Lajmet

Rumania do të dërgojë sistemin ushtarak Patriot në Ukrainë

Publikuar

Anëtarja e NATO-s, Rumania ka njoftuar se do të dërgojë sistemin ushtarak Patriot në Ukrainë. Kjo e fundit vazhdimisht u ka bërë thirrje aleatëve të saj të rrisin mbështetjen ushtarake ajrore derisa Rusia po sulmon infrastrukturën e saj energjetike.

Presidenti ukrainas, Volodymyr Zelensky tha javën e kaluar se Rusia ka shkatërruar gjysmën e kapacitetit gjenerues të energjisë elektrike të Ukrainës dhe se i duhen shtatë sisteme raketore Patriot dhe mbrojtje të tjera ajrore për të mbrojtur qendrat urbane të Ukrainës.

“Duke marrë parasysh përkeqësimin e konsiderueshëm të situatës së sigurisë në Ukrainë, … anëtarët e këshillit vendosën t’i dhurojnë Ukrainës një sistem Patriot në koordinim të ngushtë me aleatët”, njoftoi të enjten përmes një deklarate Këshilli i Lartë i Mbrojtjes Kombëtare të Rumanisë.

Nga ana e tij, presidenti ukrainas, Volodymyr Zelensky tha se: “Ky kontribut vendimtar do të forcojë mburojën tonë ajrore dhe do të na ndihmojë të mbrojmë më mirë njerëzit tanë dhe infrastrukturën kritike nga terrori ajror rus”./UBTNews/

Lajmet

Krasniqi: Për katër vite, Kosova ka humbur mbi 210 mijë banorë

Publikuar

nga

Kryetari i Partisë Demokratike të Kosovës, Memli Krasniqi ka reaguar sot pas publikimit të statistikave të regjistrimit të popullsisë, ku, siç thotë, u konfirmua se për 4 vitet e fundit Kosova ka humbur mbi 210 mijë banorë.

“Pa u lëshuar këtu në saktësinë e shifrave të publikuara, është lajm i keq dhe shumë i dhembshëm që, duke u bazuar në publikimet zyrtare të ASK-së, po konfirmohet se vetëm në katër vitet e fundit, Kosova i ka humbur mbi 210 mijë banorë”, tha Krasniqi në një postim në Facebook.

Duke iu referuar dhënave të ASK-së, Krasniqi tha se dëshmohet se në vitin 2020 Kosova kishte 1,798,186 banorë.

“Ndërsa, sot, kjo Agjenci publikoi shifrën pikëlluese prej vetëm 1,586,659 banorëve rezidentë”.

“Qytetarët, e veçmas rinia e Kosovës, po e braktisin vendin! Ose, thënë më mirë, Qeveria i ka braktisur ata dhe ëndrrat e tyre. Ky lajm i gëzon vetëm ata që nuk ia duan të mirën vendit tonë. Kjo shifër kërkon veprime politike emergjente. Qytetarët tanë meritojnë më shumë dhe më mirë – pranë familjeve të tyre dhe në vendin e vet”, tha Krasniqi.

Vazhdo të lexosh

Lajmet

​Pothuajse 10% e popullsisë së BE-së s’është në gjendje të përballojë ushqimin e duhur

Publikuar

nga

Rreth 9.5% e popullsisë së BE-së nuk ishin në gjendje të përballonin një vakt që përmban mish, peshk ose një ekuivalent vegjetarian çdo të dytën ditë të vitit të kaluar, njoftoi sot Eurostat.

Autoriteti statistikor i bllokut 27 anëtarësh tha se kjo shifër ishte 1.2 pikë përqindje më e lartë krahasuar me normën 8.3 të vitit 2022.

“Për më tepër, duke u fokusuar te personat në rrezik të varfërisë në vitin 2023, pesha në nivel të BE-së ishte 22,3%”, tha Eurostati, duke shtuar se kjo shifër gjithashtu u rrit me 2,6 pikë përqindje në bazë vjetore.

Përqindja më e lartë e njerëzve në rrezik varfërie të paaftë për të përballuar ushqimin e duhur u pa në Sllovaki (45.7%), e ndjekur nga Hungaria (44.9%) dhe Bullgaria (40.2%). Nga ana tjetër, përqindja më e ulët u regjistrua në Irlandë (4.2%), e ndjekur nga administrata greke qipriote (5%) dhe Portugalia (5.9%)./AA

Vazhdo të lexosh

Lajmet

Temperaturat e larta në Kosovë, Ministria e Shëndetësisë merr këtë vendim

Publikuar

nga

Ditëve të fundit në Kosovë janë duke mbizotëruar temperatura të larta.

Të njëjtat është paralajmëruar që do të vazhdojnë edhe ditëve në vijim.

Shkak i kësaj Ministria e Shëndetësisë ka marrë vendim për kufizim të orarit të punës për disa kategori.

Nga 13 e deri më 20 korrik lirohen nga puna gratë shtatzëna, por në rast të pamundësisë së lirimit të njëjtat punojnë nga shtëpia.

Po ashtu qytetarët me sëmundje kronike punojnë me orar të shkurtuar deri në 4 orë në ditë.

Nga data 13.07.2024 deri më 20.07.2024 ndalohet puna në sektorin e ndërtimtarisë në ambiente të hapura gjatë orarit 11:00 – 17:00 në të gjithë territorin e Republikës së Kosovës.

Ndërsa, varësisht prej temperaturave që mbizotërojnë gjatë muajit korrik dhe gusht 2024, ndërmerren masa të tjera.

Vazhdo të lexosh

Lajmet

Osmani takohet me Macronin në Uashington, temë diskutimi e ardhmja euroatlantike e Kosovës

Publikuar

nga

Presidentja Vjosa Osmani ka qëndruar në Uashington këto ditë për të marrë pjesë në Samitin e NATO-s për përvjetorin e 75-të të Aleancës.

Në këtë samit, Osmani ka zhvilluar një takim me homologun e saj francez, Emmanuel Macron.

Ajo tha se temë diskutimi ka qenë e ardhmja euroatlantike e Kosovës, mes tjerash.

“Diskutim përmbajtjesor me Presidentin Macron në Samitin e NATO-s në Washington D.C lidhur me të ardhmen euroatlantike të Kosovës, reformat në fushën e sundimit të ligjit dhe forcimin e marrëdhënieve bilaterale ndërmjet Kosovës dhe Francës”, shkroi Osmani në Facebook.

Vazhdo të lexosh

Të kërkuara