Sport

Rrahmani shërohet nga coronavirus

Publikuar

Kapiteni i Kombëtares së Kosovës dhe lojtari i Napolit, Amir Rrahmani është shëruar plotësisht nga virusi COVID-19. Në testin e fundi të bërë, Rrahmani ka rezultuar negativ, gjë që i hap rrugë atij që të dal nga vetëizolimi.

Lojtari i Kombëtares së Kosovës, ishte infektuar më 20 nëntor, pak ditë pasi u kthye nga grumbullimi që kishte me Kombëtaren e Kosovës, në ndeshjet e nëntorit.

Amir Rrahmani të enjten pritet t’i bashkohet ekipit napolitan në stërvitje, teksa duhet rikujtuar se që prej se ai është bërë pjesë e Napolit, ai ende nuk ka luajtur ndonjë ndeshje zyrtare për skuadrën italiane./UBTNews

Sport

Dy spanjollë në listën e transferimeve të Manchester Unitedit

Mediat britanike bëjnë të ditur se trajneri Erik ten Haag ka hedhur sytë nga futbollistët spanjollë, duke u kërkuar drejtuesve që të sjellin dy prej tyre në “Old Trafford”.

Publikuar

nga

Manchester United ka filluar të mendojë për objektivat e sezonit të ardhshëm, duke përgatitur edhe listën e futbollistëve që do të synojë të transferojë gjatë merkatos së verës. Mediat britanike bëjnë të ditur se trajneri Erik ten Hag ka hedhur sytë nga futbollistët spanjollë, duke u kërkuar drejtuesve që të sjellin dy prej tyre në “Old Trafford”.

I pari është Dani Olmo, mesfushori i Leipzigut, i cili po shkëlqen në Bundesliga këtë sezon. Mirëpo Olmo ndiqet edhe nga klube të tjera të Premier Leagues, teksa për të siguruar shërbimet e tij, “Djajtë e Kuq” do të duhet të paguajnë 60 milionë euro, aq sa është e parashikuar në klauzolën e kontratës së tij me Leipzig.

Futbollisti tjetër për të cilin bëhet fjalë është sulmuesi Joselu. 34-vjeçari është në pronësi të Espanyolit, mirëpo aktualisht gjendet i huazuar Real Madrid dhe si duket ‘Los Blancos’ nuk do të aktivizojnë blerjen e kartonit të tij.

Plani i Unitedit është të marrin Joselu në “Old Trafford” për një çmim jo më shumë se 5-6 milionë euro dhe ta përdorin si zëvendësues të danezit Rasmus Hojlund, i cili nuk mund të mbajë i vetëm peshën e repartit ofanziv.

Joselu ka luajtur edhe më herët në Premier League gjatë karrierës së tij, ku ka veshur fanellat e klubeve si Stoke City dhe Newcastle, ndaj shihet si emri i duhur për të qëndruar pas shpinës së Hojlund te Manchester United./UBTNews/

Vazhdo të lexosh

Sport

AC Milan interesohet për shërbimet e talentit me origjinë shqiptare

Skuadra e AC Milan ka shprehur interesim për të nënshkruar me të dhe po eksploron për një marrëveshje parakontrate.

Publikuar

nga

Talenti irlandez me origjinë shqiptare, Rocco Vata, dhuroi spektakël në ndeshjen e 22 marsit me fanellën e Kombëtares së Irlandës U-21 gjatë duelit të vlefshëm për kualifikimet e Evropianit të 21-vjeçarëve ndaj San Marinos. 

Kështu pas paraqitjeve të shkëlqyeshme të futbollistit i cili u aktivizua te Celtic, skuadra e AC Milan ka shprehur interesim për të nënshkruar me të dhe po eksploron për një marrëveshje parakontrate.

Kush është Rocco Vata?

Vata është djali i ish-mbrojtësit të Celtic, Rudi Vata dhe ai gjithmonë ka ndjerë një lidhje me klubin skocez, me të cilin edhe nënshkroi kontratën e tij të parë profesionale në moshën 16-vjeçare në korrik të 2021.

Ai u rrit në Akademinë e Celtic. Filloi që kur ishte shtatë vjeç dhe mori vendimin për të përfaqësuar Irlandën në nivel të të rinjve, duke bërë rrugën e tij deri në radhët e akademisë në Celtic, më vonë u bë pjesë e ekipit B të Celtic.

Debutimi i tij me ekipin e parë erdhi gjatë sezonit 22/23, duke u inkuadruar nga stoli në një fitore 4-0 kundër Hibernian.

Në pjesën e parë të sezonit 23/24, 18-vjeçari ishte golashënuesi më i mirë i të rinjve, duke luajtur si mesfushor i avacuar dhe si anësor.

Dhe sipas raportimeve, flitet se Milani ka rritur interesin për nënshkrimin e Vatës duke e parë atë gjatë dy viteve të fundit. Gjithashtu talenti shqiptar po i afrohet fundit të kontratës që do të thotë se ai do të jetë i disponueshëm si një transferim i lirë.

Megjithatë për shkak të rregullave në lidhje me kompensimin për shkak të klubeve që kanë zhvilluar lojtarë përmes akademive të tyre që janë nën një moshë të caktuar, do t’i kushtonte Milanit 400 mijë euro për ta sjellë atë.

Gjithsesi interesi është shumë konkret dhe janë diskutuar për një parakontratë në prag të verës. Lojtari thuhet se është entuziast për të bërë lëvizjen./UBTNews/

Vazhdo të lexosh

Sport

Kush është futbollisti i Chelseat që i ka kushtuar 1.8 milion funta një minut i luajtur?

Lavias i ka kushtuar Chelseat rreth 1.8 milion funta për minutë të luajtur këtë sezon.

Publikuar

nga

Aventura e Romeo Lavias te Chelsea nuk po ecën sipas pritshmërive dhe si duket do të përfundojë me vetëm 32 minuta të luajtura qëkur u transferua te londinezët, e gjithë kjo pas dëmtimeve të vazhdueshme.

Kjo është një goditje e rëndë për 20-vjeçarin, paraqitja e vetme e të cilit këtë sezon në Premier Ligë do të mbetet si zëvendësues në pjesën e dytë kundër Crystal Palace në “Stamford Bridge” në muajin dhjetor.

Lavia debutoi në këtë ndeshje pasi kapërceu një problem me ndrydhjen e kyçit, por më pas ai pësoi një dëmtim serioz në kofshë. Ditën e djeshme ka ardhur edhe konfirmimi se ai do të humbasë pjesën e mbetur të sezonit pas një dëmtimi tjetër.

Belgu zgjodhi Chelsean para Liverpoolit kur u largua nga Southampton në verë, duke nënshkruar një kontratë shtatëvjeçare. Por ai i ka kushtuar Chelseat rreth 1.8 milion funta për minutë të luajtur këtë sezon./UBTNews/

Vazhdo të lexosh

Sport

Bayern Munich interesohet për Tomorin, agjenti i futbollistit paralajmëron Milanin

Qendërmbrojtësi anglez ishte një nga pikat kyçe e sezonit fitues të Scudettos së kuqezinjve në 2021/22.

Publikuar

nga

Agjenti i Fikayo Tomorit, Viktor Kolar paralajmëroi drejtuesit e Milanit se Bayern Munich ka shprehur interesim për klientin e tij.

Qendërmbrojtësi anglez ishte një nga pikat kyçe e sezonit fitues të Scudettos së kuqezinjve në 2021/22, dhe ai ka vazhduar të jetë një lojtar kryesor i skuadrës në edhe pse lëndimet e kanë ndjekur vazhdimisht atë këtë sezon.

Tomori humbi nëntë ndeshje radhazi të Serie A këtë sezon për shkak të një lëndimi në muskul, por ai është afër arritjes së formës së plotë, pasi startoi në fitoren 1-0 të Milanit ndaj Empolit fundjavën e kaluar. Ai mungoi dukshëm në skuadrën e Anglisë të Gareth Southgate për miqësoret kundër Brazilit dhe Belgjikës.

Duke folur përmes “Calciomercato.com”, Kolar diskutoi të ardhmen e Tomorit dhe pozicionin e tij aktual në Milano.

“Ai është besnik dhe nuk dëshiron të ikë nga Milani, veçanërisht sepse klubi nuk ka bërë shumë mirë këtë sezon. Milani është një klub shumë i mirë, por Tomori ka potencialin për të bërë një hap përpara në të ardhmen. Nëse ai është fizikisht i aftë, ai do të jetë një mbrojtës i kërkuar absolutisht kudo”, deklaroi agjenti i lojtarit.

Në afatin kalimtar të janarit, Bayern Munich thuhet se kërkoi Tomorin, përgjigja e Milanit ishte e qartë, mbrojtësi nuk ishte në shitje.

Sipas “Calciomercato.com”, thuhet se Tomori është në listën e gjigantit gjerman përpara afatit kalimtar të verës, por ai nuk konsiderohet si prioritet në këtë fazë.

Kuqezinjtë nuk janë të interesuar të shesin anglezin 26-vjeçar, por do të ishin të gatshëm të pranonin oferta mbi 30 milionë euro. Ai ka kontratë me klubin deri në qershor 2027./UBTNews/

Vazhdo të lexosh

Të kërkuara