Një mbikëqyrës do të hetojë platformën Twitter pasi një haker pretendon se ka detaje private të mbi 400 milionë llogarive.

Hakeri, “Ryushi”, po kërkon 200 mijë dollarë dëmshpërblim për të dorëzuar të dhënat, që raportohet se i ka edhe të të famshmëve, dhe t’i fshijë ato.

Komisioni i Irlandës për Mbrojtjen e të Dhënave (DPC) thotë se “do të shqyrtojë pajtueshmërinë e Twitter me ligjin për mbrojtjen e të dhënave në lidhje me atë çështje sigurie”.

Sipas hakerit, në mesin e të dhënave private janë edhe numrat e telefonit dhe emailet.

The Guardian raportoi se në mostrën e të dhënave të publikuara nga hakeri janë edhe të dhënat e kongresmenes amerikane, Alexandria Ocasio-Cortez. Raportohet se hakeri i ka gjithashtu edhe të dhënat e moderatorit britanik, Piers Morgan, të cilit së fundmi iu hakua llogaria e tij në Twitter./UBTNews/

Ken McCallum, drejtor i agjencisë britanike të inteligjencës MI5, prezantoi sot raportin vjetor mbi kërcënimet e sigurisë.

Ai tha se Rusia pësoi “goditjen më të rëndë strategjike në historinë e fundit” sepse rreth 400 spiunë rusë u dëbuan nga Evropa pas fillimit të pushtimit rus të Ukrainës.

Por Kremlini po përpiqet të rindërtojë rrjetin e tij të spiunazhit, paralajmëroi McCallum.

Ai tha se Britania dëboi 23 spiunë rusë që paraqiteshin si diplomatë pas helmimit të Sergei dhe Yulia Skripal në Salisbury në vitin 2018 dhe që atëherë kishte refuzuar “më shumë se 100 aplikime ruse për viza diplomatike” për arsye të sigurisë kombëtare.

Duke komentuar pretendimet ruse se Britania ishte e përfshirë në sabotimin e gazsjellësit Nord Stream, McCallum tha se ato ishin “qesharake”. Por ai shtoi se “Mbretëria e Bashkuar duhet të jetë gati për agresionin rus në vitet në vijim”.

Nuk është e pazakontë që krijuesit e disa prej aplikacioneve që shkarkoni në telefonin tuaj të kenë qëllime të këqija.

Kështu që Google heq rregullisht aplikacionet me softuer keqdashës nga dyqani i tij, por ndonjëherë ata thjesht nuk mund të reagojnë aq shpejt.

Një raport i ri thotë se një aplikacion ka pikërisht qëllime të këqija dhe duhet ta fshini nëse e keni.

Raporti i fundit i publikuar nga GBHackersk zbulon se një aplikacion i thjeshtë i quajtur Todo: Manager Day është në fakt një aplikacion i ngarkuar me malware i quajtur Xenomorph që fsheh një trojan bankar.

Trojani u zbulua nga ekipi i Zcaler ThreatLabz. Ky aplikacion mbledh të dhënat personale të përdoruesit, përfshirë të dhënat e pagesës, dhe synon të vjedhë paratë e përdoruesit, shkruan Bajtbox.

Ai është shkarkuar mbi 1000 herë dhe trojani Xenomorph vjedh informacionin e hyrjes që përdorni për aplikacionet e bankës suaj. Gjithashtu, aplikacioni mund të përgjojë mesazhet dhe njoftimet SMS, duke lejuar që virusi të ketë qasje në të dhënat e ndjeshme brenda telefonit.

Nëse ndodh që të keni aplikacionin Todo: Day Manager në telefonin tuaj Android, hiqeni atë menjëherë. Edhe nëse është hequr nga Play Store, pasi të jetë instaluar në pajisjen tuaj, duhet ta çinstaloni sa më shpejt të jetë e mundur.

Për të shmangur problemet e ardhshme, ju rekomandojmë të lexoni seksionin poshtë përshkrimit të aplikacionit në lidhje me komentet, veçanërisht ato komente që janë të shënuara me një flamur të kuq. Këto sinjalizime zakonisht vijnë nga përdorues të cilët janë shfrytëzuar në një farë mënyre.

Komisioni Evropian (KE) propozoi dy plane veprimi për të trajtuar “mjedisin e përkeqësuar të sigurisë” pas pushtimit të Rusisë në Ukrainë, për të rritur mbrojtjen kibernetike dhe për të lejuar forcat e armatosura të lëvizin më shpejt përtej kufijve.

Ekzekutivi i Bashkimit Evropian tha: “Hapësira kibernetike nuk ka kufij”.

“Sulmet e fundit kibernetike mbi rrjetet energjetike, infrastrukturën e transportit dhe asetet hapësinore tregojnë rreziqet që ato paraqesin si për aktorët civilë ashtu edhe për ata ushtarakë”./UBTNews/