Lajmet

Rizvanolli për pagesën e rrymës në veri: S’mund të vazhdojmë kështu në këtë kohë krize

Sipas saj, institucionet janë duke u munduar me gjitha mënyrat që të zgjidhte ky problem.

Published

on

Ministrja e Ekonomisë, Artane Rizvanolli në një konferencë për medie pas mbledhjes së Qeverisë ka folur për kërkesën e KOSTT-it për fonde shtesë për mbulimin e shpenzimeve në veri.

Ajo tha se ka pasur një kërkesë të tillë duke shtuar që kjo situatë nuk mund të vazhdojë kështu në këtë kohë krizë. Sipas saj, institucionet janë duke u munduar me gjitha mënyrat që të zgjidhte ky problem.

“Po KOSTT-i ka bërë një kërkesë për fonde shtesë. Ne kemi punuar maksimalisht që nga niveli më i lartë në Bruksel e deri të institucionet tona që të plotësohen pikat e marrëveshjes për zgjidhje e këtij  problemi. Kjo situatë nuk mund të vazhdoj kështu në këtë kohë krize. Qytetarët duhet të paguajnë për shërbimet që marrin. Ne do t’i konsideroj të gjitha mënyrat për zgjidhje shumë të shpejt të këtij problemi”, tha ajo.

Ajo me tej ka folur për vendimet e mbledhjes së Qeverisë, ku ka shtuar strategjia e miratuar ka për qëllim që të krijohet një sektor energjetik i qëndrueshëm dhe i integruar në tregun evropian deri në vitin 2030.

Rizvanolli tha se janë siguruar mbi 55 milionë euro grande për dy projekte solare, raporton EO.

“Sot miratuam Draftit të Strategjisë të Energjisë së Republikës së Kosovës 2022-2031, e cila është një dokument që vendos orientimet afatgjatë të energjisë, vendos themelet për një sektor të energjisë më të pastër ku qytetarët janë pjesëmarrës aktiv. Vizioni i strategjisë është që të kemi një sektor energjetik të qëndrueshëm të integruar në tregun evropian deri në vitin 2030. Më këtë parashohim që të kemi deri në 1600 megavat të kapaciteteve të ripërtrishme. Duke marr parasysh burimet ujit që kemi si shtet strategjia nuk parasheh hidrocentrale të reja. Rritja e efiçiencës së energjisë është një nga shtyllat kyçe Janë siguruar mbi 55 milionë euro grande për dy projekte solare. Njëri projekt parasheh ndërtimin e parkut solar për 100 megavta në KEK. Tjetri projekt edhe po ashtu shumë inovativ. Ky projekt parasheh zgjerimin e rrjetit të Termokosit të dy këto projekte janë të rëndësishme jo vetëm për ngrohje, por edhe për ambientin. Në Gjakovë e kimi inauguruar ngrohjen me biomasë ku kemi investuar gati 1 milion euro për biomasës. Gjatë javëve në vinim janë duke na pritur shumë të reja”, tha ajo.

Lajmet

KQZ hap periudhën për ndërrimin e Qendrës së Votimit për zgjedhjet lokale

Published

on

By

Komisioni Qendror i Zgjedhjeve (KQZ) ka njoftuar se më 28 qershor ka nisur periudha për ndërrimin e Qendrës së Votimit brenda komunës për Zgjedhjet Lokale, e cila do të zgjasë deri më 29 gusht 2025.

Gjatë kësaj periudhe 63-ditore, të gjithë qytetarët me të drejtë vote kanë mundësi të kontrollojnë qendrën e tyre aktuale të votimit dhe, nëse dëshirojnë, të kërkojnë ndërrimin e saj, duke zgjedhur një lokacion më të afërt me vendbanimin e tyre brenda të njëjtës komunë.

Ndërrimi i Qendrës së Votimit mund të bëhet në dy mënyra:

  • përmes platformës elektronike të KQZ-së në https://qv.kqz-ks.org

  • ose duke paraqitur kërkesën në Komisionin Komunal të Zgjedhjeve të komunës ku është i regjistruar votuesi.

Continue Reading

Lajmet

Serbët festojnë Vidovdanin mes masave të shtuara të Policisë së Kosovës

Published

on

By

Grupe serbësh janë drejtuar për në Graçanicë për të nisur festimet e atij që njihet si Vidovdan.  Festimet nisën në mëngjes në Manastirin e Graçanicës dhe po vazhdojnë në Gazimestan, ku janë paralajmëruar edhe ardhje të tjera gjatë ditës.

Për të siguruar mbarëvajtjen e aktivitetit, Policia e Kosovës ka ndërmarrë masa të rrepta sigurie. Në hyrje të Gazimestanit, po zhvillohen kontrolle për të gjithë të pranishmit, ndërkohë që njësi të shumta policore janë të vendosura në terren, bashkë me forcat e KFOR-it.

Policia ka njoftuar se masat planifikuese dhe operative janë ndërmarrë për ruajtjen e rendit publik, menaxhimin e trafikut dhe sigurinë kufitare. PK ka apeluar për një manifestim të qetë, duke kërkuar nga qytetarët të shmangin provokimet dhe të respektojnë ligjet dhe udhëzimet e organeve të sigurisë.

Në fillim të këtij muaji, Gjykata Themelore në Prishtinë anuloi vendimin e mëparshëm të komunës së Graçanicës që lejonte shfaqjen e flamurit serb për këtë rast, duke vlerësuar se një veprim i tillë ishte në kundërshtim me legjislacionin në fuqi, pasi Vidovdani nuk është festë zyrtare në Kosovë.

Vidovdani lidhet me Betejën e Kosovës të vitit 1389, ku princi serb Lazar humbi jetën. Në diskursin historik serb, kjo betejë përshkruhet si një humbje ushtarake por një fitore shpirtërore.

Gazimestani është gjithashtu një vend me ngarkesë historike dhe politike, pasi aty presidenti i atëhershëm i Serbisë, Slobodan Millosheviq, mbajti një fjalim të njohur në vitin 1989, i cili shpesh shihet si paralajmërim i konflikteve që pasuan në Ballkan.

Continue Reading

Lajmet

​PDK me kërkesë të qartë, zhbllokimi i Kuvendit sipas Kushtetueses

Published

on

By

Deputeti i Partisë Demokratike të Kosovës, Përparim Gruda tha se në takimin e sotëm të partive politike me kryeministrin në detyrë, Albin Kurti do të diskutohet dalja nga situata e krijuar në Kuvendin e Kosovës.

Gruda tha se kryetari i PDK-së, Memli Krasniqi do të shpreh qëndrimet e kësaj partie se si të zhbllokohet Kuvendi i Kosovës, bazuar në aktgjykimin e Gjykatës Kushtetuese.

Ndërkaq, se a do të arrihet ndonjë marrëveshje apo çështje të tjera siç tha Gruda, do të përgjigjet vetë Krasniqi.

Këtë deklarim Gruda e bëri pas pyetjeve të gazetarëve në konferencën e thirrur nga PDK.

Continue Reading

Lajmet

Trump flet sërish për Kosovën e Serbinë: Ishin gati për luftë të madhe, unë e ndala

Published

on

By

Presidenti Amerikan Donald Trump për të tretën herë në vetëm një javë është rikthyer të flasë për çështjen e raporteve të tensionuara midis Kosovës dhe Serbisë, teksa bën pasqyrën e konflikteve globale që ai pretendon se ka zgjidhur.

Gjatë një konference për shtyp në Shtëpinë e Bardhë, Trump sërish tha se Serbia dhe Kosova ishin gati të përplaseshin ushtarakisht, madje sipas tij në një luftë të madhe.

“Serbia dhe Kosova ishin gati të përplaseshin. Po shkonin drejt një lufte të madhe”, tha Trump.

Më tej ai zbuloi formulën e tij të suksesit, me të cilën e ndali shpërthimin e një lufte mes dy shteteve në Ballkan, shkruan A2 CNN.

Trump vazhdimisht gjatë javës së fundit, nga momenti kur vendosi armëpushimin midis Izraelit e deri tek samiti i NATO-s në Hagë, i është referuar marrëveshjes Kosovë-Serbi, të arritur në Uashington më 2020 si histori suksesi e ndërmjetësimit të tij.

“Ne e ndalëm Serbinë, e cila ishte gati të fillonte një përplasje”, deklaroi dy ditë më parë Trump.

Ai i referohet marrëveshjes së nënshkruar nga Presidenti i Serbisë, Aleksandër Vuçiq dhe kryeministri i Kosovës, Avdullah Hoti në Zyrën Ovale, më 04.09.2020 të ndërmjetësuar nga Donald Trump.

Continue Reading

Të kërkuara