Sport

Rodrygo synon triumfin në Kupën e Botës me Brazilin

Ylli i Real Madridit është thirrur në grumbullim nga trajneri Tite për ndeshjet kualifikuese të Brazilit.

Published

5 years ago

January 26, 2022

Betim Gashi

Pas thirrjes nga trajneri për t’u grumbulluar në skuadër, Rodrygo ka treguar që synimi i tij këtë vit është triumfi në Kupën e Botës me Kombëtaren e Brazilit.

Ylli i Real Madridit është thirrur në grumbullim nga trajneri Tite për ndeshjet kualifikuese të Brazilit kundër Ekuadorit dhe Paraguait këtë javë.

Rodrygo ka arritur të bëjë vetëm tre paraqitje me Brazilin, ndërsa është i vetëdijshëm që mundësinë që ia ka dhënë trajneri Tite do ta shfrytëzojë për të rritur gjasat për paraqitje në ndeshjet e radhës.

Në fakt, Rodrygo ka thënë që është duke synuar që ta ndihmojë Brazilin drejt triumfit të gjashtë në Kupën e Botës, ku do ishte e para për brazilianët që nga viti 2002.

“Është tejet e rëndësishme për mua që të rikthehem në Kombëtaren e Brazilit. E kisha qëllim që të rikthehem në skuadër, dhe mendoj se ndeshjet e radhës do të vendosin shumë gjëra, dhe shpresoj që të luaj dhe të përshtatem me kombëtaren”, tha Rodrygo për “TNT Brazil”.

“Të gjithë brazilianët duan të jenë në Katar. Do të punojë që të jemi aty. Nëse luaj mirë, unë e kam një shans që të jem aty. Nëse më duhet që të zgjedh një titull për vitin 2022, do të thosha Kupën e Botës”, shtoi më tej ylli i Real Madridit.

Këtë sezon, në 17 paraqitje për Real Madridin në La Liga, ku në 11 nga to ishte si zëvendësues, Rodrygo ka regjistruar vetëm një asistim mbi emrin e tij.

Sport

KV Ulpiana triumfon ndaj KV Forcës

Published

58 minutes ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

2 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

6 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

7 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L