Sport

Rrëfimi i Laura Fazliut: Ëndërroj rezultatet e Majlindës

Fazliu ka dhënë rrëfimin për karrierën e saj për faqen zyrtare të Federatës Evropiane të Xhudos.

Published

3 years ago

on

Kanë mbetur më pak se 200 ditë. Është vetëm çështje kohe para se të mbarojë gjithçka. Tensioni po rritet, ndërkohë që fokusi po ngushtohet në një gjë dhe vetëm një gjë, pra te Lojërat Olimpike Paris 2024.

Aktualisht shumica e xhudistëve po përgatiten në OTC Mittersill në Austri, duke përfshirë finalisten evropiane të vitit 2022 dhe fituesen e medaljes së bronztë evropiane 2023, xhudisten kosovare, Laura Fazliu.

Fazliu ka dhënë rrëfimin për karrierën e saj për faqen zyrtare të Federatës Evropiane të Xhudos, ku tregon hapat e saj drejt majave në sportin e xhudos, derisa pranon se ëndrra e saj është që të arrije rezultate dhe medalje si ato të Majlinda Kelmendit.

Laura, e cila mban edhe pseudonimin e saj Laki, e ka nisur xhudon 10 vite më parë, pasi kushëriri i saj e nxiste gjatë gjithë kohës se duhet të merrej me xhudo. Nga tre vëllezërit e motrat brenda familjes së saj, ajo është e vetmja që praktikon xhudo në çdo nivel. Laura u lind dhe u rrit në Mitrovicë dhe në moshën 15-vjeçare iu bashkua ekipit të ëndrrave “Ippon” në Pejë.

“Si fëmijë, unë isha një luftëtare dhe Toni trajneri im e pa talentin tim”, thotë fillimisht Laura.

Pavarësisht gjithçkaje që shohim është lavdi e vazhdueshme, rruga e re nuk ishte e gjitha me lule.

“Kur e lashë familjen dhe shkova në Pejë për t’u stërvitur, në fillim ishte shumë e vështirë për mua dhe disa muaj më pas doja të kthehesha në shtëpi sepse më mungonin prindërit. Për fat të mirë, trajneri im dhe shokët e mi më ndihmuan të vazhdoj. Kam punuar shumë dhe rezultati erdhi vetë më pas për shkak të punës serioze të trajnerit tim me mua.”, theksoi tutje Fazliu.

Për Laurën, kujtimi më i frytshëm deri më sot është Kampionatin Evropian në Sofje 2022 ku ajo fitoi çmimin e saj të parë evropian në formën e një medalje argjendi. Sipas momenteve kryesore të vitit 2023, ajo zgjedh Masters.

“Sepse fitova kundër dy xhudisteve japoneze”, thotë ajo.

“Ajo udhëhiqet nga shembuj të jashtëzakonshëm. Në fakt, ajo ka fatin të udhëhiqet nga idhulli i saj, Majlinda Kelmendi, në baza ditore. Shpresoj që një ditë të arrijë rezultatet e saj”, thekson xhudistja nga Mitrovica.

Tokio 2020 ishte vrapimi i parë i Laurës në një provë olimpike. Ajo vetë e pranon se është e zhgënjyer, por po ashtu i ka bërë një premtim vetes, që ishte se në Paris, ajo do të jetë atje.

“Ëndrra për medaljen olimpike është e vazhdueshme dhe dua ta bëj për prindërit e mi, ata janë arsyeja që e lashë shtëpinë time kur isha shumë e vogël dhe iu përkushtova xhudos. Unë jam duke punuar shumë, dhe shpresoj për më të mirën, kam trajnerin më të mirë në botë, kështu që besoj tek ai dhe puna jonë. Xhudo është jeta ime, nuk është vetëm një sport. Është gjithçka. Xhudo më ka bërë kjo që jam sot, për shkak të xhudos kam një karakter të fortë, besoj në veten time dhe jam gati për gjithçka në jetë. Parisin, përpiqem të mos e mendoj shumë, sepse më jep stres. Përpiqem të fokusohem në stërvitje dhe përmirësimin e xhudos dhe të jem në formën më të mirë për Olimpiadën”, thotë në fund Fazliu.

Related Topics:
Continue Reading

Sport

Asllani reagon pas barazimit me Austrinë: “Pas vështirësisë vjen lehtësimi”

Published

41 minutes ago

on

October 5, 2026

By

Fisnik Asllani ka reaguar pas barazimit 1-1 të Kosovës ndaj Austrisë, në ndeshjen e zhvilluar të dielën mbrëma në stadiumin “Fadil Vokrri”.

Sulmuesi i Kosovës ishte një nga protagonistët kryesorë të “Dardanëve”, pasi u inkuadrua në lojë në minutën e 67-të dhe vetëm tri minuta më vonë shënoi golin e epërsisë 1-0.

Asllani përfitoi nga një asistim i Edon Zhegrovës për ta dërguar topin në rrjetë dhe për t’i dhënë Kosovës avantazhin në pjesën e dytë. Megjithatë, “Dardanët” nuk arritën ta ruanin epërsinë deri në fund, pasi Christoph Lang barazoi rezultatin në minutën e 85-të.

Pas përfundimit të ndeshjes, Asllani reagoi përmes një postimi të shkurtër në rrjetet sociale, duke iu referuar edhe periudhës së vështirë që ka kaluar.

“Vërtet, pas vështirësisë vjen lehtësimi”, shkroi Asllani.

Goli ndaj Austrisë ishte një tjetër moment i rëndësishëm për sulmuesin në fanellën e Kosovës, ndërsa kombinimi i tij me Zhegrovën i dha “Dardanëve” epërsinë në pjesën e dytë.

Megjithëse Kosova nuk arriti ta merrte fitoren, paraqitja e Asllanit dhe goli i tij mbeten ndër momentet pozitive të kësaj ndeshjeje.

D.L

Continue Reading

Sport

Tuttosport vlerëson lart Zhegrovën pas paraqitjes ndaj Austrisë

Published

46 minutes ago

on

October 5, 2026

By

Edon Zhegrova ka marrë vlerësime të larta nga mediumi i njohur italian Tuttosport pas paraqitjes së tij në ndeshjen e Kosovës ndaj Austrisë, e cila u mbyll me rezultat 1-1 në stadiumin “Fadil Vokrri”.

Në raportimin për sfidën, mediumi italian e veçoi anësorin kosovar, duke e cilësuar paraqitjen e tij si të shkëlqyer dhe duke e konsideruar ndër lojtarët më aktivë të Kosovës.

“Zhegrova dha një asistim dhe luajti shkëlqyeshëm, gjithmonë në qendër të aksionit. Ai ishte më aktivi nga shokët e tij të ekipit, me shumë aksione cilësore”, shkruan Tuttosport.

Zhegrova ishte protagonist në golin e Kosovës. Në minutën e 70-të, ai asistoi për Fisnik Asllanin, i cili sapo kishte hyrë në lojë, duke i dhënë Kosovës epërsinë 1-0.

Megjithatë, “Dardanët” nuk arritën ta ruanin avantazhin deri në fund. Austria barazoi në minutën e 85-të përmes Christoph Lang, pas asistimit të Sasa Kalajdzic.

Tuttosport thekson gjithashtu se Zhegrova, i cili tashmë aktivizohet te Juventusi, luajti për 81 minuta, para se të zëvendësohej nga Milot Krasniqi.

Pas katër ndeshjeve, Kosova ka grumbulluar pesë pikë, ndërsa Austria kryeson Grupin 3 të Ligës B me tetë pikë.

D.L

Continue Reading

Lajmet

Kosova barazon me Austrinë dhe mbetet në vendin e dytë në Ligën e Kombeve

Published

1 hour ago

on

October 5, 2026

By

Kombëtarja e Kosovës është ndalur në një barazim 1-1 kundër Austrisë në stadiumin “Fadil Vokrri”, në kuadër të xhiros së katërt të Ligës B në Ligën e Kombeve.

Pas një pjese të parë të tensionuar dhe me raste nga të dyja palët, “Dardanët” kaluan të epërsi në minutën e 70-të kur Fisnik Asllani shënoi pas asistimit të bukur të Edon Zhegrovës, ndërsa vetëm tre minuta më vonë Milot Rashica pati mundësinë të dyfishonte rezultatin por goditi shtyllën.

Kur dukej se fitorja ishte afër, Austria barazoi shifrat në minutën e 85-të përmes një goli me kokë të Lang nga rivendja anësore, duke bërë që ndeshja të mbyllet baras.

Me këtë pikë, Kosova ngjitet në kuotën e pesë pikëve si e dyta në grup, tri më pak se Austria, ndërsa ciklin kualifikues do ta mbyllë në nëntor me ndeshjen ndaj Izraelit në shtëpi dhe udhëtimin në Irlandë. /E.A/

 

Continue Reading

Sport

Zhegrova “E dua Juventusin dhe dua të bëj gjëra të mëdha me këtë klub”

Published

3 days ago

on

October 2, 2026

By

Edon Zhegrova luajti vetëm rreth 15 minuta në fund të ndeshjes së Kosovës ndaj Izraelit, e cila përfundoi me rezultat 0-0 në kuadër të Ligës së Kombeve. Në një intervistë ekskluzive për “Sportmediaset”, anësori kosovar foli për përballjen e fundit me Dardanët, të ardhmen e tij te Juventusi dhe objektivat e klubit italian.

“Fakti që nisa nga stoli ishte vendim i trajnerit. Mezi pres ndeshjen tjetër, shpresoj të startoj dhe të luaj”, deklaroi Zhegrova për “Sportmediaset”.

Kosova në ndeshjen e radhës do të përballet me Austrinë, e cila aktualisht kryeson grupin.

“Unë besoj te kombëtarja ime. Kemi lojtarë cilësorë, do të luajmë në shtëpi dhe mendoj se kemi një shans të mirë për të fituar. E njëjta gjë vlen edhe për grupin. Do të bëjmë gjithçka për të përfunduar të parët”, u shpreh ai.

Zhegrova foli edhe për eksperiencën e tij te Juventusi, duke theksuar se ndihet shumë i lumtur që është pjesë e klubit torinez.

“Jam shumë i lumtur që jam te Juventusi. Është një klub i shkëlqyer dhe nuk mund të mos jem i lumtur me shokët e mi të skuadrës, trajnerin, stafin dhe të gjithë ekipin. Është një privilegj për mua të jem pjesë e këtij klubi dhe do të jap më të mirën time sa herë që të zgjidhem për të luajtur”, tha Zhegrova.

Gjatë verës, emri i tij ishte lidhur me një largim të mundshëm nga Juventusi, por kosovari vendosi të qëndrojë në Torino.

“Qëndrova sepse e dua këtë klub dhe dua të arrij diçka të madhe me të. Kur më blenë, isha vërtet i lumtur dhe nuk doja të largohesha nga Juventusi në këtë mënyrë, pa lënë gjurmën time. Kështu që doja të qëndroja dhe tani dua të bëj gjëra të mëdha për këtë klub”, deklaroi ai për “Sportmediaset”.

Zhegrova nuk është përfshirë në listën e Juventusit për Europa League, një vendim që sipas tij i takon trajnerit Luciano Spalletti.

“Është zgjedhja e Spallettit. Çfarëdo që të vendoset, unë do të bëj më të mirën time për klubin dhe respektoj çdo vendim”, u shpreh reprezentuesi i Kosovës.

I pyetur nëse Juventusi mund ta fitojë Scudetton, Zhegrova u shfaq optimist për potencialin e skuadrës.

“Kemi një ekip të shkëlqyer dhe një skuadër shumë të mirë. Do ta marrim ndeshje pas ndeshjeje, me synimin për të fituar çdo ndeshje që luajmë. Mendoj se kemi cilësinë e nevojshme. Në fund do t’i nxjerrim përfundimet”, tha ai.

Në fund, Zhegrova u pyet edhe për rivalitetin me Interin, kampionin në fuqi të Italisë, duke e mbyllur intervistën me një përgjigje me humor.

“A jemi më të fortë se ata? Nuk dua të flas për këtë, por Juventusi është gjithmonë më i mirë”, tha Zhegrova me buzëqeshje.

D.L

Continue Reading

Të kërkuara