

Kulturë
Ronaldo u largua shpejt nga vila, arsyeja ishin delet!
Published
4 years agoon
By
UBT newsCristiano Ronaldo kohët e fundit nënshkroi një kontratë me klubin e futbollit Manchester United.
Ai gjeti një vilë të re ku do të jetonte me familjen e tij, por pas një jave ata u transferuan në një shtëpi tjetër.
Ronaldo u zhvendos me gruan e tij Georgina Rodriguez dhe fëmijët sepse u shqetësuan nga zhurma e bërë nga delet, shkruan “The Sun”. Ai gjithashtu kishte frikë për sigurinë e tij.
“Edhe pse prona është e bukur dhe e vendosur midis fushave dhe pyjeve të shumta, aty është një tufë delesh e cila është shumë e zhurmshme herët në mëngjes. Kishte gjithashtu një shteg publik, si dhe një shteg me pamje nga dera e tij kryesore. Ronaldo është një profesionist i vërtetë, i cili ka nevojë për pushim dhe shërim cilësor pas lojërave, kështu që ai arriti në përfundimin se është më mirë që ai dhe familja e tij të lëvizin”, tha burimi.
Shtëpia e tyre e re ka një pishinë, një sallë kinemaje dhe një garazh ku mund të parkohen katër vetura. Prona sigurohet nga kamerat e vëzhgimit dhe një derë e përparme elektrike, kështu që është nën mbikëqyrje të vazhdueshme.
Magazinë
Influencuesja e famshme vdes pas një operacioni plastik në Turqi
Published
5 minutes agoon
June 26, 2025By
UBT News
Ana Barbara Bur Buldrini (31), një këngëtare, modele dhe influencuese braziliane, vdiq pas një operacioni në Stamboll, dhe burri i saj pretendon se nuk ishte përgatitur si duhet për procedurat.
Sipas një raporti nga media lokale O Tempo, Ana Barbara dhe burri Elgar Sueia udhëtuan nga Mozambiku për në Stamboll, ku ajo iu nënshtrua liposuksionit, zmadhimit të gjoksit dhe operacionit të hundës të dielën, më 15 qershor.
Sueia pretendon se Buldrini cila kishte 797,000 ndjekës në Instagram kishte një marrëveshje me Spitalin Tusa për të marrë operacione në këmbim të promovimit të spitalit në mediat sociale.
Burri i saj i tha O Tempo se Buldrini vdiq vetëm disa orë pas procedurës, për shkak të arrestit kardiorespirator.
Ai gjithashtu deklaroi se gruaja e tij nuk ishte përgatitur siç duhet për operacionet.
“Ajo donte t’i nënshtrohej këtyre procedurave për të përmirësuar pamjen fizike. Ishte ëndrra e saj. Ndërhyrja kirurgjikale fillimisht ishte planifikuar për të mërkurën, por për shkak të problemeve me orarin, kirurgu vendosi ta shtynte për të dielën. Ne shkuam në klinikë të dielën vetëm për të parë hapësirën, por mjeku donte ta bënte ndërhyrjen kirurgjikale menjëherë, edhe pse Ana nuk ishte e përgatitur”, tha Sueia për median braziliane.
Sipas G1, ndërhyrja kirurgjikale përfundoi rreth orës 23:00 më 15 qershor. Sueias iu tha se mund ta shihte gruan e tij, e cila ishte ende nën anestezi, por do të zgjohej së shpejti.
“Më thanë të shkoja në dhomë, asistentët po silleshin çuditshëm. Prita një orë e 15 minuta për ta parë. Zbrita poshtë dhe një mjek më tha se zemra e saj po rrihte ngadalë dhe një tjetër se ajo kishte ndërruar jetë.”

Sueia ndau hidhërimin e tij për vdekjen e gruas së tij në Instagram.
“Sot flas jo vetëm si një bashkëshort që humbi dashurinë e jetës së tij, Ana Barbara, por edhe si një qenie njerëzore që kërkon të vërtetën, përgjegjësinë dhe drejtësinë”, shkroi në postim, me raport nga stacioni televiziv EKOL TV mbi rastin.
“Më 16 qershor 2025, Ana humbi jetën tragjikisht në një klinikë private në Pendik, Stamboll. Ajo erdhi në këtë vend me shpresë dhe besim. Ky besim u tradhtua nga një sistem që lejoi që kjo të ndodhte pa mbikëqyrje.”
Në një deklaratë për Turkiye Today, Spitali Tusa pretendoi se pacientes iu dha i gjithë informacioni ligjor dhe mjekësor, se një “komplikacion i papritur” ndodhi gjatë shërimit të saj. Gjithashtu tha se u bë përpjekje për ringjallje për 90 minuta.
“Pavarësisht të gjitha përpjekjeve të ekipit të ekspertëve të anesteziologjisë, pacientja nuk mundi të ringjallej”, përfundoi deklarata.
Magazinë
Denis Villeneuve do të drejtojë filmin e ri të James Bond
Published
1 hour agoon
June 26, 2025By
UBT News
Denis Villeneuve, regjisori franko-kanadez i nominuar për çmimin Oscar, do të drejtojë filmin e ardhshëm të James Bond, njoftoi Amazon MGM Studios.
Në një deklaratë, Villeneuve thotë se është një “fans i flaktë i James Bond” dhe synon të “nderojë traditën” e serisë.
Spekulimet kanë qarkulluar mbi të ardhmen e filmave 007 pasi producentët e Bond, Barbara Broccoli dhe Michael G Wilson, pas një kohe të gjatë, dhanë dorëheqjen nga rolet e tyre në shkurt.
Villeneuve do të shërbejë gjithashtu si producent ekzekutiv i filmit të ri dhe ka marrë vlerësime globale për interpretimin e tij të fundit të serisë Dune, së bashku me hite të tilla si Blade Runner 2049 dhe Arrival.
Amazon nuk publikoi detaje mbi aktorin e ardhshëm që do të luajë James Bond në njoftim. Villeneuve pranoi “përgjegjësinë e madhe” të drejtimit të filmit të ri dhe shprehu entuziazmin e tij për sfidën.
“U rrita duke parë filma të James Bond me babanë tim, që nga Dr No me Sean Connery. Jam një fans i flaktë i Bond. Për mua, ai është një territor i shenjtë”, tha ai.
“Kam ndërmend ta nderoj traditën dhe të hap rrugën për shumë misione të reja që do të vijnë”.
Ai shtoi se ai dhe producentët tjerë Amy Pascal e David Heyman janë “të emocionuar që ta sjellin atë përsëri në ekran”.
Drejtori i Amazon MGM Studios, Mike Hopkins, e përshëndeti Villeneuve si një “mjeshtër kinematografie” dhe vlerësoi aftësinë e tij për të ofruar “rrëfim gjithëpërfshirës” për audiencën globale.
“James Bond është në duart e njërit prej regjisorëve më të mëdhenj të sotëm dhe mezi presim të fillojmë aventurën e ardhshme të 007”, tha ai.
Pascal dhe Heyman shtuan se ëndrra e Villeneuve ishte të bënte film për Bond dhe “jemi me fat që jemi në duart e këtij regjisori të jashtëzakonshëm”. Është ende e paqartë se kur do të dalë filmi i ardhshëm i Bond, kërkimi për aktorin e ardhshëm për të luajtur spiunin titullar vazhdon.
Aktorët Aaron Taylor-Johnson e James Norton janë përfolur si kandidatë kryesorë, ndërsa emri i Paul Mescal është përfshirë në listë. Villeneuve fitoi famë me një sërë suksesesh kritike, duke përfshirë Sicario, Prisoners dhe Incendies.
Thrilleri i tij fantastiko-shkencor i vitit 2016, Arrival, i siguroi atij nominimin e tij të parë për Oscar për regji.
Kohët e fundit, filmat e suksesshëm Dune dhe Dune: Part Two fituan një total të kombinuar prej më shumë se 1 miliard dollarësh në të gjithë botën, me të dy filmat e nominuar për çmimin Oscar për Filmin më të Mirë në vitet e tyre përkatëse.
Villeneuve pritet të fillojë xhirimet e Dune Messiah, filmit të tretë të serisë Dune, më vonë këtë vit me një datë të mundshme publikimi në vitin 2026.
Kulturë
Inagurohet Orkestra e Kryeqytetit në Prishtinë
Published
3 hours agoon
June 26, 2025By
UBT News
Gjatë kësaj jave u inagurua Orkestra e Kryeqytetit. Ky event me rëndësi unike u mbajt në Sallën e Kuqe ku mblodhi shumë personalitete dhe personazhe të njohura të fushave të ndryshme.
Nuk mungoi i pari i Prishtinës, Përparim Rama i cili e ndoqi nga afër këtë paraqitje dinjitoze të të rinjëve që na përfaqesuan aq mirë.
“Kryeqyteti ka hy në një kapitull të ri kulturor – u inagurua Orkestra Prishtina! Ky është një moment historik për kryeqytetin, që për herë të parë ka orkestrën e vet profesionale. Me këtë hap të madh, e dëshmojmë edhe një herë vizionin dhe respektin tonë për kulturën – të cilën e vendosim fuqishëm në zemër të jetës publike të Prishtinës. Faleminderit Gencit, Gresës, Sibelit dhe të gjithë atyre që punuan që kjo ëndërr të jetësohet sonte”, shkroi Rama në rrjetin social Facebook.
Kjo orkestër nuk është thjesht një bashkim muzikantësh të talentuar, është një trupë që do t’i japë ritëm jetës sonë publike, do të ndërtojë ura mes brezash e komunitetesh, dhe do ta vendosë Prishtinën në mesin e qyteteve që e kuptojnë dhe e vlerësojnë thellësisht rolin e kulturës në zhvillimin shoqëror.
Përndryshe, në kuadër të aktiviteteve për muajin e Çlirimit të Prishtinës, pas një varg ngjarjesh të rëndësishme kulturore, Kryeqyteti mirëpriti inaugurimin e Orkestra Prishtina – OPR. /A.Zeneli – UBT News/
Magazinë
Katy Perry dhe Orlando Bloom raportohet se janë ndarë pas gati 10 vjetësh bashkë
Published
5 hours agoon
June 26, 2025By
UBT News
Katy Perry dhe Orlando Bloom thuhet se i kanë dhënë fund lidhjes pas gati 10 vitesh bashkë.
“Katy dhe Orlando janë ndarë, por ndarja ka qenë miqësore”, tha një burim i afërt me çiftin për Us Weekly të mërkurën.
“Nuk ka konflikte për momentin. Katy natyrisht është e mërzitur, por ndihet e lehtësuar që nuk i duhet të kalojë edhe një divorc tjetër, pasi ishte periudha më e vështirë e jetës së saj”.
Këngëtarja e hitit “Teenage Dream” e cila është në turneun “Lifetimes” po e përballon ndarjen duke qëndruar e angazhuar me karrierën muzikore.
Burimi shtoi se Perry është duke e dhënë me qira vilën në zonën Westcott të Montecitos, Kaliforni, ndërkohë që vazhdon të udhëtojë e të performojë në botë.
“Ajo dhe Orlando gjithmonë kanë jetuar në shtëpinë tjetër të tyre në Montecito si rezidencën kryesore”, shpjegoi burimi.
Ish-çifti kishin planifikuar që shtëpia në Westcott të bëhej familjare, por planet kanë ndryshuar, ata kanë jetuar të ndarë që prej kohës kur Katy filloi turneun.

Influencuesja e famshme vdes pas një operacioni plastik në Turqi

UBT International Smart Schools tani edhe në Gjilan me dy programe në mjekësi

Tani edhe në Prizren: UBT International Smart Schools me dy drejtime të mjekësisë

Dielli plak lëkurën/ Dermatologët: Kremi mbrojtës ul rrisqet për disa sëmundje

Sllovakia nuk mbështet sanksionet e reja ndaj Rusisë

Lideri suprem i Iranit: Fjala dorëzim nuk është në fjalorin tonë

Erdogan tregon bisedën me Trump: Kërkova angazhim për paqe në Gaza dhe Ukrainë

Denis Villeneuve do të drejtojë filmin e ri të James Bond

Drita nënshkruan me Vesel Limaj
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore