Sport

Rilind Nimani kalon te Trepça ’89

Published

on

Futbollisti i KF KEK-ut, Rilind Nimani ka kaluar te Trepça ’89. Ai përmes një shkrimi në Facebook e ka konfirmuar largimin e tij nga KF KEK-u.

“Përshëndetje, dua të t’u njoftoj se kam arritur marrëveshje dhe që tani jam pjesë e KF Trepça 89. Dua ta falënderoj klubin e fëmijërisë FC KEK-u për plot 10 vjet me shumë momente të lumtura si edhe mësime që do i mbaj tërë jetën. Falënderoj kryesinë për korrektësinë, kolektivin e trajnerëve pergjatë viteve si edhe bashkëlojtarët me të cilët kam pasur lidhje të veçanta e po ashtu edhe tifozërinë “Elektricistët”. Dhashtë Zoti të kemi shëndet dhe sukses me klubin e ri.”, ka shkruar ai në Facebook./UBTNews

Sport

Arijon Ibrahimovic konfirmon kontaktet me FFK-në, por fokusi mbetet te Gjermania

Published

on

By

Mesfushori me tipare sulmuese, Arijon Ibrahimovic, ka konfirmuar se ka pasur kontakte me Federatën e Futbollit të Kosovës (FFK), por për momentin mbetet i përqendruar te Përfaqësuesja U21 e Gjermanisë.

Futbollisti 20-vjeçar, i cili posedon edhe shtetësinë kosovare, është pyetur në një intervistë për mediat gjermane nëse ka pasur komunikim me FFK-në lidhur me mundësinë e përfaqësimit të Kosovës.

Përgjigjja e tij ishte pozitive, duke konfirmuar se kontaktet tashmë kanë ndodhur.

“Po, tashmë ka pasur kontakte me Federatën e Futbollit të Kosovës. E ndjek me shumë respekt zhvillimin pozitiv të federatës dhe futbollit kosovar. Pavarësisht kësaj, fokusi im aktualisht është te Kombëtarja U21 e Gjermanisë, për të cilën jam shumë i lumtur që luaj”, ka deklaruar Ibrahimovic.

Megjithatë, futbollisti i huazuar nga Bayern Munichu te Augsburg nuk ka dhënë ndonjë sinjal konkret për ndryshimin e mundshëm të përfaqësueses, duke bërë të qartë se aktualisht prioritet mbetet Gjermania.

Ibrahimovic është pyetur edhe nëse ka pasur ndonjë kontakt me Jürgen Kloppin, i cili së fundmi ka qenë i përfshirë në zhvillimin e futbollistëve të rinj në futbollin gjerman, por përgjigjja e tij ishte e shkurtër: “Jo, deri më tani jo”.

Konfirmimi i kontakteve me FFK-në e mban të hapur mundësinë që talenti me prejardhje kosovare të jetë një opsion për të ardhmen e Kosovës, por për momentin Ibrahimovic vazhdon të synojë suksesin me fanellën e Gjermanisë U21.

D.L

Continue Reading

Sport

Besian Kutleshi shkëlqen si kapiten, Australia mposht Argjentinën në Botërorin U17

Published

on

By

Besian Kutleshi ka udhëhequr Australinë drejt fitores në ndeshjen e parë të fazës grupore të Kupës së Botës U17, ku australianët triumfuan 2:0 ndaj Argjentinës.

Futbollisti me prejardhje shqiptare ishte kapiten i skuadrës në këtë përballje, të zhvilluar në Doha të Katarit, ndërsa luajti deri në minutën e 81-të.

Kutleshi vlerësohet si njëri prej talenteve më premtues të futbollit australian. Edhe pse zakonisht aktivizohet në disa pozita në repartin defensiv, në përballjen ndaj Argjentinës u paraqit në mesfushë.

Në nivelin e seniorëve, Kutleshi ka të drejtë të përfaqësojë Kosovën ose Shqipërinë.

Ai kishte bërë histori në gusht të vitit 2024, kur u bë futbollisti më i ri që debutoi për ekipin e parë të Western Unitedit. Kontratën e parë profesionale e kishte nënshkruar në moshën 15-vjeçare.

Ndërkohë, si 16-vjeçar, ai luajti edhe në Ligën e Kampionëve të Azisë me Melbourne Cityn, klubin ku aktivizohet aktualisht.

Pas ndeshjeve të para, Australia dhe Mozambiku kryesojnë grupin me nga tri pikë. Mozambiku e nisi garën me fitore bindëse 4:0 ndaj Danimarkës.

D.L

Continue Reading

Sport

Superliga rikthehet me xhiron e 14-të

Published

on

By

Me përballjen ndërmjet Prishtinës dhe Drenicës hapet xhiroja e 14-të e Superligës së Kosovës në futboll.

Ndeshja zhvillohet sot, nga ora 17:00, në stadiumin “Fadil Vokrri” në Prishtinë, ku bardhekaltrit rikthehen pas një kohe të gjatë, për shkak të angazhimeve të Përfaqësueses së Kosovës në Ligën e Kombeve.

Prishtina e pret këtë xhiro nga pozita e lideres, me 32 pikë të grumbulluara pas 13 ndeshjesh, ndërsa Drenica renditet e teta me 12 pikë.

Të shtunën zhvillohen tri përballje të tjera. Nga ora 13:00, Malisheva, që zë vendin e dytë me 27 pikë, e pret Dukagjinin në stadiumin “Liman Gegaj”. Në të njëjtën kohë, Llapi përballet me Vushtrrinë në stadiumin “Zahir Pajaziti” në Podujevë.

Xhiroja e 14-të mbyllet me dy ndeshjet e së dielës. Ballkani e pret Gjilanin në Suharekë, nga ora 13:00, ndërsa Drita përballet me Feronikelin 74, në Gjilan, nga ora 15:00.

Kampionia në fuqi, Drita, renditet e treta me 24 pikë, dy më shumë se Gjilani, që ndodhet në pozitën e katërt. Ballkani është i pesti me 19 pikë, ndërsa Dukagjini renditet i gjashti me 18 pikë.

Në pjesën e poshtme të tabelës, Feronikeli 74 zë vendin e shtatë me 15 pikë, Drenica është e teta me 12, Llapi i nënti me tetë, ndërsa Vushtrria mbetet në fund të tabelës me vetëm tri pikë.

D.L

Continue Reading

Lajmet

Fati i Lojërave Mesdhetare “Prishtina 2030” në pikëpyetje

Published

on

By

Komiteti Ndërkombëtar i Lojërave Mesdhetare (ICMG) nuk ka dhënë një përgjigje të qartë nëse Kosova ende mund ta ruajë të drejtën për organizimin e Lojërave Mesdhetare “Prishtina 2030”, në një kohë kur shqetësimet për vonesat në përgatitje dhe përmbushjen e obligimeve po shtohen. Në një përgjigje të shkurtër dërguar të enjten në mbrëmje për KosovaPress-in, Sekretariati i ICMG-së ka shmangur sqarimet se a është ende e mundur realizimi i zotimeve apo nëse procesi ka kaluar pikën e kthimit, duke e orientuar median që për informata të mëtejshme t’i drejtohet Komitetit Organizativ të Lojërave Mesdhetare Prishtina 2030 (OCMG).

Kjo paqartësi ndërkombëtare vjen paralelisht me një përplasje të hapur institucionale brenda vendit, ku faji për rrezikimin e kësaj ngjarjeje sportive po hidhet nga njëri institucion te tjetri. Një ditë më parë në Kuvendin e Kosovës, kryeministri Albin Kurti deklaroi se mungesa e unitetit të brendshëm po e rrezikon organizimin e Lojërave, duke e vlerësuar si të mirë bashkëpunimin me Komitetin Olimpik të Kosovës, por duke kritikuar raportet me Komunën e Prishtinës, teksa shtoi se mbetet optimist i përmbajtur se procesi do të çohet përpara pa korrupsion.

Ndaj këtyre deklaratave reagoi ashpër kryetari i Prishtinës, Përparim Rama, i cili ia atribuoi Qeverisë përgjegjësinë e plotë për dështimin dhe anulimin e takimit të paraparë me përfaqësuesit e ICMG-së në Athinë. Përmes një reagimi publik, Rama theksoi se komunikimi i fundit i ICMG-së konfirmon se takimi është anuluar për tri arsye që binin mbi ekzekutivin: moskryerja e pagesës, mosdërgimi i emrave të delegacionit dhe mungesa e përgjigjeve në postat elektronike.

Këto akuza të ndërsjella pasojnë paralajmërimet serioze që ICMG-ja i kishte dërguar palës kosovare në letrën e 15 tetorit, ku evidentoheshin rreziqet nga mungesa e garancisë bankare ose të sigurimit, pagesat e papërfunduara dhe moskthimi i përgjigjeve. Të gjitha këto zhvillime pritet të marrin një drejtim më të qartë më 19 dhjetor, kur Komiteti Ekzekutiv i ICMG-së do të shqyrtojë gjendjen aktuale dhe propozimin për thirrjen e një Asambleje të Jashtëzakonshme që do të vendosë për fatin e “Prishtina 2030”, ngjarje kjo e fituar nga Kosova në shtator të vitit 2023 dhe e paraparë të mbahet nga 24 korriku deri më 4 gusht 2030 në disa komuna të Kosovës dhe në Durrës. /Kosova Press/

 

Continue Reading

Të kërkuara