Lajmet

Rusia i ofron përsëri vaksina anti-Covid Koresë së Veriut, e cila përballet me uri ekstreme

Pyongyang-u deri tash ka refuzuar vaksinat dhe ndihmat nga një numër i konsiderueshëm vendesh.

Published

on

Rusia i ka ofruar vaksina anti-Covid Koresë së Veriut edhe një herë, pas raportimeve se një mbyllje e ashpër atje po çon drejt urisë ekstreme.

Pyongyang-u deri tash ka refuzuar vaksinat dhe ndihmat nga një numër i konsiderueshëm vendesh. Në vend të pranimit të ndihmës, Korea e Veriut ka vënë kufizimie dhe masa të ashpra në tentim për ta mbajtur virusin nën kontroll, por kjo ka ndikuar në tregtinë me vendet e tjera e veçanërisht me Kinën. Ekonomia e ketij shteti mbështetet shumë në Pekinin për ushqim, pleh dhe karburante.


Kim Jong-un javë më parë ka pranuar se vendi po përballet me mungesa të ushqimit, duke e përshkruar situatën si “të tensionuar”. Ai bëri disa deklarata muajin e kaluar ku u tha qytetarëve të përgatiteshin për “rezultatin më të keq ndonjëherë” , deklaratë kjo që nxiti njerëzit të bëjnë krahasime me një uri vdekjeprurëse që kishte ndodhur në vitet e 90-ta.

Sanksionet tregtare ndërkombëtare besohet se kanë shtuar edhe më tej krizën mbi furnizimet e ushqimit.

Rusia edhe më herët e ka paralajmëruar Korenë e Veriut se “jo të gjithë mund t’i durojnë kufizimet e fuqishme dhe masat strikte”.

 Të mërkurën, ministri i Jashtëm rus, Sergej Lavrov, tha se Moska i ka ofruar vaksina Pyongyang-ut disa herë deri tash. Ai gjithashtu përsëriti  ofertën për të siguruar vaksina nëse vendi i kërkon ato dhe kurdo që i kërkon ato.

Një raport i OKB-së të mërkurën, tha se Korea po perballet me mungesa të ushqimit prej rreth 860,000 ton këtë vit dhe parashikon një gjendje shumë të vështirë në muajt që po vijnë.Një mënyrë për të dalë nga kjo krizë do të ishte vaksinimi i njerëzve, diçka që do të shtyente regjimin t’i hiqte kufizimet kufitare dhe të rifillonte tregtinë, por ndoshta edhe të pranonte ndihma.

//BBC

Leart Sveçla,

Media dhe Komunikim, UBT

Pjesëmarrës në Akademinë Multimediale “Global UBT Fest 2021”

Continue Reading

Bota

Scholz: Nuk mund ta imagjinojë Netanyahun të arrestohet në Gjermani

Published

on

Kancelari gjerman, Olaf Scholz, ka shprehur se nuk mund ta imagjinonte ekzekutimin e një urdhërarresti kundër kryeministrit izraelit, Benjamin Netanyahu, gjatë një vizite të tij në Gjermani. Kjo deklaratë erdhi pas lëshimit të një urdhërarresti nga Gjykata Ndërkombëtare Penale (ICC) në nëntor, lidhur me veprimet e qeverisë izraelite në Gazë, dhe pas mbërritjes së Netanyahut në Budapest, udhëtimi i tij i parë në Evropë që nga lëshimi i këtij urdhri.

Scholz, gjatë një konference për shtyp në Berlin së bashku me mbretin e Jordanisë, Abdullah II, tha se qeveria gjermane kishte bërë të qartë qëndrimin e saj lidhur me arrestimin e Netanyahut, duke deklaruar: “Nuk mund ta imagjinoj se do të ketë një arrestim në Gjermani.”

Në një ditë kur Hungaria njoftoi planet për t’u tërhequr nga vendimi i ICC-së, ministrja e Jashtme gjermane, Annalena Baerbock, e kritikoi ashpër këtë vendim, duke theksuar se ishte një ditë e keqe për të drejtën penale ndërkombëtare dhe duke kujtuar se në Evropë, askush nuk është mbi ligjin.

Traktati i Romës, që është dokumenti themelues i ICC-së, kërkon që shtetet anëtare të zbatojnë urdhrat e gjykatës. Si anëtare të ICC-së, edhe Hungaria dhe Gjermania janë të detyruara ligjërisht të arrestojnë Netanyahu nëse ai hyn në territorin e tyre. Megjithatë, vendimi i Hungarisë ka ngritur shqetësime dhe diskutime për zbatimin e ligjit ndërkombëtar dhe përgjegjësitë e shteteve anëtare të ICC-së.

Continue Reading

Bota

Çmimi i naftës bie pas tarifave të Trump

Published

on

Çmimet e naftës regjistruan një rënie të ndjeshme më 3 prill 2025, pas masave të reja tregtare të presidentit amerikan, Donald Trump. Rënia e çmimeve është lidhur me shqetësimet e tregjeve financiare për ndikimin që mund të ketë këto tarifa mbi rritjen ekonomike globale dhe kërkesën për naftë.

Çmimi i një fuçie nafte “West Texas Intermediate” (WTI), standardi amerikan, për dërgesë në maj, ra me 5,15%, duke arritur në 68,02 dollarë. Ndërkaq, çmimi i një fuçie nafte “Brent” të Detit të Veriut për dorëzimin e qershorit ra me 4,78%, duke u ulur në 71,37 dollarë.

Përveç pasigurisë nga tarifat e reja të Trump, OPEC-u njoftoi një rritje më të mprehtë të prodhimit të naftës se sa ishte pritur, që gjithashtu ka kontribuar në uljen e çmimeve të naftës.

Continue Reading

Lajmet

Policia gjobit shoferin që drejtoi veturën në anën e kundërt në autostradë

Published

on

Policia e Kosovës ka gjobitur një shofer me 500 euro pasi ai drejtoi veturën e tij në anën e kundërt të autostradës. Incidenti ka ndodhur në Autostradën “Dr. Ibrahim Rugova” dhe është bërë publik më 3 prill 2025 përmes një video-incizimi që u shpërnda në rrjetet sociale.

Shoferi ka marrë gjithashtu pesë pikë negative dhe i është ndaluar drejtimi i automjetit për një periudhë prej dymbëdhjetë muajsh. Mjeti është larguar nga trafiku përmes një kompanie të autorizuar për tërheqje. Policia, përmes një njoftimi, ka bërë të ditur se njësia për Kontroll të Autostradave në bashkëpunim me njësinë kufitare ka identifikuar dhe ndaluar shoferin që kryente shkeljen e rrezikshme në autostradë.

Continue Reading

Lajmet

Zëdhënësit e Speciales: Gjykata e Hagës mban përgjegjës individët, jo grupet etnike, organizatat apo komunitetet

Published

on

Zëdhënësit e Gjykatës Speciale, Michael Doyle dhe Angela Griep, kanë zhvilluar një konferencë për media, ku kanë sqaruar disa çështje lidhur me procesin gjyqësor që po zhvillohet në Hagë ndaj ish-krerëve të Ushtrisë Çlirimtare të Kosovës (UÇK). Gjatë konferencës, ata theksuan se Gjykata është e themeluar në përputhje me Kushtetutën e Kosovës dhe se përgjigjet për legjitimitetin e saj mund të gjenden aty. Ata nënvizuan se qëllimi i Gjykatës është të sigurojë gjykime të drejta, të pavarura dhe të paanshme për individët që ndiqen penalisht nga Prokuroria Speciale, si dhe për të mbrojtur dëshmitarët dhe për të siguruar dinjitetin e viktimave.

Zëdhënësit theksuan se Gjykata Speciale merret vetëm me përgjegjësi penale individuale dhe mbajnë përgjegjësi vetëm individët për krimet që u janë ngarkuar në aktakuzë. Ata gjithashtu sqaruan se Gjykata nuk merret me grupe etnike, organizata apo komunitete, por fokusohet tek përgjegjësia individuale.

Gjatë konferencës, ata përmendën edhe ankesën e mbrojtjes së Hashim Thaçit për pyetjet e bëra nga gjyqtarët ndaj dëshmitarëve, duke sqaruar se gjyqtarët kanë të drejtën dhe detyrën të bëjnë pyetje për të përcaktuar të vërtetën. Ata theksuan se kufizimi i mundësisë së gjyqtarëve për të bërë pyetje mund të cenonte rolin e tyre si gjetës të fakteve.

Continue Reading

Të kërkuara