

Lajmet
Rrahje dhe aborte: Jeta në burgjet e Koresë së Veriut
Koreja e Veriut gjithmonë i ka mohuar akuzat për shkelje të të drejtave të njeriut.
Published
3 years agoon
By
Betim GashiPasi u zvarrit në qelinë e burgut, Lee Young-joo u urdhërua të ulej këmbëkryq me duart në gjunjë. Atë nuk e lejuan të lëvizte për gati 12 orë në ditë.
Vetëm një pëshpëritje e vogël asaj do t’i kushtonte shumë. Nuk kishte as ujë për të pirë e madje ushqehej vetëm me lëvore mistri të bluara.
“Ndihesha sikur kafshë, jo njeri”, deklaroi ajo.
Ajo i tha BBC-së se kaloi orë të tëra duke u marrë në pyetje për diçka që shumë prej nesh e marrin si të mirëqenë – duke u larguar nga vendi i saj. Ajo po përpiqej të arratisej nga Koreja e Veriut në vitin 2007 dhe u kap në Kinë prej nga u kthye mbrapa. Young-joo kaloi tre muaj në Qendrën e Paraburgimit Onsong në Korenë e Veriut, duke pritur dënimin.
Burgu duhej t’i pengonte njerëzit që të arratiseshin nga Koreja e Veriut – por nuk funksionoi për Young-joo ose për shokët e saj të qelisë. Shumica prisnin të dënoheshin për shkak të përpjekjeve për t’u larguar nga vendi. Planet e saj u dëgjuan.
“Roja më kërkonte të afrohesha te hekurat e qelisë dhe më pas filloi të më godiste në duar me një unazë çelësi derisa duart u frynë dhe morën ngjyrën blu. Nuk doja të qaja nga krenaria. Këta rojtarë i konsiderojnë ata që u përpoqën të largoheshin nga Koreja e Veriut si tradhtarë”, deklaroi ajo.
Një sistem shtypjeje
Young-joo është një nga më shumë se 200 personat që kanë kontribuar në një hetim të detajuar nga Korea Future për shkeljet e ligjit ndërkombëtar brenda sistemit të burgjeve të Koresë së Veriut.
Organizata jofitimprurëse ka identifikuar 597 persona të lidhur me 5 mijë e 181 shkelje të të drejtave të njeriut të kryera ndaj 785 të paraburgosurve në 148 objekte penale. Provat janë mbledhur dhe vendosur në një bazë të dhënash me shpresën se një ditë përgjegjësit mund të sillen para drejtësisë.
Koreja e Veriut gjithmonë i ka mohuar akuzat për shkelje të të drejtave të njeriut. BBC është përpjekur të kontaktojë një përfaqësues nga Koreja e Veriut për t’iu përgjigjur këtij hetimi, por nuk ka marrë përgjigje. Grupi ka krijuar gjithashtu një model 3D të qendrës së paraburgimit Onsong për t’ua mundësuar njerëzve t’i shohin kushtet.

Akuza të shumta për abuzime
Koreja e Veriut aktualisht është më e izoluar nga bota sesa ka qenë ndonjëherë. Vendi është qeverisur nga familja Kim për tre breza dhe qytetarëve të tij u kërkohet të tregojnë përkushtim të plotë ndaj familjes dhe liderit të saj aktual, Kim Jong-un. Pandemia e Covid-it ka sjellë kontrolle edhe më të rrepta si brenda vendit ashtu edhe në kufi.
Ka shumë akuza për përdhunim dhe forma të tjera të sulmit seksual. Të mbijetuarat gjithashtu i thanë organizatës se ishin të detyruara të abortonin.
Në një rast në një qendër paraburgimi në Hamgyong të Veriut, një e intervistuar dëshmoi se një tjetër e burgosur u detyrua të abortonte gjatë muajit të tetë të shtatzënisë. Ajo pretendon se foshnja mbijetoi, por u mbyt në një legen me ujë.
Një hap më afër drejtësisë
Young-joo u dënua përfundimisht me tre vjet e gjysmë burg.
“Isha e shqetësuar nëse do të mbijetoja deri në momentin që të mbaroja dënimin”, tha ajo. “Kur shkon në këto vende, duhet të heqësh dorë nga të qenit njeri për të duruar dhe mbijetuar”, thotë ajo.
Saerom ishte gjithashtu në Qendrën e Paraburgimit Onsong në vitin 2007, por ajo thotë se dhuna fizike që ushtrohej në burgjet e Sigurimit të Shtetit ishte më e rëndë./UBTNews/
Lajmet
Macron dënon kërcënimet me vdekje ndaj gjyqtares që e dënoi Le Penin
Published
13 hours agoon
April 2, 2025By
UBT NEWS
Presidenti francez, Emmanuel Macron, ka dënuar kërcënimet me vdekje ndaj gjyqtares Benedikte de Perthuis, e cila ishte ndër tre gjyqtarët që dënuan lideren e ekstremit të djathtë, Marine Le Pen. Macron e quajti këtë veprim “absolutisht të papranueshëm dhe të patolerueshëm” dhe tha se gjyqtarja është vënë nën mbrojtjen e policisë, ndërsa autoritetet po hetojnë kërcënimet. Ai gjithashtu theksoi se dega gjyqësore është e pavarur dhe ligji është i barabartë për të gjithë.
Në lidhje me dënimin e Le Pen, Macron theksoi se të gjithë të akuzuarit kanë të drejtë të ndjekin rrugët ligjore. Le Pen është shpallur fajtore për përvetësim të fondeve të Bashkimit Evropian për financimin e partisë së saj dhe është dënuar me katër vjet burgim, dy prej të cilave me kusht. Ajo gjithashtu është ndaluar të kandidojë për poste publike për pesë vjet dhe është dënuar me një gjobë prej 100.000 euro. Dënimi për ndalimin e kandidimit është me efekt të menjëhershëm, ndërsa burgimi dhe gjoba do të zbatohen pas përfundimit të apeleve.
Lajmet
Kurti flet për gjobën e Themelores: Më dënojnë mua nganjëherë por mos u mërzitni ju
Published
13 hours agoon
April 2, 2025By
UBT NEWS
Kryeministri në detyrë, Albin Kurti, ka komentuar gjobën prej 250 euro të vendosur nga Gjykata Themelore e Prishtinës për shkak të mosparaqitjes së tij në Prokurorinë Speciale (PSRK) lidhur me rastin e rezervave shtetërore. Kurti tha se ndonjëherë e dënojnë atë, por ka sugjeruar që gazetarët të mos mërziten për këtë. Ai bëri këto komente pas përurimit të çerdhes në lagjen “Rezinë” të Gjakovës.
Kurti është paralajmëruar për gjobë që nga fundviti i kaluar për shkak të refuzimit për t’u paraqitur në prokurori. Ai ka kërkuar që prokurorët të shkojnë në zyrën e tij, duke theksuar se ka precedent për këtë, por Gjykata ka urdhëruar që ai të dëshmojë në prokurori lidhur me dyshimet për dëm ekonomik në rezervat shtetërore. Prokuroria dyshon se shteti është dëmtuar me rreth 600,000 euro gjatë blerjes së produkteve për rezervën shtetërore.
Lajmet
Rutte: Duhet të sigurohemi që situata në Kosovë të mbetet stabile
Published
14 hours agoon
April 2, 2025By
UBT NEWS
Sekretari i përgjithshëm i NATO-s, Mark Rutte, ka theksuar se autorët e sulmit në Banjskë dhe ndaj trupave të KFOR-it në veri të Kosovës, më 2023, duhet të mbahen përgjegjës, dhe ka shtuar se kjo është përgjegjësi e Serbisë.
Rutte ka theksuar rëndësinë e stabilitetit në Kosovë dhe ka thënë se situata e sigurisë është përmirësuar që nga vitit 1999 dhe duhet të ruhet. Ai përmendi bisedat me presidentin serb, Aleksandar Vuçiç, për këtë çështje.
Në një konferencë për media në Bruksel, Rutte është pyetur gjithashtu nëse NATO është konsultuar për marrëveshjen e bashkëpunimit në mbrojtje ndërmjet Serbisë dhe Hungarisë, të nënshkruar më 1 prill. Rutte ka përmendur se aleanca nuk është konsultuar, ndërkohë që ka përmendur edhe marrëveshjen e bashkëpunimit midis Kosovës, Shqipërisë dhe Kroacisë.
Lajmet
Kurti për formimin e qeverisë: Kemi filluar takimet zyrtare me komunitetet jo shumicë
Published
14 hours agoon
April 2, 2025By
UBT NEWS
Kryetari i Lëvizjes Vetëvendosje (LVV), Albin Kurti, njoftoi se ka filluar konsultimet me komunitetet jo shumicë për formimin e qeverisë së re. Ai theksoi se ka takuar kryetaren e Partisë së Re Demokratike (NDS) nga komuniteti boshnjak, Emilija Rexhepi, dhe kryetarin e Partisë për Liri, Drejtësi dhe Mbijetesë nga komuniteti serb, Nenad Rashiq. Kurti shtoi se do të zhvillojë takime të tjera shpejt, por nuk specifikoi nëse do të ketë konsultime me ndonjë parti tjetër shqiptare.
Në lidhje me dënimin nga Gjykata e Prishtinës me 250 euro për shkak të mos paraqitjes në Prokurorinë Speciale (PSRK) për të dëshmuar lidhur me rastin e rezervave shtetërore, Kurti reagoi me ironi, duke thënë se shpesh e dënojnë për raste të tilla. Ai u sugjeroi gazetarëve që të mos mërziten për një dënim të tillë.

James Bond i “rikthehet origjinës” me një “yll shumë të ri”

Macron dënon kërcënimet me vdekje ndaj gjyqtares që e dënoi Le Penin

Kurti flet për gjobën e Themelores: Më dënojnë mua nganjëherë por mos u mërzitni ju

Pse disa njerëz preferojnë udhëtimet e gjata vetëm?

Rutte: Duhet të sigurohemi që situata në Kosovë të mbetet stabile

Kurti për formimin e qeverisë: Kemi filluar takimet zyrtare me komunitetet jo shumicë

Krasniqi: Nëse LVV-ja s’arrin ta bëjë qeverinë, PDK-ja e gatshme të marrë përgjegjësinë me Hamzën kryeministër

“Unë jam Bleta Rexha, më pëlqen të këndoj opera”, eseja e Bebe e shkruar kur ishte nëntë vjeçe bëhet virale në rrjet

BE gjobit prodhuesit e makinave me 458 milionë euro
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë