

Kulturë
Rolling Stones me turne holografik
Published
1 year agoon
By
UBT newsKeith Richards ka pranuar se një koncert në hologram nga Rolling Stones “do të ndodhë”.
Kitaristi shpjegoi arsyetimin e tij gjatë një interviste me Matt Wilkinson të Apple Music 1.
I pyetur për mundësinë e një turneu holografik të Rolling Stones, i ngjashëm me atë që ABBA nisi me sukses vitin e kaluar, ai u shpreh se “sigurisht që nuk do ta përjashtojë”.
“Jam shumë i sigurt se kjo do të ndodhë. A e dua? Tani, kjo është një gjë tjetër. Por nuk e di nëse dua të rri kaq gjatë. Por në të njëjtën kohë, nuk do të varet nga unë, apo jo?”
Kjo nuk është hera e parë që trajtohet tema e një hologrami të grupit.
Në një bisedë të vitit 2022 me Apple Music 1, Mick Jagger pranoi se teknologjia hapi derën për shumë mundësi në lidhje me mbajtjen gjallë të muzikës së Rolling Stones.
“Ne jemi tashmë në një botë të AI që bëjmë këto gjëra, dhe ju mund të bëni shumë gjëra muzikore gjithashtu me kompjuterizim jo shumë të komplikuar”, vuri në dukje ai./UBTNews/
You may like
Magazinë
Lucas Bravo: Sezoni i pestë i “Emily in Paris” do të jetë më i miri deri tani
Published
46 minutes agoon
April 7, 2025
Aktori Lucas Bravo, i njohur për rolin e shefit simpatik Gabriel në serialin e suksesshëm të Netflix-it “Emily in Paris”, ka dhënë sinjale premtuese për sezonin e pestë të serialit.
Në një intervistë për revistën “Parade”, aktori francez ka zbuluar se xhirimet do të nisin në muajin maj dhe ka premtuar se ky do të jetë sezoni më i fuqishëm deri më tani.
“Mendoj se është sezoni më i mirë deri tani, fansat do të çmenden!” ka thënë ai.
Bravo ka zbuluar se ka pasur takim me krijuesin e serialit, Darren Star, nga i cili ka marrë disa informacioneA rreth drejtimit të sezonit të ri.
“Darren më tregoi pak, pa më treguar shumë. Është sezoni më i çmendur deri më tani”, ka thënë ylli duke qeshur.
Emri i aktorit është lidhur me atë të yllit të Hollywoodit, Shailene Woodley. I pyetur nëse do shfaqet si mysafire në sezonin e ardhshëm, Bravo u përgjigj me humor duke pretenduar se nuk e di se kush është.
“Kush? Nuk e di për çfarë po flisni”, ka thënë ai.
Kritika e Bravos ndaj zhvillimit të karakterit të Gabrielit. Edhe pse entuziast për sezonin e ri, Bravo nuk i ka kursyer kritikat për mënyrën se si është trajtuar personazhi në sezonet e fundit. Në një intervistë më 2024, pati deklaruar se nuk ndihet më i lidhur me Gabrielin.
“Në sezonin e parë kishte shumë gjëra prej personalitetit tim që mund t’i gjeja në të. Por më pas, me zgjedhjet që i bënë, ai u kthye në një karakter të humbur dhe të manipuluar. Nuk ishte më argëtuese për mua”, pati thënë aktori.
Ai ka përmendur me metaforë se personazhi i tij “po kthehej ngadalë në një person që manipulohet lehtë”, duke e bërë të vështirë lidhjen emocionale me rolin. Përkundër këtyre vështirësive, sipas Bravos, sezoni i ri mund të rikthejë energjinë e munguar.
Magazinë
“Karate Kid: Legends” i rikthen yjet Jackie Chan dhe Ralph Macchio
Published
3 hours agoon
April 7, 2025
Filmat “Karate Kid” kanë bazë të gjerë të adhuruesve anekënd botës, sidomos nga ata që i pëlqejnë artet marciale.
Vazhdimi i gjashtë në serinë e këtyre filmave “Karate Kid: Legends” i rikthen në ekran të madh yjet Jackie Chan dhe Ralph Macchio. Kurse publikut ia prezanton protagonistin e ri, Ben Wang. Pjesë e kastës janë edhe aktorët Joshua Jackson, Sadie Stanley, dhe Ming-Na Wen.
Filmi me regji të Jonathan Entwistle, e rrëfen historinë e një mjeshtri të ri të sportit luftarak kung-fu, Li Fong, i cili pas një tragjedie familjare bashkë me nënën e tij zhvendoset nga Pekini në New York.
Në qytetin e ri, djaloshi mundohet ta gjejë veten, por vazhdimisht futet në telashe. Një ditë, për ta ndihmuar mikun e tij të ri, Li vendos të marrë pjesë në një garë të karatesë.
Mirëpo aftësitë për këtë sport luftarak nuk mjaftojnë që ai ta fitojë garën, prandaj mësuesi i tij, Mr. Han, i drejtohet yllit të filmave “Karate Kid” për ndihmë. “Karate Kid: Legends” lansohet për publikun e gjerë më datë 30 maj.
Kulturë
Hasan Tahsini, shkencëtari dhe veprimtari i çështjes kombëtare
Published
3 hours agoon
April 7, 2025By
UBT NEWS
Hasan Tahsini, një nga figurat më të ndritura të Rilindjes Kombëtare Shqiptare, ka lënë një pasuri të jashtëzakonshme intelektuale dhe kombëtare. Lindi më 7 prill të vitit 1811, në fshatin Ninat të Konispolit, një krahinë që do t’i jepte atij ndjeshmërinë ndaj vlerave të kulturës dhe historisë shqiptare. U formua si një mendimtar i shquar dhe një figurë e rëndësishme jo vetëm për Shqipërinë, por edhe për gjithë Perandorinë Osmane, në të cilën jetoi dhe veproi.
Qysh në moshë të re, Hasan Tahsini e nisi rrugën e dijes, duke ndjekur mësimet e para në vendlindje, e më pas duke vazhduar studimet në medresetë më të njohura të Stambollit. Ai u dallua si një student i shquar, me një pasion të jashtëzakonshëm për filozofinë, astronominë, matematikën dhe psikologjinë, dhe shpejt arriti të ngjitej në shkallët e dijeve të larta. Gjatë kësaj periudhe, ai filloi të zhvillonte ide të thella për përparimin e shoqërisë dhe emancipimin e individëve përmes arsimit dhe dijeve shkencore.
Në vitin 1870, Hasan Tahsini u emërua rektor i parë i Universitetit të Stambollit, një ngjarje që pasqyronte rëndësinë e tij si një nga mendimtarët më të mëdhenj të kohës. Ky universitet ishte një institucion që shënoi një hap të madh për përhapjen e dijes dhe kulturës në Perandorinë Osmane, dhe Tahsini ishte njeriu që e udhëhoqi atë drejt një rruge të re, që kishte për synim modernizimin dhe zhvillimin shkencor të shoqërisë osmane. Megjithatë, veprimtaria e tij për përhapjen e dijes, që ishte në kundërshtim me autoritetet shtetërore dhe fetare të kohës, shkaktoi mjaft tensione. Pasi u përball me kundërshtimin e fuqishëm të grupeve konservatore, ai u shkarkua nga detyra e rektorit dhe u përzunë nga universiteti.
Ndonëse iu mohua mundësia për të vazhduar punën e tij në këtë institucioni të shquar, Hasan Tahsini nuk e ndaloi kurrë angazhimin e tij për shkencën dhe përpjekjet atdhetare. Ai ishte një veprimtar i pasionuar i Rilindjes Kombëtare, duke u angazhuar në krijimin e shoqërive që kishin për qëllim përhapjen e diturisë midis shqiptarëve dhe hartimin e një alfabeti të ri të gjuhës shqipe. Kjo periudhë e veprimtarisë së tij është njëkohësisht një periudhë e luftës për identitetin dhe kulturën kombëtare të shqiptarëve, një përpjekje që ai e zhvilloi me pasion dhe guxim. Në vitin 1860, në bashkëpunim me atdhetarë të tjerë të shquar, si Kostandin Kristoforidhi, ai mori pjesë në përpjekjet për të krijuar një alfabet të njëjtë dhe të përbashkët për shqiptarët, një hap kyç për ruajtjen dhe zhvillimin e kulturës kombëtare.
Për shkak të angazhimit të tij të palodhur, Hasan Tahsini u përball me persekutime të shumta. Ai u burgos dhe u persekutua nga autoritetet osmane dhe nga ata që ishin kundër përparimit dhe lirisë intelektuale. Por, pavarësisht këtij presioni, ai nuk u dorëzua. Veprimtaria e tij intelektuale dhe atdhetare vazhdoi, duke u shndërruar në një udhërrëfyes për brezat që erdhën pas tij. Hasan Tahsini mbeti një simbol i qëndrueshmërisë dhe i forcës mendore për të ndjekur rrugën e dijes dhe të lirisë, pavarësisht pengesave që i vendosnin pushtetet e kohës.
Në pasuritë e tij intelektuale, ai la një trashëgimi të qëndrueshme për shqiptarët dhe për mbarë botën perëndimore, që sot e kësaj dite shërben si një burim frymëzimi për të rinjtë që duan të arrijnë kulmet e dijes dhe të kontribuojnë për zhvillimin e shoqërive të tyre./UBTNews/
Magazinë
Eminem bëhet gjysh! Hailie sjell në jetë djalin dhe emri ka një detaj prekës për reperin
Published
3 hours agoon
April 7, 2025
Hailie Jade Scott, vajza 29-vjeçare e reperit Eminem, ka sjellë në jetë fëmijën e parë me bashkëshortin Evan McClintock.
Lajmin e ndau vetë Hailie në Instagram, me një foto të ëmbël të vogëlushit të veshur me një bluzë blu me kapuç, pranë një tabelë ku shkruhej emri dhe data e lindjes së tij: 14 mars 2025.
Emri i mesëm Marshall është një homazh për të atin, i cili njihet nga të gjithë si Eminem, por emri i tij i vërtetë është Marshall Mathers.
Në përshkrimin e fotos, Hailie zbuloi se vogëlushi ka ardhur në jetë 3 javë para afatit. Pak para lindjes, në episodin e fundit të podcast-it të saj Just a Little Shady, Hailie tregoi se ishte e emocionuar për ardhjen e të voglit dhe e quajti “i ftuari i ëndrrave” për podcast-in.
“Është çudi kur e mendon… nuk më besohet akoma,” tha ajo. “Duhet të takoj këtë që kam krijuar. Si do duket? Si do jetë karakteri i tij?”
Edhe pse shtatzëninë e mbajti private, çifti ndau momente gjatë pritjes, përfshirë pamje nga dhoma e bebit në tetor 2024. Nëntorin e kaluar, zbuluan se do të bëheshin prindër të një djali në një episod të podcast-it, që Hailie e cilësoi si “episodi i saj i preferuar”.
Gjatë episodit, ajo mbajti një tullumbace të zezë dhe e shpërtheu për të zbuluar ngjyrën blu. Pas surprizës, tha me të qeshur:
“Kur morëm vesh që ishte djalë, Evan tha: ‘Do shkojmë për gjueti bashkë, do luajmë golf. Kam një shok të vogël tani.’”
Një fillim i ri për Hailie dhe një rol i ri për Eminem: gjyshi më i famshëm në botën e hip-hop-it!

Viktima e 61-të e tragjedisë në Koçan, ndërron jetë një pacient tjetër

Gazetari palestinez u dogj i gjallë, Izraeli vazhdon sulmet

Hendboll, Kosova fillon stërvitjet në Slov të Suedisë

Kurti fton Abdixhikun për konsulta para konstituimit të Kuvendit

Lucas Bravo: Sezoni i pestë i “Emily in Paris” do të jetë më i miri deri tani

Kosova synon të mësojë për lirinë e informacionit nga 14 shtete

Pesë të lënduar në aksidentin mes katër veturave në Klinë

ZRRE-ja paralajmëron se tarifat e reja të rrymës pritet të hyjnë në fuqi më 1 maj

UBT bashkë me CIGRE Kosovo për “tranzicionin e energjisë”
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë