Shëndet

Rreziqet që vijnë nga konsumimi i frutave dhe perimeve pa i larë

Mund të merrni sëmundje.

Published

2 years ago

July 1, 2023

UBT news

Frutat dhe perimet janë shëndet ndaj konsumojini sa më shumë.

Kjo është këshilla që me siguri e keni dëgjuar shpesh gjatë jetës tuaj.

Sa më të freskëta aq më të mira, por a duhen konsumuar ato direkt nga pema apo direkt sa i merrni nga kopështi juaj?

Megjithë se nuk flitet shpesh për këtë pjesë ekspertët e sigurisë ushqimore e rekomandojnë larjen e e duhur të ushqimeve si një procesh shumë të rëndësishëm për shëndetin.

Në këtë mënyrë do t’i parandaloni vetes një sërë rreziqesh që AgroWeb j’ua shpjegon mëposhtë.

Nëse i lini pa larë mund të konsumoni insekte

Ngrënia e produkteve të palara qofshin këto edhe të freskëta mund të bëjë që të konsumoni pa dashur baktere të dëmshme.

Baktere apo insektetë cilat mund të jenë të pranishme në tokë, ose pesticide të aplikuara tek produkti për t’u prodhuar në fusha.

Si konsumatorë, ne zakonisht nuk jemi të përfshirë ngushtë në procesin e rritjes dhe korrjes së ushqimeve tona, kështu që është e lehtë të harrosh se të gjitha prodhimet tona vijnë nga toka.

Duke harruar kështu edhe se të gjitha insektet janë pjesë e natyrës dhe pjesë e frutave dhe perimeve.

Larja e frutave dhe perimeve tuaja në ujë të rrjedhshëm ndihmon në largimin e ndotjes dhe baktereve të mundshme që mund të jenë në prodhim.

Për prodhime më të forta si patatet dhe pjepri përdorni një furçë të pastër me fije të forta për t’i pastruar sa më mirë.

Mund të merrni sëmundje

Ndërsa kafshoni një pjesë të frutave me lëng dhe të freskët në momentin e parë të mund të tingëllojë si një zakon i shëndetshëm, por kjo mund të kthehet në një mankth të keq.

Nga ky veprim kaq i thjeshtë e në pamje të parë i shëndetëshëm mund të jeni ekspozusr ndaj baktereve dhe mikroorganizmave të ndryshëm.

Disa baktere patogjene që mund të ekspozoheni përfshijnë Escherichia coli O157: H7, Listeria monocytogenes, Salmonela dhe Shigela.

E. coli, Listeria dhe Salmonela janë bakteret më të zakonshme që janë lidhur me sëmundje nha ushqimi.

Në shumë raste, simptomat përfshijnë të përziera, të vjella, diarre dhe dhimbje barku.

Në raste të rënda, helmimi nga ushqimi mund të shkaktojë sëmundje të veshkave, meningjit si dhe humbje të jetës.

Njerëzit më të rrezikuar janë ata me sistem imunitar të dobët ose fëmijët më të vegjël se 5 vjeç dhe gratë shtatzëna.

Si t’i lani perimet dhe frutat?

Larja e duhur e të gjitha produkteve, përfshirë ato të listuara si organike, lokale dhe jo-OMGJ, mund të zvogëlojë rreziqet e konsumimjt si të baktereve të dëmshëm ashtu edhe të pesticideve.

Për të parandaluar çdo rrezik AgroWeb ju rekomandon këto hapa.

Lani duart për 20 sekonda me ujë të ngrohtë me sapun përpara dhe pas përgatitjes së frutave dhe perimeve.

Prisni çdo zonë të dëmtuar ose të mavijosur para se t’i përgatisni ose t’i hani.

Shpëlani të gjitha prodhimet me ujë para se t’i prisni.

Kjo do të ndihmojë në parandalimin e baktereve që mund të transferohen nga thika në prodhimet që po qëroni.

Fërkoni butësisht frutat dhe perimet nën ujë të rrjedhshëm.

Nuk ka nevojë të përdorni sapun ose larje të produkteve.

Pastroni mirë prodhimet e forta si mollë, pjepër, kastravec dhe dardha me një furçë të pastër perimesh.

Për perime si marule ose lakër, hiqni gjethet më të jashtme të tyre dhe lajini mirë me ujë./AgroWeb.org

Shëndet

Kafeina kundër migrenës, sa funksionon dhe çfarë duhet të dini?

Published

12 hours ago

November 19, 2025

UBT News

Kafeina, e cila gjendet natyrshëm në kafe, çaj dhe disa medikamente, njihet gjerësisht për efektin e saj stimulues.

Megjithatë, pak njerëz e dinë se ajo mund të ndihmojë edhe në lehtësimin e dhimbjeve të kokës.

Studimet tregojnë se kafeina zvogëlon dhimbjen e kokës duke ngushtuar enët e gjakut në tru duke rritur efektin e analgjezikëve si paracetamoli dhe aspirina. Konsumimi i një sasie të moderuar, 100–150 mg, që i korrespondon një filxhani kafe mund të jetë i dobishëm veçanërisht në dhimbjet e tensionit ose në fazat e para të migrenës.

Kafeina duhet përdorur me kujdes. Marrja e tepërt shkakton dhimbje koke, sidomos si pasojë e varësisë ose e ndërprerjes së papritur.

Për këtë arsye, ekspertët këshillojnë personat që vuajnë nga migrena të vëzhgojnë reagimin e trupit të tyre ndaj kafeinës dhe ta përdorin atë në mënyrë të kontrolluar. Efekti i saj është më i fortë kur kombinohet me qetësues, por gjithmonë nën këshillimin e mjekut ose farmacistit.

Për të parandaluar dhimbjet e kokës, krahas konsumit të kujdesshëm të kafeinës, është e rëndësishme të ruani gjumin, hidratimin dhe një dietë të shëndetshme. Nëse dhimbjet janë të shpeshta, kërkoni patjetër ndihmë mjekësore për trajtim të duhur. /A.Z/UBT News/

Shëndet

Çfarë e bën lëngun e shegës kaq të shëndetshëm?

Published

14 hours ago

November 19, 2025

UBT News

Lëngu i freskët nuk ka pse të kufizohet vetëm te variantet jeshile apo të pasura me spinaq.

Shega është përdorur si ilaç natyral që nga lashtësia dhe edhe sot po studiohet për përfitimet e saj të shumta shëndetësore.

Ky frut mund të ndihmojë në parandalimin e kancerit dhe në forcimin e sistemit imunitar.

Më poshtë janë disa nga përfitimet kryesore të shegës:

Antioksidant i fuqishëm

Kokrrat e shegës marrin ngjyrën karakteristike të kuqe nga polifenolët, kimikale që veprojnë si antioksidantë shumë potentë. Lëngu i shegës përmban një sasi më të lartë antioksidantësh se shumica e lëngjeve të tjera të frutave, madje tre herë më shumë se vera e kuqe dhe çaji i gjelbër. Këta antioksidantë mbrojnë qelizat nga dëmtimet dhe reduktojnë inflamacionin.

I pasur me vitaminë C

Një gotë lëng shege siguron mbi 40% të sasisë ditore të rekomanduar të vitaminës C, duke e bërë atë një burim të shkëlqyer të kësaj vitamine të rëndësishme.

Mund të ndihmojë në parandalimin e kancerit

Lëngu mori vëmendje të madhe pasi një studim tregoi se ngadalëson rritjen e qelizave të kancerit të prostatës. Megjithatë, kërkimet shkencore për këtë përfitim vazhdojnë.

I dobishëm për shëndetin e zemrës

Shega konsiderohet si një nga lëngjet më të mira për zemrën, ndihmon në mbrojtjen e zemrës dhe arterieve, duke kontribuar në qarkullim më të shëndetshëm të gjakut.

Përfitime të tjera

Lëngu përmirëson memorien, i pasur me vitamina të ndryshme dhe ndihmon në uljen e shtypjes së lartë të gjakut. /A.Z/UBT News/

Shëndet

Arsyet për të ngrënë vezë çdo mëngjes

Published

2 days ago

November 18, 2025

UBT News

Shumë njerëz mendojnë se tërshëra dhe produkte të ngjashme janë zgjedhja më e mirë për mëngjes, por kjo nuk është gjithmonë e vërtetë.

Vezët janë një alternativë fantastike, jo vetëm të shijshme, por edhe shumë të dobishme për shëndetin. Ato përmbajnë proteina të larta që ndihmojnë në kontrollin e peshës dhe ju bëjnë të ndiheni të ngopur për më gjatë.

Përfitimet kryesore të vezëve:

1. Ju mbajnë të ngopur më gjatë

Proteina e yndyra që gjenden tek vezët ndihmojnë në ruajtjen e energjisë dhe frenimin e urisë, duke ju mbajtur të ngopur për më shumë orë.

2. Ndihmojnë në humbjen e peshës

Ata që konsumojnë vezë për mëngjes kanë më shumë gjasa të humbin peshë krahasuar me ata që hanë bukë ose ushqime të tjera.

3. Burim i shkëlqyer proteinash

Vezët përmbajnë të gjitha aminoacidet thelbësore, duke i bërë një nga burimet më të mira të proteinave në dietë. Rekomandohet të konsumoni të paktën një vezë në ditë për një regjimi ushqimor të ekuilibruar.

4. Çmimi i tyre i përballueshëm

Krahasuar me burime të tjera proteinash si mishi i kuq, vezët janë më të lira dhe lehtësisht të disponueshme.

5. Nuk dëmtojnë kolesterolin

Edhe pse përmbajnë kolesterol, studimet e fundit tregojnë se konsumi i vezëve nuk e rrit nivelin e kolesterolit në mënyrë të dëmshme.

6. Përmirësojnë funksionin e trurit dhe kujtesën

Vezët përmbajnë kolinë, lëndë ushqyese që mbështet zhvillimin dhe funksionin e trurit, duke përmirësuar kujtesën dhe vigjilencën.

7. Mbrojnë shikimin

Antioksidantët luteinë dhe zeaxanthin që gjenden tek vezët ndihmojnë në mbrojtjen e syve nga dëmtimet e shkaktuara nga rrezet UV dhe mund të ulin rrezikun e kataraktit në pleqëri. /A.Z/UBT News/

Shëndet

Nga tërshëra te avokado, super-ushqimet që pastrojnë arteriet

Published

2 days ago

November 17, 2025

UBT News

Tërshëra është e njohur për aftësinë e saj për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit.

Këto fibra reduktojnë përthithjen e kolesterolit nga trupi.

Ruajtja e niveleve të shëndetshme të kolesterolit është çelësi për një zemër të fortë. Nëse kolesteroli është më i lartë se normalja, mos u shqetësoni, është e rëndësishme të dini se mund të bëni ndryshime në dietë për ta kontrolluar atë.

Më poshtë kemi listuar 7 ushqimet që mund t’ju ndihmojnë të ulni kolesterolin dhe të përmirësoni shëndetin e zemrës.

Tërshërë

E njohur për aftësinë për të ulur kolesterolin për shkak të përmbajtjes së lartë të fibrave të tretshme, veçanërisht beta-glukanit. Këto fibra reduktojnë përthithjen e kolesterolit nga trupi.

Peshk i yndyror

Peshqit yndyrorë si salmoni, sardelet dhe skumbri janë të pasur me acide yndyrore omega-3, ato ulin trigliceridet dhe të ndihmojnë në rritjen e kolesterolit “të mirë” HDL.

Arra

Bajamet, arrat dhe kikirikët përmbajnë yndyrna të pangopura, që ndihmojnë në uljen e kolesterolit LDL, të pasura me fibra e antioksidantë.

Vaj ulliri

Veçanërisht vaji i ullirit ekstra i virgjër, është i njohur për aftësinë për të ulur kolesterolin LDL duke ruajtur ose rritur kolesterolin HDL. Gjithashtu përmban antioksidantë që mbrojnë zemrën.

Bishtajoret

Thjerrëzat, qiqrat dhe bishtajoret e tjera janë të pasura me fibra të tretshme që ulin kolesterolin LDL. Ato përmbajnë proteina dhe janë të ulëta në yndyrna të ngopura.

Ushqimet me soje

Të tilla si tou, qumështi i sojës, të pasura me proteina e të ulëta në yndyrna të ngopura. Proteina e sojës është treguar se ul kolesterolin LDL.

Avokado

Me yndyra të pangopura e fibra që ul kolesterolin LDL, përmban beta-sitosterol, që redukton përthithjen e kolesterolit. /A.Z/UBT News/