Kulturë

Rita Ora nuk është penduar që refuzoi mundësinë për të përfaqësuar Britaninë në Eurovizion

Sipas saj, konkursi nuk ishte rruga e duhur për të arritur suksesin që ajo dëshironte.

Published

on

Rita Ora nuk është penduar që refuzoi mundësinë për të konkurruar në “Eurovision Song Contest” – duke këmbëngulur se nuk ishte “rruga” e duhur për të.

Ora ishte vetëm një këngëtare aspiruese pa ndonjë marrëveshje të madhe kur iu ofrua mundësia për të përfaqësuar Britaninë e Madhe në konkursin vjetor më 2009, ndonëse fillimisht ishte “shumë e emocionuar” për mundësinë, në fund mendoi se nuk ishte rruga e duhur për të arritur suksesin që ajo dëshironte.

Duke folur në podcastin ‘Coupledom with Idris and Sabrina Elba’ së bashku me motrën dhe menaxheren e saj Elena, ajo shpjegoi: “Kjo ishte para se të më kishin ofruar një marrëveshje rekord. Ishte një mundësi. Doli në audicion përpara Andrew Lloyd Webber dhe unë e bëra atë, dhe e mora atë”.

“Isha shumë e emocionuar, por gjithashtu ndjeva se nuk ishte koha ime dhe nuk ishte rruga ime në industrinë e muzikës. E di që isha shumë e re për ta marrë atë vendim, por diçka më tha se nuk ishte rruga ime, kështu që nuk e bëra dhe thashë jo.

“Doja të shkruaja këngë dhe nuk më përshtatej. Ky ishte një vendim që morëm së bashku (me motrën dhe menaxheren e saj Elena) ndoshta një nga vendimet e para të mëdha”.

Elena u bë menaxhere e Ritës vetëm sepse krijuesja e hitit “I Will Never Let You Down” vazhdoi të kërkonte mendimin dhe këshillën e saj dhe ajo mendon se ato bëjnë një partneritet të shkëlqyeshëm.

Kur u pyet se si përfunduan motrat duke punuar së bashku, Elena tha: “Rita kërkonte vetëm mendimin tim dhe më pas filloi çdo ditë”.

Pasi refuzoi Eurovizionin, Rita arriti një marrëveshje rekord me Roc Nation dhe vazhdoi të publikojë këngën e saj të parë me DJ Fresh, ‘Hot Right Now’, në 2012.

Albumi i saj debutues, “Ora”, u publikua më vonë atë vit dhe ishte numrër një në top-listat në Mbretërinë e Bashkuar.

Mbretëria e Bashkuar u përfaqësua në ‘Eurovision’ 2009 nga Jade Ewen, e cila doli e pesta me këngën ‘It’s My Time’./UBTNews/

Lifestyle

Si t’i lani siç duhet rrobat sportive pas stërvitjes?

Published

on

Në ditët e sotme, veshjet sportive janë bërë pjesë e domosdoshme e garderobës për shumë adhurues të aktivitetit fizik.

Mënyra e larjes dhe mirëmbajtjes së tyre nuk ndikon vetëm në higjienën personale, por edhe në zgjatjen e jetëgjatësisë së rrobave, një problem që shpesh i shqetëson sportistët dhe entuziastët e palestrës.

Lloji i materialit

Veshjet sportive prodhohen nga fibra sintetike ose materiale të kombinuara. Përdorimi e larja e shpeshtë shkaktojnë zbehje të ngjyrës, humbje të elasticitetit dhe konsumim më të shpejtë të tyre. Prandaj, para larjes, është e rëndësishme të lexoni etiketën e kujdesit.

Pambuku: Thith shumë djersë, por thahet ngadalë e deformohet lehtë. Duhet larë pas stërvitjeve intensive për të shmangur njollat dhe erën e pakëndshme. Përdorni detergjent neutral dhe larje të butë. Pastrimi në diell duhet shmangur për të mos shkaktuar tkurrje.

Fibrat sintetike (p.sh. poliesteri): Janë më të qëndrueshme, thithin djersën e thahen shpejt. Mund të vishen disa herë pas ushtrimeve të lehta, por pas stërvitjeve me djersitje të fortë duhet larë menjëherë. Mund të përdoret lavatriçja, por jo me ujë shumë të nxehtë.

Intensiteti i stërvitjes

Frekuenca e larjes varet edhe nga sa intensiv është aktiviteti: Pas ushtrimeve të forta, sidomos me rroba pambuku, larja duhet të bëhet për të shmangur shumimin e baktereve dhe erën e pakëndshme.

Për aktivitetet e lehta me veshje sintetike, mund të shtohet numri i përdorimeve, por gjithsesi larja nuk duhet shtyrë shumë gjatë.

Kushtet klimatike dhe mjedisi i ushtrimit

Në verë: Djersitja është më e madhe, ndaj larja duhet të bëhet pas çdo stërvitjeje.

Në dimër: Nëse aktiviteti është i lehtë dhe brenda ambienteve të mbyllura, rrobat mund të përdoren 2–3 herë para larjes.

Në natyrë: Për shkak të pluhurit dhe ndotjes, veshjet duhet larë pas çdo përdorimi. Para larjes, rekomandohet fshirja e lehtë për të hequr papastërtitë sipërfaqësore.

Lëkura dhe ndjeshmëria personale

Personat me lëkurë të ndjeshme ose të prirë ndaj alergjive duhet t’i lajnë veshjet sportive pas përdorimit. Përdorimi i detergjentëve antibakterialë dhe shpëlarja e plotë ndihmojnë në shmangien e irritimeve.

Këshilla shtesë për kujdesin

Shmangni përdorimin e zbutësve, pasi dëmtojnë frymëmarrjen, elasticitetin dhe vetinë e thithjes së djersës. Pas çdo përdorimi, nëse rrobat nuk lahen menjëherë, hiqni e vendosni në një vend të ajrosur për tharje natyrale. Kjo ndihmon në ruajtjen e freskisë e cilësisë së materialit. /A.Z/UBT News/

Continue Reading

Kulturë

Edi Rama për Ditën e Trashëgimisë: Një pasuri që lidh të kaluarën me të ardhmen

Published

on

Kryeministri i Shqipërisë, Edi Rama, ka përkujtuar Ditën Kombëtare të Trashëgimisë Kulturore me një mesazh të veçantë dhe një dedikim mbi rëndësinë e saj për identitetin kombëtar.

Ai ndau me publikun pamje që përfaqësojnë motive tradicionale shqiptare, duke theksuar se kjo trashëgimi është një pasuri e çmuar që lidhet ngushtë me rrënjët, historinë dhe shpirtin e popullit tonë.

”Sot kremtojmë Ditën Kombëtare të Trashëgimisë Kulturore, një ditë që na kujton pasurinë më të çmuar të identitetit tonë kombëtar. Trashëgimia jonë kulturore është lidhja jonë me të kaluarën, një pasqyrë e historisë dhe frymëzim për të ardhmen. Ajo na kujton rrënjët tona, traditat e gjyshërve, dhe forcon lidhjen me shpirtin e vendit tonë. Ruajtja dhe vlerësimi i saj nuk është vetëm një detyrë historike, por edhe një angazhim për të kultivuar krenarinë dhe për të trasmetuar gjallërinë e kulturës shqiptare brez pas brezi”, shkroi Rama.

Ai theksoi se ruajtja e trashëgimisë kulturore është një detyrë kolektive që kërkon bashkëpunim dhe vëmendje nga të gjithë qytetarët, institucionet dhe komunitetet, duke e bërë këtë ditë një mundësi për të reflektuar mbi vlerat që na lidhin si komb. /A.Z/UBT News/

Continue Reading

Kulturë

Vdes sopranoja e njohur, nëna e Piro Çakos

Published

on

Ndërron jetë sopranoja e njohur shqiptare, Luiza Papa-Çako. Artistja u nda nga jeta në moshë të shtyrë, duke lënë pas një trashëgimi të çmuar në muzikën klasike shqiptare.

Luiza Çako ishte një nga emrat më të spikatur të skenës lirike shqiptare. Me një karrierë të gjatë dhe të suksesshme, ajo kontribuoi në pasurimin e kulturës muzikore në vend, duke interpretuar një sërë rolesh kryesore në vepra operistike brenda dhe jashtë Shqipërisë.

Ajo njihej për interpretimin e saj të ndjerë, teknikën vokale dhe elegancën artistike.

Luiza Çako ishte gjithashtu bashkëshortja e tenorit të njohur Gaqo Çako dhe nëna e këngëtarit të njohur Pirro Çako, duke qenë pjesë e një familjeje me traditë të thellë muzikore. /A.Z/UBT News/

Continue Reading

Kulturë

Sean ‘Diddy’ Combs rikthehet në gjykatë për të kërkuar një gjykim të ri

Published

on

Personazhi Sean “Diddy” Combs dhe avokatët e tij u rikthyen në gjykatën federale të New York për t’i kërkuar një gjyqtari të anulojë dënimet e tij, ku akuzohet për prostitucion ose edhe të lejojë të zhvillohet një gjyq i ri.

Gjyqtari Arun Subramanian shtyu seancën dëgjimore dhe nuk vendosi menjëherë për kërkesën e mbrojtjes.

Producenti amerikan i muzikës, i cili u akuzua për drejtimin e një operacioni të gjerë të trafikimit seksual, është burgosur që nga arrestimi i tij shtatorin e kaluar dhe i njëjti u dënua në korrik për dy akuza për prostitucion.

Avokatët e Combs argumentojnë se dënimet e tij ishin një keqpërdorim i Aktit Mann , një ligj federal që u miratua për të luftuar trafikimin e qenieve njerëzore dhe shfrytëzimin seksual të grave.

Reperi përballet deri në 10 vjet burg për secilën akuzë të ngritur./S.K/BBC News/.

 

Continue Reading

Të kërkuara