Teknologji

Rregullat e reja për bitcoin

Published

4 years ago

May 11, 2021

Betim Gashi

Do vendosen licenca për konvertimin e kriptomonedhave.

Autoriteti i Mbikëqyrjes Financiare ka gati draft rregulloret shoqëruese të ligjit për “Tregjet Financiare të mbështetura në teknologjinë e regjistrave të shpërndarë” që i hap rrugë përdorimit të monedhave virtuale në vend, i miratuar gati një vit më parë nga Parlamenti.

Këtë e ka bërë të ditur kreu i AMF-së Ervin Mete gjatë raportimit të tij mbi institucionin në Komisionin e Ekonomisë, sipas të cilit j vetëm AMF por dhe Këshilli i Ministrave kanë përfunduar aktet nënligjore dhe po shqyrtohen nga të gjithë aktorët e përfshirë në process.

“Autoriteti i Mbikëqyrjes Financiare ka draftuar rregulloret të cilat janë dërguar për shqyrtim te autoritetet respective sepse vetë ligji parashikon një sërë institucionesh të përfshira, ku veç AMF-së më kryesori është AKSHI që duhet të japë një certifikim të aspekteve dhe sigurisë teknologjike të aktorëve që përfshihen në këto tregje.

Nga ana tjetër vetë ligji referon Drejtorinë e Parandalimit të Pastrimit të Parave si një aktor i përfshirë dhe për një kategori licencash që do bëjnë të mundur konvertimin e këtyre aseteve në para fizike përfshin dhe Bankën e Shqipërisë për të lëshuar një licencë respektive. Edhe ne kemi përgatitur draftrregulloret tona që janë qarkulluar për mendim dhe këshilli i ministrave në dijeninë tonë ka qarkulluar për mendim dhe jemi në fazën finale aktet rregullative”, shprehet Ervin Mete, kryetar i AMF.

Por, teksa kuadri rregullator nuk është plotësuar ende a ka pasur interes nga investitorë vendas e të huaj për zhvillimin e këtyre aktiviteteve?

“Deri tani duke qenë se dhe aktet rregullative nuk janë finalizuar nuk kemi pasur asnjë interes të shprehur për fashën në mbulimin tonë që është tregtimi ose përdorimi i aseteve virtual në tregjet e kapitalit”, tha Ervin Mete, kreu i AMF.

Me miratimin e plotë edhe të akteve nënligjore, Shqipëria bëhet një nga vendet e para në Europë që legjitimon kriptovalutat si Bitcoin dhe rreth 2000 monedha të tjera virtuale përmes përdorimit të teknologjisë blockchain. Krahas thithjes së investitorëve të huaj, përmes këtij ligji synohet edhe ulja e kostove të dërgesave nga emigrantët.

Automobilizëm elektrikë

Toyota lanson SUV-in elektrik

Published

21 minutes ago

June 3, 2025

Albina Zeneli

Tesla Model Y ka konkurrencë serioze nga Toyota. Nëse mendonit se Toyota nuk mund të prodhonte një makinë elektrike me çmim të përballueshëm, mendoni përsëri, të paktën kur ajo prodhohet në Kinë dhe përdor bateri BYD.

Toyota po i afrohet ngadalë konkurrencës në segmentin e automjeteve elektrike dhe hapi më i fundit në këtë drejtim është bZ5, një crossover i ri elektrik me siluetë fastback, i zhvilluar pikërisht në Kinë.

Prodhohet nga ndërmarrja e përbashkët FAW-Toyota dhe mundësohet nga bateritë e furnizuara nga BYD.

Modeli bZ5 është praktikisht një version i ridizajnuar i bZ3C të vitit të kaluar, i cili nga ana tjetër e ka origjinën nga koncepti bZ Sport Crossover i prezantuar në vitin 2023.

Me emrin e ri, Toyota e pozicionon këtë automjet elektrik mbi limuzinën bazë bZ3, por poshtë modelit të ardhshëm kryesor, modelit bZ7.

Pjesa e jashtme ndjek gjuhën e re të dizajnit të Toyota-s, me zbukurime plastike diskrete rreth krahëve, një çati të pjerrët dhe një shirit të lehtë përgjatë pjesës së pasme të automjetit.

bZ5 kombinon elementë të një limuzine, fastbacki dhe crossoveri, të gjitha në fellne aliazhi 21-inç.

(Kosova Sot Online)

Teknologji

XChat po vjen, mesazhe që zhduken dhe opsione tjera

Published

3 hours ago

June 3, 2025

Albina Zeneli

Disa përdorues të X që paguajnë për platformën kanë raportuar se kanë qasje në XChat, i cili është menduar të jetë një version më i ri i funksionit ekzistues DM.

Disa nga funksionet që thuhet se janë pjesë e XChat përfshijnë mesazhe në grup, enkriptim nga fillimi në fund, një modalitet mesazhesh që zhduket, mundësinë për të shënuar mesazhet si të palexuara dhe ndarjen e skedarëve.

Mesazhet duket se janë të siguruara me një kodkalim katërshifror. X njoftoi se po ndalonte punën në funksionin e tij të enkriptuar DM, i cili lidhet me publikimin e XChat, pasi sistemi i ri do ta bënte ndërfaqen ekzistuese DM të vjetëruar.

Ata që paguajnë për llogaritë e tyre X, kanë pasur qasje në një version të kufizuar të mesazheve të enkriptuara për dy vjet.

Në vitet që kur bleu Twitter, Musk ka folur vazhdimisht për ambiciet e tij për të ndërtuar një shërbim mesazhesh të ngjashëm me Signal në X.

Nëse XChat po përgatitet për publikun e gjerë, atëherë ky lajm mund të jetë realizimi i qëllimit të tij.

Vetë Musk dha detaje të reja, duke thënë: “Po prezantohet një XChat i ri me enkriptim, mesazhe që zhduken dhe mundësinë për të dërguar çdo lloj skedari. Ai ofron thirrje audio/video. Ky është ndërtuar mbi Rust me enkriptim (në stilin Bitcoin), një arkitekturë krejt të re”.

Automobilizëm elektrikë

VW po e zhvillon “bishën” Golfin GTI plotësisht elektrik

Published

5 hours ago

June 3, 2025

Albina Zeneli

Volkswagen Golf GTI i parë elektrik është duke u zhvilluar dhe shefi ekzekutiv i Volkwagenit, Thomas Schafer, premton se do të jetë “veturë bishë”.

VW do të vazhdojë të përditësojë Golfin deri në fund të dekadës, në të cilën pikë arrin në versionin elektrik, bazuar në arkitekturën krejtësisht të re SSP.

“Jam shumë i kënaqur me progresin”, tha Schafer.

GTI do të jetë me tërheqje me rrotat e përparme, pavarësisht se versioni i tij më i afërt elektrik – ID.3 GTX – ka një motor prej 322 kuaj fuqi që vë në lëvizje rrotat e pasme. Është rreth 60 kuaj fuqi më tepër se versioni i sotëm i GTI-së 2.0 litra benzinë turbo.

Golf R i parë elektrik – që po ashtu po planifikohet – do të ketë kapacitetin të vijë me një tjetër fuqi, me tërheqje që aplikohet në të katër rrotat.

ID.2 GTI, i shfaqur në formën e konceptit, do të vendosë standardin për Golfin GTI elektrik të së ardhmes, ka thënë Schafer.

Puna digjitale në Golf GTI elektrik po merr formë, përpara se makina të kalojë në fazën e prototipit fizik.

“Ne e dimë se si duket automjeti dhe mund të qëndrojmë virtualisht në të”, tha Schafer.

Teknologji

Microsofti do të investojë 400 milionë dollarë në inteligjencën artificiale në Zvicër

Published

1 day ago

June 2, 2025

Albina Zeneli

Microsofti do të investojë 400 milionë dollarë në Zvicër për zhvillimin e inteligjencës artificiale, raportoi të hënën Reuters.

Kompania amerikane e teknologjisë njoftoi investimin në një takim të ministrit zviceran të Ekonomisë, Guy Parmelin, dhe nënkryetarit të saj, Brad Smith, në Bern.

Kjo kompani që punëson 1,000 persona në Zvicër, nuk dha detaje se sa vende pune do të krijojë investimi.

Paratë do të përdoren për të zgjeruar dhe përmirësuar katër qendrat e saj të të dhënave pranë Gjenevës dhe Cyrihut, duke iu përgjigjur kërkesës në rritje për shërbime të inteligjencës artificiale dhe informatikën në Zvicër.

Zgjerimi do t’u shërbejë klientëve ekzistues dhe të rinj dhe do të lejojë që të dhënat të mbeten brenda kufijve zviceranë – kërkesë e rëndësishme për sektorë si kujdesi shëndetësor, financat dhe qeveria.

Microsoft do të zgjerojë gjithashtu bashkëpunimin me kompanitë e vogla dhe të mesme dhe do të shtojë përpjekjet e trajnimit për të ndihmuar njerëzit të përdorin inteligjencën artificiale dhe mjetet digjitale.