Rusia ka kërcënuar kompaninëYouTube me bllokim, dhe bëri thirrje për “zero tolerancë” ndaj kompanisë gjigante, e cila ia ka fshirë kanalet televizionit rus në gjuhën gjermane, RT, transmeton UBT News.
Kompania YouTube ka fshirë të martën kanalet e transmetuesit të mbështetur nga shteti rus, RT, në gjuhën gjermane, duke thënë se ata kishin shkelur politikën e saj të dezinformimit sa i përket COVID-19.
Kompania kishte lajmëruar se do të bllokonte të gjitha përmbajtjet kundër vaksinave, duke kaluar përtej COVID-19, përmbajtje këto që pretendojnë se vaksinat shkaktojnë efekte kronike shëndetësore ose përmbajnë dezinformata mbi substancat në vaksina.
Rusia akuzoi kompaninë YouTube për “agresion të paparë informacioni”.
Rregullatori shtetëror rus i komunikimeve Roskomnadzor tha se i kishte shkruar Google dhe kërkoi që të hiqen kufizimet në kanalet RT. Rusia mund të kufizojë pjesërisht ose plotësisht hyrjen në YouTube nëse nuk pajtohen, shtuan ata.
Rusia mund të vendosë masa për të detyruar YouTube që të respektojë ligjet e saj, u tha gazetarëve zëdhënësi i Kremlinit, Dmitry Peskov, duke shtuar se ligji duket se ishte thyer në këtë rast.
“Sigurisht që do të ketë zero tolerancë për këtë lloj shkelje të ligjit”, tha ai.
Ministria e jashtme ruse tha se do të hartonte “një propozim për të zhvilluar dhe marrë masa hakmarrëse kundër shërbimit të pritjes të YouTube dhe mediave gjermane”.
Christian Mihr, drejtor ekzekutiv në Reporters Without Borders (RSF) Gjermani, tha se kërcënimi i veprimit kundër gazetarëve gjermanë ishte “krejtësisht i papërshtatshëm”.
Berlini mohoi akuzën se vendimi i YouTube ishte marrë me mbështetje nga autoritetet gjermane dhe mediat lokale.
“Ky është një vendim i YouTube, bazuar në rregullat e krijuara nga YouTube. Nuk është një masë (e marrë nga) qeveria gjermane ose organizata të tjera zyrtare”, u tha gazetarëve zëdhënësi i qeverisë gjermane, Steffen Seibert./UBTNews/
Apple po planifikon të ndryshojë mënyrën e lansimit të modeleve të iPhone, duke futur një cikël të ri që përfshin dy periudha gjatë vitit, për herë të parë me modelin iPhone 18 në vitin 2026.
Në vend që të prezantojë katër modele të reja çdo vjeshtë, në të ardhmen do të duhet të zgjidhni mes tre modeleve të rinj, një në pranverë dhe një tjetër në vjeshtë. Fillimisht, modelet më të shtrenjta, të tilla si iPhone Pro, do të lansohen gjatë vjeshtës, ndërsa modelet standarde do të shtyhen për në pranverë.
Ky ndryshim në orarin e lansimeve sugjeron mundësinë e modeleve të reja, përfshirë një iPhone të palosshëm.
Sipas raporteve të fundit, në vjeshtën e vitit 2026 do të paraqiten iPhone 18 Pro, iPhone 18 Pro Max dhe ndoshta një model iPhone të palosshëm, ndërsa modelet standarde si iPhone 18, iPhone 18 Slim dhe iPhone 18e do të lansohen në pranverë të vitit 2027.
Është fundi i rrugëtimit për Skype, pasi shënohet “dalja zyrtare” nga përdorimi e platformës legjendare të komunikimit.
Përdoruesit ekzistues të Skype mund të “migrojnë” në Microsoft Teams (falas) me kredencialet e tyre të Skype, kontaktet dhe historikun e bisedave që transferohen automatikisht në platformën e re.
Gjithashtu, përdoruesit e Skype mund të eksportojnë të dhënat e tyre deri në janar 2026, pas së cilës ato do të fshihen përgjithmonë.
Arsyetimi zyrtar i Microsoft për mbylljen e Skype është “përmirësimi i ofertave tona falas të komunikimit për konsumatorët në mënyrë që të mund të përshtatemi më lehtë me nevojat e klientëve”.
Që nga fillimet e tij modeste në vitin 2003 dhe disa blerje të mëdha, përfshirë atë nga Microsoft në vitin 2011, Skype ishte një nga platformat më me ndikim të zërit mbi IP (VoIP) gjatë dy dekadave të fundit.
