Lajmet

Rriten shitjet e certifikatave të rreme të vaksinave për COVID-19 në botë

Published

5 years ago

on

Me qenë se certifikatat e vaksinave për COVID-19 janë bërë të detyrueshme rreth botës, disa njerëz po e shfrytëzojnë këtë mundësi për të krijuar certifikata të rreme, e që kanë çmimin prej vetëm 100 eurosh.

Në vetëm pak muaj llogaritë të cilat po shesin certifikata të rreme janë rritur shumë. Ato po shpërndahen nëpërmjet postës elektronike dhe kësisoj janë duke shkaktuar rritje të krimit kibernetikë përmes internetit, shkruan Euronews, transmeton Klankosova.tv

Agjencia kibernetike Check Point thanë se falsifikuesit mund ta bëjnë fotoshop dhe ta shesin me informacione të duhura. Ndërsa, një nga platformat e cila po bën  më së shumti falsifikimin e certifikatave është Telegrami.

Italia dhe disa vende të tjera Evropiane kanë krijuar aplikacione të ndryshme për të vërtetuar nëse një certifikatë është autentike apo jo, por e gjithë kjo mund të mos mjaftojë.

Që nga fillimi i pandemisë, popullariteti i këtyre kanaleve është rritur, ndërsa personat e pavaksinuar janë kategoria më e prirur që të blenë leje të rreme shëndetësore.

Pavarësisht se sistemet kombëtare të parandalimit janë efikase, ndjekja e këtij lloji të mashtrimit është bërë jashtëzakonisht sfiduese, veçanërisht kur bëhet fjalë për udhëtimet ndërkombëtare.

Related Topics:
Continue Reading

lajme

Protestat vazhdojnë në Prishtinë: Kërkohet që vrasja e grave të trajtohet si urgjencë kombëtare

Published

3 hours ago

on

October 30, 2026

By

Protesta kundër vrasjes së Arlinda Zekajt ka vazhduar edhe sot në Prishtinë, ku qytetarët janë mbledhur për të tretën ditë radhazi në sheshin e kryeqytetit për të kërkuar drejtësi dhe përgjegjësi institucionale.

Gjatë ditës së sotme, protestuesit janë ndalur edhe para objektit të Qeverisë së Kosovës, duke shprehur pakënaqësi të thellë ndaj mënyrës se si po menaxhohen e trajtohen rastet e dhunës ndaj grave nga organet kompetente.

Këto aksione po organizohen nga Kolektivi për Mendim dhe Veprim Feminist, nën moton kryesore “Vrasja e grave të trajtohet si urgjencë kombëtare”.

Continue Reading

Lajmet

Akil Gjakova mbyll garën pa medalje në Abu Dhabi

Published

4 hours ago

on

October 30, 2026

By

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Continue Reading

lajme

Nën hetim për projektin e kryeqytetit: Përparim Rama paraqitet në Prokurorinë Speciale

Published

4 hours ago

on

October 30, 2026

By

Kryetari i Komunës së Prishtinës, Përparim Rama, është paraqitur sot në Prokurorinë Speciale ku po intervistohet në cilësinë e të dyshuarit lidhur me projektin “Arkitekti i Kryeqytetit”.

Rama arriti në prokurori i shoqëruar nga avokati Artan Çerkini, teksa para hyrjes deklaroi shkurtimisht se detyra e tij është ndërtimi i kryeqytetit, ndërsa e organit të ndjekjes është të sigurohet që gjithçka bëhet në përputhje me ligjin. Hetimet për këtë projekt ndërlidhen me procedurat e prokurimit publik, vlerën prej 12 milionë eurosh, si dhe me dyshimet për manipulim të stafit e konflikt interesi.

Intervistimi i kryetarit të Prishtinës vjen pas tensioneve publike dhe paralajmërimeve nga zyrtarë të Lëvizjes Vetëvendosje për arrestimin e tij të mundshëm, reagime këto që pasuan ndryshimet e fundit në udhëheqjen e Prokurorisë Speciale, ku pas shkarkimit të Blerim Isufajt, detyra i është besuar prokurorit Dren Paca.

Ndaj deklaratave të përfaqësuesve të pushtetit, Rama u ka bërë thirrje publike organeve të drejtësisë që të merren me ato që i ka cilësuar si kërcënime direkte ndaj tij. /E.A/

Continue Reading

Lajmet

Laura Fazliu fiton të bronztën në Grand Slam

Published

4 hours ago

on

October 30, 2026

By

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Continue Reading

Të kërkuara