Ajo është përfolur kohëve të fundit se ka nisur një lidhje të re me regjisorin e filmit “Thor”, Taika Waititi.

Dhe Rita Ora pa dyshim që tërhoqi vëmendjen e të gjithëve me fotografitë e saj të fundit në Instagram, shkruan DailyMail.

Këngëtarja 30 vjeçe, u zhyt në arkivat e saj për të publikuar fillimisht një footgrafi me bikini, para se të publikonte imazhe nga performanca e saj në Amazon.

Rita dukej e bujshme në një paraqitje me shumë stil.

Këngëtarja e hitit “Hot Right Now” dukej tejet tërheqëse me këpucët e “Shoe Dazzle” – markë me të cilën ka tash e sa kohë bashkëpunim.

Ylli i nominuar për “Brits” dukej e mrekullueshme në një kostum të bardhë dy pjesësh, i cili vinte në pah barkun e saj të tonifikuar.

Rita dukej fenomenale ndërsa paralajmëronte performancën e saj të radhës.

Ajo shkroi në mbishkrimin e fotografive: “Të premten versioni akustik! Mezi po pres që të gjithë ta shohin! Performancë shumë shumë e veçantë për Amazon Music”.

Fotografitë vijnë mes thashethemeve se Rita ka nisur një lidhje të re me regjisorin Taika, 45 vjeç, ndërsa ajo ka qenë në Sydney e angazhuar me spektaklin “The Voice Australia”.

Megjithatë të martën në mëngjes, ylli i muzikës pop shmangu pyetjet rreth jetës së saj private gjatë një interviste për The Kyle and Jackie O Show.

Në fund të intervistës, drejtuesi i radios Kyle Sandilands e pyeti Ritën për lidhjen e saj të re, ndërkohë që këngëtarja shqiptare u përgjigj me diplomaci duke thënë se për momentin e ka në fokus vetëm veten e saj.

Mbetet të shihet se si qëndron e vërteta rreth kësaj lidhje të shumëpërfolur, e cila ka pushtuar mediat ndërkombëtare.