Kulturë

Rinovime në teatër, por shpirtrat e aktorëve nuk gjejnë qetësi!

Published

on

Ministri i Kulturës, Hajrulla Çeku, ka promovuar investimet në infrastrukturën e teatrit “Muharrem Qena” në Mitrovicë, ndërsa përballë ka edhe një krizë të re që mund të çojë në grevë të aktorëve të Teatrit Kombëtar të Kosovës. Pas muajsh negociatash dhe kërkesash për rritje pagash, aktorët kanë paralajmëruar se, nëse kërkesat e tyre nuk plotësohen, ata do të ndërmarrin veprime sindikale drastike dhe, pas pesë ditësh, do të shpallin grevë të përgjithshme.

Aktualisht, aktorët e TKK-së kërkojnë rritje të pagave në përputhje me angazhimin dhe orët e gjata të punës që kërkon profesioni i tyre. Ata kërkojnë që pagat e tyre të reflektojnë vlerën e përgatitjes profesionale, përgjegjësinë dhe kalendarin e ngjeshur të aktiviteteve që ata zhvillojnë. Kjo ka çuar në një tension të madh mes ministrisë dhe sindikatës, që për momentin po kërkon ndërmjetësim ligjor.

Ndërkohë, ministri Çeku vazhdon promovimin e rinovimeve të teatrit dhe investimeve në infrastrukturë. Ai ka njoftuar përmbylljen e rinovimit të teatrit “Muharrem Qena” në Mitrovicë, një investim që ka për qëllim përmirësimin e kushteve për artistët dhe publikun. Sipas Çekut, ky modernizim është një shenjë e angazhimit të Qeverisë për përmirësimin e infrastrukturës kulturore dhe nderim të figurës së Muharrem Qenës, njërit ndër artistët më të shquar të Kosovës.

Megjithatë, përballë këtyre përpjekjeve, TKK-ja mund të mbyllë dyert për publikun nëse nuk zgjidhen kërkesat e aktorëve. Greva e paralajmëruar mund të dëmtojë programin dhe aktivitete të rëndësishme, përfshirë Festivali Mbarëkombëtar i Teatrit “Moisiu”, që do të mbahet këtë muaj.

Në një zhvillim të mëtejshëm, aktorët kishin shprehur pakënaqësinë e tyre edhe gjatë vitit të kaluar, pas hyrjes në fuqi të Ligjit të Pagave, ku aktorët e Teatrit Kombëtar mbetën të pakënaqur me rritjen e papërfillshme të pagave. Ata kërkojnë që koeficientët e pagave të rishikohen dhe të pasqyrojnë realitetin e punës së tyre.

Nëse greva ndodh, ajo do të dëmtojë rëndë programin e Teatrit Kombëtar dhe mund të çojë në ndërprerjen e shfaqjeve dhe aktiviteteve të tjera të planifikuara./UBTNews/

Lajmet

Rita Ora bëhet pjesë e filmit të ri fantastiko-shkencor “The Signalers”

Published

on

By

Artistja shqiptare me famë botërore, Rita Ora, do të jetë pjesë e kastit të filmit të ri fantastiko-shkencor dhe thrillerit aventuresk “The Signalers”. Sipas revistës Variety, ajo do të ndajë ekranin me aktorin Tom Hopper, i njohur për rolet në serialet “The Umbrella Academy” dhe “The Terminal List”, si dhe me aktoren e re Mila Harris, e cila po shënon ngritje në Hollywood përmes projekteve “No Exit” dhe “Mary”.

Në kastin e këtij projekti janë përfshirë gjithashtu Missi Pyle (“Galaxy Quest”) dhe Nolan North (“Uncharted”), ndërsa në role mbështetëse do të paraqiten edhe Paulina Alvarez, David Silverman dhe Wolfgang Fiegl. Filmi, i cili është projekt i kompanisë Gramercy Park Media, tashmë ka nisur xhirimet. Skenarin e ka shkruar Cate Carson, e cila ka një të kaluar si detektive dhe specialiste e inteligjencës ushtarake, ndërsa regjinë e mban Gille Klabin, i njohur për filmin “The Wave”.

Ngjarja e filmit përqendrohet te një kontrollor i trafikut ajror (Tom Hopper), i cili punon në një zonë të izoluar, dhe mbesa e tij (Mila Harris), me të cilën ka një marrëdhënie të shkëputur. Jeta e tyre merr një kthesë të pazakontë kur zbulojnë një sinjal të pashpjegueshëm në thellësi të një zone të egër në Kanada, i cili shkakton fenomene të çuditshme e të rrezikshme dhe i shtyn të nisin një udhëtim për të zbuluar origjinën e tij.

Gjatë kërkimeve, ata hasin në një grup shkencëtarësh hulumtues, rolet e të cilëve luhen nga Rita Ora dhe Missi Pyle, që po ashtu janë në gjurmët e këtij fenomeni. Megjithatë, përpjekjet e tyre i çojnë pa dashje drejt zbulimit të një force të jashtëtokësore të varrosur prej kohësh, e cila nis të zgjohet rreth tyre. /E.A/

 

Continue Reading

Lajmet

Rrëfimi për luftën e UÇK-së mbush sallat me filmin “Sakrifica”

Published

on

By

Filmi vendor “Sakrifica”, me regji të Halil dhe Merita Budakovës, po vazhdon të tërheqë vëmendje të madhe dhe fluks të lartë shikuesish në Cineplexx Prishtina, pas premierës së tij të mbajtur dy ditë më parë.

Duke trajtuar një temë të ndjeshme të historisë së Kosovës, realizimi kinematografik ka arritur të prekë publikun që nga nata e parë e shfaqjes, ku biletat u shitën me ritme të jashtëzakonshme.

“Sakrifica” sjell në ekranin e madh historinë e pesë vëllezërve, të cilët gjatë viteve 1997–1999 marrin vendimin t’i bashkohen Ushtrisë Çlirimtare të Kosovës, duke lënë pas familjen dhe gjithçka që kanë për të luftuar për lirinë e vendit.

Për shkak të kërkesave të vazhdueshme dhe interesimit të lartë për ta parë këtë histori të guximit dhe atdhedashurisë, adhuruesit e filmit ftohen t’i sigurojnë me kohë biletat përmes platformës zyrtare të Cineplexx-it ose në arkat e kinemasë në Albi Mall. /E.A/

Continue Reading

Lajmet

Orkestra Simfonike e RTSH-së mban koncert më 13 nëntor

Published

on

Orkestra Simfonike e Radio Televizionit Shqiptar do të mbajë më 13 nëntor një koncert të veçantë muzikor, nën drejtimin e dirigjentit Artan Liçaj.

Në këtë mbrëmje do të interpretojnë edhe solistët Lorenc Radovani në violinë dhe Fatma Spahiu në piano.

Programi artistik përfshin vepra të kompozitorëve Gara Garayev dhe Felix Mendelssohn Bartholdy, si dhe premierën e veprës “Echoes of Spring” nga kompozitori Shpëtim Saraçi.

Koncerti do të nisë në orën 19:00, në sallën “Ferdinand Deda”, ku publiku do të ketë mundësinë të shijojë një mbrëmje me muzikë klasike dhe interpretime artistike.

/ A.K/

Continue Reading

Lajmet

Ekspozita “Imazhe Migrues” e Bora Baboçit qëndron e hapur deri më 11 dhjetor

Published

on

Galeria Kombëtare e Kosovës QAFA ka njoftuar se ekspozita “Imazhe Migrues” e artistes Bora Baboçi do të jetë e hapur për publikun deri më 11 dhjetor 2026.

Ekspozita mund të vizitohet nga e marta deri të premten, në orarin 10:00–18:00, ndërsa të shtunën dhe të dielën nga ora 10:00 deri në 17:00.

Të gjithë të interesuarit mund ta vizitojnë ekspozitën në hapësirat e Galerisë Kombëtare të Kosovës QAFA, në Prishtinë.

/A.K/

Continue Reading

Të kërkuara