

Lajmet
Rusët disidentë që jetojnë “makthin nga i cili është e pamundur të zgjohesh”
“Dhe krejt papritur, gjithçka në të cilën ne ende besuam u komprometua plotësisht…”
Published
2 years agoon
By
Betim GashiNga Ivana Kottasová
Për Andrei Soldatovin dhe shokët e tij, 24 shkurti shënonte fundin e Rusisë siç e dinin. Në orët e hershme të asaj dite, presidenti rus, Vladimir Putin njoftoi se ka urdhëruar trupat ruse brenda Ukrainës.
“Dhe krejt papritur, gjithçka në të cilën ne ende besuam u komprometua plotësisht”, i tha CNN-it Soldatov, një gazetar hulumtues rus që jeton në mërgim në Londër.
Për shumë vite, jeta në Rusi ishte bërë më e vështirë për disidentët, gazetarët e pavarur dhe këdo që fliste kundër regjimit të Putinit, por Soldatov tha se në mesin e njerëzve si ai kishte ende shpresë. Por lufta e ndryshoi këtë, tha ai.
“Ishte e tmerrshme të jetosh nën Putinin dhe ishte shumë larg idesë së demokracisë, por kishte edhe disa institucione të vendosura, të cilat thuajse mund t’i merrje si të mirëqena se do të ekzistonin pa marrë parasysh se çfarë, dhe krejt papritur, gjithçka u shemb”, tha ai mes tjerash.
Një grua që ende jeton në Moskë, e përshkroi 24 shkurtin si pikë pa kthim.
“Jeta u kthye në një makth nga i cili është e pamundur të zgjohesh, leximi i lajmeve gjatë gjithë orarit, protesta në të cilat kishte më shumë forca sigurie sesa civilë”, tha ajo për CNN, emri i së cilës nuk u publikua për shkaqe sigurie.
“Agresori është vendi ynë. Në emrin tonë, në emrin tim, po bëhet kjo masakër e tmerrshme”, tha ajo.
Ndërsa media shtetërore ruse krijon përshtypjen se të gjithë në Rusi mbështesin luftën dhe Putinin, shumë qytetarë më liberalë dhe të arsimuar të vendit kanë kaluar nëntë muajt e fundit në tmerr për shkak të dhunës së ushtruar në Ukrainë nga vendi i tyre. Por me regjimin gjithnjë e më represiv që godet çdo shenjë opozitare, zgjedhjet e atyre që nuk janë dakord janë jashtëzakonisht të kufizuara.
Qindra mijëra rusë janë larguar nga vendi, disa për shkak se po përballeshin me persekutim, të tjerë për të shmangur sanksionet perëndimore ose rrezikun për t’u tërhequr në ushtri. Mijëra të tjerë janë arrestuar, sipas grupeve të të drejtave. Shumë të tjerë janë detyruar të tërhiqen nga jeta publike ose kanë humbur punën, pasi qindra kompani perëndimore u tërhoqën nga Rusia dhe shumë OJQ vendase dhe të huaja dhe grupe të fushatës u mbyllën.
Shtypja ndaj tyre ka qenë brutale. Sipas monitoruesit të pavarur të të drejtave të njeriut OVD-Info, janë regjistruar mbi 19 mijë e 400 raste ndalimi për protesta kundër luftës në Rusi dhe dhjetëra persona ndiqen penalisht çdo javë sipas një ligji të ri që e bën të paligjshme shpërndarjen e informacionit “të rremë” për pushtimin.
Një gjykatë në Moskë e përdori ligjin në fillim të këtij muaji kur dënoi kritikun e Kremlinit, Ilya Yashin, me më shumë se tetë vjet burg, pasi foli rreth dyshimeve për vrasjen e civilëve nga trupat ruse në qytetin ukrainas Bucha, jashtë Kievit. Megjithatë, Kremlini nga ana e tij ka mohuar çdo lloj përfshirje në protesta masive, si dhe ka përsëritur deklaratat se imazhet e trupave të civilëve janë të rreme.
Soldatov u deklarua për CNN ditën kur pranoi në Londër një letër zyrtare nga autoritetet ruse që detajonte akuzat penale kundër tij. Ashtu si Yashin dhe qindra të tjerë, ai akuzohet për përhapjen e informacionit të rremë rreth ushtrisë ruse dhe zbatimit të ligjit dhe tani është në listën e të kërkuarve të Rusisë. Ai i mohon akuzat dhe thotë se thjesht po raportonte të vërtetën për veprimet e qeverisë ruse në prag dhe gjatë pushtimit të Ukrainës.
Sipas statistikave zyrtare të publikuara nga qeveria ruse, më shumë se gjysmë milioni njerëz u larguan nga Rusia në dhjetë muajt e parë të vitit – mbi dy herë më shumë në të gjithë vitin 2021. Ënde nuk dihet se sa janë larguar për arsye politike, por pothuajse 50 mijë qytetarë rusë kërkuan azil në një vend tjetër në gjashtë muajt e parë të vitit, sipas agjencisë së OKB-së për refugjatët, UNHCR./UBTNews/
Bota
Scholz: Nuk mund ta imagjinojë Netanyahun të arrestohet në Gjermani
Published
10 hours agoon
April 3, 2025By
UBT NEWS
Kancelari gjerman, Olaf Scholz, ka shprehur se nuk mund ta imagjinonte ekzekutimin e një urdhërarresti kundër kryeministrit izraelit, Benjamin Netanyahu, gjatë një vizite të tij në Gjermani. Kjo deklaratë erdhi pas lëshimit të një urdhërarresti nga Gjykata Ndërkombëtare Penale (ICC) në nëntor, lidhur me veprimet e qeverisë izraelite në Gazë, dhe pas mbërritjes së Netanyahut në Budapest, udhëtimi i tij i parë në Evropë që nga lëshimi i këtij urdhri.
Scholz, gjatë një konference për shtyp në Berlin së bashku me mbretin e Jordanisë, Abdullah II, tha se qeveria gjermane kishte bërë të qartë qëndrimin e saj lidhur me arrestimin e Netanyahut, duke deklaruar: “Nuk mund ta imagjinoj se do të ketë një arrestim në Gjermani.”
Në një ditë kur Hungaria njoftoi planet për t’u tërhequr nga vendimi i ICC-së, ministrja e Jashtme gjermane, Annalena Baerbock, e kritikoi ashpër këtë vendim, duke theksuar se ishte një ditë e keqe për të drejtën penale ndërkombëtare dhe duke kujtuar se në Evropë, askush nuk është mbi ligjin.
Traktati i Romës, që është dokumenti themelues i ICC-së, kërkon që shtetet anëtare të zbatojnë urdhrat e gjykatës. Si anëtare të ICC-së, edhe Hungaria dhe Gjermania janë të detyruara ligjërisht të arrestojnë Netanyahu nëse ai hyn në territorin e tyre. Megjithatë, vendimi i Hungarisë ka ngritur shqetësime dhe diskutime për zbatimin e ligjit ndërkombëtar dhe përgjegjësitë e shteteve anëtare të ICC-së.

Çmimet e naftës regjistruan një rënie të ndjeshme më 3 prill 2025, pas masave të reja tregtare të presidentit amerikan, Donald Trump. Rënia e çmimeve është lidhur me shqetësimet e tregjeve financiare për ndikimin që mund të ketë këto tarifa mbi rritjen ekonomike globale dhe kërkesën për naftë.
Çmimi i një fuçie nafte “West Texas Intermediate” (WTI), standardi amerikan, për dërgesë në maj, ra me 5,15%, duke arritur në 68,02 dollarë. Ndërkaq, çmimi i një fuçie nafte “Brent” të Detit të Veriut për dorëzimin e qershorit ra me 4,78%, duke u ulur në 71,37 dollarë.
Përveç pasigurisë nga tarifat e reja të Trump, OPEC-u njoftoi një rritje më të mprehtë të prodhimit të naftës se sa ishte pritur, që gjithashtu ka kontribuar në uljen e çmimeve të naftës.
Lajmet
Policia gjobit shoferin që drejtoi veturën në anën e kundërt në autostradë
Published
11 hours agoon
April 3, 2025By
UBT NEWS
Policia e Kosovës ka gjobitur një shofer me 500 euro pasi ai drejtoi veturën e tij në anën e kundërt të autostradës. Incidenti ka ndodhur në Autostradën “Dr. Ibrahim Rugova” dhe është bërë publik më 3 prill 2025 përmes një video-incizimi që u shpërnda në rrjetet sociale.
Shoferi ka marrë gjithashtu pesë pikë negative dhe i është ndaluar drejtimi i automjetit për një periudhë prej dymbëdhjetë muajsh. Mjeti është larguar nga trafiku përmes një kompanie të autorizuar për tërheqje. Policia, përmes një njoftimi, ka bërë të ditur se njësia për Kontroll të Autostradave në bashkëpunim me njësinë kufitare ka identifikuar dhe ndaluar shoferin që kryente shkeljen e rrezikshme në autostradë.
Lajmet
Zëdhënësit e Speciales: Gjykata e Hagës mban përgjegjës individët, jo grupet etnike, organizatat apo komunitetet
Published
11 hours agoon
April 3, 2025By
UBT NEWS
Zëdhënësit e Gjykatës Speciale, Michael Doyle dhe Angela Griep, kanë zhvilluar një konferencë për media, ku kanë sqaruar disa çështje lidhur me procesin gjyqësor që po zhvillohet në Hagë ndaj ish-krerëve të Ushtrisë Çlirimtare të Kosovës (UÇK). Gjatë konferencës, ata theksuan se Gjykata është e themeluar në përputhje me Kushtetutën e Kosovës dhe se përgjigjet për legjitimitetin e saj mund të gjenden aty. Ata nënvizuan se qëllimi i Gjykatës është të sigurojë gjykime të drejta, të pavarura dhe të paanshme për individët që ndiqen penalisht nga Prokuroria Speciale, si dhe për të mbrojtur dëshmitarët dhe për të siguruar dinjitetin e viktimave.
Zëdhënësit theksuan se Gjykata Speciale merret vetëm me përgjegjësi penale individuale dhe mbajnë përgjegjësi vetëm individët për krimet që u janë ngarkuar në aktakuzë. Ata gjithashtu sqaruan se Gjykata nuk merret me grupe etnike, organizata apo komunitete, por fokusohet tek përgjegjësia individuale.
Gjatë konferencës, ata përmendën edhe ankesën e mbrojtjes së Hashim Thaçit për pyetjet e bëra nga gjyqtarët ndaj dëshmitarëve, duke sqaruar se gjyqtarët kanë të drejtën dhe detyrën të bëjnë pyetje për të përcaktuar të vërtetën. Ata theksuan se kufizimi i mundësisë së gjyqtarëve për të bërë pyetje mund të cenonte rolin e tyre si gjetës të fakteve.

Scholz: Nuk mund ta imagjinojë Netanyahun të arrestohet në Gjermani

Çmimi i naftës bie pas tarifave të Trump

Policia gjobit shoferin që drejtoi veturën në anën e kundërt në autostradë

Zëdhënësit e Speciales: Gjykata e Hagës mban përgjegjës individët, jo grupet etnike, organizatat apo komunitetet

Rubio: SHBA do të vijojë të qëndrojë në NATO, e rëndësishme forcimi i aleancës

Pse nuk duhet t’i mbyllni perdet gjatë ditës?

Kurti pret në takim ambasadorin suedez, flasin për aktualitetin politik në vend

Po bëni gabim, ja sa shpesh duhen pastruar furçat e grimit

Billie Eilish tregon se cilët janë artistët e saj të preferuar
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë