Sport

Roma rinovon me Mkhitaryan, Mourinho telefonon Donnarummën

Published

4 years ago

June 2, 2021

Betim Gashi

Roma e Jose Mourinhos nis të marrë formë dhe gjithçka ka filluar me konfirmimin e Heinrik Mkhitaryan. Fantazisti armen, të cilit i përfundonte kontrata me verdhekuqtë në qershor të këtij viti, ka vendosur të qëndrojë edhe për një tjetër sezon në kryeqytetin italian.

I ardhur te Roma në 2019-ën, Mkhitaryan ka bërë paraqitje mbresëlënëse, me 23 gola të shënuar në 73 ndeshje, ndërsa sot verdhekuqtë arritën marrëveshjen me menaxherin e tij Mino Raiola, për të rinovuar edhe për një tjetër sezon.

“Në këto dy vite me fanellën verdhekuqe, Roma më ka bërë për vete si skuadër dhe si qytet, me pasionin e jashtëzakonshëm të tifozërisë. Ambiciet e shoqërisë janë shumë të mëdha dhe jam shumë krenar që do të kem mundësinë të jap kontributin tim në sfidat që na presin sezonin e ardhshëm”, tha Mkhitaryan pas firmës mbi kontratën e re.

Përveç firmës me armenin, drejtuesit e Romës shfrytëzuan takimin me Raiolën edhe për t’u futur zyrtarisht në garë për shërbimet e portierit Giggio Donnarumma, të cilit i ka përfunduar kontrata me Milanin dhe është i lirë të vendosë të ardhmen e tij. Sipas mediave italiane, vetë Jose Mourinho ka telefonuar gardianin italian për ta ftuar t’i bashkohet te Roma, ndërsa Raiola ka konfirmuar se për klientin e tij dëshiron një pagë të majme prej 10 milionë eurosh në sezon.

Për Donnarummën Roma do të duhet të fitojë edhe betejën me Juventusin, por nëse nuk arrin të firmosë me portierin italian, atëherë është gati alternativa tjetër, Alphonso Areola, në pronësi të PSG-së, por që sezonin e fundit ka bërë mjaft mirë te Fulham, ku ishte në huazim. Reparti i mbrojtjes është ai më i kompletuari deri tani për Jose Mourinhon dhe verdhekuqtë mund të bëjnë një sforco vetëm për të afruar Jerome Boateng, një futbollist me eksperiencë të konsiderueshme, që gjithashtu mund të vijë falas në kryeqytetin italian, pasi i ka përfunduar kontrata me Bayernin e Mynihut.

Sa i përket mesfushës, Mourinho synon të afrojë te verdhekuqtë mesfushorin shqiptar të Zvicrës, Granit Xhaka, por pretendimet e Arsenalit janë goxha të larta, ndaj së fundi ka dalë në skenë emri i uruguaianit Nahitan Nandez, që prej dy sezonesh është pjesë e Cagliarit në Serinë A. Dy lojtarë në dyshim te verdhekuqtë janë mbrojtësi anësor Alessandro Florenzi dhe sulmuesi boshnjak Edin Dzeko, teksa gjatë javës në zyrat e klubit kryeqytetas pritet të mbërrijë menaxheri i tyre Alessandro Lucci, me të cilin do të diskutohen të gjithë opsionet e mundshme.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.