Lajmet

​Rrustemi: Nëse opozita ka pajtueshmëri, LVV është e gatshme për caktimin e datës së zgjedhjeve

Published

1 year ago

on

Këtë javë por as të ardhshmen nuk do të ketë seanca plenare, ka thënë deputeti i Lëvizjes Vetëvendosje, Adnan Rrustemi. Sipas tij, në sallën plenare do të ketë punime për përmirësim të teknikës para seancës solemne për 25 vjetorin e çlirimit të vendit. Pas mbledhjes së kryesisë së Kuvendit, ai tha se janë të gatshëm që të diskutojnë për caktimin e datës së zgjedhjeve, nëse opozita ka pajtueshmëri.

Ai para mediave theksoi se nuk ka pasur vendim tjetër në mbledhjen e sotme të kryesisë së Kuvendit.

“Salla plenare është në ndërhyrje për të përmirësuar teknikën, javën e ardhshme dhe këtë javë nuk pritet që të ketë seancë. Dhe natyrisht planifikohet që para 12 qershorit kur pritet një seancë solemne për 25 vjetorin e çlirimit të jetë gati. Nuk kishte një vendim tjetër”, deklaroi Rrustemi.

Rrustemi shtoi se nuk ka pasur kërkesë për tu renditur si pikë e rendit të ditës shpërndarja e Kuvendit.

“Nuk ka pasur asgjë konkrete dhe zyrtare, nuk ka pasur një kërkesë për tu renditur si pikë në një seancë shpërndarja e kuvendit, por e përsëris nëse opozita, komplet spektri politik, dakordohen për mënyrën e të shkuarit në zgjedhje të parakohshme nëpërmjet shpërndarjes së Kuvendit, Lëvizja Vetëvendosje është e gatshme. Në të kundërtën, vazhdon puna për të përfunduar mandatin e plot dhe natyrisht në përmbushje e programit politik dhe qeverisës në raport me zotimet e dhëna në zgjedhjet e fundit”, shtoi ai.

Nëse opozita ka pajtueshmëri, Rrustemi shtoi se Lëvizja Vetëvendosje është po ashtu e gatshme për caktimin e datës së zgjedhjeve.

“Qëndrimi i LVV-së është i qartë, është bërë i qartë gjatë gjithë kohës. Ne jemi dakord nëse ka një pajtueshmëri të gjerë të opozitës dhe të mazhorancës për një datë të caktuar për zgjedhje të parakohshme, respektivisht për shpërndarjen e Kuvendit, jemi të gatshëm që ta diskutojmë shpërndarjen e Kuvendit. Por kjo kërkon përfshirjen dhe shpërndarjen të komplet opozitës, të themi komplet spektrit politik. Sepse data e zgjedhjeve dhe zgjedhjet është një proces që përfshin të gjitha partitë politike. Nëse opozita ka pajtueshmëri për këtë gjë, ne jemi të gatshëm që të diskutojmë shpërndarjen e Kuvendit”, theksoi ai.

Pas mbledhjes së kryesisë, deputeti i LVV-së u pyet edhe për avancimin e statusit të Kosovës në Asamblenë Parlamentare të NATO-s.

“Pa dyshim që pritshmëritë janë ato që ndërlidhen me avancimin e statusit të Kosovës në Asamblenë Parlamentare të NATO-s, ne presim që siç e meriton Kosova në kuptimin e pozicionimit të saj si shtet por edhe në kuptimin e përmbushjes së standardeve të avancojë me statusin e anëtarit të rregullt në Asamblenë e Përgjithshme. Dhe besoj dhe presim një vendim të drejtë dhe le të themi të pa ndikuar nga diskursi i përgjithshëm politik dhe publik”, përfundoi Rrustemi.

Related Topics:
Continue Reading

Lajmet

Përleshen tetë të mitur në Prizren, tre në spital, dy në mbajtje

Published

37 minutes ago

on

October 8, 2025

By

Një përleshje mes tetë të miturve ka ndodhur në Prizren të mërkurën, ndërkaq raportohet se dy prej tyre janë dërguar në mbajtje.

Policia rastin e ka cilësuar si lëndim i rëndë trupor. Sipas raportit 24-orësh, rasti ka ndodhur pas një mosmarrëveshje mes të dyshuarve.

Tre prej tyre kanë pranuar tretman mjekësor.

“Raportohet se pas një mosmarrëveshje janë rrahur mes veti tetë të dyshuar të mitur dhe si pasojë, tre prej tyre kanë pësuar lëndime trupore dhe kanë pranuar tretman mjekësor. Të dyshuarit janë intervistuar dhe me vendim të prokurorit dy prej tyre janë arrestuar dhe dërguar në mbajtje ndërsa të tjerët janë liruar”, thuhet në njoftim./D.B/EO

Continue Reading

Lajmet

Nën ndikim të alkoolit një person sulmon zyrtarët policorë në Prishtinë

Published

43 minutes ago

on

October 8, 2025

By

Një person dyshohet se nën ndikimin e alkoolit ka sulmuar zyrtarët policorë.

Sipas raportit të Policisë së Kosovës i dyshuari kishte tentuar që të largohet nga stacioni policor, pasi që zyrtarët policorë kishin ndaluar të dyshuarin për të ikur i njëjti i kishte sulmuar ata dhe u kishte shkaktuar lëndime të lehta trupore.

Me vendim të prokurorit, i dyshuari pas intervistimit dërgohet në mbajtje për 48 orë.

“Raportohet se i dyshuari mashkull kosovar, nën ndikim të alkoolit ka sulmuar zyrtarët policorë, i njëjti është sjellë për intervistim në stacionin policor. Derisa zyrtarët policor kanë qenë duke u marrë me të dyshuarin, ky i fundit kishte tentuar që të largohet nga stacioni policor, pasi që zyrtarët policorë kishin ndaluar të dyshuarin për të ikur i njëjti i kishte sulmuar ata dhe u kishte shkaktuar lëndime të lehta trupore. Me vendim të prokurorit, i dyshuari pas intervistimit dërgohet në mbajtje për 48 orë“, thuhet në raportin e Policisë së Kosovës/D.B/KP

Continue Reading

Lajmet

Osmani pret në takim komandantin e ri të KFOR-it, gjeneralmajor Ozkan Ulutas

Published

45 minutes ago

on

October 8, 2025

By

Pas marrjes së detyrës së komandantit të KFOR-it, Presidentja e Republikës së Kosovës, Vjosa Osmani, ka pritur dje në takim gjeneralmajor Ozkan Ulutaş.

Me këtë rast, Osmani e uroi për marrjen e detyrës së komandantit të KFOR-it dhe për rikthimin e tij në Kosovë duke shprehur besimin e plotë për vazhdim të bashkëpunim të ngushtë në funksion të përmbushjes së synimeve të përbashkëta për paqen dhe sigurinë në Kosovë dhe rajon, transmeton KosovaPress.

Në këtë frymë, ajo ritheksoi mirënjohjen e saj për angazhimin dhe përkushtimin e të gjithë ushtarakëve që shërbejnë në kuadër të KFOR-it.

Duke diskutuar për zhvillimet në fushën e sigurisë, si dhe kërcënimet që vijnë nga Serbia, përfshirë kërcënimet me fokus të veçantë te përdorimi i dronëve, Osmani potencoi rëndësinë e koordinimit dhe bashkëpunimit të KFOR-it me institucionet vendore të sigurisë me qëllim të parandalimit të taktikave destabilizuese të Serbisë./D.B/KP

Continue Reading

Lajmet

Arrestohet në Prishtinë i dyshuari për vrasje në tentativë

Published

46 minutes ago

on

October 8, 2025

By

Policia e Kosovës ka njoftuar se mbrëmë nga njësitë policore të stacionit Veriu në Prishtinë, është arrestuar personi i dyshuar që ishte në kërkim për rastin Vrasje në Tentativë, të ndodhur me datë 23.04.2025 në rrugën Rexhep Krasniqi.

Arrestimi i të dyshuarit; V. S, mashkull, 28 vjeç, shtetas i Republikës së Kosovës, i shpallur në kërkim, erdhi si rezultat i ndërmarrjes së veprimeve operativo-policore, në kuadrin e procesit hetimor të këtij rasti.

Përderisa ndaj të dyshuarit policia vijon hetimin në drejtim të veprës penale Vrasja në tentativë, me aktvendim mbi ndalimin e personit të dyshuar, të nxjerrë nga ana e prokurorit të shtetit, të njëjtin e ka dërguar në mbajtje prej 48 orësh./D.B/KP

Continue Reading

Të kërkuara