhë, Trump tha se do të ishte i hapur ndaj një marrëveshje të tillë, duke theksuar se nëse Musk do të dëshironte ta blinte TikTok-un, ai e mirëpriste këtë vendim pozitiv.

Trump përmendi se gjatë mandatit të tij të mëparshëm ishte takuar me pronarët e TikTok-ut dhe kishte sugjeruar që aplikacioni të blihej dhe t’i jepej “gjysma” e SHBA-së. Ai argumentoi se Shtetet e Bashkuara duhet të kenë një partneritet të fuqishëm me TikTok-un dhe se kjo marrëveshje mund të ishte shumë e arsyeshme për të dyja palët.

Gjithashtu, Trump nënshkroi një urdhër ekzekutiv që shtynte ndalimin e TikTok-ut për 75 ditë, duke cituar çështje të sigurisë kombëtare dhe duke u munduar të shpëtojë aplikacionin, i cili përdoret nga rreth 170 milionë amerikanë. Ai theksoi se TikTok mund të kishte një vlerë deri në një trilion dollarë, dhe se SHBA kishte të drejtën ta shesë ose ta mbyllë aplikacionin.

Në këtë kontekst, Trump pohoi se administrata e tij po punonte për të krijuar një “sipërmarrje të përbashkët” me kompanitë që mund të ishin të interesuara për të blerë TikTok-un, me Shtetet e Bashkuara si partner. Ai theksoi se shumë investitorë dhe kompani mund të kishin interes në një marrëveshje të tillë, duke e bërë TikTok një mundësi tërheqëse për SHBA-në.

Vendimi i fundit i Gjykatës së Lartë të SHBA-së miratoi një ligj që mund të ndalonte TikTok-un nëse ByteDance, kompania kineze që e zotëron, nuk pranonte investime të tjera për aplikacionin. Pas një periudhe të shkurtër pa funksionim të shërbimeve, TikTok njoftoi se ishte duke rikthyer shërbimet për përdoruesit amerikanë pas garancive nga Trump./UBTNews/

Continue Reading

Të kërkuara