Lajmet

Rritet shkalla e papunësisë në Mbretërinë e Bashkuar

Shpenzimet e jetesës tashmë po rriten më shpejt se sa në pothuajse 40 vjet.

Published

on

Edhe pse pagat po rriten më shpejt se sa në më shumë se 20 vjet, ato janë ende shumë prapa kostos së lartë të jetesës.

Rritja më e shpejtë e pagave të rregullta që nga viti 2000, duke përjashtuar pandeminë kur njerëzit morën rritje të konsiderueshme pas kthimit në punë nga pushimi, ndodhi në vitin deri në shtator, kur u rrit me 5.7%.

Por pas llogaritjes së rritjes së çmimeve, pagat u ulën me 2.7%. Shpenzimet e jetesës tashmë po rriten më shpejt se sa në pothuajse 40 vjet, pjesërisht si rezultat i luftës ruse në Ukrainë.

Kostoja e ushqimit dhe energjisë është rritur shumë, duke e bërë të vështirë për shumë njerëz të paguajnë detyrimet e tyre. Sipas disa raporteve, ka pasur “presion në rritje mbi familjet”.

Sipas të dhënave zyrtare, shkalla e papunësisë në Mbretërinë e Bashkuar u rrit pak nga 3.5% në gusht në 3.6% në tre muajt që përfunduan në shtator.

Pavarësisht se kjo është afër nivelit më të ulët të 50 viteve, Banka e Anglisë ka lëshuar një paralajmërim se Britania e Madhe do të ketë një recesion të rëndë deri në vitin 2025, gjë që do të shkaktojë gati katërfishimin e papunësisë./UBTNews/

Lajmet

Osmani krah Zelenskyt në Kopenhagë: Siguria e Evropës është e ndërlidhur ngushtë me sigurinë e Ballkanit Perëndimor

Published

on

By

Presidentja e Kosovës, Vjosa Osmani po merr pjesë në Samitin e Liderëve të EPC-së në Kopenhagë.

Përmes një postimi në Facebook, Osmani ulur afër presidentit ukrainas, Zelensky thotë se ka theksuar rëndësinë e sigurisë së Ballkanit Perëndimor për Evropën.

Osmani tha se Evropa duhet të përqendrojë vëmendjen e saj në këtë rajon, duke investuar në parandalimin e taktikave destabilizuese të Serbisë, si hap kyç për një siguri të qëndrueshme dhe afatgjatë.

Në Samitin e Liderëve të EPC-së në Kopenhagë, në tryezën me liderë evropianë të fokusuar në temën e sigurisë, theksova se siguria e Evropës është e ndërlidhur ngushtë me sigurinë e Ballkanit Perëndimor.Prandaj, Evropa duhet të përqendrojë vëmendjen e saj në këtë rajon, duke investuar në parandalimin e taktikave destabilizuese të Serbisë, si hap kyç për një siguri të qëndrueshme dhe afatgjatë“, ka shkruar Osmani./D.B/KP

Continue Reading

Lajmet

Shpaloset lista e Shqipërisë për ballafaqim me Serbinë

Published

on

Kombëtarja shqiptare do të rikthehet në aksion për ndeshjen e radhës kualifikuese të Kupës së Botës 2026 ndaj Serbisë dhe për sfidën miqësore ndaj Jordanisë.

Grumbullimi zyrtar do të nisë më 6 tetor, ndërsa shpallja e listës së lojtarëve të grumbulluar nga trajneri Sylvinho është programuar për ditën e sotme.

Gjithashtu sot në orën 11:00, do të mbahet edhe konferenca për shtyp e trajnerit në ambientet e “Shtëpisë së Futbollit”.

Seanca e parë stërvitore e Kombëtares do të zhvillohet më 6 tetor.

Ndeshja Serbi-Shqipëri do të luhet më 11 tetor, në stadiumin “Gradski stadion Dubočica” në Leskovac, në orën 20:45.

Ndërsa, miqësorja Shqipëri-Jordani do të zhvillohet më 14 tetor, në stadiumin “Air Albania”, në orën 19:00./S.K/KP/

 

Continue Reading

Lajmet

​Shaqiri shkëlqen në fitoren e Baselit ndaj Stuttgartit

Published

on

FC Basel ka marrë fitoren e parë këtë sezon në fazën e grupeve të Europa League, duke mposhtur Stuttgartin me rezultat 2-0.

Albian Ajeti zhbllokoi ndeshjen që në minutën e tretë pas një gabimi në mbrojtjen gjermane. Stuttgart pati mundësinë të barazonte me penallti në minutën e 35-të, por Marwin Hitz priti goditjen e Ermedin Demirović.

Në pjesën e dytë, Xherdan Shaqiri vulosi fitoren e zviceranëve me një gol nga afërsia, duke i dhënë fund serisë prej tre ndeshjesh pa fitore të Baselit në Evropë.

Stuttgart humbi pas tri fitoreve radhazi dhe në ndeshjen e ardhshme do të udhëtojë në Stamboll për t’u përballur me Fenerbahçen./S.K/KP/

Continue Reading

Lajmet

Zhduket një person në Suharekë, Policia: Doli nga shtëpia me 1 tetor 25

Published

on

By

Zhduket një person në Suharekë. Sipas raportit të policisë, viktima mashkull ka dalë nga shtëpia dhe nuk dihet për vendndodhjen.

Është raportuar se viktima mashkull kosovar ka dalë nga shtëpia dhe nuk dihet për vendndodhjen e saj. Rasti nën hetime”, thuhet në raportin 24 orësh të Policisë së Kosovës./D.B/KP

Continue Reading

Të kërkuara