Sport

Rose: Nuk do të ankohemi për mungesën e Haaland

Haaland ka pësuar një lëndim në muskulin e tij të këmbës.

Published

4 years ago

October 26, 2021

Betim Gashi

Trajneri Marco Rose e di rëndësinë e padiskutueshme që e ka Erling Haaland për ekipin e tij, por ka insistuar që Borussia Dortmundi nuk do të ankohet për mungesën e yllit norvegjez.

Trajneri i Dortmund, Rose e ka konfirmuar të premten e kaluar që Haaland do të mungojë disa javë për ekipin, pasi që ka pësuar një lëndim në muskulin e tij të këmbës.

Haaland ka shënuar 13 gola në 10 paraqitje në të gjitha garat për skuadrën e tij, ku tre ndeshje i ka humbur deri tani shkaku i problemeve me lëndime në muskul, ku ishte rikthyer në ndeshjen kundër Mainz, të cilën Dortmundi e fitoi me rezultat 3:1, dhe Haaland ishte protagonist në dy gola.

“Erling është tejet i rëndësishëm për ne dhe neve na mungon ai, kjo është gjë e sigurte. E kam thënë një herë që neve na duhet të luajmë së bashku në mungesën e tij. Por nuk do të fillojmë çdo gjë nga fillimi”, tha Rose.

“Mund të mos e kemi prezencën e Haaland në sulm, por kemi lojtarë të tjerë. Në Bielefeld luajtëm me tre sulmues dhe kishim ide të tjera. Ne do të jemi të lumtur kur ai të rikthehet me neve. Por, neve na duhet të mësohemi me mungesën e tij për disa ndeshje. Kështu që nuk duhet të ankohemi për këtë gjë, por të gjejmë zgjidhje, dhe momentalisht jemi duke punuar drejt kësaj”, shtoi trajneri gjerman.

Ndeshja e radhës për Borussia Dortmundin do të jetë kundër skuadrës së Ingolstadt, e vlefshme kjo për kupën gjermane DFB-Pokal.

Sport

Kosova pëson humbje nga Portugalia në kuadër të Kampionatit Evropian për Femra U17

Published

5 hours ago

March 5, 2026

UBTNews

Përfaqësuesja e vajzave të Kosovës është mposhtur me rezultat 3-0 nga Përfaqësuesja e Portugalisë në kuadër të ndeshjeve të UEFA për Kampionatin Evropian për Femra U17.

Ndeshja u zhvillua në stadiumin Cidade do Futebol, ku Përfaqësuesja e Kosovës u përball me një nga skuadrat më të forta të grupit.

Portugalia dominoi pjesën më të madhe të takimit dhe arriti të shënojë tre gola, duke siguruar fitoren 3-0. Pavarësisht rezultatit, vajzat kosovare treguan përkushtim dhe luftuan deri në fund, duke fituar përvojë të rëndësishme në arenën ndërkombëtare.

Ky takim ishte një test i rëndësishëm për Përfaqësuesen e Kosovës U17, e cila vazhdon të ndërtojë ekipin dhe të zhvillojë talentet e reja në futbollin e vajzave.

Sport

Chelsea me interesim të madh për yllin e Kosovës

Published

5 hours ago

March 5, 2026

UBTNews

Sulmuesi i përfaqësueses së Kosovës, Fisnik Asllani, është një potencial i vërtetë për merkaton e verës së vitit 2026, me Chelsea-in që thuhet se ka një interesim serioz për transferimin e tij.

Sipas raportimeve nga Fussball Daten, skautistët të klubit londinez po e vëzhgon me vëmendje 23-vjeçarin e Hoffenheim-it, të cilin e shohin si një sulmues të kompletuar që mund të luajë në disa pozicione të sulmit. Me një klauzolë prej 30 milionë eurosh, Asllani konsiderohet si një mundësi e artë për të përforcuar sulmin e Chealsea-it.

Megjithatë, gara për blerjen e tij është e ashpër, pasi edhe klube si Tottenham Hotspur, Aston Villa dhe Bayern Munich po ndjekin progresin e tij pas formës fantastike këtë sezon me 8 gola dhe 7 asistime në ligën gjermane.

Pavarësisht interesimit të madh nga Premier League, raportohet se klubi i ëndrrave të fëmijërisë për Fisnik Asllanin është Barcelona, e cila po kërkon një zëvendësim për Robert Lewandowskin, sipas TeamTalk.

Mbetet të shihet nëse Chelsea do të arrijë ta bindë yllin kosovar për t’u transferuar në Stamford Bridge përpara rivalëve të tjerë europianë.

Sport

FFK miratohet nga UEFA për dhënien e licencës Fitness B për trajnerët

Published

1 day ago

March 4, 2026

UBTNews

Federata e Futbollit e Kosovës (FFK) ka marrë konfirmimin zyrtar nga UEFA për pranim në Konventën e Trajnerëve në nivelin shtesë të diplomës Fitness B, pas përfundimit me sukses të kursit të parë për UEFA Fitness nga Departamenti i Edukimit në FFK.

Në shkresën e UEFA-s, e nënshkruar nga Shefi i Zhvillimit të Trajnerëve në UEFA, Kris Van Der Haegen, konfirmohet se raporti pozitiv i vlerësimit për kursin inaugurues për Fitness është shqyrtuar dhe miratuar nga paneli përkatës, duke i hapur rrugë FFK-së për anëtarësim në këtë nivel të ri të Konventës.

Me këtë vendim, FFK tashmë ka të drejtë të organizojë dhe të lëshojë diploma dhe licenca UEFA Fitness B për kandidatët që përmbushin kriteret dhe përfundojnë me sukses programin përkatës, në përputhje me standardet dhe rregulloret e UEFA-s.

Ky hap përfaqëson një avancim të rëndësishëm në edukimin e trajnerëve në Kosovë dhe në ngritjen e kapaciteteve profesionale në fushën e përgatitjes fizike.

Departamenti i Edukimit në FFK do të vazhdojë të ofrojë programe cilësore dhe të harmonizuara plotësisht me standardet evropiane, duke kontribuar drejtpërdrejt në zhvillimin e futbollit në vend.

Pranimi në nivelin UEFA Fitness B dëshmon punën serioze dhe të qëndrueshme të FFK-së në ndërtimin e një strukture moderne të edukimit të trajnerëve dhe profesionalizimin e sportit në Kosovë.

Sport

Kosova përballet me Portugalinë në UEFA Femra U17

Published

1 day ago

March 4, 2026

UBTNews

Sot zhvillohet një përballje e rëndësishme për Përfaqësuesen e vajzave të Kosovës U17 në kuadër të Kampionatit Evropian për Femra U17 të UEFA-s.

Përfaqësuesja e vajzave e Kosovës do të përballet me Përfaqësuesen e vajzave të Portugalisë U17 nga ora 17:00 në stadiumin Qyteti i Futbollit në Oeiras.

Ky takim është një mundësi për vajzat kosovare të tregojnë talentin e tyre dhe të konkurrojnë në arenën ndërkombëtare, duke kërkuar një rezultat pozitiv ndaj një prej skuadrave më të forta të grupit. Fansat e futbollit të vajzave presin një përballje emocionuese dhe të mbushur me momente spektakolare.