Lajmet

Rreth 87 mijë fëmijë në Gaza u vaksinuan ditën e parë të fushatës kundër poliomielitit

Published

2 years ago

on

Fushata e Kombeve të Bashkuara për vaksinimin e fëmijëve kundër poliomielitit arriti rreth 87 mijë fëmijë në Gaza në ditën e saj të parë zyrtare, tha të hënën agjencia e OKB-së për refugjatët palestinezë (UNRWA), duke cituar Organizatën Botërore të Shëndetësisë.

“Sot, fushata e vaksinimit të poliomielitit në zonat e mesme të Gazës hyn në ditën e dytë”, shkroi UNRWA në X.

Sipas UNRWA-së, faza e dytë e fushatës do të fokusohet në Gazën jugore dhe ajo e fundit në veri. Fushata synon të imunizojë 640 mijë fëmijë deri më 12 shtator. Kjo është e barabartë me mbi 90% të fëmijëve nën moshën 10 vjeç.

Fushata lehtësohet nga një seri pauzash në luftime, për të cilat Izraeli ka rënë dakord.

Zëdhënësja e UNRWA-së, Louise Waterridge tha për CNN të dielën se është “kritike” që nuk do të ketë luftime gjatë fushatës.

“Përpjekjet janë në vazhdim për t’u siguruar fëmijëve këtë vaksinë kyçe, por ajo që u nevojitet më shumë është një armëpushim tani”, njoftoi UNRWA të hënën.

Fushata e OKB-së për vaksinim vjen në periudhën kur virusi shumë infektiv u gjet në mostrat e ujërave të zeza në muajin qershor./UBTNews/

Related Topics:
Continue Reading

Lajmet

Theret me thikë një person në Gjakovë, arrestohen tre të dyshuar

Published

12 minutes ago

on

November 10, 2026

By

Një person ka mbetur i lënduar pasi dyshohet se është therur me thikë në rrugën “UÇK” në Gjakovë.

Rasti ka ndodhur më 9 nëntor, rreth orës 08:00. Viktima është dërguar për trajtim mjekësor në Qendrën Klinike Universitare të Kosovës (QKUK), ndërsa sipas mjekëve ndodhet jashtë rrezikut për jetë.

Pas hetimeve, Policia ka arrestuar tre persona të dyshuar, të cilët pas intervistimit, me vendim të prokurorit, janë dërguar në mbajtje.

Rasti është iniciuar si “Vrasje në tentativë”./A.K/

Continue Reading

Lajmet

I mituri raporton se vëllai tentoi ta sulmonte me thikë dhe sopatë në Graçanicë

Published

14 minutes ago

on

November 10, 2026

By

Një i mitur në Graçanicë ka raportuar në Polici se vëllai i tij, pas një mosmarrëveshjeje në shtëpi, kishte tentuar ta sulmonte me thikë dhe sopatë.

Sipas raportit policor, rasti ka ndodhur më 9 nëntor, rreth orës 09:00. I dyshuari është larguar nga shtëpia pasi ka kuptuar se Policia ishte njoftuar dhe ende nuk është lokalizuar.

Për rastin është njoftuar prokurori, ndërsa hetimet janë duke vazhduar./A.K/

Continue Reading

Lajmet

Sekuestrohen mbi 8 gramë marihuanë në një banesë në Prishtinë

Published

17 minutes ago

on

November 10, 2026

By

Policia e Kosovës ka sekuestruar rreth 8.31 gramë substancë të dyshuar narkotike të llojit marihuanë në një banesë në rrugën “Hakif Zejnullahu” në Prishtinë.

Sipas raportit policor, substanca është gjetur më 9 nëntor, gjatë trajtimit të një rasti të dhunës në familje, në banesën e një të dyshuareje.

E dyshuara është shoqëruar në stacionin policor dhe, pas intervistimit, me vendim të prokurorit është liruar në procedurë të rregullt./A.K/

Continue Reading

Lajmet

Sekuestrohet në Prishtinë vetura e kërkuar nga Interpoli, kap vlerën e 20 mijë eurove

Published

20 minutes ago

on

November 10, 2026

By

Policia e Kosovës ka sekuestruar një veturë në Prishtinë, e cila ishte në kërkim ndërkombëtar nga Interpoli në Spanjë.

Sipas raportit policor, vetura është lokalizuar dhe sekuestruar më 9 nëntor, pas hetimeve të zhvilluara lidhur me një rast të mashtrimit.

Vlera e veturës së sekuestruar llogaritet të jetë rreth 20 mijë euro. Për rastin është njoftuar prokurori./A.K/

Continue Reading

Të kërkuara