Sport

Ronaldinho shpreson që Messi dhe Barcelona t’i rikthehen niveleve më të larta të futbollit

Ronaldinho mendon që Messi dhe “Blaugranët” së shpejti do t’i rikthehen niveleve më të larta të tyre.

Published

on

Legjenda braziliane Ronaldinho ka thënë që Lionel Messi dhe Barcelona do t’i rikthehen niveleve më të larta të futbollit.

Ndërkohë, Messi është vërshëllyer nga tifozët e Paris Saint-Germain në ndeshjen e fundit për shkak të paraqitjeve jo të mira, kurse Barça ka hyrë në vitin e katërt pa trofe të La Ligas, ku tani gjiganti katalunas dhe ylli argjentinas janë duke kaluar nëpër kohë jo të mira.

Ndërkaq, njëri nga mentorët e Messit në “Camp Nou” , Ronaldinho mendon që Messi dhe “Blaugranët” së shpejti do t’i rikthehen niveleve më të larta të tyre.

“Momentalisht, Messi nuk është duke kaluar nëpër momentet më të mira, por për mua është e vështirë që të dyshosh në Messin pas çdo gjëje që ka bërë për futbollin. Jam i sigurt që së shpejti ai do të fitojë tituj përsëri dhe të konsiderohet më i miri në botë”, tha Ronaldinho.

Sa i përket Barcelonës, Ronaldinho shtoi që Barcelona nuk është në kohërat më të mira, por shpreson që të rikuperohet sa më shpejtë nga kjo krizë që e ka kapluar klubin.

“Barcelona gjenden në një pozicion të vështirë. Unë shpresoj që ata të rikuperohen sa më shpejtë, sepse është një klub që kam ndjenja të mëdha për të”, tha Ronaldinho.

Momentalisht, në këtë sezon, Barcelona zë vendin e tretë në tabelë me gjithsej 51 pikë, ndërkaq, Lionel Messi që prej transferimit nga Barcelona te PSG si lojtar i lirë, ka arritur të bëjë 26 paraqitje në të gjitha garat për gjigantin francez, duke regjistruar shtatë gola dhe 11 asistime mbi emrin e tij.

Sport

​Nga Kosova në elitën e basketbollit amerikan, Edona Thaçi shkruan histori në WNBA

Published

on

By

Ish-basketbollistja e përfaqësueses së Kosovës, Edona Thaçi, ka shënuar një arritje të rëndësishme profesionale në Shtetet e Bashkuara të Amerikës, duke u bërë pjesë e USA Network për mbulimin e WNBA. Me këtë angazhim, ajo hyn në histori si shqiptarja e parë që punon si komentatore në ligën elitare të basketbollit për femra.

Ky sukses vjen pas një rrugëtimi të gjatë dhe sfidues profesional. Për Edonën, arritja nuk përfaqëson vetëm një hap të madh në karrierë, por edhe një shpërblim për punën e vazhdueshme, përkushtimin dhe sakrificat që e kanë shoqëruar gjatë viteve, si në parket ashtu edhe në botën e medias sportive.

Në mesazhin e saj drejtuar të rinjve, ajo thekson rëndësinë e besimit në vetvete, durimit dhe këmbënguljes, duke shpresuar që historia e saj të shërbejë si frymëzim veçanërisht për vajzat shqiptare që synojnë basketbollin ose gazetarinë sportive.

Federata e Basketbollit e Kosovës ka reaguar me urime për këtë arritje historike, duke i dëshiruar Edona Thaçit suksese të mëtejme në vazhdimin e karrierës së saj profesionale në skenën ndërkombëtare.

Continue Reading

Sport

​Milani drejt epokës së re

Published

on

By

Procesi i ndryshimit të strukturës financiare dhe të pronësisë te AC Milan ka hyrë në fazën vendimtare, me negociatat mes RedBird dhe Comvest që pritet të mbyllen brenda një afati shumë të shkurtër kohor.

Sipas mediave italiane, marrëveshja që fillimisht parashihej për fundin e shkurtit ose fillimin e marsit, tani mund të finalizohet që në ditët e para të muajit të ardhshëm, duke shënuar përfundimisht fundin e epokës Elliott në klub.

Në planin e parë qëndron shlyerja e borxhit ekzistues ndaj fondit Elliott, hap që do të çojë edhe në largimin e përfaqësuesve të ish-pronësisë nga bordi drejtues i klubit. Paralelisht, pritet të konsolidohet struktura aktuale drejtuese, me presidentin Paolo Scaroni dhe drejtorin ekzekutiv Giorgio Furlani që do të garantojnë vazhdimësinë operative të klubit, të paktën deri në fund të sezonit aktual dhe potencialisht edhe më gjatë.

Në nivel strategjik, ky zhvillim i hap rrugë RedBird-it që të avancojë pa pengesa projektet afatgjata të Gerry Cardinale, të cilat deri tani kanë qenë të kushtëzuara nga marrëdhënia financiare me Elliott. Me dokumentacionin thuajse të përfunduar dhe Comvest gati të hyjë si partner financiar, Milani po përshpejton drejt një faze të re, duke lënë pas një kapitull të rëndësishëm të historisë së tij të fundit.

Continue Reading

Sport

Nga renditja te përballjet direkte, gjithçka rreth shortit të Ligës së Kampionëve

Published

on

By

Fundi i fazës së ligës në Ligën e Kampionëve po afron dhe vëmendja tashmë është te shorti i play-off-eve, i cili do të mbahet të premten, më 30 janar 2026, në orën 12:00. Vetëm tetë skuadrat e para në renditje sigurojnë kualifikim direkt në raundin e 16-tave, ndërsa ekipet nga vendi i nëntë deri në të 24-tin do të përballen në fazën shtesë eliminatore me ndeshje vajtje-ardhje.

Sipas formatit të ri të UEFA-s, ekipet renditen në çifte dhe përballen në bazë të pozicionit përfundimtar në fazën e ligës, ku skuadrat më lart në renditje shortohen ndaj atyre më poshtë. Nuk ka kufizime për përballje mes ekipeve të së njëjtës federatë apo për duele që janë zhvilluar më herët në fazën e ligës, çka hap mundësinë edhe për derbi të mëdhenj evropianë.

Ndeshjet e para të play-off-eve do të luhen më 17/18 shkurt, ndërsa takimet vendimtare më 24/25 shkurt 2026. Fituesit do të avancojnë në raundin e 16-tave, shorti i të cilit do të hidhet më 27 shkurt, ndërsa finalja e Ligës së Kampionëve për këtë edicion është planifikuar të zhvillohet më 30 maj 2026 në Budapest.

Continue Reading

Sport

“Prishtina 2030” sjell risi në Lojërat Mesdhetare me sporte të reja

Published

on

By

Lojërat Mesdhetare “Prishtina 2030”, edicioni i 21-të i kësaj ngjarjeje sportive ndërkombëtare që do të zhvillohet në Kosovë dhe rajon, do të përfshijë një program të gjerë sportesh me 24 sporte të planifikuara të garës. Kjo listë përbëhet nga sporte të njohura ndërkombëtarisht, përfshirë si disiplina tradicionale olimpike ashtu edhe disa të reja për lojërat.

Nga këto sporte bëjnë pjesë sportet e mëposhtme: atletikë, boks, xhudo, karate, peshëngritje, mundje, noti, polo në ujë, noti me vela, lundrim, qitje, pingpong, tenisi, volejbolli, hendbolli, basketbolli 3×3, skermë, çiklizëm (rrugë dhe mountain bike), gjimnastikë (artistike dhe ritmike), badmintoni, karateja, taekwondoja, sportet e peshëngritjes, dhe sporte të tjera si futsalli, i cili është përfshirë zyrtarisht dhe do të zëvendësojë futbollin tradicional për U21 në këtë edicion.

Përveç sporteve kryesore, Komiteti Organizatues ka rezervuar mundësinë e shtimit të 2-3 sporteve shtesë, si Baseball5, Canoe Sprint, Kickboxing ose sporte me skating, në varësi të propozimeve që do të pranohen më vonë.

Ky program shumëdimensional përfaqëson një nga ofertat më të gjera sportive në historinë e Lojërave Mesdhetare dhe çon përpara vizionin e organizatorëve për një ngjarje gjithëpërfshirëse dhe dinamike sportive.

Continue Reading

Të kërkuara