Sport

Rummenigge në 360 gradë: Bayerni s’mund të jetë shoqatë shitjesh, Haaland …

Published

5 years ago

on

Ish-shefi ekzekutiv i Bayernit të Munihut, Karl-Heinz Rummenigge, në një intervistë të detajuar për një medie sportive spanjolle tregoi qëndrimin e tij në lidhje me zhvillimet aktuale në futboll, nga Superliga, Fair Play Financiar” deri te largimin e Lionel Messit nga Barcelona.

“Futbolli është në rrugën e gabuar që nga viti 1995, më saktësisht që nga vendimi për Bosmanin. Në atë kohë, një vendim gjykate i lejoi lojtarët të largoheshin nga klubet pa pagesë pas përfundimit të kontratës. Kjo ka çuar në rritjen artificiale të shifrave në lidhje me pagat, komisionin për menaxherët dhe tarifat e transferimit. UEFA dhe FIFA do të duhet të rikanalizojnë një treg që po del gjithnjë e më shumë jashtë kontrollit.”

Rummenigge iu referua tarifave të transferimit që ishin paguar në Angli dhe nga PSG këtë verë: “Shumat që janë shpenzuar në sesionin e fundit të merkatos, kur vazhdojnë të ndihen efektet e pandemisë, janë të vështira për t’u kuptuar.” Rummenigge e përshkroi si autogol faktin se Barça ishte e detyruar ta lejonte Messin të largohej për shkak të Fair Play-it Financiar:

“Nuk kishte alternative tjetër. Miku im i mirë, Joan Laporta, e di këtë. Nuk mund të imagjinohet Katalunja pa Barcelonën. Është e pamundur.” Projekti i famshëm i Superligës së Europës mbahet gjallë nga vetëm tri klube, Barça, Real Madrid dhe Juventus: “E kam të vështirë të imagjinoj një garë me vetëm tre anëtarë. Asnjë klub në Angli, Francë apo Gjermani nuk do të tundohet të luajë përsëri me zjarrin.” Rummenigge gjithashtu komentoi thashethemet e transferimit të Robert Lewandowski te Reali, transmeton TCH.

“Florentino Perez më njeh mirë dhe e di që një lojtar si Lewandowski nuk do të shitet”. Erling Haaland është përfolur si pasardhësi i Lewandowskit, por për ish-drejtuesit e lartë të Bayernit, blerja me shifrat që kërkohen të imponohen, është e paimagjinueshme.

“Klubet e mëdha janë rreshtuar për të bindur lojtarin dhe përfaqësuesin e tij. Do të shohim një ankand të vërtetë për të parë se kush paguan pagën më të lartë, sepse tarifa e transferimit tashmë është përcaktuar. Paga e ardhshme e Haalandin nuk mund të përballohet nga asnjë klub i Bundesligës, as nga Bayerni. E njoh Watzken dhe e di se ai është një person që mban fjalën e tij. Ai tha se nuk do ta shisnin dhe nuk e bënë”.

Situata është e ngjashme me atë të Franck Ribery në vitin 2008. Reali ofroi 75 milionë euro për francezin: “Do të kishte thyer të gjitha rekordet në atë kohë. Donim t’i tregonim botës se Bayerni nuk është një shoqatë shitjesh. Kontratat nënshkruhen për t’i përmbushur ato”.

Related Topics:
Continue Reading

Sport

Mohamed Salah merr një dhuratë të pazakontë në Turqi, mbetet i befasuar nga propozimi i kryetarit të komunës

Published

2 days ago

on

August 7, 2026

By

Ish-sulmuesi i Liverpoolit, Mohamed Salah, është përballur me një moment të pazakontë vetëm pak javë pasi nisi aventurën e tij të re te Trabzonspori.

34-vjeçari iu bashkua klubit turk në fillim të këtij muaji si lojtar i lirë, pas përfundimit të kontratës me Liverpoolin. Vendimi i tij për të vazhduar karrierën në Turqi surprizoi shumë tifozë dhe analistë të futbollit.

Pas prezantimit zyrtar, Salah vizitoi distriktin Arakli në Trabzon, ku u prit nga kryetari i komunës, Huseyin Avni Coskun Çebi. Takimi ishte planifikuar fillimisht si pjesë e një xhirimi promovues, por mori një kthesë të papritur.

Gjatë bisedës, Çebi foli për ndikimin e ndryshimeve klimatike dhe përmendi se në të ardhmen temperaturat e larta mund ta bëjnë jetën më të vështirë në Egjipt, vendlindjen e futbollistit.

“Ngrohja globale po kërcënon botën. Në të ardhmen do të bëhet e vështirë të jetohet në Egjipt gjatë verës. Distrikti ynë do të jetë shumë i banueshëm dhe ndër vendet më pak të prekura nga ngrohja globale”, tha ai.

Më pas, kryetari i komunës i bëri Salahut një ofertë që e la të habitur.

“Prandaj, le t’ju dhurojmë një copë të bukur tokë këtu. Mund të jetë një vend i mrekullueshëm për fëmijët dhe nipërit tuaj, pa probleme me ujin dhe i paprekur nga ngrohja globale”, shtoi Çebi.

Reagimi i Salahut u bë menjëherë viral në rrjetet sociale. Egjiptiani u pa duke prekur fytyrën në shenjë befasie, ndërsa iu përgjigj kryetarit të komunës me një “Faleminderit”, përpara se ta përshëndeste me shtrëngim duarsh.

Salah ka nisur kështu një kapitull të ri në karrierën e tij me Trabzonsporin, klub me të cilin, sipas raportimeve, do të përfitojë rreth 16.8 milionë euro në sezon. Me afrimin e yllit egjiptian, Trabzonspori synon të rivalizojë Galatasarayn dhe Fenerbahçen në garën për titullin e kampionit në Turqi.

D.L

Continue Reading

Sport

Fenerbahçe synon transferimin e Endrickut, Mourinho kërkon sulmuesin e Real Madridit

Published

2 days ago

on

August 7, 2026

By

Fenerbahçe po përgatit një lëvizje befasuese në afatin kalimtar të verës, duke synuar transferimin e sulmuesit brazilian të Real Madridit, Endrick.

Sipas mediumit turk Fanatik, drejtori ekzekutiv i klubit, Cihan Kamer, pritet të udhëtojë drejt Madridit për të zhvilluar bisedime lidhur me një marrëveshje të mundshme. Klubi turk thuhet se është i vendosur ta bindë talentin brazilian të pranojë ofertën dhe të transferohet në Stamboll.

E ardhmja e 20-vjeçarit në “Santiago Bernabéu” është vënë në pikëpyetje pas afrimit të Carlos Espit nga Levante për 25 milionë euro. Konkurrenca e shtuar në repartin ofensiv pritet të kufizojë hapësirat e Endrickut në formacion.

Ndërkohë, trajneri i Real Madridit, Jose Mourinho, raportohet se e konsideron Espin si një alternativë të rëndësishme në repartin sulmues dhe nuk mund t’i garantojë Endrickut minutat që ai kërkon.

Pikërisht kjo situatë ka nxitur interesimin e Fenerbahçes, e cila shpreson të përfitojë nga pasiguria rreth rolit të brazilianit në skuadrën madrilene dhe ta bindë atë të vazhdojë karrierën në Superligën turke.

D.L

Continue Reading

Sport

KB Vëllaznimi prezanton strukturën e re drejtuese, Ardit Bakalli zgjidhet kryetar i klubit

Published

2 days ago

on

August 7, 2026

By

Profili zyrtar i KB Vëllaznimit ka njoftuar për zgjedhjen e strukturës së re drejtuese të klubit, pas Kuvendit Zgjedhor të mbajtur më 5 gusht 2026.

Sipas njoftimit të publikuar nga klubi gjakovar, në pozitën e kryetarit të KB Vëllaznimit është zgjedhur Ardit Bakalli.

Bordi i ri drejtues i klubit përbëhet nga:

  • Ardit Bakalli – Kryetar
  • Bledar Kusari
  • Ardit Zeka – Sekretar
  • Blend Kasapolli
  • Ardian Maloku
  • Behar Ferizi
  • Shkëlqim Gërqina
  • Jeton Bakalli
  • Endrit Berisha

KB Vëllaznimi ka bërë të ditur se kjo strukturë e re është pjesë e vizionit të klubit për forcimin e organizimit, rritjen e profesionalizmit dhe vazhdimin e punës për zhvillimin institucional dhe sportiv.

“Klubi i uron suksese drejtuesve të rinj dhe i falënderon për gatishmërinë për të kontribuar në rrugëtimin e ardhshëm të klubit”, thuhet në njoftimin zyrtar të KB Vëllaznimit.

Për Vëllaznimin. Për Gjakovën.

D.L

Continue Reading

Sport

KB Sigal Prishtina përforcohet me dy lojtarë të rinj, vazhdon edhe me Liri Zenelin

Published

2 days ago

on

August 7, 2026

By

KB Sigal Prishtina ka nisur kompletimin e skuadrës për sezonin e ri, duke bërë të ditur dy afrime të reja në ekip.

Klubi bardhekaltër ka mirëpritur në radhët e veta Vincent Golson Jr dhe Elton Krasniqin, të cilët do të jenë pjesë e Sigal Prishtinës në edicionin e ardhshëm. Dy lojtarët e rinj pritet të sjellin cilësi dhe energji të re në skuadrën kampione.

Përveç afrimeve të reja, Sigal Prishtina ka konfirmuar edhe vazhdimin e bashkëpunimit me Liri Zenelin. Basketbollisti, i cili ka qenë pjesë e ekipit edhe më herët, do të vazhdojë të mbajë fanellën bardhekaltër edhe në sezonin e ri.

Me këto lëvizje, KB Sigal Prishtina po ndërton një skuadër të balancuar, duke kombinuar përforcimet e reja me lojtarët që tashmë e njohin ambientin e klubit.

D.L

Continue Reading

Të kërkuara