Lajmet

Rizvanolli krenohet me gjendjen e ndërmarrjeve publike, opozita ia përmend subvencionimet

Published

on

Ministrja e Ekonomisë, Artane Rizvanolli është krenuar me raportin vjetor të Performancës së Ndërmarrjeve Publike për vitin 2022, por partitë opozitare e cilësuan si skandaloze dhe me gjendje të rëndë financiare. Si shembull u mor gjigandi metalurgjik, Trepça.

Gjatë raportimit në Komisionin për Ekonomi, Industri, Ndërmarrësi dhe Tregti, Rizvanolli ka thënë se 17 ndërmarrjet së bashku e kanë mbyllur vitin 2022 me një fitim prej mbi 101 milionë euro. Ndërsa opozita, përmendi gjetjet e auditorit dhe humbjen milionëshe gjatë këtyre viteve. Sipas tyre, Qeveria është dashur t’i shpenzojë miliona euro përmes subvencioneve si shkak i gjendjes së rëndë financiare.

Ministrja Artane Rizvanolli, tha se 9 nga 17 ndërmarrjet në vend e kanë mbyllur vitin 2022 me fitim financiar. Sipas saj, shumica dërrmuese kanë operuar me fitim operativ dhe shume prej tyre kanë ulur humbjet në krahasim me vitin paraprak.

“Ne kemi vazhduar që të përkrahim ndërmarrjet dhe kemi vazhduar që të kërkojmë llogari nga secila ndërmarrje. Kemi kushtëzuar ndihmën tonë me veprime konkrete për vendosjen e ligjshmërisë, zvogëlimin e shpenzimeve operative, rritjen e të hyrave dhe rikonstruktimit. Ndërmarrjet qendrore kanë angazhuar 10 mijë e 401 punëtore gjatë vitit 2022. Ndërsa në përgjithësi të 17 ndërmarrjet bashkë kanë mbyllur vitin me fitim financiar prej 101.5 milionë euro që është rreth 80 milionë euro më shumë se në vitin paraprak. Gjithsej 9 ndërmarrje nga 17 e kanë mbyllur vitin 2022 me fitim financiar. Shumica dërrmuese kanë operuar me fitim operativ dhe shume prej tyre kanë ulur humbjet në krahasim me vitin paraprak”, ka thënë ajo.

E kryetari i Komisionit, Ferat Shala, tha se raporti nuk përmban shifra të sakta të përkrahjes nga buxheti i shtetit.

“Unë nuk dëgjova asnjë shifër e as nuk e pash këto ndërmarrje sa janë subvencionuara nga shteti, sa mjete financiare fiks ka marr secila nga buxheti i i Kosovës gjatë periudhës se vitit 2022, qoftë këto që janë dal pozitiv, qoftë ndërmarrjet që realisht kanë përfomuar negativisht”, u shpreh Shala.

Por ministrja Rizvanolli në rastet kur janë subvencionuar ndërmarrjet publike, ka përmendur ndarjen buxhetore për Telekomin e Kosovës. Ka thënë se kjo ka pasur për synim shtrirjen e rrjetit edhe në veri të vendit.

“Sa i përket subvencione duhet bërë një dallim kyç. Subvencionimi i ndërmarrjeve dhe aktivitete të ndërmarrjeve ose subvencionimi i blerjes së energjisë elektrike në bazë të krizës të cilat nuk kanë subvencion të ndërmarrjes. Sa i përket subvencioneve, këto janë në faqen 11-të te raportit për të gjitha ndërmarrjet qendrore të vitit 2018-2022. Në vitin 2022 kanë qenë 12 milionë euro prej te cilave Telekomi i Kosovës ka qenë subvencionuar për investime kapitale për shtrirje të rrjetit në gjithë vendit përfshirë edhe komunat veriore siç e përmenda 1 milion eurot”, u shpreh Rizvanolli.

Kritika për këtë raport ka edhe deputeti i Aleancës për Ardhmërinë e Kosovës, Pal Lekaj. Ai përmendi mungesën e ujit të pijshëm nga qytetarët dhe gjendjen siç e quajti ai të mjerueshme për shumicën e ndërmarrjeve publike.

“Sa i përket raportit mendoj që ka mangësi të shumta janë të cekura në mënyrë të përgjithshme dhe mungon analitika e çdo ndërmarrjeje publike dhe mund të them se sot kam prit mbas 3 vite me të vërtet të vini me shifra qe do të gëzohen qytetaret e Kosovës dhe edhe ne qe keni ardh me një vrull qe do të  ndryshoni gjendjen në ndërmarrjeve publike. Afër 40 për qind nuk furnizohen qytetarët nga rrjetet e ujësjellësit dhe ju mund të shkruani çka doni, mund të lëvdoni sa të doni por gjendja aktuale e ndërmarrjes publike është e mjerueshme keq menaxhim dhe sa i përket pasqyrave financiareve”, tha Lekaj, teksa përmendi edhe opinionin e Auditorit për ndërmarrjet publike.

“I ke vetëm dy ndërmarrjet me opinion të pakualifikuara, ndërsa i ki tjerat jo e rezervuar dhe është nota me dobët e pasqyrave financiare. Unë befasohem që për tri vite vetëm dy ndërmarrje i ke me notë kaluese, tjerat i ke me një menaxhim pothuajse të dobët. Unë nuk e di pse s’keni ndërmarr hapa që të ndërrohen bordet e menaxhmenti por jo të vazhdohet kështu”, u shpreh Lekaj.

Por këto akuza i mohoi ministrja Rizvanolli. Tha se KRU “Gjakova” është përkrahur me 700 mijë euro për investime kapitale gjatë vitit 2022.

“Unë pajtohen që nuk jemi më së miri në bote por është më mirë që kur keni qenë ju. Sa i përket investimeve në ujëra i përmenda që janë bërë  në përkrahje të Ministrisë. Në KRU ‘Gjakova’ i kemi pasur 700 mijë euro përkrahje për shpenzime kapitale në vitin 2022, përmes të cilave janë përkrahur për rrjetet e ujësjellësit”.

Aktualitet

UBT pret në vizitë zyrtare Kryetarin e FFK-së, Agim Ademi – fokus te edukimi dhe inovacioni në sport

Published

on

Kryetari i Federatës së Futbollit të Kosovës (FFK), Agim Ademi, ka zhvilluar sot një vizitë zyrtare në UBT, ku është mirëpritur nga Presidenti dhe Themeluesi, Rektori, Prof. Dr. Edmond Hajrizi, në ambientet e Parkut Shkencor, Inovativ dhe Teknologjik të UBT-së në Lipjan.

Gjatë kësaj vizite, Ademi pati mundësinë të njihet nga afër me kapacitetet infrastrukturore, laboratorët e avancuar, si dhe projektet ndërdisiplinore që po zhvillohen në UBT.

Rektori Hajrizi dhe Kryetari Ademi diskutuan për mundësitë e bashkëpunimit ndërmjet UBT-së dhe FFK-së, me qëllim të ndërlidhjes së teknologjisë, inovacionit dhe sportit në funksion të zhvillimit të qëndrueshëm të të rinjve dhe shoqërisë në përgjithësi.

Gjatë vizitës së tij në UBT, Kryetari Ademi, vlerësoi rolin udhëheqës të këtij institucioni në fushën e arsimit, teknologjisë dhe inovacionit. Ai u shpreh i impresionuar nga projektet dhe potenciali që UBT ofron për zhvillimin e të rinjve dhe për krijimin e bashkëpunimeve konkrete ndërmjet sportit dhe edukimit.

“Sot pata kënaqësinë të vizitoj UBT-në në Prishtinë, një qendër jo vetëm e dijes dhe inovacionit, por që me të drejtë mund të quhet edhe një ‘smart city’ brenda kryeqytetit tonë. Ishte impresionuese të shihja nga afër një institucion që jo vetëm e ndjek hapin e zhvillimit teknologjik, por edhe kontribuon në të, me një program të sofistikuar që përfshin gjithçka – nga bazat deri te formimi i shkencëtarëve në profile të ndryshme”, u shpreh Ademi.

Rektori Hajrizi theksoi se përmes programeve bashkëkohore dhe investimeve në infrastrukturë moderne, UBT jo vetëm që udhëheq në fushën akademike, por gjithashtu kontribuon drejtpërdrejt në përgatitjen e sportistëve dhe trajnerëve të rinj, duke i dhënë vendit një bazë të fortë për afirmim në arenën ndërkombëtare.

“UBT është shndërruar në një qendër unike arsimore e inovative, ku talentet e reja jo vetëm edukohen, por edhe fuqizohen për të qenë kampionë në sport, shkencë dhe jetë. Kemi krijuar një ekosistem që i tejkalon kufijtë e edukimit tradicional – duke integruar teknologjinë, lidershipin dhe përgatitjen praktike me standarde ndërkombëtare, për të formuar gjenerata të gatshme të konkurrojnë në çdo arenë”, theksoi Rektori Hajrizi.

Vizita e Kryetarit të FFK-së në UBT hap perspektiva të reja për bashkëpunim në fusha të ndryshme si teknologjia sportive, edukimi i trajnerëve përmes platformave digjitale, organizimi i ngjarjeve të përbashkëta dhe mbështetja e inovacionit në sport.

UBT, si institucion lider në arsimin e lartë në rajon, vazhdon të dëshmojë se është një partner i besueshëm për bashkëpunime strategjike me institucionet vendore dhe ndërkombëtare.

Në këtë kontekst, UBT veçon edhe Fakultetin e Shkencave të Sportit dhe të Lëvizjes, përmes të cilit synon të kontribuojë në zhvillimin e sportit në vend duke nxjerrë kuadro të rinj profesionalë dhe talente të reja, të cilat do të mund të afirmohen në skenën ndërkombëtare përmes përgatitjes me standarde të larta dhe inspirimit nga kampionët botërorë.

Continue Reading

Lajmet

Edicioni i ri në Serie-A vjen me risi në ndarjen e drejtësisë

Published

on

Sezonin e ardhshëm, futbolli italian do të sjellë një risi të rëndësishme në komunikimin me publikun. Gjyqtarët do të shpjegojnë vendimet e marra pas ndërhyrjes së VAR-it drejtpërdrejt në stadium dhe në transmetim televiziv.

Lajmi u konfirmua nga Gianluca Rocchi, përzgjedhësi i gjyqtarëve të Serie A dhe Serie B, gjatë takimit parasezonal të mbajtur në Cascia.

“Ky është një hap i madh përpara në drejtim të transparencës, një vlerë që e kemi ruajtur prej vitesh”, tha Rocchi. “Tani shpjegimet do të jepen në kohë reale, përpara të gjithëve”.

Ai shtoi se për këtë risi po përgatitet një grup i posaçëm gjyqtarësh, me synim unifikimin e gjuhës dhe përmbajtjes së komunikimit, për t’u bërë sa më të qartë për publikun.

Sipas Rocchit, nuk do të vendoset një kohë maksimale për këto njoftime, pasi secili gjyqtar ka stilin dhe ritmin e vet. “Do të përqendrohemi tek cilësia e komunikimit, më shumë se tek kufijtë e ngurtë kohorë”, përfundoi ai.

Continue Reading

Lajmet

​Kriza në Barcelonë, përplasje e hapur mes klubit dhe Ter Stegen

Published

on

Te Barcelona ka shpërthyer një konflikt i plotë mes klubit dhe portierit gjerman, Marc-André ter Stegen, i cili është edhe kapiten i skuadrës. Shkak është bërë refuzimi i tij për të nënshkruar formularin e pëlqimit të informuar, që do t’i lejonte mjekëve të klubit të merrnin raportin e detajuar të operacionit që ai kreu në pjesën e poshtme të shpinës.

Klubi katalanas, i cili sapo ishte kthyer të martën nga turneu në Azi, kishte planifikuar një takim me portierin për të diskutuar raportin mjekësor. Dokumenti duhet t’i dërgohet La Ligës për të përcaktuar kohëzgjatjen e mungesës së tij. Nëse ajo do të ishte katër muaj ose më shumë, Barcelona do të përfitonte mundësinë të afronte lojtarë të rinj, përfshirë Joan Garcian, i cili është siguruar si zëvendësues i tij.

Refuzimi i Ter Stegen për të dhënë pëlqimin ka habitur drejtuesit e klubit dhe ka përshkallëzuar tensionet. Përplasja nisi pas lajmit për afrimin e Garcias, çka u interpretua si sinjal se gjermani mund të largohej. Situata u rëndua edhe më shumë kur Ter Stegen njoftoi i vetëm – dhe jo bashkë me klubin – vendimin për t’iu nënshtruar operacionit, duke parashikuar një rikuperim prej tre muajsh, më pak se koha e nevojshme që Barcelona të regjistronte portierin e ri.

Reagimi i klubit ishte i menjëhershëm: Ter Stegen nuk do të mbajë më shiritin e kapitenit. Ndërkohë, Barcelona ka paralajmëruar hapjen e procedurave disiplinore ndaj tij.

Continue Reading

Lajmet

​United paraqet megaofertë për sulmuesin slloven

Published

on

Manchester United ka bërë një ofertë për sulmuesin e RB Leipzig, Benjamin Sesko, mund të arrijë në 85 milionë euro.

Oferta përfshin një pagesë të garantuar prej 75 milionë eurosh të menjëhershme.

United ende nuk ka marrë një përgjigje, por beson se është një vlerësim i përshtatshëm për 22-vjeçarin slloven dhe se lojtari është i etur të përfundojë një transferim në “Old Trafford”.

Newcastle gjithashtu e dëshiron Sesko-n dhe ka bërë një ofertë për sulmuesin, e cila nuk është pranuar.

 

Continue Reading

Të kërkuara