Teknologji

Rolls-Royce: Avioni ynë elektrik është më i shpejti në botë

Published

on

Rolls-Royce beson se avioni i saj elektrik është më i shpejti në botë. Kompania britanike, thotë se ka arritur të ndërtojë dhe të ngrejë në fluturim një avion me motor të gjithin elektrik, me një shpejtësi 623 km/h. Sipas Rolls-Royce kjo shpejtësi është realizuar në fluturimin eksperimental të kryer më 16 nëntor. Shifra është dërguar për verifikim te Federata Botërore e Sporteve Ajrore.

Shpejtësia u arrit nga piloti testues Phill O’Dell. “Kjo është pika kulmore e karrierës sime dhe një arritje e jashtëzakonshme për të gjithë”, tha ai pas fluturimit.

Rolls-Royce tha se avioni, i quajtur Spirit of Innovation (Shpirti novator) fluturoi me një shpejti mbi 213 km/h më shumë se sa avioni që mbante rekordin e mëparshëm, i prodhuar nga Siemens, në vitin 2017.

Kompania e famshme tha gjithashtu se mendohet që avioni i saj të ketë thyer edhe rekordin për mjetin fluturues që ngjitet më shpejt në 3 mijë metra lartësi, për rreth 200 sekonda, duke thyer me 60 sekonda rekordin e mëparshëm.

Avioni ka një motor elektrik 400kW, të barasvlershëm me 535 kuaj fuqi të një supermakine të shpejtë, që është në gjendje të karikojë 7500 telefona celularë.

Continue Reading

Bota

Turqi: Kufizohet qasja në rrjete sociale

Published

on

Qasja në platformat online X, YouTube dhe Instagram është kufizuar në Turqi, thotë monitoruesi i internetit.

Netblocks, një monitor global i internetit, tha të hënën se qasja në platformat online duke përfshirë X, YouTube, Instagram, Facebook, TikTok dhe WhatsApp është kufizuar në Turqi në rrjete të shumta.

Netblocks, tha se bllokimi i qasjes erdhi ndërsa Partia Republikane Popullore (CHP) kryesore e opozitës bëri thirrje për tubime pasi policia ngriti barrikada në zonat përreth selisë së partisë në Stamboll.

Sipas të dhënave nga Shoqata e Lirisë së Shprehjes e Turqisë, që monitoron censurën lokale në internet, problemet e qasjes filluan në 20:45 të dielën.  Unioni i Ofruesve të Qasjes i Turqisë, përgjegjës për zbatimin e vendimeve për bllokimin e internetit, nuk iu përgjigj menjëherë një kërkese për koment në lidhje me kufizimet.

 

Continue Reading

Teknologji

OpenAI planifikon të prodhojë çipin e vet për të ulur varësinë nga Nvidia

Published

on

OpenAI, kompania pas ChatGPT, planifikon që vitin e ardhshëm të nisë prodhimin e çipit të inteligjencës artificiale, një hap që synon të përballojë kërkesën e lartë për ‘compute power’ dhe të ulë varësinë nga gjiganti i çipeve, Nvidia.

Sipas Financial Times, çipi, i dizajnuar në bashkëpunim me gjigantin amerikan të gjysmëpërçuesve Broadcom, pritet të shpërndahet vitin e ardhshëm. Administratori i Broadcom, Hock Tan, ka bërë të ditur për një klient të ri që ka premtuar porosi prej 10 miliardë dollarësh.

Lajmi ka nxitur rritje prej 9.4% të aksioneve të Broadcom, duke e çuar kapitalizimin e tregut të kompanisë në 1.6 trilion dollarë.

Ky lëvizje e OpenAI ndjek strategjinë e gjigantëve tjerë teknologjikë, si Google, Amazon dhe Meta, që kanë krijuar çipat e specializuar për ngarkesat e AI. Industria ka parë një kërkesë për fuqinë kompjuterike të nevojshme për trajtimin dhe ekzekutimin e modeleve të AI.

Sipas FT, OpenAI planifikon të përdorë çipin për përdorim të brendshëm dhe nuk ka plane për t’i shitur tek klientët e jashtëm.

Bashkëpunimi i parë me Broadcom ishte njoftuar vitin e kaluar, por afati për prodhimin masiv kishte qenë i paqartë deri tani.

Continue Reading

Teknologji

Apple nesër lanson telefonin e ri: Gjithçka që dihet për modelin e veçantë!

Published

on

Apple do ta lansojë telefonin më të ri më 9 shtator. Ngjarja më e madhe e vitit e kompanisë së madhe amerikane do të sjellë telefonat e rinj, orët dhe kufjet. Mund të ketë edhe befasi.

iPhone 17 do të jetë pajisja kryesore e ngjarjes. Në serinë e re të telefonave, pos standardëve iPhone 17 dhe modeleve Pro, do të vijë një telefon super i hollë me emrin iPhone 17 Air. Do të jetë ndryshimi më i madh në telefonat e Appleit në gati një dekadë.

Sipas MacRumors, pajisja do të jetë rreth dy milimetra më i hollë se iPhone 16. Do të jetë telefoni më i hollë deri tash, me 5.5 milimetra trashësi.

Në të do të akomodohet kamera horizontale me lente 48 megapikselë. Përpara kamera do të jetë 24 megapikselëshe.

iPhone 17 Air do të ketë ekran 6.6 inç dhe kornizë të kombinuar titan – alumin. Me vetëm 145 gramë peshë, kjo pajisje do të jetë fare pak më e rëndë se iPhone 13 Mini.

iPhone 17 Air do ta ketë çipin A19 sikur në iPhone 17. Do të ketë edhe 12 GB RAM. Dallimi do të jetë se ky telefon do të jetë vetëm me eSim pasi nuk ka hapësirë për kartela të telefonit.

Continue Reading

Teknologji

Nepali drejt bllokimit të Facebook, X, YouTube dhe platformave tjera

Published

on

Qeveria e Nepalit ka thënë se do të ndërpresë qasjen në platformat kryesore të mediave sociale, përfshirë Facebook dhe X, pasi ato nuk arritën të përmbushnin kërkesat e regjistrimit të autoriteteve.

Lëvizja, e njoftuar të enjten, është pjesë e asaj që qeveria e quan një përpjekje për të frenuar urrejtjen online, thashethemet dhe krimin kibernetik.

Kompanive iu dha një afat deri të mërkurën për t’u regjistruar në Ministrinë e Komunikimit dhe Teknologjisë së Informacionit dhe për të siguruar një kontakt lokal, një përpunues ankesash dhe një person përgjegjës për vetërregullimin – ose do të përballen me mbyllje.

“Platformat e paregjistruara të mediave sociale do të çaktivizohen nga sot e tutje”, ka thënë zëdhënësi i ministrisë Gajendra Kumar Thakur.

Ministri i Komunikimit dhe IT-së Prithvi Subba Gurung tha: “Ne u dhamë atyre kohë të mjaftueshme për t’u regjistruar dhe u kërkuam vazhdimisht që të përmbushnin kërkesën tonë, por ata e injoruan [këtë] dhe ne u desh të mbyllnim operacionet e tyre në Nepal”,

Meta, e cila zotëron Facebook, Instagram dhe WhatsApp, Alphabet, kompania prindërore e YouTube, X, Reddit dhe LinkedIn u kërkuan të regjistroheshin deri në afatin e së mërkurës.

Kufizimet online vijnë pas një direktive të vitit 2023 që u kërkon platformave të mediave sociale – të cilat kanë miliona përdorues në Nepal me llogari për argëtim, lajme dhe biznes – të regjistrohen dhe të krijojnë një prani lokale.

Vetëm pesë, përfshirë TikTok dhe Viber, janë regjistruar zyrtarisht që atëherë, ndërsa dy të tjera janë në proces.

Continue Reading

Të kërkuara