Lajmet

​Rizvanolli: Kosova e ka çmimin më të lirë të energjisë, rezoluta e opozitës populiste

Rizvanolli theksoi se Kosova e ka çmimin më të lirin të energjisë elektrike në rajon dhe Evropë.

Published

on

Ministrja e Ekonomisë, Artane Rizvanolli, e ka quajtur populiste rezolutën e partive opozitare për uljen e çmimit të energjisë elektrike dhe heqjen e bllok-tarifave.

Në seancën e sotme të Kuvendit, Rizvanolli theksoi se Kosova e ka çmimin më të lirin të energjisë elektrike në rajon dhe Evropë.

“Me subvencionimin më të ulët në rajon dhe përkundër rritjes së tarifave, Kosova mbetet shteti me çmimin e energjisë elektrike më të lirin në rajon e Evropë…Në muajin nëntor, 2023, 80 për qind e amvisërive kanë konsumuar nën 800 kilovat në orë, pasi t’i heqim orët që kanë pasur konsum zero. Ndërsa 90 për qind kanë konsumuar më pak se 1 mijë kilovat në orë. Pra, vetëm 10 për qind kanë konsumuar mbi 1 mijë kilovat në orë dhe këta 10 për qind kanë konsumuar 25 të energjisë totale të konsumuar. Në muajin dhjetor, ka pasur rritje 49 për qind të konsumit të amvisërive në përgjithësi. Pasi t’i heqim orët pa konsum, 59 për qind nuk e kanë kaluar pragun prej 800 kilovat në orë, ndërsa 73 për qind nuk e kanë kaluar konsumin prej 1 mijë kilovat në orë. Dallimi në mes të shumicës që shpenzon pak, e pakicës që shpenzon shumë tani në dhjetor bëhet edhe më i madh. Tani vetëm 6 për qind e shpenzueseve më të mëdhenj që shpenzojnë mbi 2 mijë kilovat orë, konsumojnë 24 për qind. Vetëm 2 për qind të konsumatorëve që shpenzojnë mbi 3 mijë kilovat orë shpenzojnë 11 për qind të energjisë elektrike. Pra, këto 4 mijë e 784 shtëpi kanë shpenzuar mesatarisht 4 mijë e 165 megavat në orë”, tha ajo.

Mirëpo deputetja e LDK-së, Hykmete Bajrami e kritikoi ministren Rizvanolli se po manipulon me statistika, derisa e pyeti se pse blloqe të tëra të KEK-ut janë jashtë funksionit.

“Jep përgjigje pse blloqe të tëra të KEK-ut i ke jashtë funksionit, për shkak se tregtar të energjisë elektrike e keni Martin Berishajn”, tha deputetja opozitare.

Mirëpo këtë gjë e mohoi ministrja Rizvanolli, derisa tha se opozita me rezoluta koti dhe populiste po tenton të mashtrojë qytetarët.

“Janë katër blloqe në funksion. Pesë blloqe ka vite të tëra që nuk kanë funksionuar në të njëjtën kohë. Përjashtim ka qenë viti 2021 gjatë krizës kur kanë funksionuar të pesë blloqeve njëkohësisht. Gjatë muajve të verës kemi pasur dalje të dy blloqeve nga tre muaj, kjo për arsye se janë bërë investime që janë planifikuar për vite të tëra, por që nuk janë bërë në KEK më herët…Ju me rezoluta koti populiste, me metoda me të cilat nuk ulet çmimi i energjisë elektrike po doni me i mashtru qytetarët që mundeni me ulë çmimin e energjisë elektrike”, theksoi Rizvanolli.

Lajmet

Kaçanik: Arrestohen dy persona pasi u kapën duke përgatitur qeset me marihuanë për shitje

Published

on

By

Janë arrestuar dy persona Kaçanik, pasi janë hasur me substanca narkotike. Të dyshuarit meshkuj kosovarë ishin duke përgatitur qeset me marihuanë për shitje. 

Policia në raportin 24-orësh gjihtashtu njoftoi se kanë konfiskuar substancën si dhe para në vlerë 295 euro..

“Janë arrestuar dy të dyshuar meshkuj kosovarë, pasi janë hasur duke përgatitur substancë narkotike për shitje. Në vendin e ngjarjes janë konfiskuar rreth 68 qese të mbushura me substancë narkotike që dyshohet të jetë marihuanë me peshë rreth 31.14 gramë dhe para të gatshme 295 euro. Me vendim të prokurorit të dyshuarit janë dërguar në mbajtje”, thuhet në raportin nga Policia e Kosovës.

Continue Reading

Lajmet

Zyrtari policor goditet me veturë në Zubin Potok

Published

on

Një zyrtar policor ka pësuar lëndime pasi është goditur nga një veturë gjatë një kontrolli në Zubin Potok.

Sipas raportit të policisë, rasti ka ndodhur më 21 tetor, rreth orës 16:25, kur njësiti policor ishte në pikë kontrolli. Gjatë tentimit për ta ndaluar një veturë, drejtuesi i saj është larguar me shpejtësi duke goditur një nga zyrtarët policorë.

“Vetura e dyshuar nuk është arritur të ndalohet”, thuhet në raportin 24-orësh./S.K/PK/

Continue Reading

Lajmet

Nora Gjakova në mesin e kampioneve botërore e olimpike në Romë

Published

on

Kampionia olimpike nga Kosova, Nora Gjakova, po merr pjesë në Akademinë e Federatës Ndërkombëtare të Xhudos (IJF) që po mbahet në Romë të Italisë.

Siç shkruan Federata e Xhudos në Kosovë, Gjakova ka përfunduar me sukses pjesën teorike të shkollimit dhe tashmë po ndjek pjesën praktike të trajnimit, përkrah kampioneve të tjera botërore e olimpike, nën udhëheqjen e Daniel Lascau.

Kjo akademi ka për qëllim licencimin dhe ngritjen profesionale të trajnerëve të xhudos në nivel ndërkombëtar./S.K/EO/

Continue Reading

Lajmet

Skandal në Maqedoninë e Veriut, klubi shqiptar suspendohet nga të gjitha ligat!

Published

on

Një skandal i rëndë ka shpërthyer në basketbollin vendor, pasi Federata e Basketbollit të Maqedonisë së Veriut ka marrë vendim që të suspendojë nga të gjitha ligat klubin shqiptar KB “Shkupi”.

Sipas reagimit të klubit, arsyeja zyrtare e këtij vendimi është borxhi financiar i klubit në vlerë prej 590.000 denarësh.

Megjithatë, drejtuesit e klubit theksojnë se situata është pasojë e mosmarrjes së mjeteve të premtuara nga Ministria e Sportit, fonde të cilat KB “Shkupi” duhej t’i merrte me kohë për të mbuluar obligimet e veta financiare.

Ajo që ka tronditur opinionin sportiv është fakti se për suspendimin e klubit ka votuar edhe anëtari shqiptar i bordit, duke ngritur pikëpyetje serioze mbi mbrojtjen e interesave të sportit shqiptar dhe të vetë klubit që përfaqëson një traditë të gjatë në basketbollin e Shkupit.

Me këtë vendim, KB “Shkupi” përjashtohet nga të gjitha aktivitetet zyrtare të Federatës, gjë që pritet të shkaktojë pasoja të mëdha për lojtarët, trajnerët dhe komunitetin sportiv shqiptar në vend.

Ky zhvillim ka ngjallur reagime të ashpra në opinion, ku kërkohet urgjentisht rishikimi i vendimit dhe ndërhyrja e institucioneve përkatëse për të shmangur një dëm të pariparueshëm për sportin shqiptar në Maqedoninë e Veriut./S.K/EO/MK/

Continue Reading

Të kërkuara