Sport

Robin Haxhi Krasniqi: Gjyqtarët ilegalisht shpallën Boesel kampion

Reagon Krasniqi.

Published

4 years ago

on

Boksieri kosovar, Robin Haxhi Krasniqi të shtunën e kaluar boksoi kundër Dominik Boesel për ta mbrojtur titullin e IBO, ku kjo ishte përballja e dytë mes boksierit kosovar dhe atij gjerman.

Pas 12 raundeve të zhvilluara, me një dominim të qartë nga Krasniqi, pas vendimit të gjyqtarëve, Dominik Boesel arriti t’ia marrë nga duart titullin e kampionit Krasniqit, vendim ky që për shumë shikues ishte kontrovers.

Pas kësaj humbje jo të merituar, sot ka reaguar Krasniqi përmes llogarisë së tij në Facebook, ku ka thënë që Boesel në mënyrë ilegale është shpallur kampion.

“Në karrierën time të gjatë si boksier profesionist, kam përjetuar dëshpërime, por deri tani dëshpërimin më të madh në jetë e përjetova të shtunën e kaluar, ku nga vendimi i gjyqtarëve, në mënyrë ilegale e shpallën kundërshtarin tim Dominik Bosel fitues”, shkruante Krasniqi në Facebook.

“Ky nuk është vetëm opinioni im ose i ekipit tim, por gjithashtu opinioni i më shumë se gjysmës së shikuesve në sallë, opinioni i miliona TV shikuesve, opinioni i shumë kolegëve dhe trajnerëve, dhe opinioni i shumë ekspertëve dhe gazetarëve të ndryshëm përgjatë Evropës”, shkruante më tej në postimin e Krasniqit.

Po ashtu, boksieri kosovar fajësoi edhe gjyqtarin i cili ishte brenda ringut, duke treguar se shumica e vendimeve të tij ishin në krahun e Boesel.

“Përveç rezultatit skandaloz të gjyqtarëve, ishte edhe një gjyqtar jo i ndërgjegjshëm brenda ringut, i cili lejoi shumë grushte ilegale, prapa kokës dhe me pjesën e bërrylit, nga ana e kundërshtarit tim pa i hequr ndonjë pikë. Këto janë disa nga faktet që tregojnë që vendimet e gjyqtarëve jashtë ringut, dhe atij brenda ringut nuk kanë qenë të drejta, ose neutrale, dhe ky lloj nuk duhet të lejohet në sportin tonë”, tha Krasniqi.

Në fund, Krasniqi tregoi që nuk do të jetë humbësi i kësaj beteje, ku veçse ka marrë hapin e parë duke protestuar drejt organeve kompetente, dhe shtoi që është optimist dhe shpreson që do të marrë përgjigje pozitive rreth kësaj situate.

Related Topics:
Continue Reading

Lajmet

Kosova ballafaqohet sot me Spanjën për Euro U21

Published

11 hours ago

on

September 9, 2025

By

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Continue Reading

Lajmet

Kosova mposht Suedinë në stadiumin “Fadil Vokrri”

Published

11 hours ago

on

September 9, 2025

By

Kombëtarja e Kosovës ka arritur një fitore të madhe mbrëmë në stadiumin “Fadil Vokrri” në Prishtinë duke mposhtur Suedinë me rezultat 2-0.

Dardanët zhvilluan një ndeshje të shkëlqyer dhe falë golave të Elvis Rexhbecajt dhe Vedat Muriqit siguruan fitoren e parë në kuadër të grupit B në kualifikimet për Kampionatin Botëror 2026.

Me këtë sukses, Kosova regjistron tri pikët e para në grup dhe rikthehet fuqishëm në garë pas humbjes në ndeshjen e parë. Dardanët do të rikthehen në fushë në muajin nëntor, kur do të zhvillojnë duelet e radhës në këtë cikël kualifikues./S.K/KP/ FFK/

Continue Reading

Lajmet

Santos nuk është më trajner i Azerbajxhanit

Published

1 day ago

on

September 8, 2025

By

Azerbajxhani ka ndërprerë kontratën e trajnerit të ekipit kombëtar Fernando Santos me pëlqim të ndërsjellë, tha të hënën federata e futbollit të vendit (AFFA), disa ditë pas humbjes 5-0 ndaj Islandës në një ndeshje kualifikuese për Kupën e Botës ka shkruar Reuters.

Santos, i cili më parë e udhëhoqi Portugalinë drejt fitores në Kampionatin Evropian dhe Ligën e Kombeve, ka mbetur pa fitore në 11 ndeshje që kur mori drejtimin e Azerbajxhanit në qershor 2024, ndërsa pësoi nëntë humbje.

Azerbajxhani pësoi pesë gola brenda gjysmë ore loje, ndërsa u shkatërrua nga Islanda në ndeshjen e tyre të parë të Grupit D në kualifikueset e Kupës së Botës 2026 të premten.

Ayxan Abbasov, trajneri i ekipit U21 të vendit, do të jetë në krye kur Azerbajxhani të përballet me Ukrainën në ndeshjen e tyre të radhës kualifikuese për Kupën e Botës të martën, shtoi AFFA.

Mes kandidatëve për të zëvendësuar Santosin është edhe italiani Gianni De Biasi, i cili ka drejtuar më parë Azerbajxhanin nga korriku 2020 deri në nëntor 2023. Gjatë periudhës së tij, De Biasi grumbulloi 10 fitore, 8 barazime dhe 21 humbje në 39 ndeshje, me 34 gola të shënuar dhe 56 të pësuar./S.K/Reuters/

Continue Reading

Lajmet

​Kosova mëson kundërshtarët për parakualifikueset e Eurobasket 2029

Published

1 day ago

on

September 8, 2025

By

Në Raundin e Parë të Parakualifikimeve të FIBA EuroBasket 2029, Kosova ka mësuar kundërshtarët, ku dardanët do të ballafaqohen me Shqipërinë dhe Sllovakinë.

Dardanët janë shortuar në Grupin C dhe raundi i Parë të Parakualifikimeve të FIBA EuroBasket 2029 zhvillohet në kryeqytetin letonez, Riga.

Raundi do të luhet në tre dritare: nëntor 2025, shkurt 2026 dhe qershor-korrik 2026.

Kualifikimet do të jenë katër kombëtare, tre fitueset e grupeve si dhe vendi i dytë më i mirë./S.K/KP/

Continue Reading

Të kërkuara